1 Paulub, Xristub* Jesub di ǃoaba-aob, apostelse* ǂgaihe tsî Elob di ǃGâiǂhôas ǃaroma ge ǁhûiǂuiheba xu.
2 Nē ǃGâiǂhôas ge ǀnai Elob xa kēbo-aogu ǃnâ-u ge mîmâihe hâ i, ǃAnu Xoadi ǃnâ i hâ khami. 3 Nē ǃGâiǂhôas ge ǁîb Ôab, khoeb ase ge Davidi suriba ǃnaeb xa hâ. 4 ǁÎb di khâis ai ǃgaoǃgaohe hâseb ge ǃanusib di Gagab ǃnâ-u kai ǀgaib ǀkha, Elob di Ôab tsî sada ǃKhūb Jesub Xristub ase ge ǁgaumâihe. 5 ǁÎb ǃnâ-u ta ge ǀkhommi tsî apostelsisa ge ǃkhōǃoa, ǂgoms di ǁnâuǀnamxasiba ta ǁîb di ǀons ǃaroma hoa Jodeǁî taman* ǃnâ nî aoǁnâse. 6 Sadu tsîn ge Jesub Xristub dise ǂgaihe hâse nēs ǃnâ ǃkhōǂgāsa.
7 Romes ǃnâ hân hoan, Elob xa ǀnamhe tsî ǁîb khoese ǂgaihe hân ǃoa:
Ab Elob sada Îb tsî ǃKhūb Jesub Xristuba ǀkhommi tsî ǂkhîba mā du.
Paulub ra Eloba gangan
8 ǂGurosa ta ge Jesub Xristub ǃnâ-u sadu hoadu ǃaroma ti Eloba ra gangan, sadu ǂgoms hoaraga ǃhūbaib ǃnâ ra ǂhôahe xui-ao. 9 Elob, ti gagas hoas ǀkha ta ra ǁîb Ôab di ǃGâiǂhôasa aoǁnâs ǃnâ-u ǃoabab ge a ti ǃkhō-amao, mâti ta ǀgore ta ga ǃnās hoasa ǀûs ose sadu xa ra ǂâi ǃkhaisa. 10 Tsî ta ge Elob ǃoa ra ǀgore ǀams aib sado tawa ta nî sī ǃkhaisa nî īǁkhā kaisa. 11 Gagasi mā-e ta nî sadu ǀgaiǀgaiǃnâs ǃaroma sadu ǀkha ǀgoragu ǁkhāse ta ge mû du ta nî ǃkhaisa ra ǁkhore. 12 Tita ra ǂâibasens ge sada ǁîǃnābe nî ǂgaoǂgaoǃnâgu ǃkhaisa, sado ti ǂgoms xa tsî tita sadu dis xa.
13 ǃGâsado, ǂan du nî ǃkhaisa ta ge ra ǂgao, ǂgui ǃnāde ta sadu tawa sīsa gere dītsâ, ti sîsenni nî nau Jodeǁî taman tawas ǁkhās khami ǃgâiǃgâxase, xawe ta ge nēsis kōse go ǂhanihe hâ i. 14 Tita ge Grikeǁîn tsî ǃhaokhoen, gā-ain tsî ǁkhāǁkhāsa taman tsîn hoana surude hâ. 15 ǁNā-amaga ta ge ǁkhāti sadu Romes ǃnâ hâdo ǃGâiǂhôasa aoǁnâbasa ǁnātikōse a turaxaba.
ǃGâiǂhôas di ǀgaib
16 ǃGâiǂhôas xa ta ge tao tama hâ. Elob ores di ǀgaib ge ǂgom ra-i hoa-i di ǃgâiǃōsib ǃaroma hâ, ǂgurosa Jodeǁîn tsî ǁkhāti Grikeǁîn tsîn ǃaroma. 17 ǃGâiǂhôas ge ra ǂhaiǂhai mâtib Eloba khoena ǁîb ǀkha ra ǂhanu-ai kai ǃkhaisa; nēs ge ǂgoms ǃnâ-usa, tsoatsoasa xu ǀunis kōse. Xoas ra mî khami: “Elob ǀkha ǂgoms ǃnâ-u ǂhanu-ai kaihe hâ khoe-i ǀgui-i ge nî ûi.”
Khoesib di ǀhapixasib
18 Elob di ǁaib ge ǀhomma xu hoa eloxoresa tsî ǂhanuoǃnâ khoen hîa ǁîb di amaba ǂhanuoǃnâsib ǀkha ra ǂhanin ǃoagu ra ǂhaiǂhaihe. 19 Elob xan a ǂan ǁkhā xūn hoan ge ǁîna a ǂhaisaba, Elob ǂûb ge ǁîna nē xūna ǂgaogu ân ǃnâ ǂhaiǂhaiba xui-ao. 20 ǃHūbaib di kuruhesa xub ge ǁîb di mûheǁoasa ǂūsiba a ǂhaisa. ǁÎb di ǀamo ǀgaib tsî elosib tsîn ge ǁîb ge kuru xūn ǃnâ ǃgāsase a mûhesa. ǁNā-amaga i ge khoen ǃaroma ǀhapiokaisen-e a ǀkhai. 21 Eloban ge ǂan i, xawen ge ǁîba anub hâ ǃgôasib tamas ka io gangansa ge mā tama hâ i. ǁÎn di ǂâiǀgaugu ge ge harebeoǃnâ tsî ǁîn di ǁnâuǃāoǃnâ ǂgaogu ge ge ǃkhae, 22 gā-aisen ra dīsen xawen ge ge gâre. 23 Tsîn ge ǁō ǁoa Elob di ǂkhaisib ǃās ǃnân ge ǁō ra khoen, anin, ǀgurun tsî ǂhanaben di īga ra ǀgoreǀî.
24 ǁNā-amagab ge Eloba ǁîna ǁîn ǂgaogu di turagu ǃnâ ǃanuoǃnâsib ǃoa ge māǁnâ, sorodi ânan ǀaib ǀkha ǁîǃnābe nî ǃgôaoǃnâ kaise. 25 ǁÎn ge Elob di amaba ǂhumib ǃnâ ǀkharaǀkhara tsî Kuru-aob, ǀamose nî ǀgoreǀîheb ǃās ǃnâ kurusa xūna ǀgoreǀî tsî gere ǃoaba. Amen.*
26 ǁNā-amagab ge Eloba ǁîna taotaosa turagu ǃnâ ge māǁnâ. Tarekhoedi ge khoesi ǂūsi ǁgoe-ūgusa khoesi ǂūsib ǃoagu hâs ǃnâ gere ǀkharaǀkhara. 27 ǁNās ǁkhās xase gu ge ǁkhāti aorekhoega khoesi ǂūsi sîsenūs tarekhoes disa ǁnāxū tsî ǁîgu di tura-aigu ǃnâ māǁnâsen tsî ǁîǃnābe ǁgoe-ūgus ǀkha taotaosa xūna gere dī tsî gu ge anu i a khami ǁîgu dīsādi di ǁkharaba ǁîgu ǂûgu ǂama ge ǃkhōǃoa.
28 ǁÎn ge Eloba mûǂan tama ge i, ǁnā-amagab ge ǁîba ǁîna ǁgaoǁgaosa ǂâidi ǃnâ ge māǁnâ, ǁgauoǃnâ ûib ǀkhan nî aiǃgûse. 29 ǁÎn ge ǂguiǃnâgu ǂkhabasigu, ǂkhabab, xūǃgunuxasib, ǂūǁoasib, tauxasib, ǃgams, ǂnoagus, gāxaǃnâsib, ǂkhabaxasib tsî ǀhoegub xa ge ǀoa. 30 ǁÎn ge mîǁgaiǁgai-aon, eloǁkhanaon, ǃkhāǃkhā-aon, ǀgapiǂâixan, ǂamaxan, ǂkhabana ra ǂâiǂuin, ǁgûna ǁnâuǀnam taman, 31 ǁnâuǃāoǃnân, ǂgomoǃnân, ǀnamoǃnân tsî ǀkhomoǃnân tsîna. 32 ǁÎn a ǂan Elob di ǂhanu-ai ǂgaoǀkhāde, ǁnāti ī xūna ra dī khoen ǁōba anu hâ ǃkhaisa, ǁîn ge nē xūna dīs ǀguisa hî tama, xawe nēsa ra dīn tsîna ǁkhāti ra ǂkhâǃnâ.
1 Paulub, Xristub* Jesub di ǃoaba-aob, apostelse* ǂgaihe tsî Elob di ǃGâiǂhôas ǃaroma ge ǁhûiǂuiheba xu.
2 Nē ǃGâiǂhôas ge ǀnai Elob xa kēbo-aogu ǃnâ-u ge mîmâihe hâ i, ǃAnu Xoadi ǃnâ i hâ khami. 3 Nē ǃGâiǂhôas ge ǁîb Ôab, khoeb ase ge Davidi suriba ǃnaeb xa hâ. 4 ǁÎb di khâis ai ǃgaoǃgaohe hâseb ge ǃanusib di Gagab ǃnâ-u kai ǀgaib ǀkha, Elob di Ôab tsî sada ǃKhūb Jesub Xristub ase ge ǁgaumâihe. 5 ǁÎb ǃnâ-u ta ge ǀkhommi tsî apostelsisa ge ǃkhōǃoa, ǂgoms di ǁnâuǀnamxasiba ta ǁîb di ǀons ǃaroma hoa Jodeǁî taman* ǃnâ nî aoǁnâse. 6 Sadu tsîn ge Jesub Xristub dise ǂgaihe hâse nēs ǃnâ ǃkhōǂgāsa.
7 Romes ǃnâ hân hoan, Elob xa ǀnamhe tsî ǁîb khoese ǂgaihe hân ǃoa:
Ab Elob sada Îb tsî ǃKhūb Jesub Xristuba ǀkhommi tsî ǂkhîba mā du.
Paulub ra Eloba gangan
8 ǂGurosa ta ge Jesub Xristub ǃnâ-u sadu hoadu ǃaroma ti Eloba ra gangan, sadu ǂgoms hoaraga ǃhūbaib ǃnâ ra ǂhôahe xui-ao. 9 Elob, ti gagas hoas ǀkha ta ra ǁîb Ôab di ǃGâiǂhôasa aoǁnâs ǃnâ-u ǃoabab ge a ti ǃkhō-amao, mâti ta ǀgore ta ga ǃnās hoasa ǀûs ose sadu xa ra ǂâi ǃkhaisa. 10 Tsî ta ge Elob ǃoa ra ǀgore ǀams aib sado tawa ta nî sī ǃkhaisa nî īǁkhā kaisa. 11 Gagasi mā-e ta nî sadu ǀgaiǀgaiǃnâs ǃaroma sadu ǀkha ǀgoragu ǁkhāse ta ge mû du ta nî ǃkhaisa ra ǁkhore. 12 Tita ra ǂâibasens ge sada ǁîǃnābe nî ǂgaoǂgaoǃnâgu ǃkhaisa, sado ti ǂgoms xa tsî tita sadu dis xa.
13 ǃGâsado, ǂan du nî ǃkhaisa ta ge ra ǂgao, ǂgui ǃnāde ta sadu tawa sīsa gere dītsâ, ti sîsenni nî nau Jodeǁî taman tawas ǁkhās khami ǃgâiǃgâxase, xawe ta ge nēsis kōse go ǂhanihe hâ i. 14 Tita ge Grikeǁîn tsî ǃhaokhoen, gā-ain tsî ǁkhāǁkhāsa taman tsîn hoana surude hâ. 15 ǁNā-amaga ta ge ǁkhāti sadu Romes ǃnâ hâdo ǃGâiǂhôasa aoǁnâbasa ǁnātikōse a turaxaba.
ǃGâiǂhôas di ǀgaib
16 ǃGâiǂhôas xa ta ge tao tama hâ. Elob ores di ǀgaib ge ǂgom ra-i hoa-i di ǃgâiǃōsib ǃaroma hâ, ǂgurosa Jodeǁîn tsî ǁkhāti Grikeǁîn tsîn ǃaroma. 17 ǃGâiǂhôas ge ra ǂhaiǂhai mâtib Eloba khoena ǁîb ǀkha ra ǂhanu-ai kai ǃkhaisa; nēs ge ǂgoms ǃnâ-usa, tsoatsoasa xu ǀunis kōse. Xoas ra mî khami: “Elob ǀkha ǂgoms ǃnâ-u ǂhanu-ai kaihe hâ khoe-i ǀgui-i ge nî ûi.”
Khoesib di ǀhapixasib
18 Elob di ǁaib ge ǀhomma xu hoa eloxoresa tsî ǂhanuoǃnâ khoen hîa ǁîb di amaba ǂhanuoǃnâsib ǀkha ra ǂhanin ǃoagu ra ǂhaiǂhaihe. 19 Elob xan a ǂan ǁkhā xūn hoan ge ǁîna a ǂhaisaba, Elob ǂûb ge ǁîna nē xūna ǂgaogu ân ǃnâ ǂhaiǂhaiba xui-ao. 20 ǃHūbaib di kuruhesa xub ge ǁîb di mûheǁoasa ǂūsiba a ǂhaisa. ǁÎb di ǀamo ǀgaib tsî elosib tsîn ge ǁîb ge kuru xūn ǃnâ ǃgāsase a mûhesa. ǁNā-amaga i ge khoen ǃaroma ǀhapiokaisen-e a ǀkhai. 21 Eloban ge ǂan i, xawen ge ǁîba anub hâ ǃgôasib tamas ka io gangansa ge mā tama hâ i. ǁÎn di ǂâiǀgaugu ge ge harebeoǃnâ tsî ǁîn di ǁnâuǃāoǃnâ ǂgaogu ge ge ǃkhae, 22 gā-aisen ra dīsen xawen ge ge gâre. 23 Tsîn ge ǁō ǁoa Elob di ǂkhaisib ǃās ǃnân ge ǁō ra khoen, anin, ǀgurun tsî ǂhanaben di īga ra ǀgoreǀî.
24 ǁNā-amagab ge Eloba ǁîna ǁîn ǂgaogu di turagu ǃnâ ǃanuoǃnâsib ǃoa ge māǁnâ, sorodi ânan ǀaib ǀkha ǁîǃnābe nî ǃgôaoǃnâ kaise. 25 ǁÎn ge Elob di amaba ǂhumib ǃnâ ǀkharaǀkhara tsî Kuru-aob, ǀamose nî ǀgoreǀîheb ǃās ǃnâ kurusa xūna ǀgoreǀî tsî gere ǃoaba. Amen.*
26 ǁNā-amagab ge Eloba ǁîna taotaosa turagu ǃnâ ge māǁnâ. Tarekhoedi ge khoesi ǂūsi ǁgoe-ūgusa khoesi ǂūsib ǃoagu hâs ǃnâ gere ǀkharaǀkhara. 27 ǁNās ǁkhās xase gu ge ǁkhāti aorekhoega khoesi ǂūsi sîsenūs tarekhoes disa ǁnāxū tsî ǁîgu di tura-aigu ǃnâ māǁnâsen tsî ǁîǃnābe ǁgoe-ūgus ǀkha taotaosa xūna gere dī tsî gu ge anu i a khami ǁîgu dīsādi di ǁkharaba ǁîgu ǂûgu ǂama ge ǃkhōǃoa.
28 ǁÎn ge Eloba mûǂan tama ge i, ǁnā-amagab ge ǁîba ǁîna ǁgaoǁgaosa ǂâidi ǃnâ ge māǁnâ, ǁgauoǃnâ ûib ǀkhan nî aiǃgûse. 29 ǁÎn ge ǂguiǃnâgu ǂkhabasigu, ǂkhabab, xūǃgunuxasib, ǂūǁoasib, tauxasib, ǃgams, ǂnoagus, gāxaǃnâsib, ǂkhabaxasib tsî ǀhoegub xa ge ǀoa. 30 ǁÎn ge mîǁgaiǁgai-aon, eloǁkhanaon, ǃkhāǃkhā-aon, ǀgapiǂâixan, ǂamaxan, ǂkhabana ra ǂâiǂuin, ǁgûna ǁnâuǀnam taman, 31 ǁnâuǃāoǃnân, ǂgomoǃnân, ǀnamoǃnân tsî ǀkhomoǃnân tsîna. 32 ǁÎn a ǂan Elob di ǂhanu-ai ǂgaoǀkhāde, ǁnāti ī xūna ra dī khoen ǁōba anu hâ ǃkhaisa, ǁîn ge nē xūna dīs ǀguisa hî tama, xawe nēsa ra dīn tsîna ǁkhāti ra ǂkhâǃnâ.
