Elaleko lyaSamuel
1 Samuel okwa lombwele Aaisraeli a ti: “Onda gwanitha shoka mwa pula ndje, ndi shi ninge. Onde mu pe omukwaniilwa, e mu lele. 2 Ngashingeyi omu mu na, e mu wilike. Ngame onda kulupa ndi na oomvi, naamwandje oya li mokati keni. Onda kala omuwiliki gweni okuza muugundjuka wandje sigo ongashingeyi. 3 Ongame nguka. Ngele onda ninga sha mepuko, tamanekii ndje nena koshipala shOmuwa noshomukwaniilwa ngoka e mu hogolola. Onda yuga po ongombe yomuntu nenge okasino ke? Onda kotokela omuntu nenge nde mu thiminika? Ope na ngoka nda taamba ombumbo ye? Ngele onda ninga sha sha tya ngaaka, otandi ka futila po shoka nda kutha po.”
4 Aantu oya yamukula ya ti: “Aawe, ino kotokela nenge u tu thiminike; ino kutha po nando osha shomuntu.”
5 Samuel okwa yamukula a ti: “Omuwa pamwe nomukwaniilwa ngoka e mu hogolola oyo oonzapo nena ndjika, sho mwa mono ndje ndaa na uusama washa.”
Oya yamukula: “Eeno, Omuwa oye onzapo yetu.”
6 Samuel okwa tsikile a ti: “Omuwa oye a hogolola Moses naAaron nokwa tembudha oohokulu muEgipiti. 7 Ngashingeyi mweneni, ndi mu tamanekele koshipala shOmuwa nondi mu dhimbuluthe iilongankondo ayihe Omuwa e yi ningi, sho e mu hupitha noohokulu. 8 Jakob negumbo lye olya tembukile kuEgipiti nAayegipiti oye ya hepeke, oohokulu oya kugu onkugo kOmuwa, e ya kwathe. Omuwa okwa tumu Moses naAaron, mboka ye ya tembudha muEgipiti noye ya eta mevi ndika. 9 Ihe aantu oya dhimbwa Omuwa Kalunga kawo, onkee okwe ya ethele miikaha yAafilisti noyomukwaniilwa gwaMoab naSisera, ondjayi yetanga lyoshilando Hazor, noye ya kondjitha e taye ya sindi. 10 Nena oya pula ekwatho kOmuwa noya ti: ‘Omuwa, otwa yono, oshoka otwe ku pilamene notwa simaneke iimenka yaBaal naAstarte. Tu mangulula momake gaatondi yetu, notatu ke ku simaneka.’ 11 Omuwa nokwe ya tumine Gideon naBarak nosho wo Jefta nohugunina ongame. Kehe gumwe gwomutse, okwe mu mangulula miikaha yaatondi yeni, nomwa kala megameno. 12 Ndele sho mwa mono Nahash, omukwaniilwa gwAayammoni, te mu matukile, omwa tindi Omuwa, a kale omukwaniilwa gweni nomwa lombwele ndje mwa ti: ‘Otwa hala omukwaniilwa, e tu pangele.’
13 “Ngashingeyi omukwaniilwa ngu mwa hogolola, oye nguka; one mwe mu pula, ngashingeyi Omuwa okwe mu mu pe. 14 Ngele ne amuhe nomukwaniilwa gweni otamu simaneke Omuwa Kalunga keni, tamu mu longele, tamu mu pulakene notamu vulika kiipango ye, nena ayihe otayi ke enda nawa. 15 Ihe ngele itamu vulika kOmuwa, ihe tamu kala aatangalali ne itamu vulika kiipango ye, ote ke mu geela kumwe nomukwaniilwa gweni. 16 Ngashingeyi ngungumaneni ano notamu ka mona iinima iinene Omuwa te ke yi ninga. 17 Ethimbo ndika lyongashingeyi olyokwenye, ihe otandi indile Omuwa, a ndundumithe omityalakato nokulokitha omvula. Shika shampa sha ningwa, otamu dhimbulula kutya ne omwa yono nayi kOmuwa, sho mwe mu pula omukwaniilwa.”
18 Samuel okwa galikana, nomesiku tuu ndyoka Omuwa okwa ndundumitha omvula noku yi lokitha. Nena aantu ayehe oya tila Omuwa naSamuel 19 noya ti kuSamuel: “Ombili, tatekulu, tu galikanena kOmuwa Kalunga koye, opo twaa se. Ngashingeyi otwa dhimbulula kutya kakele komayono getu galwe, otwa gwedha ko ndika, sho twi indile omukwaniilwa.”
20 Samuel okwa yamukula a ti: “Inamu tila. Nando omwa ningi uuwinayi u thike mpoka, inamu pilamena Omuwa, ihe mu longeleni nomutima aguhe. 21 Inamu landula iikalunga yiifundja; itayi vulu oku mu kwatha nenge oku mu hupitha, oshoka kayi shi yoshili. 22 Omuwa oku uvaneke noite mu etha nando, oshoka okwa tokola, e mu ninge oshigwana she. 23 Ihe ngame, nashi kale ndje kokule, ndaa yone kuye, ngele itandi mu galikanene. Ondi na oku mu longa wo shoka oshiwananawa noshu uka. 24 Vulikeni kOmuwa, ne mu mu longele nuudhigini nomitima dheni adhihe. Dhimbulukweni iinima iinene e yi mu ningile. 25 Ihe ngele tamu tsikile okuyona, nena amuhe nomukwaniilwa gweni otamu ka hanagulwa po.”
Elaleko lyaSamuel
1 Samuel okwa lombwele Aaisraeli a ti: “Onda gwanitha shoka mwa pula ndje, ndi shi ninge. Onde mu pe omukwaniilwa, e mu lele. 2 Ngashingeyi omu mu na, e mu wilike. Ngame onda kulupa ndi na oomvi, naamwandje oya li mokati keni. Onda kala omuwiliki gweni okuza muugundjuka wandje sigo ongashingeyi. 3 Ongame nguka. Ngele onda ninga sha mepuko, tamanekii ndje nena koshipala shOmuwa noshomukwaniilwa ngoka e mu hogolola. Onda yuga po ongombe yomuntu nenge okasino ke? Onda kotokela omuntu nenge nde mu thiminika? Ope na ngoka nda taamba ombumbo ye? Ngele onda ninga sha sha tya ngaaka, otandi ka futila po shoka nda kutha po.”
4 Aantu oya yamukula ya ti: “Aawe, ino kotokela nenge u tu thiminike; ino kutha po nando osha shomuntu.”
5 Samuel okwa yamukula a ti: “Omuwa pamwe nomukwaniilwa ngoka e mu hogolola oyo oonzapo nena ndjika, sho mwa mono ndje ndaa na uusama washa.”
Oya yamukula: “Eeno, Omuwa oye onzapo yetu.”
6 Samuel okwa tsikile a ti: “Omuwa oye a hogolola Moses naAaron nokwa tembudha oohokulu muEgipiti. 7 Ngashingeyi mweneni, ndi mu tamanekele koshipala shOmuwa nondi mu dhimbuluthe iilongankondo ayihe Omuwa e yi ningi, sho e mu hupitha noohokulu. 8 Jakob negumbo lye olya tembukile kuEgipiti nAayegipiti oye ya hepeke, oohokulu oya kugu onkugo kOmuwa, e ya kwathe. Omuwa okwa tumu Moses naAaron, mboka ye ya tembudha muEgipiti noye ya eta mevi ndika. 9 Ihe aantu oya dhimbwa Omuwa Kalunga kawo, onkee okwe ya ethele miikaha yAafilisti noyomukwaniilwa gwaMoab naSisera, ondjayi yetanga lyoshilando Hazor, noye ya kondjitha e taye ya sindi. 10 Nena oya pula ekwatho kOmuwa noya ti: ‘Omuwa, otwa yono, oshoka otwe ku pilamene notwa simaneke iimenka yaBaal naAstarte. Tu mangulula momake gaatondi yetu, notatu ke ku simaneka.’ 11 Omuwa nokwe ya tumine Gideon naBarak nosho wo Jefta nohugunina ongame. Kehe gumwe gwomutse, okwe mu mangulula miikaha yaatondi yeni, nomwa kala megameno. 12 Ndele sho mwa mono Nahash, omukwaniilwa gwAayammoni, te mu matukile, omwa tindi Omuwa, a kale omukwaniilwa gweni nomwa lombwele ndje mwa ti: ‘Otwa hala omukwaniilwa, e tu pangele.’
13 “Ngashingeyi omukwaniilwa ngu mwa hogolola, oye nguka; one mwe mu pula, ngashingeyi Omuwa okwe mu mu pe. 14 Ngele ne amuhe nomukwaniilwa gweni otamu simaneke Omuwa Kalunga keni, tamu mu longele, tamu mu pulakene notamu vulika kiipango ye, nena ayihe otayi ke enda nawa. 15 Ihe ngele itamu vulika kOmuwa, ihe tamu kala aatangalali ne itamu vulika kiipango ye, ote ke mu geela kumwe nomukwaniilwa gweni. 16 Ngashingeyi ngungumaneni ano notamu ka mona iinima iinene Omuwa te ke yi ninga. 17 Ethimbo ndika lyongashingeyi olyokwenye, ihe otandi indile Omuwa, a ndundumithe omityalakato nokulokitha omvula. Shika shampa sha ningwa, otamu dhimbulula kutya ne omwa yono nayi kOmuwa, sho mwe mu pula omukwaniilwa.”
18 Samuel okwa galikana, nomesiku tuu ndyoka Omuwa okwa ndundumitha omvula noku yi lokitha. Nena aantu ayehe oya tila Omuwa naSamuel 19 noya ti kuSamuel: “Ombili, tatekulu, tu galikanena kOmuwa Kalunga koye, opo twaa se. Ngashingeyi otwa dhimbulula kutya kakele komayono getu galwe, otwa gwedha ko ndika, sho twi indile omukwaniilwa.”
20 Samuel okwa yamukula a ti: “Inamu tila. Nando omwa ningi uuwinayi u thike mpoka, inamu pilamena Omuwa, ihe mu longeleni nomutima aguhe. 21 Inamu landula iikalunga yiifundja; itayi vulu oku mu kwatha nenge oku mu hupitha, oshoka kayi shi yoshili. 22 Omuwa oku uvaneke noite mu etha nando, oshoka okwa tokola, e mu ninge oshigwana she. 23 Ihe ngame, nashi kale ndje kokule, ndaa yone kuye, ngele itandi mu galikanene. Ondi na oku mu longa wo shoka oshiwananawa noshu uka. 24 Vulikeni kOmuwa, ne mu mu longele nuudhigini nomitima dheni adhihe. Dhimbulukweni iinima iinene e yi mu ningile. 25 Ihe ngele tamu tsikile okuyona, nena amuhe nomukwaniilwa gweni otamu ka hanagulwa po.”
