Judab di gao-aob Jotammi
(2 Gao-aogu 15:32-38)1 Jotammi ge ǀgamdisikoroǀa kurixab a hîa ge gao-ao kai, tsîb ge disiǃnaniǀa kuriga Jerusalems ǃnâ gere ǂgaeǂgui. ǁÎb îs ge Jerusas, Sadoki ôasa. 2 Jotammi ge ǁîb îb Usiab di aiǁgausa sao tsî ǃKhūba a ǃgâibana gere dī, xaweb ge ǁîb îb khami Tempeli ǃnâ ǀanǀanǁguibasa dīs ǀkha ǃûǂam tama ge i. Xawe ǁaes ge ǃaruǀî ǂkhabadīb ǀkha ge aiǃgû.
3 Jotammi ge ǀGapikab-Dao-ams Tempeli disa kurukhâi tsî ǁkhāti Jerusalems ǂnubiǂgoab di ǃâb, Ofel ti gere ǀonǂgaiheb tsîna ge ǂnubikhâi. 4 ǁÎb ge Judab di ǃnâuxa ǃhūb ǃnâ ǃāde ǂnubi tsî ǃaub ǃnâ omǂnamisa ǃkhaidi tsî ǂgō-omgu tsîna. 5 ǁÎb ge ǁkhāti Amonǁîn di gao-aob tsî ǁîb di toroǂnubis ǃoagu ǃkham tsî ǁîna ge dan. Tsîb ge Amonǁîna ge ǁgui-ai, în kurikorobe, ǃnona kurigu ǀgaiba sao ra xūna ǁgui-aisase mā bi: ǃNonaǀoadisi tsî hakakaidisi kiloxramgu ǀhaiǀurib, ǀguiǀoadisi tongu ǃhoro-i tsî ǀguiǀoadisi gersǃhoro-i tsîna. 6 Jotammi ge ǃaruǀîǀgui ge ǀgai, ǂgomǂgomsaseb ge ǃKhūb ǁîb di Eloba ǁnâuǀnam hâ i xui-ao. 7 Jotammi ge ǁîb di ǂgaeǂguis ǁaeb ǃnâ dī xūn hoan, ǁîb ge ǃkham torogu tsî ǁîb ǂnûiǂgādi tsîn ge ǃNaeǃkhaidi ǂKhanis Israeli tsî Judab tsîkha Gao-aogu dis ǃnâ a xoamâisa. 8 Jotammi ge ǀgamdisi kurixab a hîa ge gao-ao kai, tsîb ge disiǃnaniǀa kuriga Jerusalems ǃnâ ge ǂgaeǂgui. 9 ǁÎb ge ǁō tsî Davidi ǃĀs ǃnâ ge ǁkhōhe tsîb ge ǁîb ôab Axasa ǁîba gao-aose ge saoǃgon.
Judab di gao-aob Jotammi
(2 Gao-aogu 15:32-38)1 Jotammi ge ǀgamdisikoroǀa kurixab a hîa ge gao-ao kai, tsîb ge disiǃnaniǀa kuriga Jerusalems ǃnâ gere ǂgaeǂgui. ǁÎb îs ge Jerusas, Sadoki ôasa. 2 Jotammi ge ǁîb îb Usiab di aiǁgausa sao tsî ǃKhūba a ǃgâibana gere dī, xaweb ge ǁîb îb khami Tempeli ǃnâ ǀanǀanǁguibasa dīs ǀkha ǃûǂam tama ge i. Xawe ǁaes ge ǃaruǀî ǂkhabadīb ǀkha ge aiǃgû.
3 Jotammi ge ǀGapikab-Dao-ams Tempeli disa kurukhâi tsî ǁkhāti Jerusalems ǂnubiǂgoab di ǃâb, Ofel ti gere ǀonǂgaiheb tsîna ge ǂnubikhâi. 4 ǁÎb ge Judab di ǃnâuxa ǃhūb ǃnâ ǃāde ǂnubi tsî ǃaub ǃnâ omǂnamisa ǃkhaidi tsî ǂgō-omgu tsîna. 5 ǁÎb ge ǁkhāti Amonǁîn di gao-aob tsî ǁîb di toroǂnubis ǃoagu ǃkham tsî ǁîna ge dan. Tsîb ge Amonǁîna ge ǁgui-ai, în kurikorobe, ǃnona kurigu ǀgaiba sao ra xūna ǁgui-aisase mā bi: ǃNonaǀoadisi tsî hakakaidisi kiloxramgu ǀhaiǀurib, ǀguiǀoadisi tongu ǃhoro-i tsî ǀguiǀoadisi gersǃhoro-i tsîna. 6 Jotammi ge ǃaruǀîǀgui ge ǀgai, ǂgomǂgomsaseb ge ǃKhūb ǁîb di Eloba ǁnâuǀnam hâ i xui-ao. 7 Jotammi ge ǁîb di ǂgaeǂguis ǁaeb ǃnâ dī xūn hoan, ǁîb ge ǃkham torogu tsî ǁîb ǂnûiǂgādi tsîn ge ǃNaeǃkhaidi ǂKhanis Israeli tsî Judab tsîkha Gao-aogu dis ǃnâ a xoamâisa. 8 Jotammi ge ǀgamdisi kurixab a hîa ge gao-ao kai, tsîb ge disiǃnaniǀa kuriga Jerusalems ǃnâ ge ǂgaeǂgui. 9 ǁÎb ge ǁō tsî Davidi ǃĀs ǃnâ ge ǁkhōhe tsîb ge ǁîb ôab Axasa ǁîba gao-aose ge saoǃgon.
