1 ǁNā-amaga tā da ǂguro ǁkhāǁkhādi Xristub* xa hâdi tawa mâǃari, xawe a da aiǃâb ǃoa ǀoasasib mîs diba ǁgūba. Î da tā ǃhobasens di ǃgaoǃgaob, ǁōb sîsengu diba ǁkhawa ǁguis tsî Elob ǃnâ ǂgoms, 2 ǁāǁnâs di ǁkhāǁkhās tsî ǃomǁgui-ais, ǁō hân di khâis tsî ǀamo ǀgoraǃgâs xa ǃhoa. 3 Elob di ǂâis ka, o da ge ǁnāsa nî dī.
4 Īǁoa i ge a ǁnān, ǀgui ǃnāsa Elob di ǃnâba ǃkhōǃoa tsî ge ǁnāǁgôana ǁkhawa ǃhobasen kaisa. ǀHomsi māde ǃkhōǃoa tsî ge ǃAnu Gagab di ǁhao-ao kaina. 5 ǁÎn di hōǃâsa xun ge Elob di mîs di ǃgâisib tsî ǃgoaxa ǃhūbaib di ǀgaiga ge ǂan. 6 Xawen ge ǁîn di ǂgomsa xu ge ǁnāǁgôa! Īǁoasa i ge a ǁîna ǁkhawa ǃhobasen kaisa, ǁîn ǂûn ra Elob Ôaba* ǁkhawa ǃgâu tsî ǂhaisase ǃharaxū amaga.
7 Elob ge ǁnā ǃhūb, ǃnuriǃnāde ǁîb ai ra ǁnā ǀnanuba āǂgā tsî ǁnā khoen, ǁîn ǃaromab ra sîsenheb tsî ǃgâi ǃhanaǂûna ra taniba ra ǀkhae. 8 Xawe ǁkhūn tsî ǀkhininin tsîna ra ūǀkhī ǃhūb ge a harebeoǃnâ tsî ǀâxarexūhe hâ tsî ǀams ai nî ǂhubiǂuihe.
9 ǁNāti ge ga ǃhoa, xawe ge ge ǀnamsabedo ǃgâi ǂanǁaposa ūhâ sadu xa, ǃgâi xūn sadu ǃgâiǃōsib ǃaroma hâna. 10 Elob ge ǂhanuoǃnâ tama hâ. ǁÎb ge sadu sîsenni tsî ǁkhāti ǀnammi ǁîb ǀons ǃaroma du ge ǁîb khoena ǃoaba-ūb tsî ganupe ra ǃoabab ǃaroma ǀuru du tide. 11 Sige di ǁkhoreb ge mâ-i hoa-i âdu nî ǁkhā ôasasib, ǀunis kōse du nî ǀoasa ǁaposasib ǃâubasens diba ǁgauǂui ǃkhais diba ūhâsa. 12 ǀOpesa du nî ǃkhaisa ge ge ǂgao tama hâ, xawe du nî ǁnān, ǂgoms tsî ǃnūǃnâxasib ǃnâ-u ge Elob ge mîmâi xūna ǀumin di ǁgaeǁgae-ao kai ǃkhaisa.
Elob di ǁaposa mîmâis
13 Elob ge Abrahammi ǀkha mîmâisa dī, o i ge ǁîb ǃgâ-ai kai-i, ǁî-i tawab nî nū-e ge ǀkhai i, xui-aob ge ǁîb ǂûb tawa nū 14 tsî ge mî: “Tita ge ǃkhū hâse nî ǀkhae tsi tsî sa suriba nî ǂguiǂgui.” 15 Tsîb ge Abrahamma ǁnāti ǃnūǃnâxase ǃâu tsî Elob ge ǁîba mîmâibana ge ǃkhōǃoa. 16 Khoe-i ge ǁî-i ǃgâ-ai kai-i tawa ra nū tsîs ge nūsa hoa ǂnoagu-aina ra ǀamǀam. 17 ǁNā-amagab ge Eloba mîmâis di ǀumi-aoga ǃnāsase ra ǁgau ǂgao, tsî ǁîb di mîǁguib ǀkharaǀkharahe ǁoa ǃkhaisa nūs ǀkha ra ǁapoǁapo. 18 Nē ǀgam ǀkharaǀkharaheǁoasa xūra, mîmâis tsî nūs tsîra, ǁîra ǃnâ i Eloba ǂhumib nî ǃkhaisa a īǁoasabara ǃnâ da ge sada, ǁîb ǃoa ra ǁhaiǁhâda ǀgaisa ǂgaoǂgaoǃnâs sada aiǃâ hâ ǃâubasens disa ūhâ. 19 Nēs ge sida di ǃâubasens hîa anker-i, ǁaposa tsî ǂgomǂgomsa-i, ǂgāmâisab ǃnâ-u ǃanun di ǃanusib kōse ra ǃkharu-i khami ī. 20 ǁNāpa-ub ge Jesub, Melxisedeki di pristersi ǁgaragu ǃoa ge ǀamo ǀgapiprister* kaiba, aiǃgû-aob ase sada ǃaroma ge ǃgûǂgâ.
1 ǁNā-amaga tā da ǂguro ǁkhāǁkhādi Xristub* xa hâdi tawa mâǃari, xawe a da aiǃâb ǃoa ǀoasasib mîs diba ǁgūba. Î da tā ǃhobasens di ǃgaoǃgaob, ǁōb sîsengu diba ǁkhawa ǁguis tsî Elob ǃnâ ǂgoms, 2 ǁāǁnâs di ǁkhāǁkhās tsî ǃomǁgui-ais, ǁō hân di khâis tsî ǀamo ǀgoraǃgâs xa ǃhoa. 3 Elob di ǂâis ka, o da ge ǁnāsa nî dī.
4 Īǁoa i ge a ǁnān, ǀgui ǃnāsa Elob di ǃnâba ǃkhōǃoa tsî ge ǁnāǁgôana ǁkhawa ǃhobasen kaisa. ǀHomsi māde ǃkhōǃoa tsî ge ǃAnu Gagab di ǁhao-ao kaina. 5 ǁÎn di hōǃâsa xun ge Elob di mîs di ǃgâisib tsî ǃgoaxa ǃhūbaib di ǀgaiga ge ǂan. 6 Xawen ge ǁîn di ǂgomsa xu ge ǁnāǁgôa! Īǁoasa i ge a ǁîna ǁkhawa ǃhobasen kaisa, ǁîn ǂûn ra Elob Ôaba* ǁkhawa ǃgâu tsî ǂhaisase ǃharaxū amaga.
7 Elob ge ǁnā ǃhūb, ǃnuriǃnāde ǁîb ai ra ǁnā ǀnanuba āǂgā tsî ǁnā khoen, ǁîn ǃaromab ra sîsenheb tsî ǃgâi ǃhanaǂûna ra taniba ra ǀkhae. 8 Xawe ǁkhūn tsî ǀkhininin tsîna ra ūǀkhī ǃhūb ge a harebeoǃnâ tsî ǀâxarexūhe hâ tsî ǀams ai nî ǂhubiǂuihe.
9 ǁNāti ge ga ǃhoa, xawe ge ge ǀnamsabedo ǃgâi ǂanǁaposa ūhâ sadu xa, ǃgâi xūn sadu ǃgâiǃōsib ǃaroma hâna. 10 Elob ge ǂhanuoǃnâ tama hâ. ǁÎb ge sadu sîsenni tsî ǁkhāti ǀnammi ǁîb ǀons ǃaroma du ge ǁîb khoena ǃoaba-ūb tsî ganupe ra ǃoabab ǃaroma ǀuru du tide. 11 Sige di ǁkhoreb ge mâ-i hoa-i âdu nî ǁkhā ôasasib, ǀunis kōse du nî ǀoasa ǁaposasib ǃâubasens diba ǁgauǂui ǃkhais diba ūhâsa. 12 ǀOpesa du nî ǃkhaisa ge ge ǂgao tama hâ, xawe du nî ǁnān, ǂgoms tsî ǃnūǃnâxasib ǃnâ-u ge Elob ge mîmâi xūna ǀumin di ǁgaeǁgae-ao kai ǃkhaisa.
Elob di ǁaposa mîmâis
13 Elob ge Abrahammi ǀkha mîmâisa dī, o i ge ǁîb ǃgâ-ai kai-i, ǁî-i tawab nî nū-e ge ǀkhai i, xui-aob ge ǁîb ǂûb tawa nū 14 tsî ge mî: “Tita ge ǃkhū hâse nî ǀkhae tsi tsî sa suriba nî ǂguiǂgui.” 15 Tsîb ge Abrahamma ǁnāti ǃnūǃnâxase ǃâu tsî Elob ge ǁîba mîmâibana ge ǃkhōǃoa. 16 Khoe-i ge ǁî-i ǃgâ-ai kai-i tawa ra nū tsîs ge nūsa hoa ǂnoagu-aina ra ǀamǀam. 17 ǁNā-amagab ge Eloba mîmâis di ǀumi-aoga ǃnāsase ra ǁgau ǂgao, tsî ǁîb di mîǁguib ǀkharaǀkharahe ǁoa ǃkhaisa nūs ǀkha ra ǁapoǁapo. 18 Nē ǀgam ǀkharaǀkharaheǁoasa xūra, mîmâis tsî nūs tsîra, ǁîra ǃnâ i Eloba ǂhumib nî ǃkhaisa a īǁoasabara ǃnâ da ge sada, ǁîb ǃoa ra ǁhaiǁhâda ǀgaisa ǂgaoǂgaoǃnâs sada aiǃâ hâ ǃâubasens disa ūhâ. 19 Nēs ge sida di ǃâubasens hîa anker-i, ǁaposa tsî ǂgomǂgomsa-i, ǂgāmâisab ǃnâ-u ǃanun di ǃanusib kōse ra ǃkharu-i khami ī. 20 ǁNāpa-ub ge Jesub, Melxisedeki di pristersi ǁgaragu ǃoa ge ǀamo ǀgapiprister* kaiba, aiǃgû-aob ase sada ǃaroma ge ǃgûǂgâ.
