Iita yokukondjitha Aafilisti
1 Saul okwa li e na oomvula omilongo ntano, nokwa li omukwaniilwa omimvo omilongo mbali nambali. 2 Saul okwa hogolola aalumentu omayuvi gatatu. Okwa kaleke omayuvi gaali puye muMikmash nokombinga yokoondundu dhaBetel. Eyuvi limwe okwe li tumu nomwana Jonatan kuGibea, moshitopolwa shezimo lyaBenjamin. Aantu yalwe Saul okwe ya shunitha kaandjawo.
3 Jonatan okwa dhipaga ondjayi yiita yAafilisti muGeba, nAafilisti ayehe oye shi uvu. Nena Saul okwa tumu aatumwa, ya ka hike ombenda noshilongo ashihe nokuhiyila Aahebeli kiita. 4 Aaisraeli ayehe oya li ya lombwelwa kutya Saul okwa dhipaga ondjayi yiita yAafilisti, nAafilisti oya li ye ya tonde. Omolwashoka Aaisraeli oye ya kuGilgal, ya landule Saul kiita.
5 Aafilisti oya gongala, ya kondjithe Aaisraeli; oya li ye na omatembakwiita omayuvi omilongo ndatu, aakawilinkambe omayuvi gahamano naakwiita oyendjiyendji ya fa ehekevi lyomooha dhefuta. Oya yi kuMikmash, kuuzilo waBetaven, noya yungu ontanda nkoka. 6 Aaisraeli sho ya mono kutya oya li moshiponga oshinene, oya holama momakololo nokomitutu nenge pokati komamanya nenge miikweyo nomomithima. 7 Yakwawo oya taaguluka omulonga Jordan e taa yi koshitopolwa shaGad noshaGilead.
Saul okwa li natango muGilgal. Aantu mboka ya li puye, oya li taa kakama kuumbanda. 8 Omasiku gaheyali okwa tegelele Samuel, ngaashi e mu lombwelele, e shi ninge, ihe Samuel ka li e ya natango kuGilgal. Aantu oya tameke okuthiga po Saul. 9 Onkee ano okwa ti kuyo: “Etelii ndje efikilondjambo nekwatathanondjambo.” Okwa yamba efikilondjambo. 10 Samuel okwe ya, manga Saul a li pokuzimbuka. Saul okwa yi, e ke mu kunde, 11 ihe Samuel okwa ti: “Owa ningi shike?”
Saul okwa yamukula a ti: “Aantu oya li taa thigi ndje po, nangoye wo ino ya pethimbo ndyoka wa tile, nando Aafilisti oya gongala muMikmash. 12 Onda dhiladhila kutya Aafilisti otaa ka ponokela ndje muka muGilgal, manga inaandi konga ekwatathano nOmuwa. Onkee onda li ndu uvite ndi na okuyamba efikilondjambo.”
13 Nena Samuel okwa yamukula a ti: “Owa ningi nayi. Ino vulika koshipango shOmuwa Kalunga koye e shi ku pa. Ando owa li wa vulika, ando okwe ku etha noluvalo lwoye, mu lele Aaisraeli sigo aluhe. 14 Ihe ngashingeyi elelo lyoye itali ka kalelela we. Oshoka ino vulika kuye, Omuwa ote ki imonena omulumentu e mu opalela note mu ningi omuleli gwaantu ye.”
15 Samuel okwa zi muGilgal nokwa tsikile ondjila ye. Oshihupe shaantu osha landula Saul, sho a ka tsakaneka aakwiita ye. Oya zi kuGilgal yu uka kuGibea moshitopolwa shaBenjamin. Saul okwa konakona omatanga ge, konyala aalumentu ye thike pomathele gahamano. 16 Saul nomwana Jonatan naakwiita yawo oya yungu ontanda muGeba moshitopolwa shaBenjamin. Ontanda yAafilisti oya li muMikmash. 17 Montanda yAafilisti omwa zi omatanga gatatu, ga ka homone. Etanga limwe olyu uka lwokuOfra moshitopolwa shaShual, 18 ekwawo olyu uka lwokuBethoron, netitatu olyu uka kongamba pooha dholusilu lwaSeboim nombuga.
19 Pethimbo ndiyaka muIsrael kamwa li aahambudhi nando ogumwe, oshoka Aafilisti oye ya keelele okuhambula omagongamwele nomagonga. 20 (Aaisraeli oya li ye na okuya kAafilisti, opo ya upikithe iipululo, omatemo, omakuya niimwitho yawo. 21 Ofuto oya li okamaliwa kamwe okuupikitha ekuya nenge okwoopalekitha epanda nuumaliwa uyali okuupikitha oshipululo nenge etemo.) 22 Onkee ano kakele kaSaul nomwana Jonatan, mesiku lyolugodhi muIsrael kamwa li nando omukwiita e na egongamwele nenge egonga.
23 Aafilisti oya tumu etanga lyaakwiita, li popile etaulilo lyokuMikmash.
Iita yokukondjitha Aafilisti
1 Saul okwa li e na oomvula omilongo ntano, nokwa li omukwaniilwa omimvo omilongo mbali nambali. 2 Saul okwa hogolola aalumentu omayuvi gatatu. Okwa kaleke omayuvi gaali puye muMikmash nokombinga yokoondundu dhaBetel. Eyuvi limwe okwe li tumu nomwana Jonatan kuGibea, moshitopolwa shezimo lyaBenjamin. Aantu yalwe Saul okwe ya shunitha kaandjawo.
3 Jonatan okwa dhipaga ondjayi yiita yAafilisti muGeba, nAafilisti ayehe oye shi uvu. Nena Saul okwa tumu aatumwa, ya ka hike ombenda noshilongo ashihe nokuhiyila Aahebeli kiita. 4 Aaisraeli ayehe oya li ya lombwelwa kutya Saul okwa dhipaga ondjayi yiita yAafilisti, nAafilisti oya li ye ya tonde. Omolwashoka Aaisraeli oye ya kuGilgal, ya landule Saul kiita.
5 Aafilisti oya gongala, ya kondjithe Aaisraeli; oya li ye na omatembakwiita omayuvi omilongo ndatu, aakawilinkambe omayuvi gahamano naakwiita oyendjiyendji ya fa ehekevi lyomooha dhefuta. Oya yi kuMikmash, kuuzilo waBetaven, noya yungu ontanda nkoka. 6 Aaisraeli sho ya mono kutya oya li moshiponga oshinene, oya holama momakololo nokomitutu nenge pokati komamanya nenge miikweyo nomomithima. 7 Yakwawo oya taaguluka omulonga Jordan e taa yi koshitopolwa shaGad noshaGilead.
Saul okwa li natango muGilgal. Aantu mboka ya li puye, oya li taa kakama kuumbanda. 8 Omasiku gaheyali okwa tegelele Samuel, ngaashi e mu lombwelele, e shi ninge, ihe Samuel ka li e ya natango kuGilgal. Aantu oya tameke okuthiga po Saul. 9 Onkee ano okwa ti kuyo: “Etelii ndje efikilondjambo nekwatathanondjambo.” Okwa yamba efikilondjambo. 10 Samuel okwe ya, manga Saul a li pokuzimbuka. Saul okwa yi, e ke mu kunde, 11 ihe Samuel okwa ti: “Owa ningi shike?”
Saul okwa yamukula a ti: “Aantu oya li taa thigi ndje po, nangoye wo ino ya pethimbo ndyoka wa tile, nando Aafilisti oya gongala muMikmash. 12 Onda dhiladhila kutya Aafilisti otaa ka ponokela ndje muka muGilgal, manga inaandi konga ekwatathano nOmuwa. Onkee onda li ndu uvite ndi na okuyamba efikilondjambo.”
13 Nena Samuel okwa yamukula a ti: “Owa ningi nayi. Ino vulika koshipango shOmuwa Kalunga koye e shi ku pa. Ando owa li wa vulika, ando okwe ku etha noluvalo lwoye, mu lele Aaisraeli sigo aluhe. 14 Ihe ngashingeyi elelo lyoye itali ka kalelela we. Oshoka ino vulika kuye, Omuwa ote ki imonena omulumentu e mu opalela note mu ningi omuleli gwaantu ye.”
15 Samuel okwa zi muGilgal nokwa tsikile ondjila ye. Oshihupe shaantu osha landula Saul, sho a ka tsakaneka aakwiita ye. Oya zi kuGilgal yu uka kuGibea moshitopolwa shaBenjamin. Saul okwa konakona omatanga ge, konyala aalumentu ye thike pomathele gahamano. 16 Saul nomwana Jonatan naakwiita yawo oya yungu ontanda muGeba moshitopolwa shaBenjamin. Ontanda yAafilisti oya li muMikmash. 17 Montanda yAafilisti omwa zi omatanga gatatu, ga ka homone. Etanga limwe olyu uka lwokuOfra moshitopolwa shaShual, 18 ekwawo olyu uka lwokuBethoron, netitatu olyu uka kongamba pooha dholusilu lwaSeboim nombuga.
19 Pethimbo ndiyaka muIsrael kamwa li aahambudhi nando ogumwe, oshoka Aafilisti oye ya keelele okuhambula omagongamwele nomagonga. 20 (Aaisraeli oya li ye na okuya kAafilisti, opo ya upikithe iipululo, omatemo, omakuya niimwitho yawo. 21 Ofuto oya li okamaliwa kamwe okuupikitha ekuya nenge okwoopalekitha epanda nuumaliwa uyali okuupikitha oshipululo nenge etemo.) 22 Onkee ano kakele kaSaul nomwana Jonatan, mesiku lyolugodhi muIsrael kamwa li nando omukwiita e na egongamwele nenge egonga.
23 Aafilisti oya tumu etanga lyaakwiita, li popile etaulilo lyokuMikmash.
