David ta yi Saul ontuku
1 David okwa yi komuyambi Ahimelek muNob. Ahimelek okwe ya oku mu tsakaneka ta kakama e ta pula: “Omolwashike we ya ongoye awike; ku li nando onomuntu?” 2 David okwa yamukula: “Ondi li miilonga yambala. Omukwaniilwa okwa lombwele ndje, ndaa tseyithile nando olye shoka a tumine ndje. Naantu yandje onde ya lombwele, ya tsakaneke ndje peha lyontumba. 3 Ou na po sha shokulya? Pe ndje iikwiila itano nenge sha shilwe shoka u na.”
4 Omuyambi okwa ti: “Kandi na iikwiila yilwe, oombika iiyapuki ayike; oto vulu oku yi taamba, ngele aantu yoye opwa piti elala inaa gumathana naakiintu.”
5 David okwa yamukula: “Aawe, inaye shi ninga. Aantu yandje ohaa idhiginine yo yene, ya kale aayogoki pamisindilo, shampa tatu yi kolweendo; unene tuu ngashingeyi, sho tu li molweendo nduka lwa sheywa!”
6 Omuyambi okwa pe David iikwiila iiyapuki; okwa li kee na iikwiila yilwe, oombika ayike ya adhika ya kuthwa po koshitaafula oshiyapuki, sho ya pingenithwa niikwiila iipe.
7 (Omukuluntu gwaasita yaSaul, Omuedomi Doeg, oko a li nkoka esiku ndyoka, oshoka okwa li e na okugwanitha oshinakugwanithwa she shelongelokalunga.)
8 David okwa ti kuAhimelek: “Ou na po egonga nenge egongamwele to vulu oku li pa ndje? Omalombwelo gomukwaniilwa oge endelelitha ndje unene, onkee inandi kutha egonga lyandje nenge uutati washa.”
9 Ahimelek okwa yamukula: “Ondi na po egongamwele lyOmufilisti Goliat, ngoka wa dhipagele mesilu lyaEla; oli li konima yomapepenguwo lya gonyenwa melapi. Ngele owe li hala, li kutha po, oshoka olyo alike li li mpaka.”
David okwa ti: “Li pa ndje. Kaku na egongamwele lilwe li vule ndi.”
10 Osho ngeyi David a yi Saul ontuku nokwa yi komukwaniilwa Akish gwokuGat. 11 Aambala yaAkish oya ti komukwaniilwa gwawo: “Nguka ndishi oDavid, omukwaniilwa gwoshilongo she? Oye omulumentu ngoka a ligolelwa kaakiintu taa tembula yo taa ti: ‘Saul okwa dhipaga eyuvi, ihe David omayuvi omulongo.’ ”
12 Oohapu dhawo odha halutha David unene, nokwa tila omukwaniilwa Akish noonkondo. 13 Onkee okwi ifethitha omuyanankwengu montaneho yawo nokwa pwidhuka, sho ya kambadhala oku mu thiminika. Okwa li ta nyolagula komiyelo dhoshilando nokwa ziyithile omayeye moombenzi dhe. 14 Onkee Akish okwa ti kaambala ye: “Taleni! Omulumentu omupwidhi! Omwe mu etele shike kungame? 15 Kandi na ano aapwidhi ya gwana? Omolwashike mwe eta ishewe gumwe, a piyaganeke ndje niikungunika ye megumbo lyandje?”
David ta yi Saul ontuku
1 David okwa yi komuyambi Ahimelek muNob. Ahimelek okwe ya oku mu tsakaneka ta kakama e ta pula: “Omolwashike we ya ongoye awike; ku li nando onomuntu?” 2 David okwa yamukula: “Ondi li miilonga yambala. Omukwaniilwa okwa lombwele ndje, ndaa tseyithile nando olye shoka a tumine ndje. Naantu yandje onde ya lombwele, ya tsakaneke ndje peha lyontumba. 3 Ou na po sha shokulya? Pe ndje iikwiila itano nenge sha shilwe shoka u na.”
4 Omuyambi okwa ti: “Kandi na iikwiila yilwe, oombika iiyapuki ayike; oto vulu oku yi taamba, ngele aantu yoye opwa piti elala inaa gumathana naakiintu.”
5 David okwa yamukula: “Aawe, inaye shi ninga. Aantu yandje ohaa idhiginine yo yene, ya kale aayogoki pamisindilo, shampa tatu yi kolweendo; unene tuu ngashingeyi, sho tu li molweendo nduka lwa sheywa!”
6 Omuyambi okwa pe David iikwiila iiyapuki; okwa li kee na iikwiila yilwe, oombika ayike ya adhika ya kuthwa po koshitaafula oshiyapuki, sho ya pingenithwa niikwiila iipe.
7 (Omukuluntu gwaasita yaSaul, Omuedomi Doeg, oko a li nkoka esiku ndyoka, oshoka okwa li e na okugwanitha oshinakugwanithwa she shelongelokalunga.)
8 David okwa ti kuAhimelek: “Ou na po egonga nenge egongamwele to vulu oku li pa ndje? Omalombwelo gomukwaniilwa oge endelelitha ndje unene, onkee inandi kutha egonga lyandje nenge uutati washa.”
9 Ahimelek okwa yamukula: “Ondi na po egongamwele lyOmufilisti Goliat, ngoka wa dhipagele mesilu lyaEla; oli li konima yomapepenguwo lya gonyenwa melapi. Ngele owe li hala, li kutha po, oshoka olyo alike li li mpaka.”
David okwa ti: “Li pa ndje. Kaku na egongamwele lilwe li vule ndi.”
10 Osho ngeyi David a yi Saul ontuku nokwa yi komukwaniilwa Akish gwokuGat. 11 Aambala yaAkish oya ti komukwaniilwa gwawo: “Nguka ndishi oDavid, omukwaniilwa gwoshilongo she? Oye omulumentu ngoka a ligolelwa kaakiintu taa tembula yo taa ti: ‘Saul okwa dhipaga eyuvi, ihe David omayuvi omulongo.’ ”
12 Oohapu dhawo odha halutha David unene, nokwa tila omukwaniilwa Akish noonkondo. 13 Onkee okwi ifethitha omuyanankwengu montaneho yawo nokwa pwidhuka, sho ya kambadhala oku mu thiminika. Okwa li ta nyolagula komiyelo dhoshilando nokwa ziyithile omayeye moombenzi dhe. 14 Onkee Akish okwa ti kaambala ye: “Taleni! Omulumentu omupwidhi! Omwe mu etele shike kungame? 15 Kandi na ano aapwidhi ya gwana? Omolwashike mwe eta ishewe gumwe, a piyaganeke ndje niikungunika ye megumbo lyandje?”
