1 Pethimbo ndiyaka Aafilisti oya hiya omatanga gawo, ya ka hingile Israel iita. Akish okwa ti kuDavid: “Shu uva ko nawa kutya ngoye naantu yoye ou na okukondja wa gama kungame.”
2 David okwa yamukula a ti: “Eewa ngame omupiya gwoye, noto ki imonena ko, nkene te ningi.”
Akish okwa ti: “Onawa, otandi ke ku ninga omulangeli gwandje.”
Saul ta yi konganga
3 Samuel okwa adhika a sa, nAaisraeli oya li ye mu lila oosa noku mu fumvika momukunda gwe muRama. Saul okwa li a tidha mo oonganga noompulile adhihe moshilongo shaIsrael.
4 Omatanga gAafilisti oga gongala nokuyunga oontanda popepi noshilando Shunem; Saul okwa gongele Aaisraeli e taa yungu ontanda kondundu Gilboa. 5 Saul sho a tala omatanga gAafilisti, okwa haluka. 6 Okwa pula Omuwa shoka e na okuninga. Ihe Omuwa ine mu yamukula nando, hamondjodhi nenge mokulongitha Urim na Tummim nenge kaahunganeki. 7 Nena Saul okwa lombwele aambala ye: “Kongelii ndje omukulukadhi e na ombepo yuumpulile, notandi ka ya kuye, ndi ke mu pule.”
Oya yamukula ya ti: “Oku na gumwe e li muEndor.”
8 Saul okwi idhimbike ye mwene; okwa zala oonguwo dhilwe dhi ili nokwa yi naapiya ye yaali uusiku, ya ka konge omukulukadhi. Sho ye ya kuye, Saul okwa ti kuye: “Pulila ndje aathithi, u lombwele ndje shoka tashi ka ningwa. Ithanena ndje aathithi yomuntu ngoka tandi ku lombwele edhina lye.”
9 Omukulukadhi okwa yamukula a ti: “Ndishi ou shi shi naanaa shoka omukwaniilwa Saul a ningi, nkene a tidha mo oonganga noompulile muIsrael. Omolwashike to kambadhala okutega ndje, u dhipagithe ndje?”
10 Nena Saul okwa gana egano eyapuki a ti kuye: “Otandi uvaneke kuKalunga omunamwenyo kutya ito ka geelelwa iilonga mbika.”
11 Omukulukadhi okwa pula a ti:
“Otandi ku ithanene lye?”
Saul okwa yamukula a ti: “OSamuel.”
12 Omukulukadhi sho a mono Samuel, okwi igidha a ti kuSaul: “Omolwashike wa kotokele ndje? Nani ongweye omukwaniilwa Saul!”
13 Omukwaniilwa okwa ti kuye: “Ino tila! Ou wete shike?” Omukulukadhi okwa yamukula: “Ondi wete oshihehelela tashi zi mevi.” 14 Saul okwa pula a ti: “Osha tya ngiini?” Omukulukadhi okwa yamukula: “Omusamane a kulupa ta hololoka mo. Okwa zala elwaakani ele.”
Nena Saul okwa tseya kutya oSamuel, nokwa isizimike pevi, e mu simaneke.
15 Samuel okwa ti kuSaul: “Omolwashike to kudhile ndje, sho to hololokitha ndje mo?”
Saul okwa yamukula: “Ondi li miihuna iinene! Aafilisti otaa hingile ndje iita, naKalunga okwe etha ndje. Ita yamukula ndje we, hakaahunganeki nenge wo tuu moondjodhi. Onkee nde ku ithana, u lombwele ndje shoka ndi na okuninga.”
16 Samuel okwa ti: “Omolwashike to ithana ndje, nando Omuwa okwe ku thigi po e ta ningi omutondi gwoye? 17 Omuwa okwe ku ningile shoka e ku lombwele mokana kandje: okwe ku kutha uukwaniilwa nokwe u pa mukweni David. 18 Ngoye ino vulika koshipango shOmuwa noino yona po Aayamaleki thiluthilu naashoka ye na. Omolwashoka Omuwa te ku ningile ngaaka ngashingeyi. 19 Ote ke ku gandja nAaisraeli miikaha yAafilisti. Ngula yanakwasha ngoye naamwoye ngaandyoka omu li mpaka pungame, nOmuwa ota ka gandja wo omatanga gAaisraeli miikaha yAafilisti.”
20 Ohaluka Saul okwi idhenge pevi a lala a kangawala a halukila shoka a lombwelwa kuSamuel. Okwa li ta yi etelele, oshoka ina makela sha esiku ndyoka alihe omutenya nuusiku. 21 Omukulukadhi okwa yi kuye nokwa mono kutya okwa haluka. Okwa ti kuye: “Ombili, tatekulu, onda hupula omwenyo gwandje, sho nda ningi shoka wa pula ndje. 22 Ngashingeyi kwatha ndje, u ninge shoka tandi pula. Nandi ku telekele oshithima. Oto pumbwa okumakela sha, opo u vule okweenda.”
23 Saul okwa tindi nokwa ti kutya ye ita li sha. Ihe aambala ye wo oye mu thiminike, a lye. Hugunina okwa pitika, a yambuka po pevi e ta kuutumba kombete. 24 Omukulukadhi okwa dhipaga mbalambala okatana nkoka a adhika e ka ondodha. Nena okwa kutha uusila womunziya, e u lungu e te u ningi oshikwiila shaa na efulika. 25 Okwa tenteke iikulya komeho gaSaul naambala ye, noye yi li po. Oyo noya yi uusiku tuu mboka.
1 Pethimbo ndiyaka Aafilisti oya hiya omatanga gawo, ya ka hingile Israel iita. Akish okwa ti kuDavid: “Shu uva ko nawa kutya ngoye naantu yoye ou na okukondja wa gama kungame.”
2 David okwa yamukula a ti: “Eewa ngame omupiya gwoye, noto ki imonena ko, nkene te ningi.”
Akish okwa ti: “Onawa, otandi ke ku ninga omulangeli gwandje.”
Saul ta yi konganga
3 Samuel okwa adhika a sa, nAaisraeli oya li ye mu lila oosa noku mu fumvika momukunda gwe muRama. Saul okwa li a tidha mo oonganga noompulile adhihe moshilongo shaIsrael.
4 Omatanga gAafilisti oga gongala nokuyunga oontanda popepi noshilando Shunem; Saul okwa gongele Aaisraeli e taa yungu ontanda kondundu Gilboa. 5 Saul sho a tala omatanga gAafilisti, okwa haluka. 6 Okwa pula Omuwa shoka e na okuninga. Ihe Omuwa ine mu yamukula nando, hamondjodhi nenge mokulongitha Urim na Tummim nenge kaahunganeki. 7 Nena Saul okwa lombwele aambala ye: “Kongelii ndje omukulukadhi e na ombepo yuumpulile, notandi ka ya kuye, ndi ke mu pule.”
Oya yamukula ya ti: “Oku na gumwe e li muEndor.”
8 Saul okwi idhimbike ye mwene; okwa zala oonguwo dhilwe dhi ili nokwa yi naapiya ye yaali uusiku, ya ka konge omukulukadhi. Sho ye ya kuye, Saul okwa ti kuye: “Pulila ndje aathithi, u lombwele ndje shoka tashi ka ningwa. Ithanena ndje aathithi yomuntu ngoka tandi ku lombwele edhina lye.”
9 Omukulukadhi okwa yamukula a ti: “Ndishi ou shi shi naanaa shoka omukwaniilwa Saul a ningi, nkene a tidha mo oonganga noompulile muIsrael. Omolwashike to kambadhala okutega ndje, u dhipagithe ndje?”
10 Nena Saul okwa gana egano eyapuki a ti kuye: “Otandi uvaneke kuKalunga omunamwenyo kutya ito ka geelelwa iilonga mbika.”
11 Omukulukadhi okwa pula a ti:
“Otandi ku ithanene lye?”
Saul okwa yamukula a ti: “OSamuel.”
12 Omukulukadhi sho a mono Samuel, okwi igidha a ti kuSaul: “Omolwashike wa kotokele ndje? Nani ongweye omukwaniilwa Saul!”
13 Omukwaniilwa okwa ti kuye: “Ino tila! Ou wete shike?” Omukulukadhi okwa yamukula: “Ondi wete oshihehelela tashi zi mevi.” 14 Saul okwa pula a ti: “Osha tya ngiini?” Omukulukadhi okwa yamukula: “Omusamane a kulupa ta hololoka mo. Okwa zala elwaakani ele.”
Nena Saul okwa tseya kutya oSamuel, nokwa isizimike pevi, e mu simaneke.
15 Samuel okwa ti kuSaul: “Omolwashike to kudhile ndje, sho to hololokitha ndje mo?”
Saul okwa yamukula: “Ondi li miihuna iinene! Aafilisti otaa hingile ndje iita, naKalunga okwe etha ndje. Ita yamukula ndje we, hakaahunganeki nenge wo tuu moondjodhi. Onkee nde ku ithana, u lombwele ndje shoka ndi na okuninga.”
16 Samuel okwa ti: “Omolwashike to ithana ndje, nando Omuwa okwe ku thigi po e ta ningi omutondi gwoye? 17 Omuwa okwe ku ningile shoka e ku lombwele mokana kandje: okwe ku kutha uukwaniilwa nokwe u pa mukweni David. 18 Ngoye ino vulika koshipango shOmuwa noino yona po Aayamaleki thiluthilu naashoka ye na. Omolwashoka Omuwa te ku ningile ngaaka ngashingeyi. 19 Ote ke ku gandja nAaisraeli miikaha yAafilisti. Ngula yanakwasha ngoye naamwoye ngaandyoka omu li mpaka pungame, nOmuwa ota ka gandja wo omatanga gAaisraeli miikaha yAafilisti.”
20 Ohaluka Saul okwi idhenge pevi a lala a kangawala a halukila shoka a lombwelwa kuSamuel. Okwa li ta yi etelele, oshoka ina makela sha esiku ndyoka alihe omutenya nuusiku. 21 Omukulukadhi okwa yi kuye nokwa mono kutya okwa haluka. Okwa ti kuye: “Ombili, tatekulu, onda hupula omwenyo gwandje, sho nda ningi shoka wa pula ndje. 22 Ngashingeyi kwatha ndje, u ninge shoka tandi pula. Nandi ku telekele oshithima. Oto pumbwa okumakela sha, opo u vule okweenda.”
23 Saul okwa tindi nokwa ti kutya ye ita li sha. Ihe aambala ye wo oye mu thiminike, a lye. Hugunina okwa pitika, a yambuka po pevi e ta kuutumba kombete. 24 Omukulukadhi okwa dhipaga mbalambala okatana nkoka a adhika e ka ondodha. Nena okwa kutha uusila womunziya, e u lungu e te u ningi oshikwiila shaa na efulika. 25 Okwa tenteke iikulya komeho gaSaul naambala ye, noye yi li po. Oyo noya yi uusiku tuu mboka.
