Jerusalems, ǁnās âs khaoǃgâ
1 Mâtib kha ǃhuniǀuriba ge ǃkhaeǃkhaehe, mâtib ǃūmû ǃhuniǀuriba ǂkhaib âba ge ǂoaǃnâ.
ǃAnusib ǀuidi ge ǃgangu ǁhôadi ǃnâ aoxūhe hâse ǁgoe.
2 Mâti gu ǃgomǀgausa ǀgôagu Sions digu, ǃhuniǀurib ǁkhāsiba ge ūhâ iga
nēsisa ǂgoasūdi ase ra mûhesa, sūǂnubi-aob di sîsenni ase.
3 ǀGiridi xawedi ge samdi âde daisi nîse ǂkhamron âde ra mā,
xawe ti ǁaes di ôas ge a ǀkhomoǃnâ, ǃgaroǃhūb di ǀamidi khami.
4 Dai ra ǀgôaro-i di nammi ge ǂkharub ai, ǁgâs xa ra ǂae,
ǀgôaron ge pere-e ra ǂgan, xawe i ge khoe-i xare-e ǁîna mā tama hâ.
5 ǃGâi xūna gere ǂûn ge ǃâs xa ǃgangu ǃnâ ra ǁō
ǁNān hîa ǂhoaǀapa ǃkhain ǃnâ ge kaikaihen ge nēsi nētsē tsaodi ai ra ǁgoe.
6 ǁKharab ti khoen dib ge Sodoms ǁoreb ǃgâ-ai a kai,
ǁîs ǀguis mûsǀapirob ǃnâ ge dabaǃkhupuhe, huiǃom-i tsîn ǁîsǀî ǃoa kaihe tamase.
7 ǁÎs di ǃanun ge tsamaros ǃgâ-ai ǃanu tsî dai-i ǃgâ-ai ge ǃuri i;
ǁîn ge robainǀuidi ǃgâ-ai ǀapa soros â-i ge i, safirdi khami ge ī i.
8 ǁÎn ge ǃkhâb ǃgâ-ai ai ǃkhae tsî ǃgangu tsîn ǃnâ mûǃāhe tama hâ,
khōb ân ge ǂkhōb ai ǂae hâ, ǀae-i kōsen ge ǂnâ hâ.
9 ǁNān gôab ǀkha ǃgamhen hân ge ǃâs xa ge ǁōn ǃgâ-ai a ǃgâiǃgâ,
ǁnān hîa ǂkhabu tsî ra ǁōna, ǃhanagu ǂûna ūǀkhī tama amaga.
10 ǃOmgu ǀkhomxaǃnâ taradi digu ge ǁîdi di ǂhunuma ǀgôana ge sâi.
ǁÎn ge ǁîde ge ǂû kaiba, ti khoen ge hîkākāheo.
11 ǃKhūb ge ǁaixasib âba ge dīǀoaǀoa, ǀgammi ǁîb ǁaixasib dibab ge ge ǁhōǂui.
ǁÎb ge Sions tawa ǀaesa ge khau, ǃgaoǃgaogu âsa ge hapusa.
12 ǃHūbaib di gao-aogu tamas ka io ǁanǂgāsaben ǃhūbaib din hoan ge ge ǂgom tama hâ i
khākhoeb tsî mâǃoasabeb nî Jerusalems ǂgâ-amdi ǃnâ ǂgâsa.
13 Xawes ge ǁnāsa ǁîs kēbo-aogu di ǁoreb tsî pristergu âs di ǃûǂamdi,
ǂhanu-ain ǀaoba ge ǁîs ǃnâ ǂnâxūgu ǃaroma ge ī.
14 ǁÎgu ge ǂgī hân xase ǃgangu ǃnâ gere ǁhapuma
ǁnātikōse ǀaob xa ǀuriǀurihe hâse, tsî khoe-i xare-i xa tsâǀkhāhe ǁoase.
15 “Bē! ǃAnuoǃnâ go a xuige! Tā tsâǀkhā ge!” ti gu ge ǁîgu ǃoa ge ǂgaiǂui.
ǃKhoeni tsî gu ge ǁaes ǁaegu hâma on ge “ǁÎgu ge nēpa ǃaruǀî a hâ ǁoa” ti gere mî.
16 ǃKhūb ge aitsama ǁîna ge ǀgora; ǃaruǀîb ge ǁîn ai ǂâisa ǂnûi tide.
ǁÎn ge pristerga ge ǃgôa tama i; kaigan ge ǀkhom tama ge i.
17 Sida mûdi ge ge kōǁkhui, ǁause huibǀî;
sida ǂgō-omga xu da ge ǁaes hui da ǁoa ge isa gere kō.
18 Mâ dāǃharos sida dis hoas ain ge gere ǀkhuri da, sida ǃgangu ǃnâ da ge ǃgû ǁoa is kōse.
Sida ǀams ge a ǀgū, sida tsēdi ge a ǃgôatoasa, sida ǀams ge go hā.
19 Sida ǃgôaǃgonaon ge ǃariǃkhān ǀhommi din ǃgâ-ai ge ǃhae i;
ǁÎn ge ǃhomgu ai ge ǃgôaǃgon da, ǃgaroǃhūb ǃnân ge ge ǃâuǁgoe da.
20 Sida ǂguis di ǀommi, ǃKhūb di ǀnausabeban ge ǁîn āgu ǃnâ ge ǃkhō;
ǁÎb xa da “ǁÎb sommi ǃnaka da ge ǁaedi ǁaegu nî ǁan” ti ge mîba.
21 ǃGâiaǂgao, î dâ re Edommi ôas, Usǃhūb ǃnâ ǁan hâse.
Sas ǂamas tsînas ge ǀgabisa nî hā, āǀhoro tsîs ge nî ǀōǀkhā kaisen.
22 Sa ǂhanuoǃnâsib ge nî toa Sions ôase, ǃaruǀîb ge ǁîba sasa ǃkhōsabese ūǀgara tide.
Xawe sas Edommi ôasa, sa ǁoreba ǁkhara tsîb ge ǃKhūba sa ǂhanuoǃnâsiba nî ǂhaiǂhai.
Jerusalems, ǁnās âs khaoǃgâ
1 Mâtib kha ǃhuniǀuriba ge ǃkhaeǃkhaehe, mâtib ǃūmû ǃhuniǀuriba ǂkhaib âba ge ǂoaǃnâ.
ǃAnusib ǀuidi ge ǃgangu ǁhôadi ǃnâ aoxūhe hâse ǁgoe.
2 Mâti gu ǃgomǀgausa ǀgôagu Sions digu, ǃhuniǀurib ǁkhāsiba ge ūhâ iga
nēsisa ǂgoasūdi ase ra mûhesa, sūǂnubi-aob di sîsenni ase.
3 ǀGiridi xawedi ge samdi âde daisi nîse ǂkhamron âde ra mā,
xawe ti ǁaes di ôas ge a ǀkhomoǃnâ, ǃgaroǃhūb di ǀamidi khami.
4 Dai ra ǀgôaro-i di nammi ge ǂkharub ai, ǁgâs xa ra ǂae,
ǀgôaron ge pere-e ra ǂgan, xawe i ge khoe-i xare-e ǁîna mā tama hâ.
5 ǃGâi xūna gere ǂûn ge ǃâs xa ǃgangu ǃnâ ra ǁō
ǁNān hîa ǂhoaǀapa ǃkhain ǃnâ ge kaikaihen ge nēsi nētsē tsaodi ai ra ǁgoe.
6 ǁKharab ti khoen dib ge Sodoms ǁoreb ǃgâ-ai a kai,
ǁîs ǀguis mûsǀapirob ǃnâ ge dabaǃkhupuhe, huiǃom-i tsîn ǁîsǀî ǃoa kaihe tamase.
7 ǁÎs di ǃanun ge tsamaros ǃgâ-ai ǃanu tsî dai-i ǃgâ-ai ge ǃuri i;
ǁîn ge robainǀuidi ǃgâ-ai ǀapa soros â-i ge i, safirdi khami ge ī i.
8 ǁÎn ge ǃkhâb ǃgâ-ai ai ǃkhae tsî ǃgangu tsîn ǃnâ mûǃāhe tama hâ,
khōb ân ge ǂkhōb ai ǂae hâ, ǀae-i kōsen ge ǂnâ hâ.
9 ǁNān gôab ǀkha ǃgamhen hân ge ǃâs xa ge ǁōn ǃgâ-ai a ǃgâiǃgâ,
ǁnān hîa ǂkhabu tsî ra ǁōna, ǃhanagu ǂûna ūǀkhī tama amaga.
10 ǃOmgu ǀkhomxaǃnâ taradi digu ge ǁîdi di ǂhunuma ǀgôana ge sâi.
ǁÎn ge ǁîde ge ǂû kaiba, ti khoen ge hîkākāheo.
11 ǃKhūb ge ǁaixasib âba ge dīǀoaǀoa, ǀgammi ǁîb ǁaixasib dibab ge ge ǁhōǂui.
ǁÎb ge Sions tawa ǀaesa ge khau, ǃgaoǃgaogu âsa ge hapusa.
12 ǃHūbaib di gao-aogu tamas ka io ǁanǂgāsaben ǃhūbaib din hoan ge ge ǂgom tama hâ i
khākhoeb tsî mâǃoasabeb nî Jerusalems ǂgâ-amdi ǃnâ ǂgâsa.
13 Xawes ge ǁnāsa ǁîs kēbo-aogu di ǁoreb tsî pristergu âs di ǃûǂamdi,
ǂhanu-ain ǀaoba ge ǁîs ǃnâ ǂnâxūgu ǃaroma ge ī.
14 ǁÎgu ge ǂgī hân xase ǃgangu ǃnâ gere ǁhapuma
ǁnātikōse ǀaob xa ǀuriǀurihe hâse, tsî khoe-i xare-i xa tsâǀkhāhe ǁoase.
15 “Bē! ǃAnuoǃnâ go a xuige! Tā tsâǀkhā ge!” ti gu ge ǁîgu ǃoa ge ǂgaiǂui.
ǃKhoeni tsî gu ge ǁaes ǁaegu hâma on ge “ǁÎgu ge nēpa ǃaruǀî a hâ ǁoa” ti gere mî.
16 ǃKhūb ge aitsama ǁîna ge ǀgora; ǃaruǀîb ge ǁîn ai ǂâisa ǂnûi tide.
ǁÎn ge pristerga ge ǃgôa tama i; kaigan ge ǀkhom tama ge i.
17 Sida mûdi ge ge kōǁkhui, ǁause huibǀî;
sida ǂgō-omga xu da ge ǁaes hui da ǁoa ge isa gere kō.
18 Mâ dāǃharos sida dis hoas ain ge gere ǀkhuri da, sida ǃgangu ǃnâ da ge ǃgû ǁoa is kōse.
Sida ǀams ge a ǀgū, sida tsēdi ge a ǃgôatoasa, sida ǀams ge go hā.
19 Sida ǃgôaǃgonaon ge ǃariǃkhān ǀhommi din ǃgâ-ai ge ǃhae i;
ǁÎn ge ǃhomgu ai ge ǃgôaǃgon da, ǃgaroǃhūb ǃnân ge ge ǃâuǁgoe da.
20 Sida ǂguis di ǀommi, ǃKhūb di ǀnausabeban ge ǁîn āgu ǃnâ ge ǃkhō;
ǁÎb xa da “ǁÎb sommi ǃnaka da ge ǁaedi ǁaegu nî ǁan” ti ge mîba.
21 ǃGâiaǂgao, î dâ re Edommi ôas, Usǃhūb ǃnâ ǁan hâse.
Sas ǂamas tsînas ge ǀgabisa nî hā, āǀhoro tsîs ge nî ǀōǀkhā kaisen.
22 Sa ǂhanuoǃnâsib ge nî toa Sions ôase, ǃaruǀîb ge ǁîba sasa ǃkhōsabese ūǀgara tide.
Xawe sas Edommi ôasa, sa ǁoreba ǁkhara tsîb ge ǃKhūba sa ǂhanuoǃnâsiba nî ǂhaiǂhai.
