Ūhâxūn xa hâ ǁgaragu
1 “Khoe-i ga goma-i, gū-i tamas ka io piri-e ǃnari tsî ǂā tamas ka io ǁamaxūo, o-i ge ǀgui goma-i ai koro goman tsî ǀgui gū-i tamas ka io piri-i ai haka gūn tamas ka io pirina nî matare-oa. 2-4 ǃNari-i ge xūn ǃaroma-i ge nî matare-oa. Xawe i ga matare-oas ǃaroma xū-e ūhâ tama i, o-i ge khobo-i ase nî ǁamaxūhe, î-i ǃnari-i ge xūna ǁnā ǀgaus ai matare-oa. ǃNari-i hâ goma-i, dâuki-i, gū-i tamas ka io piri-i ga ûitsamase ǁî-i tawa hōhe, o-i ge mâ-i hoa-i ai ǀgamna nî matare-oa.
“ǃNari-ao-i, tsuxub ǃnâ sa omsa ra khôaǂgâ-ets ga ǃkhō tsî ǃgam, o i ge khoe-i ǁî-e ra ǃgam-e a ǀhapio. Xawets ga tsēa ra khôaǂgâ ǃnari-ao-e a ǃgam, ots ge ǃgams ǃaroma a ǀhapixa.
5 “Khoe-i ga ǁî-i di ǀgoana ǃgarob tamas ka io draibeǃhanab ǃnâ ǃû kai tsîn ga ǀnî khoeb di ǃhanab tamas ka io draibeǃhanab ǃnâ sī ǃû tsî ǃhanaǂûn tamas ka io draibehaide a hapu, ob ge ǁnā ǀgoan di ǀhonkhoeba ǂoaǂamsa ǃhanaǂûn tamas ka io draiben ǁîb ǂgā hâna xū nau khoeba nî mādawa-am.
6 “Khoe-i ga ǂhubiba ǃaroma tsîb ga nē ǀaeba khoraǂuisen tsî nau khoe-i di ǃhanab kōse sī tsî ǁî-i ǃhoroba hîkākā, o-i ge ǁnā khoe-i ǀaeba go ǃaroma-e, hâ go ǂkhôaba nî mādawa-am.
7 “Khoe-i ga ǁî-i ǀgūkhoe-i di mari-i tamas ka io ūhâxūn â-e ǁî-i oms ǃnâ sâusa ǀhûǀgui, tsîs ga marisa ǃnarihe, tsî ǃnari-ao-e a ǃkhōhe, o-i ge ǃnari-ao-e ǀgamǃnâguse ǁnā marisa nî matare-oa. 8 Xawe i ga ǃnari-ao-e hōhe tama i, o-i ge ǁnā khoe-i hîa go ǁî-i oms ǃnâ mari-i tamas ka io ūhâxūna sâu-e Elob ra ǀgoreǀîhe ǃkhaib tawa sī-ūhe tsî ǁî-i ǀgūkhoe-i di marisa i ǃnari tama ǃkhaisa nî nū.
9 “ǀGam khoen di ǁaegu i ga goma-i, dâuki-i, gū-i, piri-i, sara-i tamas ka io tarexū-i ǀgui-i ai i tari-i a ǀhonkhoe ǃkhaisa ǂnoagu, on ge ǁnā ǀgam khoena Elob ra ǀgoreǀîhe ǃkhaib tawa nî sī-ūhe. ǁNā khoe-i hîab Eloba ǀhapixase ra ǁgauǂui-i ge ǀgamǃnâguse ǁî-i ǀgūkhoe-e nî matare-oa.
10 “Khoe-i ga ǁî-i ǀgūkhoe-i di dâuki-i, goma-i, gū-i, piri-i tamas ka io ǀnî ǂgarixū-e ǁî-i tawa hâsa ǀhûǀgui, tsî i ga ǁnās khaoǃgâ nē xūna xu ǀgui-e ǁō, tsûtsûhe tamas ka io ǃnarihe, tsî i ga ǀhûǀguitimî-ao-e a ǀkhai, 11 o-i ge ǀhûǀgui go khoe-e ǃKhūb ra ǀgoreǀîhe ǃkhaib tawa sī tsî ǁî-i ǀgūkhoe-i di ǂgarixū-e i ǃnari tama ǃkhaisa nî nū. ǃNarihe tama i ka io, ob ge ǁî-i di ǀhonkhoeba kōǃgâ-aob di mîsa nî ūǃoa tsî-i ge ǂhâbasasi-e nî ǀkhai kōǃgâ-aob nî matare bi ǃkhaisa. 12 Xawe-i ga ǃnarihe, ob ge ǁî-i di ǀhonkhoeba nî matare-oahe. 13 ǂGarixū-i ga ǀguru-i xa ǃgarob ǃnâ a nâǃanhe, ob ge kōǃgâ-aoba ǃgau hâ ǃân nâǃanhe go ǂgarixū-i dina ǁgauǁgaus ase nî hā-ūsao; ǀguru-i xa nâǃanhe hâ ǂgarixū-i ge matare-oahe tide.
14 “Khoe-i ga ǁî-i ǀgūkhoe-i ai ǂgarixū-e ǀkhupi tsî-i ga nē ǂgarixū-e ǁî-i ǀhonkhoeb ǁnāpa ǀkhai hîa tsû tamas ka io ǁō, ob ge ǀhonkhoeba ǀkhupi-aob xa ǀoasase nî matare-oahe. 15 Xawe ǀhonkhoe-i hâ hîa i ga ǂgarixū-e tsû tamas ka io ǁō, o-i ge matare-oahe tide. ǀKhupisa ǂgarixū-i kao, os ge ǂoaǃnâsa ǀkhupimataremaris xa ra dīǀoaǀoahe.
Gagasi tsî hoaǃnā-aixa ûib xa hâ ǁgaragu
16 “Khoeb ga oaxaes noxopa ǃgameb mîmâi-e ūhâ tamasa sorosi ǁgoe-ūgus kōse ǂgaeǂhapuo, ob ge ǃgamemarisa matare tsî ǁîsa nî ǃgame. 17 Xaweb ga oaxaes îba ǁîb nî ǁîsa ǃgame ǃkhaisa ǂgao tama i, ob ge ǂgaeǂhapu-aoba oaxaes îba ǃgamemaris ǀkha a ǀguitikō marisa ǀgôas di oaxaesisab go khôa ǃkhais ǃaroma nî matare.
18 “Tarekhoes hîa ra ǃgaidīs hoas ge nî ǃgamhe.
19 “Aorekhoeb hîa ǂgarixū-i ǀkha ra sorosise ǂharugub hoab ge nî ǃgamhe.
20 “Tita ǃKhūta ga ǁguibade ǁguiba tama i tsî ǀkhara elo-e ǁguiba-e ǁguiba khoe-i hoa-i ge nî ǃgamhe.
21 “Tā ǃhaokhoe-e ǁgaise ûi-ū tamas ka io ǁgâiǀā; sadu tsîn ge Egipteb ǃnâ ǃhaokhoe i xuige. 22 Tā ǃoataras tamas ka io ǃguniǀgôa-i xare-e ǁgaise ûi-ū. 23 ǁÎna du ga ǁgaise ûi-ū tsîb ga ǁîn di ǂgaidomma ti ǃoa sī, o ta ge tita ǁîn di huise nî hā. 24 Tsî ta ge kaise ǁaixa tsî gôab ǀkha nî ǃgam du. Sago taradi ge nî ǃoatara kai tsî sago ôana ǃguniǀgôa kai.
25 “ǀGâsa khoena du ga mari-e ǀkhupi, o tā mariǀkhupi-ao-i khami dīsen tsî ǁîna xu sâuhōǂgāmarisan nî matare ǃkhaisa ǃâubasen. 26 Sa ǀgūkhoe-i di sarabats ga matares di mâiǁkhaebas ase ū, ots ge sores nî ǂgâs aiǃâ ǁîba nî mā-oa, 27 ǁnā sarab ǀguiba-i ǁnā khoe-e soros di anaǂamxūse ūhâ xui-ao. Tare-i, ǀnî-i ǀkha i ǁgoe i karao nî anasen? ǁÎ-i ga tita ǃoa huib ǃaroma ǂgai, o ta ge tita ǁî-e ǀkhomxaǃnâ ta a xui-ao nî ǁnâu-am.
28 “Tātsēs tsîna tā Elob xa ǂkhabase ǃhoa, tā sa ǁaes di ǂgaeǂgui-aoba ǀâxare.
29 “ǃGaos di ǁaeb ai mâiǂui tamase sadu ǃhorob, ǂauxûi-i, tsî ǀkhera-oli-i tsîna xu tita ǁguibade mā.
“Sadu ǂguroǃnaesaga mā te. 30 ǂGuroǃnaesagu sadu goman, gūn tsî pirin diga mā te. Ab ǂguroǃnaesaba aibe hû tsēde ǁgûs ǀkha hâ, tsî ǁkhaisaǁî tsēs ai ǁîba tita ǁguiba.
31 “Tita du nî ǀgoreǀîse du khaihe hâ xui-ao, tā ǃgarob ǃnâ ǀguru-i xa nâǃanhe hâ ûitsama xū-i di ǁgan-e ǂû, xawe arina aoba.
Ūhâxūn xa hâ ǁgaragu
1 “Khoe-i ga goma-i, gū-i tamas ka io piri-e ǃnari tsî ǂā tamas ka io ǁamaxūo, o-i ge ǀgui goma-i ai koro goman tsî ǀgui gū-i tamas ka io piri-i ai haka gūn tamas ka io pirina nî matare-oa. 2-4 ǃNari-i ge xūn ǃaroma-i ge nî matare-oa. Xawe i ga matare-oas ǃaroma xū-e ūhâ tama i, o-i ge khobo-i ase nî ǁamaxūhe, î-i ǃnari-i ge xūna ǁnā ǀgaus ai matare-oa. ǃNari-i hâ goma-i, dâuki-i, gū-i tamas ka io piri-i ga ûitsamase ǁî-i tawa hōhe, o-i ge mâ-i hoa-i ai ǀgamna nî matare-oa.
“ǃNari-ao-i, tsuxub ǃnâ sa omsa ra khôaǂgâ-ets ga ǃkhō tsî ǃgam, o i ge khoe-i ǁî-e ra ǃgam-e a ǀhapio. Xawets ga tsēa ra khôaǂgâ ǃnari-ao-e a ǃgam, ots ge ǃgams ǃaroma a ǀhapixa.
5 “Khoe-i ga ǁî-i di ǀgoana ǃgarob tamas ka io draibeǃhanab ǃnâ ǃû kai tsîn ga ǀnî khoeb di ǃhanab tamas ka io draibeǃhanab ǃnâ sī ǃû tsî ǃhanaǂûn tamas ka io draibehaide a hapu, ob ge ǁnā ǀgoan di ǀhonkhoeba ǂoaǂamsa ǃhanaǂûn tamas ka io draiben ǁîb ǂgā hâna xū nau khoeba nî mādawa-am.
6 “Khoe-i ga ǂhubiba ǃaroma tsîb ga nē ǀaeba khoraǂuisen tsî nau khoe-i di ǃhanab kōse sī tsî ǁî-i ǃhoroba hîkākā, o-i ge ǁnā khoe-i ǀaeba go ǃaroma-e, hâ go ǂkhôaba nî mādawa-am.
7 “Khoe-i ga ǁî-i ǀgūkhoe-i di mari-i tamas ka io ūhâxūn â-e ǁî-i oms ǃnâ sâusa ǀhûǀgui, tsîs ga marisa ǃnarihe, tsî ǃnari-ao-e a ǃkhōhe, o-i ge ǃnari-ao-e ǀgamǃnâguse ǁnā marisa nî matare-oa. 8 Xawe i ga ǃnari-ao-e hōhe tama i, o-i ge ǁnā khoe-i hîa go ǁî-i oms ǃnâ mari-i tamas ka io ūhâxūna sâu-e Elob ra ǀgoreǀîhe ǃkhaib tawa sī-ūhe tsî ǁî-i ǀgūkhoe-i di marisa i ǃnari tama ǃkhaisa nî nū.
9 “ǀGam khoen di ǁaegu i ga goma-i, dâuki-i, gū-i, piri-i, sara-i tamas ka io tarexū-i ǀgui-i ai i tari-i a ǀhonkhoe ǃkhaisa ǂnoagu, on ge ǁnā ǀgam khoena Elob ra ǀgoreǀîhe ǃkhaib tawa nî sī-ūhe. ǁNā khoe-i hîab Eloba ǀhapixase ra ǁgauǂui-i ge ǀgamǃnâguse ǁî-i ǀgūkhoe-e nî matare-oa.
10 “Khoe-i ga ǁî-i ǀgūkhoe-i di dâuki-i, goma-i, gū-i, piri-i tamas ka io ǀnî ǂgarixū-e ǁî-i tawa hâsa ǀhûǀgui, tsî i ga ǁnās khaoǃgâ nē xūna xu ǀgui-e ǁō, tsûtsûhe tamas ka io ǃnarihe, tsî i ga ǀhûǀguitimî-ao-e a ǀkhai, 11 o-i ge ǀhûǀgui go khoe-e ǃKhūb ra ǀgoreǀîhe ǃkhaib tawa sī tsî ǁî-i ǀgūkhoe-i di ǂgarixū-e i ǃnari tama ǃkhaisa nî nū. ǃNarihe tama i ka io, ob ge ǁî-i di ǀhonkhoeba kōǃgâ-aob di mîsa nî ūǃoa tsî-i ge ǂhâbasasi-e nî ǀkhai kōǃgâ-aob nî matare bi ǃkhaisa. 12 Xawe-i ga ǃnarihe, ob ge ǁî-i di ǀhonkhoeba nî matare-oahe. 13 ǂGarixū-i ga ǀguru-i xa ǃgarob ǃnâ a nâǃanhe, ob ge kōǃgâ-aoba ǃgau hâ ǃân nâǃanhe go ǂgarixū-i dina ǁgauǁgaus ase nî hā-ūsao; ǀguru-i xa nâǃanhe hâ ǂgarixū-i ge matare-oahe tide.
14 “Khoe-i ga ǁî-i ǀgūkhoe-i ai ǂgarixū-e ǀkhupi tsî-i ga nē ǂgarixū-e ǁî-i ǀhonkhoeb ǁnāpa ǀkhai hîa tsû tamas ka io ǁō, ob ge ǀhonkhoeba ǀkhupi-aob xa ǀoasase nî matare-oahe. 15 Xawe ǀhonkhoe-i hâ hîa i ga ǂgarixū-e tsû tamas ka io ǁō, o-i ge matare-oahe tide. ǀKhupisa ǂgarixū-i kao, os ge ǂoaǃnâsa ǀkhupimataremaris xa ra dīǀoaǀoahe.
Gagasi tsî hoaǃnā-aixa ûib xa hâ ǁgaragu
16 “Khoeb ga oaxaes noxopa ǃgameb mîmâi-e ūhâ tamasa sorosi ǁgoe-ūgus kōse ǂgaeǂhapuo, ob ge ǃgamemarisa matare tsî ǁîsa nî ǃgame. 17 Xaweb ga oaxaes îba ǁîb nî ǁîsa ǃgame ǃkhaisa ǂgao tama i, ob ge ǂgaeǂhapu-aoba oaxaes îba ǃgamemaris ǀkha a ǀguitikō marisa ǀgôas di oaxaesisab go khôa ǃkhais ǃaroma nî matare.
18 “Tarekhoes hîa ra ǃgaidīs hoas ge nî ǃgamhe.
19 “Aorekhoeb hîa ǂgarixū-i ǀkha ra sorosise ǂharugub hoab ge nî ǃgamhe.
20 “Tita ǃKhūta ga ǁguibade ǁguiba tama i tsî ǀkhara elo-e ǁguiba-e ǁguiba khoe-i hoa-i ge nî ǃgamhe.
21 “Tā ǃhaokhoe-e ǁgaise ûi-ū tamas ka io ǁgâiǀā; sadu tsîn ge Egipteb ǃnâ ǃhaokhoe i xuige. 22 Tā ǃoataras tamas ka io ǃguniǀgôa-i xare-e ǁgaise ûi-ū. 23 ǁÎna du ga ǁgaise ûi-ū tsîb ga ǁîn di ǂgaidomma ti ǃoa sī, o ta ge tita ǁîn di huise nî hā. 24 Tsî ta ge kaise ǁaixa tsî gôab ǀkha nî ǃgam du. Sago taradi ge nî ǃoatara kai tsî sago ôana ǃguniǀgôa kai.
25 “ǀGâsa khoena du ga mari-e ǀkhupi, o tā mariǀkhupi-ao-i khami dīsen tsî ǁîna xu sâuhōǂgāmarisan nî matare ǃkhaisa ǃâubasen. 26 Sa ǀgūkhoe-i di sarabats ga matares di mâiǁkhaebas ase ū, ots ge sores nî ǂgâs aiǃâ ǁîba nî mā-oa, 27 ǁnā sarab ǀguiba-i ǁnā khoe-e soros di anaǂamxūse ūhâ xui-ao. Tare-i, ǀnî-i ǀkha i ǁgoe i karao nî anasen? ǁÎ-i ga tita ǃoa huib ǃaroma ǂgai, o ta ge tita ǁî-e ǀkhomxaǃnâ ta a xui-ao nî ǁnâu-am.
28 “Tātsēs tsîna tā Elob xa ǂkhabase ǃhoa, tā sa ǁaes di ǂgaeǂgui-aoba ǀâxare.
29 “ǃGaos di ǁaeb ai mâiǂui tamase sadu ǃhorob, ǂauxûi-i, tsî ǀkhera-oli-i tsîna xu tita ǁguibade mā.
“Sadu ǂguroǃnaesaga mā te. 30 ǂGuroǃnaesagu sadu goman, gūn tsî pirin diga mā te. Ab ǂguroǃnaesaba aibe hû tsēde ǁgûs ǀkha hâ, tsî ǁkhaisaǁî tsēs ai ǁîba tita ǁguiba.
31 “Tita du nî ǀgoreǀîse du khaihe hâ xui-ao, tā ǃgarob ǃnâ ǀguru-i xa nâǃanhe hâ ûitsama xū-i di ǁgan-e ǂû, xawe arina aoba.
