ǃAnusib tsî ǂhanu-aisib di ǂhanugu
1 ǃKhūb ge Moseba ge mîmā, 2 îb Israelǁîna mîba: “Tita ǃKhūta sadu Elota a ǃanu khami ǃanu. 3 Mâ khoe-i hoa-i ge ǁî-i îs tsî îb tsîna ǃgôasiba mā, tsî ǁkhāti Sâtsēsa nî khai, tita ge mîmā khami ǀgui. Tita ge ǃKhūta sadu Elota.
4 “Tā ǀkhara, xūtama eloga ǀgoreǀî tsî ǁkhāti ǃgaoǂuisa elo-īga kuru, ǀgoreǀîs ǃaroma. Tita ge ǃKhūta sadu Elota.
5 “ǂKhîbagus di ǁguibasa du ga tita dībao, o tita ge ǁgui ǁgaragu ǃoa dī, o ta ge ǁîsa nî ūǃoa. 6 ǀGoa-i ra ǂāhe tsēs ǂûs ai-i ge ǁgan-e nî hapuhe tsî īǁoa-i kao, sao ra ǁgoas ai. Xawe i ga ǃnonaǁî tsēsa sīǃnâ, o-i ge nî ǂhubiǂuihe, 7 ǃanuoǃnâ-i go xui-ao tsî-i ga khoe-e ǁî-e ǂû, o ta ge ǁnāti ī ǁguibasa ūǃoa tide. 8 ǁNā khoe-i hîa ǁnāti ī ǁgan-e ga ǂû-i ge a ǀhapixa, tita khaibahe hâ-e-i ra ǃanuoǃnâ kai xui-ao, tsî-i ge ǁî-e ǃaruǀî ti ǁaes di ǀgui-i ase ǃgôahe tide.
9 “ǃGaos di ǁaeb ai tā ǃhanab di ǁhôadi ai mâ ǃhoroga ǃgao, î tā ǃgau ra ǃnurugu ǃhorob digu hoaga ūkhâi. 10 Tā ǁkhāti hoaraga draibeǂûna ūǁnâ, î tā ǁnā ra draibeǂûn hoana ūkhâi, xawe ǀgâsa khoen tsî ǃhaokhoen tsîn ǃaromas tsîna ǀnîna ǃgau. Tita ge ǃKhūta sadu Elota.
11 “ǃNari, ǂhumi tsîts ge ǁkhāti sa ǀgūkhoe-e gāxaǃnâ tide. 12 Tā ti ǀons ǀkha nū tsî ǁîsa ǃanuoǃnâ kai. Tita ge ǃKhūta sadu Elota.
13 “Tā sa ǀgūkhoe-e ǀgâǀgâ tsî ǁî-e ǃnari-ai. Tā tsēs ǀguisats go sîsen kai khoe-i di mataresa sao ra ǁgoas kōse ǃkhōǀgara. 14 Tā ǂganaǂgae hâ khoe-e ǀâxare tamas ka io ǂgī khoe-i aiǃâ ǃnôa-aiǃnao-e ǁgui. Tita ǃaoǃgâ; tita ge ǃKhūta sadu Elota.
15 “Tā ǀgoraǃgâs di ǁhōb ǃnâ ǂhanuoǃnâse sîsen, î tā ǁkhāti ǀgâsa khoen ǀkhāba ǁhûi tamas ka io ǃkhū hâ khoena ǃaoǃgâ. 16 Tā sa ǀgūkhoe-e ǂhumiǂgā-am tsî ǁî-i ga ǀgoraǃgâs ǃnâ mâ, o ǃhoa, sa ǀhûǀguitimîs nî ǁî-e huiǂuis kao. Tita ge ǃKhūta.
17 “Tā sa ǀgūkhoe-e ǁkhan, xawe ǁî-i ǀkha ǃhoa tsî ǀûbagu, î tā ǁî-i ǃaroma ǁoreb ǃnâ ǁnā. 18 Tā sa ǀgūkhoe-i ai ǀkhaoǂgaoxasiba ǁgauǂui tsî ǁî-e ǁkhans ǀkha aiǃgû, xawe ǀgūkhoe-e ǀnam, sats ǂûts a ǀnamsen khami. Tita ge ǃKhūta.
19 “Ti mîmāde ǁnâuǀnam. Tā ǃkharagagu ǀgoana ǁoraǃnâgu kai tamas ka io ǃkharagagu ǃkhomna ǀgui ǃhanaǃkhaib ǃnâ ǂgāǀhao tamas ka io sara-i ǃkharagagu lapina xu a ǂomsa-e ana.
20 “ǀNaib ǀnî khoeba ǃereamsa ū-ai hâ khobos ga noxopas matarehe tsî ǃnoraǃnorahe tama hâ hîa ǀnî khoeb xa sorosise ǁgoe-ūhe, o ra ge ǁîra nî ǁkharahe, xawe ǃgamhe tide, ǁîs a khobo xui-ao. 21 ǀHapixa khoeb ge gūba matare-oas ǁguibas ase ǃKhūb di ǃgôasib ǃaroma ǃKhūb di Tentommi ǂgâ-ams tawa nî ǀkhī-ū. 22 Pristeri ge ǂkhîbagus ǁguibasa khoeb ǁoreǁguibas ase nî ǁguiba, ob ge ǃKhūba nî ǀûba bi.
23 “ǃHūb ǃnâ du ga ǁan hā tsî mâǃnôa ǂûhaina ǃhana, xawe du ge ǃnona kuriga mā-amhe tama hâ nē haiǂûna ǃora tsî ǂûsa. 24 Hakaǁî kurib ǃnân ge hoaraga haiǂûna sadu ganganǁguibas ase tita ǃKhūta ǃaroma nî khaihe. 25 Xawe koroǁî kurib ǃnâ du ge nē haiǂûna ǂû ǁkhā. Nēs ge nî ǃaroma haidi nî ǃaruǀî ǃnāsase ǂûtani ǃkhaisa. Tita ge ǃKhūta sadu Elota.
26 “Tā ǀaoxaǃnâ ǁgan-e ǂû tamas ka io ǁkhāti ǃgaidī-i xare-e dī. 27 Tā sa danaǀûn ǃnamkha ai hân tamas ka io ǀhō-ams âtsa ǂkhomǁnâ, 28 tamas ka io soros âts ǃnâ saoǃnôana ǃgaoǂgā tamas ka io sa sorosa ǃgao, sa ǁō hâ khoe-i ǃaromats ga ǃoao. Tita ge ǃKhūta.
29 “Tā sa ôade ǀai-aose māǁnâ, nēs ǁîdi taosib ase nî ī xuige; nēs hoaraga ǃhūba ǀaib tsî ǁgauoǃnâsib tsîn ǀkha nî ǂnaoǂnao xui-ao. 30 Sâtsēsa khai, î tita ra ǃoabaǃnâhe ǃkhaiba ǃgôasib ǃnâ sîsenū. Tita ge ǃKhūta.
31 “Tā ǁō hâ khoen di gagadi tawa sī ǀape-ôa, ǁîdi nî ǃanuoǃnâ kai du xuige. Tita ge ǃKhūta sadu Elota.
32 “Eloba ǃaoǃgâs ǃaroma, kaikhoena ǃgôasiba ūhâba. Tita ge ǃKhūta.
33 “Tā ǃhaokhoen sadu ǃhūb ǃnâ ǁan hâna ǁgâiǀāb ǃnâ ûi-ū. 34 Sadu ǃgâsa Israelǁî-e du nî ûi-ū khami ǀgui ǁî-e ûi-ū, î ǁî-e sats a ǀnamsens ǁkhās khami ǀnam. Sadu ge Egipteb ǃnâ ǃhaokhoe i ǁaeb xa ǂâihō re. Tita ge ǃKhūta sadu Elota.
35 “Tā khoe-i xū-i di gaxusib, ǃgomsib tsî ǂguisib tsînats ga ǀnō ǃnubai, ǁî-e ǀhôagaoǃnâ. 36 ǂGomǂgomsa ǀnō-ūdas, ǀnō-aiǃnaos, tsî ǀnō-ūxūn tsîna sîsenū. Tita ge ǃKhūta sadu Elota, sado Egipteba xu ge ǂgaeǂguiǂui ta. 37 Ti ǂhanugu tsî mîmādi hoade ǁnâuǀnam. Tita ge ǃKhūta.”
ǃAnusib tsî ǂhanu-aisib di ǂhanugu
1 ǃKhūb ge Moseba ge mîmā, 2 îb Israelǁîna mîba: “Tita ǃKhūta sadu Elota a ǃanu khami ǃanu. 3 Mâ khoe-i hoa-i ge ǁî-i îs tsî îb tsîna ǃgôasiba mā, tsî ǁkhāti Sâtsēsa nî khai, tita ge mîmā khami ǀgui. Tita ge ǃKhūta sadu Elota.
4 “Tā ǀkhara, xūtama eloga ǀgoreǀî tsî ǁkhāti ǃgaoǂuisa elo-īga kuru, ǀgoreǀîs ǃaroma. Tita ge ǃKhūta sadu Elota.
5 “ǂKhîbagus di ǁguibasa du ga tita dībao, o tita ge ǁgui ǁgaragu ǃoa dī, o ta ge ǁîsa nî ūǃoa. 6 ǀGoa-i ra ǂāhe tsēs ǂûs ai-i ge ǁgan-e nî hapuhe tsî īǁoa-i kao, sao ra ǁgoas ai. Xawe i ga ǃnonaǁî tsēsa sīǃnâ, o-i ge nî ǂhubiǂuihe, 7 ǃanuoǃnâ-i go xui-ao tsî-i ga khoe-e ǁî-e ǂû, o ta ge ǁnāti ī ǁguibasa ūǃoa tide. 8 ǁNā khoe-i hîa ǁnāti ī ǁgan-e ga ǂû-i ge a ǀhapixa, tita khaibahe hâ-e-i ra ǃanuoǃnâ kai xui-ao, tsî-i ge ǁî-e ǃaruǀî ti ǁaes di ǀgui-i ase ǃgôahe tide.
9 “ǃGaos di ǁaeb ai tā ǃhanab di ǁhôadi ai mâ ǃhoroga ǃgao, î tā ǃgau ra ǃnurugu ǃhorob digu hoaga ūkhâi. 10 Tā ǁkhāti hoaraga draibeǂûna ūǁnâ, î tā ǁnā ra draibeǂûn hoana ūkhâi, xawe ǀgâsa khoen tsî ǃhaokhoen tsîn ǃaromas tsîna ǀnîna ǃgau. Tita ge ǃKhūta sadu Elota.
11 “ǃNari, ǂhumi tsîts ge ǁkhāti sa ǀgūkhoe-e gāxaǃnâ tide. 12 Tā ti ǀons ǀkha nū tsî ǁîsa ǃanuoǃnâ kai. Tita ge ǃKhūta sadu Elota.
13 “Tā sa ǀgūkhoe-e ǀgâǀgâ tsî ǁî-e ǃnari-ai. Tā tsēs ǀguisats go sîsen kai khoe-i di mataresa sao ra ǁgoas kōse ǃkhōǀgara. 14 Tā ǂganaǂgae hâ khoe-e ǀâxare tamas ka io ǂgī khoe-i aiǃâ ǃnôa-aiǃnao-e ǁgui. Tita ǃaoǃgâ; tita ge ǃKhūta sadu Elota.
15 “Tā ǀgoraǃgâs di ǁhōb ǃnâ ǂhanuoǃnâse sîsen, î tā ǁkhāti ǀgâsa khoen ǀkhāba ǁhûi tamas ka io ǃkhū hâ khoena ǃaoǃgâ. 16 Tā sa ǀgūkhoe-e ǂhumiǂgā-am tsî ǁî-i ga ǀgoraǃgâs ǃnâ mâ, o ǃhoa, sa ǀhûǀguitimîs nî ǁî-e huiǂuis kao. Tita ge ǃKhūta.
17 “Tā sa ǀgūkhoe-e ǁkhan, xawe ǁî-i ǀkha ǃhoa tsî ǀûbagu, î tā ǁî-i ǃaroma ǁoreb ǃnâ ǁnā. 18 Tā sa ǀgūkhoe-i ai ǀkhaoǂgaoxasiba ǁgauǂui tsî ǁî-e ǁkhans ǀkha aiǃgû, xawe ǀgūkhoe-e ǀnam, sats ǂûts a ǀnamsen khami. Tita ge ǃKhūta.
19 “Ti mîmāde ǁnâuǀnam. Tā ǃkharagagu ǀgoana ǁoraǃnâgu kai tamas ka io ǃkharagagu ǃkhomna ǀgui ǃhanaǃkhaib ǃnâ ǂgāǀhao tamas ka io sara-i ǃkharagagu lapina xu a ǂomsa-e ana.
20 “ǀNaib ǀnî khoeba ǃereamsa ū-ai hâ khobos ga noxopas matarehe tsî ǃnoraǃnorahe tama hâ hîa ǀnî khoeb xa sorosise ǁgoe-ūhe, o ra ge ǁîra nî ǁkharahe, xawe ǃgamhe tide, ǁîs a khobo xui-ao. 21 ǀHapixa khoeb ge gūba matare-oas ǁguibas ase ǃKhūb di ǃgôasib ǃaroma ǃKhūb di Tentommi ǂgâ-ams tawa nî ǀkhī-ū. 22 Pristeri ge ǂkhîbagus ǁguibasa khoeb ǁoreǁguibas ase nî ǁguiba, ob ge ǃKhūba nî ǀûba bi.
23 “ǃHūb ǃnâ du ga ǁan hā tsî mâǃnôa ǂûhaina ǃhana, xawe du ge ǃnona kuriga mā-amhe tama hâ nē haiǂûna ǃora tsî ǂûsa. 24 Hakaǁî kurib ǃnân ge hoaraga haiǂûna sadu ganganǁguibas ase tita ǃKhūta ǃaroma nî khaihe. 25 Xawe koroǁî kurib ǃnâ du ge nē haiǂûna ǂû ǁkhā. Nēs ge nî ǃaroma haidi nî ǃaruǀî ǃnāsase ǂûtani ǃkhaisa. Tita ge ǃKhūta sadu Elota.
26 “Tā ǀaoxaǃnâ ǁgan-e ǂû tamas ka io ǁkhāti ǃgaidī-i xare-e dī. 27 Tā sa danaǀûn ǃnamkha ai hân tamas ka io ǀhō-ams âtsa ǂkhomǁnâ, 28 tamas ka io soros âts ǃnâ saoǃnôana ǃgaoǂgā tamas ka io sa sorosa ǃgao, sa ǁō hâ khoe-i ǃaromats ga ǃoao. Tita ge ǃKhūta.
29 “Tā sa ôade ǀai-aose māǁnâ, nēs ǁîdi taosib ase nî ī xuige; nēs hoaraga ǃhūba ǀaib tsî ǁgauoǃnâsib tsîn ǀkha nî ǂnaoǂnao xui-ao. 30 Sâtsēsa khai, î tita ra ǃoabaǃnâhe ǃkhaiba ǃgôasib ǃnâ sîsenū. Tita ge ǃKhūta.
31 “Tā ǁō hâ khoen di gagadi tawa sī ǀape-ôa, ǁîdi nî ǃanuoǃnâ kai du xuige. Tita ge ǃKhūta sadu Elota.
32 “Eloba ǃaoǃgâs ǃaroma, kaikhoena ǃgôasiba ūhâba. Tita ge ǃKhūta.
33 “Tā ǃhaokhoen sadu ǃhūb ǃnâ ǁan hâna ǁgâiǀāb ǃnâ ûi-ū. 34 Sadu ǃgâsa Israelǁî-e du nî ûi-ū khami ǀgui ǁî-e ûi-ū, î ǁî-e sats a ǀnamsens ǁkhās khami ǀnam. Sadu ge Egipteb ǃnâ ǃhaokhoe i ǁaeb xa ǂâihō re. Tita ge ǃKhūta sadu Elota.
35 “Tā khoe-i xū-i di gaxusib, ǃgomsib tsî ǂguisib tsînats ga ǀnō ǃnubai, ǁî-e ǀhôagaoǃnâ. 36 ǂGomǂgomsa ǀnō-ūdas, ǀnō-aiǃnaos, tsî ǀnō-ūxūn tsîna sîsenū. Tita ge ǃKhūta sadu Elota, sado Egipteba xu ge ǂgaeǂguiǂui ta. 37 Ti ǂhanugu tsî mîmādi hoade ǁnâuǀnam. Tita ge ǃKhūta.”
