Mordekaib ge Esters huiba ra ǂgan
1 Mordekaib ge taren hoan ge dīhe ǃkhaisab ge ǁnâu, o saran âba ǃoab ǃnâ ge ǀkhau. ǁNās khaoǃgâb ge ǃoab sarana ana, tsaoba danas ai tsoro tsî ǃgarise tsî tsûsase garu ra āse ǃās ǃnâ-u ge ǃgû, 2 gao-ommi dao-ams tawab ge sīs kōse. ǁÎb ge ǂgâ tama ge i, ǃoab sarana ana hâ khoe-i xare-i ge ǁnāpa ǂgâsa mā-amhe tama hâ i xui-ao. 3 Hoa ǀkharigu gao-aob mîmās ge ǂanǂanǃnâhegu ǃnâb ge kai ǃoaba Jodeǁîn ǃnâ ge hâ i. ǁÎn ge ǂûtama hâ, tsî ā tsî gere ǃgae; ǂguin ân ge ǃoab sarana ana tsî tsaob ǃnâ sī ge ǁgoe.
4 Esters ge ǁîs sîsenaodi tsî gao-aob ǂhunuma ǂamkhoegu xa Mordekaib tare-e ra dī ǃkhaisa a mîbahe, os ge kaise ge ǃhuri. ǁÎs ge Mordekaiba sarana ge sîba, ǃoab saran ǃās ǃnâb nî anase, xaweb ge ū ǂgao tama ge i. 5 Os ge Estersa Hataki, gao-ommi ǂamkhoeb, ǁîsab nî ǃoabase ge gao-aob xa ǁgaumâihe hâ iba ǂgai tsî ge mîmā, îb Mordekaib tawa sī tsî tare-i ra ī tsî tare-i ǃaromab ti ra dī ǃkhaisa sī ǁnâu. 6 Hataki ge Mordekaib, ǃās di ǀhaoǃkhaib ai gao-ommi dao-ams tawa hâb ǃoa ge ǃgû. 7 Mordekaib ge ǁîb ǀkha go ī xūn hoana ge mîba bi; tsî mâtikō ǀhaiǀuri maribab, Jodeǁîn nî ǃgamǂuihes karao, gaosi ǁuiǂgaes ǃnâ nî ǂgā ǃkhaisab ge Hamanna mîmâisa. 8 ǁÎb ge ǁgâiǁnâb ǂanǂans dib, Jodeǁîn nî ǃgamǂuihese ge Susas ǃnâ māǂuiheba Hataka ge mā. Mordekaib ge ǁîba ge ǂgan, îb ǁnâ ǁgâiǁnâba Estersa sī mā tsî mîǃāba tsî ǁîsa mîmā, îs gao-aoba sī ǀkhoma, îb ǁîs khoena ǀkhomxa.
9 Hataki ge Esters ǁga oa tsî ǁîsa Mordekaib ge mî xūna sī ge mîba, 10 tsîs ge Estersa sao ra haisi-amsa Hataki ǀkha ge sî, îb Mordekaiba sī mîba: 11 “Gao-aob ǂamkhoegu hoagu tsî gao-aob di ǀkharigu ǃnâ hâ khoen hoan tsîn ge a ǂan, aorekhoeb kas tarekhoes kas hoasa ga gao-aob ommi ǃnâ gao-aob ǃoa, ǂgaihe tama i hâse ǂgâ-i ǃaromab ǀgui ǂhanub ǀguiba hâsa; ǁî-i ge nî ǃgamhe, gao-aob ga ǁîb ǃhuniǀuri gaohaiba ǁî-e ǃoa ǀhōǂui, o ǀguib ge ûib â-e nî sâuhe. Xawe ta ge nēsi gao-aob xa ǃnonadisi tsēdi ǁaeba ǂgaihe tama hâ.”
12 Mordekaib ge Esters haisi-amsab ge ǃkhōǃoa, 13 o nē ǂgōǀausa ǁîsa ge sîba: “Esterse, tā nau Jodeǁîn nē gaosib ǃnâ hân ǃgâ-ais gao-ommi ǃnâs hâ ǃkhais ǃaroma ǃnāsase a ǃnorasa ti ǂâi. 14 Nēti ī ǁaeb ǃnâs ga ǃnō tsî xū-e khom tama i sa ǁaes ǃaroma, on ge Jodeǁîna ǀnî ǃkhai-e xu huiba hō tsî nîra sâuhe, xawe sas ge nî ǁō tsîb ge sa îb di suriba nî ǀam. Tari-e a ǂan, nēti ī ǁaeb ǃaromas kom ǀnîsis ge gao-ao kaisao?”
15 Os ge Estersa Mordekaiba nē ǃereamsa ge sîba: 16 “ǃGû, î hoaraga Jodeǁîn Susas ǃnâ hâna ǀhaoǀhao, î du ǂûtamase hâ. Tā xū-i xare-e ǃnona tsēdi tsî tsuxugu ǀgaiba ǂû tamas ka io ā. Tita tsî ti sîsenaodi tsîn ge ǁnās ǁkhāsa nî dī. ǁNās khaoǃgâ ta ge gao-aob ǃoa ǂhanub ǃoagus ǁnā ǃkhaisa hâ, xawe nî ǃgû. Nēs ǃaroma ta nî ǁōs karao, o ta kom a ǁō ǁkhāo.”
17 Ob ge Mordekaiba ǃgû tsî Esters ge mîmā bi xūn hoana ge dī.
Mordekaib ge Esters huiba ra ǂgan
1 Mordekaib ge taren hoan ge dīhe ǃkhaisab ge ǁnâu, o saran âba ǃoab ǃnâ ge ǀkhau. ǁNās khaoǃgâb ge ǃoab sarana ana, tsaoba danas ai tsoro tsî ǃgarise tsî tsûsase garu ra āse ǃās ǃnâ-u ge ǃgû, 2 gao-ommi dao-ams tawab ge sīs kōse. ǁÎb ge ǂgâ tama ge i, ǃoab sarana ana hâ khoe-i xare-i ge ǁnāpa ǂgâsa mā-amhe tama hâ i xui-ao. 3 Hoa ǀkharigu gao-aob mîmās ge ǂanǂanǃnâhegu ǃnâb ge kai ǃoaba Jodeǁîn ǃnâ ge hâ i. ǁÎn ge ǂûtama hâ, tsî ā tsî gere ǃgae; ǂguin ân ge ǃoab sarana ana tsî tsaob ǃnâ sī ge ǁgoe.
4 Esters ge ǁîs sîsenaodi tsî gao-aob ǂhunuma ǂamkhoegu xa Mordekaib tare-e ra dī ǃkhaisa a mîbahe, os ge kaise ge ǃhuri. ǁÎs ge Mordekaiba sarana ge sîba, ǃoab saran ǃās ǃnâb nî anase, xaweb ge ū ǂgao tama ge i. 5 Os ge Estersa Hataki, gao-ommi ǂamkhoeb, ǁîsab nî ǃoabase ge gao-aob xa ǁgaumâihe hâ iba ǂgai tsî ge mîmā, îb Mordekaib tawa sī tsî tare-i ra ī tsî tare-i ǃaromab ti ra dī ǃkhaisa sī ǁnâu. 6 Hataki ge Mordekaib, ǃās di ǀhaoǃkhaib ai gao-ommi dao-ams tawa hâb ǃoa ge ǃgû. 7 Mordekaib ge ǁîb ǀkha go ī xūn hoana ge mîba bi; tsî mâtikō ǀhaiǀuri maribab, Jodeǁîn nî ǃgamǂuihes karao, gaosi ǁuiǂgaes ǃnâ nî ǂgā ǃkhaisab ge Hamanna mîmâisa. 8 ǁÎb ge ǁgâiǁnâb ǂanǂans dib, Jodeǁîn nî ǃgamǂuihese ge Susas ǃnâ māǂuiheba Hataka ge mā. Mordekaib ge ǁîba ge ǂgan, îb ǁnâ ǁgâiǁnâba Estersa sī mā tsî mîǃāba tsî ǁîsa mîmā, îs gao-aoba sī ǀkhoma, îb ǁîs khoena ǀkhomxa.
9 Hataki ge Esters ǁga oa tsî ǁîsa Mordekaib ge mî xūna sī ge mîba, 10 tsîs ge Estersa sao ra haisi-amsa Hataki ǀkha ge sî, îb Mordekaiba sī mîba: 11 “Gao-aob ǂamkhoegu hoagu tsî gao-aob di ǀkharigu ǃnâ hâ khoen hoan tsîn ge a ǂan, aorekhoeb kas tarekhoes kas hoasa ga gao-aob ommi ǃnâ gao-aob ǃoa, ǂgaihe tama i hâse ǂgâ-i ǃaromab ǀgui ǂhanub ǀguiba hâsa; ǁî-i ge nî ǃgamhe, gao-aob ga ǁîb ǃhuniǀuri gaohaiba ǁî-e ǃoa ǀhōǂui, o ǀguib ge ûib â-e nî sâuhe. Xawe ta ge nēsi gao-aob xa ǃnonadisi tsēdi ǁaeba ǂgaihe tama hâ.”
12 Mordekaib ge Esters haisi-amsab ge ǃkhōǃoa, 13 o nē ǂgōǀausa ǁîsa ge sîba: “Esterse, tā nau Jodeǁîn nē gaosib ǃnâ hân ǃgâ-ais gao-ommi ǃnâs hâ ǃkhais ǃaroma ǃnāsase a ǃnorasa ti ǂâi. 14 Nēti ī ǁaeb ǃnâs ga ǃnō tsî xū-e khom tama i sa ǁaes ǃaroma, on ge Jodeǁîna ǀnî ǃkhai-e xu huiba hō tsî nîra sâuhe, xawe sas ge nî ǁō tsîb ge sa îb di suriba nî ǀam. Tari-e a ǂan, nēti ī ǁaeb ǃaromas kom ǀnîsis ge gao-ao kaisao?”
15 Os ge Estersa Mordekaiba nē ǃereamsa ge sîba: 16 “ǃGû, î hoaraga Jodeǁîn Susas ǃnâ hâna ǀhaoǀhao, î du ǂûtamase hâ. Tā xū-i xare-e ǃnona tsēdi tsî tsuxugu ǀgaiba ǂû tamas ka io ā. Tita tsî ti sîsenaodi tsîn ge ǁnās ǁkhāsa nî dī. ǁNās khaoǃgâ ta ge gao-aob ǃoa ǂhanub ǃoagus ǁnā ǃkhaisa hâ, xawe nî ǃgû. Nēs ǃaroma ta nî ǁōs karao, o ta kom a ǁō ǁkhāo.”
17 Ob ge Mordekaiba ǃgû tsî Esters ge mîmā bi xūn hoana ge dī.
