ǃHuniǀuritsâub
(Deuteronomium 9:6-29)1 Moseb ge ǃhommi ai sī a ǀhabe tsî ǁgôaxa tama i ǃkhaisan ge ǁaes khoena mû, on ge Aronna mâǂnami tsî ǁîb ǃoa ge mî: “ǀŪ da ge a tare-i ge ǁnā khoeb Moseb, sida ge Egipteba xū a ǂgaeǂguiǂuib ǀkha īsa, xuige elo-i hîa nî ǂgaeǂgui da-e kuruba da.”
2 Aronni ge ǁîna ge ǃeream: “Sadu tarekhoedi, ǀgôagu tsî ǀgôadi xa ǂnûihe hâ ǃhuniǀuriǂgaerade ūǁnâ, î tita tawa ǀkhī-ū.” 3 On ge hoaraga khoen hîa ge ǃhuniǀuriǂgaerade ǂnûi hâ ina ǁîde ūǁnâ tsî Aronni ǁga ge ǀkhī-ū. 4 ǁÎb ge ǂgaerade ǁîna xu ǃkhōǃoa, tsunitsuni tsî ǃhuniǀuriba tsâub di īsiba ūhâ xapab ǃnâ ǂnâ tsî ǁnāpa xu ǃhuniǀuritsâu-elo-e ge kuru.
On ge ǁîna ge mî: “Israelse nēb ge sada elob Egipteba xu ge ǂgaeǂguiǂui daba!”
5 Aronni ge nēsab ge mûo, o ǃhuniǀuritsâub aisǀkhāb ai altarsa ǂnubi tsî ge ǂanǂan: “ǁArib ge ǁâudība ǃKhūb di ǃgôasib ǃoa nî dīhe.” 6 ǃNauǁgoagan ge ǁîna khâimâ tsî khauǁguibadi tsî ǂkhîbagus ǁguibadi tsîna ge ǁguiba. ǁÎn ge ǂnû tsî ge ǂû; ǀhorob tsî ǁgauoǃnâsib ǃnâ i ge sī a ǀamǂoase.
7 Ob ge ǃKhūba Moseb ǃoa ge mî: “ǃHaese ǃhomma xu ǁgôa, sats ge Egipteba xu ǂgaeǂguiǂui ǁaes go ǁore tsî tita ǂhara xuige. 8 Tita ge ǁîna mîmā daoba xun ge ǃhaese ǁnāǁgôa tsî ǃhuniǀuritsâuba tsunitsunisa ǃhuniǀuriba xu kuru tsî ǁîba ǀgoreǀî tsî ǁguibade ra ǁguiba. ǁÎn ge ra mî: ‘Israelse nēb ge sada elob Egipteba xu ge ǂgaeǂguiǂuidaba!’ 9 Tita ge mâtikōsen nē khoena a ǃnâudanaxa ǃkhaisa a ǂan. 10 ǁNā-amaga nēsi tā tita ǁkhae re, î ta ǁîna ti ǁaib ǀkha mâǃoa tsî ǂhubiǂui; xawe satsa xu ta ge kai ǁaesa nî dī.”
11 Xaweb ge Moseba ǃKhūb ǁîb di Eloba ǀkhoma tsî ge mî: “ǃKhūtse tare-i ǃaromats sa ǁaib ǀkha sa ǁaes, Egipteba xuts ge kai ǁkhāsib tsî ǀgaisa ǁôab ǀkha ǂgaeǂguiǂuina ra mâǃoa? 12 Tā Egipteǁîna nēti mî kai: ‘ǁÎb ge ǁîna ǃhomgu ǃnâ ǃgamsa ǀnai ge ǀapeǁgui hâ-i tsî ǁîna hoaragase ǃhūbaiba xu hîkākās ǃaroma Egipteba xu ge ǂgaeǂguiǂui.’ Toxopa tā ǁîn ai ǁnātikōse ǁaixa, î ǁîna hîkākās di ǀapes hîats ūhâsa ǀû. 13 Sa ǃoaba-aogu Abrahammi, Isaki tsî Jakob tsîgu xa ǂâi re. ǁÎgu ǀkhats ge mîmâi nūs xa ǂâi re: ‘Tita ge ǀhommi di ǀgamiron khami sago suriba ǂguiǂgui tsî ǁîna ta ge mîmâiba ǃhūb hoaragaba ǁîn di ǀamo ūhâxūse ǁîna nî mā.’ ” 14 ǁNā-amagab ge ǃKhūba ǁîna hîkākās di ǀapes hîab ge ūhâ isa ge ǀû.
15 Ob ge Moseba ǃKhūba xu dabasen tsî ǃhomma xu hoaǀkhākha ai disi mîmāde xoa-aisa ǀuiǂgapakha ǀkha ge ǁgôaxa. 16 Elob ǂûb ge nē ǀuiǂgapakha kuru tsî disi mîmāde aitsama ǁîkha ai ge xoaǂgā.
17 Josuab ge khoen di ǂkhupiba ǁnâuo, ob ge Moseb ǃoa ge mî: “ǁAes hâǃkhaiba ǂnaumâi hâpa ta ge ǃkhamgub di ǂkhupib ǀguiba ra ǁnâu.”
18 Ob ge Moseba ge ǃeream: “Nēb ge dans tamas ka io ǂoaǃnâs di ǂkhupi tamaba, xawe ta ge ǁâudīb di ǁnaeb ǀguiba ra ǁnâu.”
19 Moseb ge ǁaes di ǂnaumâiǃkhaib ǀgūse a hā, ob ge ǃhuniǀuritsâub tsî mâtin ra ǂnā ǀgauba ge mû. ǁÎb ge kaise ǁaixaǃnā tsî tanib ge hâ i ǀuiǂgapakha ǃhommi ǂai-am ge ǂnoaǃā. 20 Tsîb ge ǁîn ge kuru ǃhuniǀuritsâuba ū, ǀaes ǃnâ tsunitsuni tsî ge xōntsautsau. Moseb ge ǁî-e ǁgam-i ǀkha haba tsî Israelǁîna ǁnā ǁgam-e ge ā kai. 21 Moseb ge Aronna ge dî: “Tare-en nē khoena ge dī tsi, ots ǁîna nēti ī ǁgaisi ǁoreba dīsa go mā-am?”
22 Ob ge Aronna ge ǃeream: “Tā tita ǀkha ǁaixa, sats ge ǂan mâtikōsen nē khoena a ǂkhaba ǃkhaisa. 23 ǁÎn ge tita ǃoa ge mî: ‘ǀŪ da ge a tare-i ge ǁnā khoeb Moseb, sida ge Egipteba xū a ǂgaeǂguiǂuib ǀkha īsa, xuige elo-i hîa nî ǂgaeǂgui da-e kuruba da.’ 24 O ta ge ǁîn ǃoa ge mî: ‘ǃHuniǀuri-e ūhâ-i hoa-e a-i ūǁnâ, tsî tita mā.’ ǁNās khaoǃgâ ta ǁî-e ǀaes ǃnâ tsunitsuni tsî ǁnāpa xub ge nē ǃhuniǀuritsâuba ge hā.”
25 Moseb ge mû Aronni ge khoena ǁîn di khākhoen mûǁaen taotaosase nî tanisen ǃkhaisa ǃaromasa, 26 ob ge ǁîba khoen di ǂnaumâiǃkhaib di ǂgâ-ams tawa mâ tsî ǃgari dommi ǀkha ge mî: “ǁNān hîa ǃKhūb di ǀkhāba ra ūna, an tita tawa hā!” O gu ge hoaraga Leviǁîga ǁîb ǂnamipe ge ǀhao 27 tsîb ge ǁîba ǁîgu ǃoa ge mî: “Nētib ge ǃKhūb, Israeli Eloba ra mî: ‘Ab mâ khoeb hoaba ǁîb ai gôaba ū, î nē ǂgâ-amsa xū naus kōse nē ǂnaumâiǃkhaiba ǃgûǃkharuǃnâ, î sago ǀaokhoegu, ǀhōsagu tsî ǀgūkhoegu tsîga ǃgam.’ ” 28 Leviǁîgu ge Moseb ge ǁîga mîmā khami dī tsî ǁaubexa ǃnonaǀoadisi khoega ǁnātsēs ai ge ǃgam. 29 Ob ge Moseba Leviǁîgu ǃoa ge mî: “Nētsē go ge ǃKhūb di pristerse go ǀnauǂgāhe. Nētsēb ge ǃKhūba go ǀkhae go sago ǂhunuma ǀgôagu tsî ǃgâsagu tsîna go ge ǀkhom tama hâ i ǃkhais ǃaroma.”
30 Sao ra tsēs aib ge Moseba khoen ǃoa ge mî: “Kaise du ge ǁkhōǁkhōsase ge ǁore. Xawe ta ge nēsi ǁkhawa ǃhommi ai ǃKhūb ǁga nî ǃapa, īǁkhā-i kao ta kom sadu ǁoren ǃaroma ǁîb ǀkha ǂkhîbagusa a dī ǁkhāo.” 31 Ob ge Moseba ǃKhūb ǁga oa tsî ge mî: “ǃKhūtse nē khoen ge ǁkhōǁkhōsase go ǁore. ǁÎn ge ǁgôa-elo-e ǃhuniǀurib ǀkha kurubasen tsî goro ǀgoreǀî. 32 Toxopa ǁîna ǁîn ǁorena ǀûba re tsî ǁnās ga īǁoa, o ti ǀonsa sa khoenats xoaǃnâ hâ ǂkhanisa xu ǀariǂui re.” 33 Ob ge ǃKhūba Moseba ge ǃeream: “ǁNān ti ǃoagu ge ǁoren di ǀonde ta ge ti ǂkhanisa xu nî ǀariǂui. 34 Xawe nēsi ǃgû, î khoena tita ge mîba tsi ǃkhais ǁga ǂgaeǂgui. Mû, ti ǀhomǃgāb ge sado nî hâǀkhā, xawe ǁaeb ge nî hā nē khoena ta ǁîn di ǁoreb ǃaroma nî ǁkharaba.”
35 ǁNā-amagab ge ǃKhūba ǁîn ai ǀaesenai-i di ǁkharaba ge sî, ǁîn ge Aronna ǃhuniǀuritsâuba kuru kai xui-ao.
ǃHuniǀuritsâub
(Deuteronomium 9:6-29)1 Moseb ge ǃhommi ai sī a ǀhabe tsî ǁgôaxa tama i ǃkhaisan ge ǁaes khoena mû, on ge Aronna mâǂnami tsî ǁîb ǃoa ge mî: “ǀŪ da ge a tare-i ge ǁnā khoeb Moseb, sida ge Egipteba xū a ǂgaeǂguiǂuib ǀkha īsa, xuige elo-i hîa nî ǂgaeǂgui da-e kuruba da.”
2 Aronni ge ǁîna ge ǃeream: “Sadu tarekhoedi, ǀgôagu tsî ǀgôadi xa ǂnûihe hâ ǃhuniǀuriǂgaerade ūǁnâ, î tita tawa ǀkhī-ū.” 3 On ge hoaraga khoen hîa ge ǃhuniǀuriǂgaerade ǂnûi hâ ina ǁîde ūǁnâ tsî Aronni ǁga ge ǀkhī-ū. 4 ǁÎb ge ǂgaerade ǁîna xu ǃkhōǃoa, tsunitsuni tsî ǃhuniǀuriba tsâub di īsiba ūhâ xapab ǃnâ ǂnâ tsî ǁnāpa xu ǃhuniǀuritsâu-elo-e ge kuru.
On ge ǁîna ge mî: “Israelse nēb ge sada elob Egipteba xu ge ǂgaeǂguiǂui daba!”
5 Aronni ge nēsab ge mûo, o ǃhuniǀuritsâub aisǀkhāb ai altarsa ǂnubi tsî ge ǂanǂan: “ǁArib ge ǁâudība ǃKhūb di ǃgôasib ǃoa nî dīhe.” 6 ǃNauǁgoagan ge ǁîna khâimâ tsî khauǁguibadi tsî ǂkhîbagus ǁguibadi tsîna ge ǁguiba. ǁÎn ge ǂnû tsî ge ǂû; ǀhorob tsî ǁgauoǃnâsib ǃnâ i ge sī a ǀamǂoase.
7 Ob ge ǃKhūba Moseb ǃoa ge mî: “ǃHaese ǃhomma xu ǁgôa, sats ge Egipteba xu ǂgaeǂguiǂui ǁaes go ǁore tsî tita ǂhara xuige. 8 Tita ge ǁîna mîmā daoba xun ge ǃhaese ǁnāǁgôa tsî ǃhuniǀuritsâuba tsunitsunisa ǃhuniǀuriba xu kuru tsî ǁîba ǀgoreǀî tsî ǁguibade ra ǁguiba. ǁÎn ge ra mî: ‘Israelse nēb ge sada elob Egipteba xu ge ǂgaeǂguiǂuidaba!’ 9 Tita ge mâtikōsen nē khoena a ǃnâudanaxa ǃkhaisa a ǂan. 10 ǁNā-amaga nēsi tā tita ǁkhae re, î ta ǁîna ti ǁaib ǀkha mâǃoa tsî ǂhubiǂui; xawe satsa xu ta ge kai ǁaesa nî dī.”
11 Xaweb ge Moseba ǃKhūb ǁîb di Eloba ǀkhoma tsî ge mî: “ǃKhūtse tare-i ǃaromats sa ǁaib ǀkha sa ǁaes, Egipteba xuts ge kai ǁkhāsib tsî ǀgaisa ǁôab ǀkha ǂgaeǂguiǂuina ra mâǃoa? 12 Tā Egipteǁîna nēti mî kai: ‘ǁÎb ge ǁîna ǃhomgu ǃnâ ǃgamsa ǀnai ge ǀapeǁgui hâ-i tsî ǁîna hoaragase ǃhūbaiba xu hîkākās ǃaroma Egipteba xu ge ǂgaeǂguiǂui.’ Toxopa tā ǁîn ai ǁnātikōse ǁaixa, î ǁîna hîkākās di ǀapes hîats ūhâsa ǀû. 13 Sa ǃoaba-aogu Abrahammi, Isaki tsî Jakob tsîgu xa ǂâi re. ǁÎgu ǀkhats ge mîmâi nūs xa ǂâi re: ‘Tita ge ǀhommi di ǀgamiron khami sago suriba ǂguiǂgui tsî ǁîna ta ge mîmâiba ǃhūb hoaragaba ǁîn di ǀamo ūhâxūse ǁîna nî mā.’ ” 14 ǁNā-amagab ge ǃKhūba ǁîna hîkākās di ǀapes hîab ge ūhâ isa ge ǀû.
15 Ob ge Moseba ǃKhūba xu dabasen tsî ǃhomma xu hoaǀkhākha ai disi mîmāde xoa-aisa ǀuiǂgapakha ǀkha ge ǁgôaxa. 16 Elob ǂûb ge nē ǀuiǂgapakha kuru tsî disi mîmāde aitsama ǁîkha ai ge xoaǂgā.
17 Josuab ge khoen di ǂkhupiba ǁnâuo, ob ge Moseb ǃoa ge mî: “ǁAes hâǃkhaiba ǂnaumâi hâpa ta ge ǃkhamgub di ǂkhupib ǀguiba ra ǁnâu.”
18 Ob ge Moseba ge ǃeream: “Nēb ge dans tamas ka io ǂoaǃnâs di ǂkhupi tamaba, xawe ta ge ǁâudīb di ǁnaeb ǀguiba ra ǁnâu.”
19 Moseb ge ǁaes di ǂnaumâiǃkhaib ǀgūse a hā, ob ge ǃhuniǀuritsâub tsî mâtin ra ǂnā ǀgauba ge mû. ǁÎb ge kaise ǁaixaǃnā tsî tanib ge hâ i ǀuiǂgapakha ǃhommi ǂai-am ge ǂnoaǃā. 20 Tsîb ge ǁîn ge kuru ǃhuniǀuritsâuba ū, ǀaes ǃnâ tsunitsuni tsî ge xōntsautsau. Moseb ge ǁî-e ǁgam-i ǀkha haba tsî Israelǁîna ǁnā ǁgam-e ge ā kai. 21 Moseb ge Aronna ge dî: “Tare-en nē khoena ge dī tsi, ots ǁîna nēti ī ǁgaisi ǁoreba dīsa go mā-am?”
22 Ob ge Aronna ge ǃeream: “Tā tita ǀkha ǁaixa, sats ge ǂan mâtikōsen nē khoena a ǂkhaba ǃkhaisa. 23 ǁÎn ge tita ǃoa ge mî: ‘ǀŪ da ge a tare-i ge ǁnā khoeb Moseb, sida ge Egipteba xū a ǂgaeǂguiǂuib ǀkha īsa, xuige elo-i hîa nî ǂgaeǂgui da-e kuruba da.’ 24 O ta ge ǁîn ǃoa ge mî: ‘ǃHuniǀuri-e ūhâ-i hoa-e a-i ūǁnâ, tsî tita mā.’ ǁNās khaoǃgâ ta ǁî-e ǀaes ǃnâ tsunitsuni tsî ǁnāpa xub ge nē ǃhuniǀuritsâuba ge hā.”
25 Moseb ge mû Aronni ge khoena ǁîn di khākhoen mûǁaen taotaosase nî tanisen ǃkhaisa ǃaromasa, 26 ob ge ǁîba khoen di ǂnaumâiǃkhaib di ǂgâ-ams tawa mâ tsî ǃgari dommi ǀkha ge mî: “ǁNān hîa ǃKhūb di ǀkhāba ra ūna, an tita tawa hā!” O gu ge hoaraga Leviǁîga ǁîb ǂnamipe ge ǀhao 27 tsîb ge ǁîba ǁîgu ǃoa ge mî: “Nētib ge ǃKhūb, Israeli Eloba ra mî: ‘Ab mâ khoeb hoaba ǁîb ai gôaba ū, î nē ǂgâ-amsa xū naus kōse nē ǂnaumâiǃkhaiba ǃgûǃkharuǃnâ, î sago ǀaokhoegu, ǀhōsagu tsî ǀgūkhoegu tsîga ǃgam.’ ” 28 Leviǁîgu ge Moseb ge ǁîga mîmā khami dī tsî ǁaubexa ǃnonaǀoadisi khoega ǁnātsēs ai ge ǃgam. 29 Ob ge Moseba Leviǁîgu ǃoa ge mî: “Nētsē go ge ǃKhūb di pristerse go ǀnauǂgāhe. Nētsēb ge ǃKhūba go ǀkhae go sago ǂhunuma ǀgôagu tsî ǃgâsagu tsîna go ge ǀkhom tama hâ i ǃkhais ǃaroma.”
30 Sao ra tsēs aib ge Moseba khoen ǃoa ge mî: “Kaise du ge ǁkhōǁkhōsase ge ǁore. Xawe ta ge nēsi ǁkhawa ǃhommi ai ǃKhūb ǁga nî ǃapa, īǁkhā-i kao ta kom sadu ǁoren ǃaroma ǁîb ǀkha ǂkhîbagusa a dī ǁkhāo.” 31 Ob ge Moseba ǃKhūb ǁga oa tsî ge mî: “ǃKhūtse nē khoen ge ǁkhōǁkhōsase go ǁore. ǁÎn ge ǁgôa-elo-e ǃhuniǀurib ǀkha kurubasen tsî goro ǀgoreǀî. 32 Toxopa ǁîna ǁîn ǁorena ǀûba re tsî ǁnās ga īǁoa, o ti ǀonsa sa khoenats xoaǃnâ hâ ǂkhanisa xu ǀariǂui re.” 33 Ob ge ǃKhūba Moseba ge ǃeream: “ǁNān ti ǃoagu ge ǁoren di ǀonde ta ge ti ǂkhanisa xu nî ǀariǂui. 34 Xawe nēsi ǃgû, î khoena tita ge mîba tsi ǃkhais ǁga ǂgaeǂgui. Mû, ti ǀhomǃgāb ge sado nî hâǀkhā, xawe ǁaeb ge nî hā nē khoena ta ǁîn di ǁoreb ǃaroma nî ǁkharaba.”
35 ǁNā-amagab ge ǃKhūba ǁîn ai ǀaesenai-i di ǁkharaba ge sî, ǁîn ge Aronna ǃhuniǀuritsâuba kuru kai xui-ao.
