Aayambi taa dhipagwa
1 David okwa zi moshilando Gat e ta yi ontuku popepi noshilando Adullam. Aamwayina naantu yalwe yezimo lye sho ye shi uvu, oye ya kuye. 2 KuDavid okwe ya aantu aathiminikwa, aanangunga naayemati, aalumentu konyala omathele gane, nokwa ningi omuwiliki gwawo.
3 David okwa zi nkoka nokwa yi kuMispa muMoab e ta ti komukwaniilwa gwaMoab: “Kwatha ndje, ndi ithane tate nameme, ye ye ya kale nangoye, sigo te mono shoka Kalunga ta ningile ndje.” 4 David okwa fala aakuluntu ye komukwaniilwa gwaMoab, oyo noya kala nkoka ethimbo alihe David a li a holama mekololo.
5 Nena omuhunganeki Gad okwe ya kuDavid e ta ti: “Ino kala mpaka; inda kevi lyaJuda.” David nokwa zi nkoka e ta yi kokuti kwaHeret.
6 Esiku limwe Saul okwa li muGibea a kuutumba komulondo momuti omutamarisk e na egonga lye peke. Aambala ye ayehe oya thikama ye mu kunduka. Okwa li a lombwelwa kutya David naantu ye oya monika. 7 Saul okwa ti kaambala ye: “Pulakeneni, ne Aabenjamin! Otamu dhiladhila tuu kutya David ota ka gandja kune amuhe omapya niitsambe yomiviinu note mu ningi aaniihako yetangakwiita lye? 8 Kape na nando ogumwe gwomune a lombwela ndje kutya omumwandje okwa hangana naDavid. Kape na nando oongoka e na nangame nenge a lombwele ndje kutya David, gumwe gwomaantu yandje, oku li po ta kongo ompito yokudhipaga ndje, nomumwandje ote mu tsu omukumo!”
9 Doeg okwa li a thikama pamwe naaniihako yaSaul nokwa ti: “Onda mwene David, sho a yile kuAhimelek yaAhitub muNob. 10 Ahimelek okwa pula Omuwa kutya David oku na okuninga shike, nokwe mu pe iikulya negongamwele lyOmufilisti Goliat.”
11 Omukwaniilwa Saul okwa tumu omuyambi Ahimelek, a ka talwe nezimo lye alihe lyaamboka ya li aayambi muNob, noye ya kuye.
12 Saul okwa ti kuAhimelek: “Ahimelek, pulakena!”
Okwa yamukula: “Eewa, tatekulu.”
13 Saul okwe mu pula: “Omolwashike ne naDavid mwa ninga ndje iineya? Omolwashike we mu pe iikulya negongamwele e to mu pulile omayele kuKalunga? Ngashingeyi okwa pilukila ndje nota kongo ompito okudhipaga ndje.”
14 Ahimelek okwa yamukula: “David omwiinekelwalela maambala yoye. Oye oshitenya shoye nondjayi yetanga yoku ku tonatela nokwa simanekwa unene kushaa ngoka gwomuuwa. 15 Eeno, onda pula ehalo lyaKalunga molwe, nohasho shotango nda ningi. Ngele iineya kungoye, Nkeyama, ino pa ndje uusama nenge gulwe mezimo lyandje. Inandi tseya nando osha miinima ya tya ngaaka.”
16 Omukwaniilwa okwa ti: “Ahimelek, ou na okusa nezimo lyoye alihe.” 17 Nena okwa ti kaatonateli mboka ya li ya thikama puye: “Dhipageni aayambi yOmuwa! Oya hangana naDavid noinaa lombwela ndje kutya a yi ontuku, nando oye shi shi nale nokuli.” Ihe aatonateli oya tindi okudhipaga aayambi yOmuwa. 18 Opo mpoka Saul okwa ti kuDoeg: “Ya dhipaga!” Doeg okwe ya dhipaga ayehe. Esiku ndyoka okwa dhipaga aayambi omilongo hetatu nayatano, mboka haa zala omapepenguwo. 19 MuNob, oshilando shaayambi, Saul okwa dhipagitha aakalimo ayehe: aalumentu naakiintu, aanona nuuhanona, osho wo iimuna, uusino noonzi — ayihe oya dhipagwa.
20 Ihe Abiatar, gumwe gwomaana yaAhimelek, okwa yi ontuku kuDavid. 21 Okwe mu hokololele, nkene Saul a dhipaga aayambi yOmuwa. 22 David okwa ti kuye: “Sho nda mono Doeg mpeyaka esiku ndiyaka, onda li nda tseya nokuli kutya ote ke shi lombwela Saul. Onkee ongame nde eta omupya gweso kezimo lyeni alihe. 23 Kala pungame, ino tila. Saul okwa hala, e tu dhipage atuhe tse nangoye, ihe pungame oto kala waa na nando ombudhi.”
Aayambi taa dhipagwa
1 David okwa zi moshilando Gat e ta yi ontuku popepi noshilando Adullam. Aamwayina naantu yalwe yezimo lye sho ye shi uvu, oye ya kuye. 2 KuDavid okwe ya aantu aathiminikwa, aanangunga naayemati, aalumentu konyala omathele gane, nokwa ningi omuwiliki gwawo.
3 David okwa zi nkoka nokwa yi kuMispa muMoab e ta ti komukwaniilwa gwaMoab: “Kwatha ndje, ndi ithane tate nameme, ye ye ya kale nangoye, sigo te mono shoka Kalunga ta ningile ndje.” 4 David okwa fala aakuluntu ye komukwaniilwa gwaMoab, oyo noya kala nkoka ethimbo alihe David a li a holama mekololo.
5 Nena omuhunganeki Gad okwe ya kuDavid e ta ti: “Ino kala mpaka; inda kevi lyaJuda.” David nokwa zi nkoka e ta yi kokuti kwaHeret.
6 Esiku limwe Saul okwa li muGibea a kuutumba komulondo momuti omutamarisk e na egonga lye peke. Aambala ye ayehe oya thikama ye mu kunduka. Okwa li a lombwelwa kutya David naantu ye oya monika. 7 Saul okwa ti kaambala ye: “Pulakeneni, ne Aabenjamin! Otamu dhiladhila tuu kutya David ota ka gandja kune amuhe omapya niitsambe yomiviinu note mu ningi aaniihako yetangakwiita lye? 8 Kape na nando ogumwe gwomune a lombwela ndje kutya omumwandje okwa hangana naDavid. Kape na nando oongoka e na nangame nenge a lombwele ndje kutya David, gumwe gwomaantu yandje, oku li po ta kongo ompito yokudhipaga ndje, nomumwandje ote mu tsu omukumo!”
9 Doeg okwa li a thikama pamwe naaniihako yaSaul nokwa ti: “Onda mwene David, sho a yile kuAhimelek yaAhitub muNob. 10 Ahimelek okwa pula Omuwa kutya David oku na okuninga shike, nokwe mu pe iikulya negongamwele lyOmufilisti Goliat.”
11 Omukwaniilwa Saul okwa tumu omuyambi Ahimelek, a ka talwe nezimo lye alihe lyaamboka ya li aayambi muNob, noye ya kuye.
12 Saul okwa ti kuAhimelek: “Ahimelek, pulakena!”
Okwa yamukula: “Eewa, tatekulu.”
13 Saul okwe mu pula: “Omolwashike ne naDavid mwa ninga ndje iineya? Omolwashike we mu pe iikulya negongamwele e to mu pulile omayele kuKalunga? Ngashingeyi okwa pilukila ndje nota kongo ompito okudhipaga ndje.”
14 Ahimelek okwa yamukula: “David omwiinekelwalela maambala yoye. Oye oshitenya shoye nondjayi yetanga yoku ku tonatela nokwa simanekwa unene kushaa ngoka gwomuuwa. 15 Eeno, onda pula ehalo lyaKalunga molwe, nohasho shotango nda ningi. Ngele iineya kungoye, Nkeyama, ino pa ndje uusama nenge gulwe mezimo lyandje. Inandi tseya nando osha miinima ya tya ngaaka.”
16 Omukwaniilwa okwa ti: “Ahimelek, ou na okusa nezimo lyoye alihe.” 17 Nena okwa ti kaatonateli mboka ya li ya thikama puye: “Dhipageni aayambi yOmuwa! Oya hangana naDavid noinaa lombwela ndje kutya a yi ontuku, nando oye shi shi nale nokuli.” Ihe aatonateli oya tindi okudhipaga aayambi yOmuwa. 18 Opo mpoka Saul okwa ti kuDoeg: “Ya dhipaga!” Doeg okwe ya dhipaga ayehe. Esiku ndyoka okwa dhipaga aayambi omilongo hetatu nayatano, mboka haa zala omapepenguwo. 19 MuNob, oshilando shaayambi, Saul okwa dhipagitha aakalimo ayehe: aalumentu naakiintu, aanona nuuhanona, osho wo iimuna, uusino noonzi — ayihe oya dhipagwa.
20 Ihe Abiatar, gumwe gwomaana yaAhimelek, okwa yi ontuku kuDavid. 21 Okwe mu hokololele, nkene Saul a dhipaga aayambi yOmuwa. 22 David okwa ti kuye: “Sho nda mono Doeg mpeyaka esiku ndiyaka, onda li nda tseya nokuli kutya ote ke shi lombwela Saul. Onkee ongame nde eta omupya gweso kezimo lyeni alihe. 23 Kala pungame, ino tila. Saul okwa hala, e tu dhipage atuhe tse nangoye, ihe pungame oto kala waa na nando ombudhi.”
