ǃKhūb ge Samuela ra ǂhai
1 ǂKham khoeb Samueli gere Elib mûǂams ǃnaka ǃKhūba ǃoaba ǁaeb ǃnâs ge ǃKhūb di mîsa ǀorose gere ǁnâuhe tsî ǂhaiǂhaidi ge hoaǁae ge ī tama hâ i. 2 ǀGui ǃuia, mûra âb ǂkhabu hâ tsîb ǃaruǀî ǃgâise mû ǁoaseb ge Eliba kharob âb ai ge ǁgoe i. 3 Elob di ǃamǀaes noxopa ǀarihe tama hâ tsî Samueli on noxopa ǃKhūb dommi ǃnâ, ǃGaeǀhaos ǂGaes Elob dis hâpa ǁgoe, 4 hîab ge ǃKhūba Samuela ge ǂgai, ob ge Samuela “Nē ta ge a” ti ge ǃeream. 5 ǁÎb ge Elib tawa ǃkhoesī tsî ge mî: “Nē ta ge a, sats go ǂgai te xui-ao.”
Xaweb ge Eliba “Tita ǂgai tsi tama, xuige ǃgû î sī ǁgoe” ti ge mî. Ob ge Samuela sī ge ǁgoe.
6 Tsî ǃKhūb ge Samuela ǁkhawa ǂgai, ob ge ǁîba khâi tsî Elib tawa sī tsî ge mî: “Nē ta ge a, sats go ǂgai te xui-ao.”
Ob ge Eliba “Tita ǂgai tsi tama ti ôa, xuige ǃgû î sī ǁgoe” ti ge mî. 7 Samueli ge ǁnā ǁaeb ai ǃKhūba noxopa ge ǂan tama hâ i, ǃKhūb mîsab ge noxopa ǂhaiǂhaibahe tama hâ i xui-ao.
8 Tsî ǃKhūb ge Samuela ǃnonaǁî ǃnāsa a ǂgai, ob ge khâi tsî Elib tawa sī tsî ge mî: “Nē ta ge a, sats go ǂgai te xui-ao.”
Ob ge Eliba ge ǂan ǃKhūb ǀgôaba ra ǂgai ǃkhaisa. 9 ǁNā-amagab ge ǁîb ǃoa ge mî: “ǃGû î sī ǁgoe, î ǁkhawab ga ǂgai tsio ‘ǃHoa re ǃKhūtse, sa ǃgāta ra ǃgâ xuige’ ” ti mî. Ob ge Samuela ǃgû tsî kharob âb ai sī ge ǁgoe.
10 Ob ge ǃKhūba ǁnāpa hā mâ tsî nau ǃnādi ais ǁkhās khami “Samueltse, Samueltse” ti ge ǂgai.
Ob ge Samuela “ǃHoa re ǃKhūtse, sa ǃgāta ra ǃgâ xuige” ti ge mî.
11 Ob ge ǃKhūba Samueli ǃoa ge mî: “Tita ge ǃhuriǃhurisa xū-i, ǁî-i xa ga ǁnâu khoe-i hoa-e nî burugâ kai-e Israelǁaes ǃnâ nî dī. 12 ǁNātsē ta ge tita Elib di ôananôagub ǃoagu ta ge mîn hoana, tsoatsoasa xu ǀunis kōse nî dīǀoaǀoa. 13 ǀNai ta ge surib âba ta ǀamos kōse nî ǁkhara ǃkhaisa ǂanǂan bi xui-ao, ǁnā tsūdīb ǂanni ge ib ǃaroma; ǀgôakha âb ge tita ǃkhāǃkhā xaweb ge ǁîkha ǂgōǀau tama i amaga. 14 ǁNā-amaga ta ge tita Elib di suriba ra nūba, ǁîb surib di tsūdīb tātsēs tsîna ǂāǁguibadi tsî ǂûǁguibadi tsîn xa ǀûbaba hā-ūbahe tidesa.”
15 Samueli ge ǁgoas kōse ge ǁgoe tsîb ge ǁnās khaoǃgâ khâimâ tsî ǃKhūb ommi dao-amde ge ǁkhowa-am. Samueli ge Eliba ǂhaiǂhaisa mîbasa gere ǃao. 16 Xaweb ge Eliba ǁîba ǂgai tsî ge mî: “Samuel, ti ôatse.”
Ob ge “Nē ta ge a” ti ge mî.
17 Tsîb ge Eliba ge dî: “Tare-eb ǃKhūba go mîba tsi? Tā ǁî-e tita xu sâu re. Ab Eloba ǁkhōse ǁkhara tsi, ǁîb go ǂanǂan tsin hoanats ga mîba te tama io.” 18 Ob ge Samuela hoana ge mîba bi tsî xū-i xare-e ǁîba xu sâu tama ge i. Ob ge Eliba ge mî: “ǁÎb ge a ǃKhū, ab ǁîb mûǁae a ǃgâi khami dī.”
19 Samueli ge kaikhâi ob ge ǃKhūba ǁîb ǀkha ge hâ i tsî Samueli gere mî xūn hoana gere ī kai. 20 ǁNātin ge Israelǁîn hoana Dans, ǀapas ǃnâ ǁgoesa xu Bersebas ǃkhawagas ǃnâ ǁgoes kōse, Samueli amase a ǃKhūb di kēbo-ao ǃkhaisa ge ǂan. 21 Tsî ǃKhūb ge ǃaruǀî Silos tawa gere ǂhaiǂhaisen tsîb ge Samuela Silos tawa ge ǂhai, mîs âb ǃnâ-u. Tsî Samueli gere ǃhoa, on ge Israelǁîn hoana gere ǃgâ.
ǃKhūb ge Samuela ra ǂhai
1 ǂKham khoeb Samueli gere Elib mûǂams ǃnaka ǃKhūba ǃoaba ǁaeb ǃnâs ge ǃKhūb di mîsa ǀorose gere ǁnâuhe tsî ǂhaiǂhaidi ge hoaǁae ge ī tama hâ i. 2 ǀGui ǃuia, mûra âb ǂkhabu hâ tsîb ǃaruǀî ǃgâise mû ǁoaseb ge Eliba kharob âb ai ge ǁgoe i. 3 Elob di ǃamǀaes noxopa ǀarihe tama hâ tsî Samueli on noxopa ǃKhūb dommi ǃnâ, ǃGaeǀhaos ǂGaes Elob dis hâpa ǁgoe, 4 hîab ge ǃKhūba Samuela ge ǂgai, ob ge Samuela “Nē ta ge a” ti ge ǃeream. 5 ǁÎb ge Elib tawa ǃkhoesī tsî ge mî: “Nē ta ge a, sats go ǂgai te xui-ao.”
Xaweb ge Eliba “Tita ǂgai tsi tama, xuige ǃgû î sī ǁgoe” ti ge mî. Ob ge Samuela sī ge ǁgoe.
6 Tsî ǃKhūb ge Samuela ǁkhawa ǂgai, ob ge ǁîba khâi tsî Elib tawa sī tsî ge mî: “Nē ta ge a, sats go ǂgai te xui-ao.”
Ob ge Eliba “Tita ǂgai tsi tama ti ôa, xuige ǃgû î sī ǁgoe” ti ge mî. 7 Samueli ge ǁnā ǁaeb ai ǃKhūba noxopa ge ǂan tama hâ i, ǃKhūb mîsab ge noxopa ǂhaiǂhaibahe tama hâ i xui-ao.
8 Tsî ǃKhūb ge Samuela ǃnonaǁî ǃnāsa a ǂgai, ob ge khâi tsî Elib tawa sī tsî ge mî: “Nē ta ge a, sats go ǂgai te xui-ao.”
Ob ge Eliba ge ǂan ǃKhūb ǀgôaba ra ǂgai ǃkhaisa. 9 ǁNā-amagab ge ǁîb ǃoa ge mî: “ǃGû î sī ǁgoe, î ǁkhawab ga ǂgai tsio ‘ǃHoa re ǃKhūtse, sa ǃgāta ra ǃgâ xuige’ ” ti mî. Ob ge Samuela ǃgû tsî kharob âb ai sī ge ǁgoe.
10 Ob ge ǃKhūba ǁnāpa hā mâ tsî nau ǃnādi ais ǁkhās khami “Samueltse, Samueltse” ti ge ǂgai.
Ob ge Samuela “ǃHoa re ǃKhūtse, sa ǃgāta ra ǃgâ xuige” ti ge mî.
11 Ob ge ǃKhūba Samueli ǃoa ge mî: “Tita ge ǃhuriǃhurisa xū-i, ǁî-i xa ga ǁnâu khoe-i hoa-e nî burugâ kai-e Israelǁaes ǃnâ nî dī. 12 ǁNātsē ta ge tita Elib di ôananôagub ǃoagu ta ge mîn hoana, tsoatsoasa xu ǀunis kōse nî dīǀoaǀoa. 13 ǀNai ta ge surib âba ta ǀamos kōse nî ǁkhara ǃkhaisa ǂanǂan bi xui-ao, ǁnā tsūdīb ǂanni ge ib ǃaroma; ǀgôakha âb ge tita ǃkhāǃkhā xaweb ge ǁîkha ǂgōǀau tama i amaga. 14 ǁNā-amaga ta ge tita Elib di suriba ra nūba, ǁîb surib di tsūdīb tātsēs tsîna ǂāǁguibadi tsî ǂûǁguibadi tsîn xa ǀûbaba hā-ūbahe tidesa.”
15 Samueli ge ǁgoas kōse ge ǁgoe tsîb ge ǁnās khaoǃgâ khâimâ tsî ǃKhūb ommi dao-amde ge ǁkhowa-am. Samueli ge Eliba ǂhaiǂhaisa mîbasa gere ǃao. 16 Xaweb ge Eliba ǁîba ǂgai tsî ge mî: “Samuel, ti ôatse.”
Ob ge “Nē ta ge a” ti ge mî.
17 Tsîb ge Eliba ge dî: “Tare-eb ǃKhūba go mîba tsi? Tā ǁî-e tita xu sâu re. Ab Eloba ǁkhōse ǁkhara tsi, ǁîb go ǂanǂan tsin hoanats ga mîba te tama io.” 18 Ob ge Samuela hoana ge mîba bi tsî xū-i xare-e ǁîba xu sâu tama ge i. Ob ge Eliba ge mî: “ǁÎb ge a ǃKhū, ab ǁîb mûǁae a ǃgâi khami dī.”
19 Samueli ge kaikhâi ob ge ǃKhūba ǁîb ǀkha ge hâ i tsî Samueli gere mî xūn hoana gere ī kai. 20 ǁNātin ge Israelǁîn hoana Dans, ǀapas ǃnâ ǁgoesa xu Bersebas ǃkhawagas ǃnâ ǁgoes kōse, Samueli amase a ǃKhūb di kēbo-ao ǃkhaisa ge ǂan. 21 Tsî ǃKhūb ge ǃaruǀî Silos tawa gere ǂhaiǂhaisen tsîb ge Samuela Silos tawa ge ǂhai, mîs âb ǃnâ-u. Tsî Samueli gere ǃhoa, on ge Israelǁîn hoana gere ǃgâ.
