David ta hupitha omwenyo gwaSaul
1 Saul sho a galuka kolugodhi okukondjitha Aafilisti, okwa li a lombwelwa kutya David oku li mombuga popepi naEngedi. 2 Saul okwa kutha aakwiita aapyokoki yomuIsrael omayuvi gatatu nokwa yi, a ka konge David naantu ye kuuzilo wOmamanya goomenye. 3 Okwe ya kekololo popepi niigunda yoonzi pondjila nokwa hiti mo, a ka hundame. Nani kosindo yekololo ndyoka oko kwa li kwa holama David naantu ye. 4 Oya ti kuye: “Opo mpoka ihe! Omuwa okwe ku lombwele kutya ota tula omutondi gwoye miikaha yoye noto vulu oku mu ninga shoka wa hala nena.” David okwa nyootoka ta yi kuSaul e ta tete okalapi monguwo ye, manga Saul kee shi po sha. 5 Ihe opo tuu mpoka eiyuvo lyaDavid olye mu tamaneke 6 nokwa ti kaantu ye: “Omuwa na gamene ndje, ndaa ningile mwene gwandje uuwinayi washa; oye tuu ngoka Omuwa e mu hogolola omukwaniilwa!” 7 Osho ngeyi David a tompo aantu ye, yaa ponokele Saul.
Saul okwa thikama po, a zi mekololo e ta tsikile ondjila ye. 8 Nena David okwa piti mo e mu landula e te mu igidha ta ti: “Nkeyama!” Saul sho a punguluka, David okwa nyongameke omutse gwe pevi te mu simaneke 9 e ta ti: “Omolwashike to pulakene aantu mboka taa ti kutya otandi kambadhala oku ku dhipaga? 10 Oto vulu oku shi imonena ko kutya mekololo Omuwa opo a li e ku gandja miikaha yandje. Aantu yandje yamwe oya lombwele ndje, ndi ku dhipage, ihe onde ku sile ohenda. Onda dhiladhila kutya itandi ku ehameke nando okashona, oshoka ngoye owa hogololwa kOmuwa, u ninge omukwaniilwa. 11 Tate, tala utale okalapi nkaka komonguwo yoye ndi ka na. Onda li te vulu oku ku dhipaga, ihe onda tete ko ashike okalapi nkaka. Ku wete kutya inandi dhiladhila okutsa ondumbo nangoye nenge oku ku dhipaga? Ongoye to kongo ndje, u dhipage ndje, nando inandi yona sha kungoye. 12 Omuwa na tokole kutya olye gwomutse a puka. Omuwa ne ku geelele iilonga yoye yokukondjitha ndje, oshoka ngaye itandi ke ku ningila uuwinayi nando owasha. 13 Owa tseya aakulu yonale taa ti: ‘Uuwinayi ohau ningwa ashike kaantu aawinayi.’ Ano ngame itandi ku dhipaga nando. 14 Omukwaniilwa gwaIsrael ota kambadhala okudhipaga shike? Ota tidha shike? Ombwa ya sa, ona yowala! 15 Omuwa ota ka tokola e tu utha kutya olye gwomutse a puka. Oye na tale nawa oshinima shandje, na popile ndje nokuhupitha ndje miikaha yoye.”
16 David sho a mana okupopya, Saul okwa ti: “Ongoye lela shili mumwandje David?” Oye nokwa tameke okulila. 17 Nena okwa ti kuDavid: “Ou li mondjila, ngame onda puka. Owa ningi ndje nawa, manga nde ku dhiladhilile uuwinayi. 18 Nena ndjika owa hololele ndje uuwanawa, oshoka ino dhipaga ndje, nando Omuwa okwa gandja ndje miikaha yoye. 19 Oshoka omuntu ngele ti itsu omutondi gwe, ihe mu hunutha we ngaaka. Omuwa ne ku yambekele uuwanawa mboka wa ningile ndje nena. 20 Ngashingeyi ondi shi shi nawa kutya oto ka ninga omukwaniilwa gwaIsrael, nuukwaniilwa mboka otau ka kalelela melelo lyoye. 21 Ihe uvanekela ndje medhina lyOmuwa kutya oto ka hupitha oluvalo lwandje, opo edhina lyandje nedha lyezimo lyandje lyaa dhimbiwe po thiluthilu.” 22 David oku uvaneke kutya ote ke shi ninga.
Nena Saul okwa shuna kegumbo, ndele David naantu ye oya shuna koshiholameno shawo.
David ta hupitha omwenyo gwaSaul
1 Saul sho a galuka kolugodhi okukondjitha Aafilisti, okwa li a lombwelwa kutya David oku li mombuga popepi naEngedi. 2 Saul okwa kutha aakwiita aapyokoki yomuIsrael omayuvi gatatu nokwa yi, a ka konge David naantu ye kuuzilo wOmamanya goomenye. 3 Okwe ya kekololo popepi niigunda yoonzi pondjila nokwa hiti mo, a ka hundame. Nani kosindo yekololo ndyoka oko kwa li kwa holama David naantu ye. 4 Oya ti kuye: “Opo mpoka ihe! Omuwa okwe ku lombwele kutya ota tula omutondi gwoye miikaha yoye noto vulu oku mu ninga shoka wa hala nena.” David okwa nyootoka ta yi kuSaul e ta tete okalapi monguwo ye, manga Saul kee shi po sha. 5 Ihe opo tuu mpoka eiyuvo lyaDavid olye mu tamaneke 6 nokwa ti kaantu ye: “Omuwa na gamene ndje, ndaa ningile mwene gwandje uuwinayi washa; oye tuu ngoka Omuwa e mu hogolola omukwaniilwa!” 7 Osho ngeyi David a tompo aantu ye, yaa ponokele Saul.
Saul okwa thikama po, a zi mekololo e ta tsikile ondjila ye. 8 Nena David okwa piti mo e mu landula e te mu igidha ta ti: “Nkeyama!” Saul sho a punguluka, David okwa nyongameke omutse gwe pevi te mu simaneke 9 e ta ti: “Omolwashike to pulakene aantu mboka taa ti kutya otandi kambadhala oku ku dhipaga? 10 Oto vulu oku shi imonena ko kutya mekololo Omuwa opo a li e ku gandja miikaha yandje. Aantu yandje yamwe oya lombwele ndje, ndi ku dhipage, ihe onde ku sile ohenda. Onda dhiladhila kutya itandi ku ehameke nando okashona, oshoka ngoye owa hogololwa kOmuwa, u ninge omukwaniilwa. 11 Tate, tala utale okalapi nkaka komonguwo yoye ndi ka na. Onda li te vulu oku ku dhipaga, ihe onda tete ko ashike okalapi nkaka. Ku wete kutya inandi dhiladhila okutsa ondumbo nangoye nenge oku ku dhipaga? Ongoye to kongo ndje, u dhipage ndje, nando inandi yona sha kungoye. 12 Omuwa na tokole kutya olye gwomutse a puka. Omuwa ne ku geelele iilonga yoye yokukondjitha ndje, oshoka ngaye itandi ke ku ningila uuwinayi nando owasha. 13 Owa tseya aakulu yonale taa ti: ‘Uuwinayi ohau ningwa ashike kaantu aawinayi.’ Ano ngame itandi ku dhipaga nando. 14 Omukwaniilwa gwaIsrael ota kambadhala okudhipaga shike? Ota tidha shike? Ombwa ya sa, ona yowala! 15 Omuwa ota ka tokola e tu utha kutya olye gwomutse a puka. Oye na tale nawa oshinima shandje, na popile ndje nokuhupitha ndje miikaha yoye.”
16 David sho a mana okupopya, Saul okwa ti: “Ongoye lela shili mumwandje David?” Oye nokwa tameke okulila. 17 Nena okwa ti kuDavid: “Ou li mondjila, ngame onda puka. Owa ningi ndje nawa, manga nde ku dhiladhilile uuwinayi. 18 Nena ndjika owa hololele ndje uuwanawa, oshoka ino dhipaga ndje, nando Omuwa okwa gandja ndje miikaha yoye. 19 Oshoka omuntu ngele ti itsu omutondi gwe, ihe mu hunutha we ngaaka. Omuwa ne ku yambekele uuwanawa mboka wa ningile ndje nena. 20 Ngashingeyi ondi shi shi nawa kutya oto ka ninga omukwaniilwa gwaIsrael, nuukwaniilwa mboka otau ka kalelela melelo lyoye. 21 Ihe uvanekela ndje medhina lyOmuwa kutya oto ka hupitha oluvalo lwandje, opo edhina lyandje nedha lyezimo lyandje lyaa dhimbiwe po thiluthilu.” 22 David oku uvaneke kutya ote ke shi ninga.
Nena Saul okwa shuna kegumbo, ndele David naantu ye oya shuna koshiholameno shawo.
