1 Paulub, Silvanub tsî Timoteub hâga xu.
Tesalonikaǁîn di kerkheb, Elob ǁGûb tsî ǃKhūb Jesub Xristub diba ǃoa:
ǀKhommi tsî ǂkhîba ab hâǀkhā du.
Tesalonikaǁîn di ûiǀgaub tsî ǂgoms
2 Sige ge hoaǁae Eloba sadu ǃaroma ra gangan tsî sige di ǀgoredi ǃnâ sadu xa ra ǂâi. 3 Tsî ge ge ra ǂâihō sadu di ǂgoms sîsenni, ǀnammi di sîsengu tsî mâǃkharus ǃâubasens dis, sadu ǃKhūb Jesub Xristub ǃnâ ūhâsa, sada Elob tsî ǁGûb aiǃâ. 4 ǂAn ge a xui-ao, ǃgâsado sadu Elob xa ǀnamhe tsî ǁîb xa ǃkhōǂuibasenhe hâ ǃkhaisa. 5 Sige ge ǃGâiǂhôasa sadu ǃoa ge hā-ū, mîdi ǀguidi ǀkha tama i tsî xawe ǀgaib, ǃAnu Gagab tsî ǃnāsa ǂanǁaposasib mî ge ran a ama ǃkhais dib ǀkha. Tsî du ge sado ǂan mâti ge gere sige sadu ǀkha ge ge hâ io ûi ǃkhaisa, sadu di ǃgâib ǃaroma. 6 Tsî du ge sado sige tsî ǃKhūb tsîna ǁgaeǁgae tsî mîsa ge ǃkhōǃoa, kaise du ge ǃgomma tsâ xawe ǃgâiaǂgaob ǃAnu Gagaba xu ra hāb ǀkha. 7 Î du ǁnā ǀgaus ai hoaraga ǂgomsaben Masedoniab tsî Axajab dina aiǁgause ība. 8 Sado xus ge mîs ǃKhūb disa ǂoa xui-ao, Masedoniab tsî Axajab ǃnâ ǀgui tama i, tsîs ge nē ǂgoms sadu Elob ǃnâ ūhâsa hoa ǃkhain ai ge ǂansa, tsî i ge sige xū-e nî mî ǃkhais di ǂhâbasasiba ǀkhai. 9 Hoaraga khoen ge mâti du ge sado sige ge sari duo, ǃkhōǃoa ge ǀgaus xa ra ǃhoa tsî mâti du ge ǁgôa-eloga ǃoabasa xu Elob ǃoa ǃhobasen tsî nēsi ûitsama tsî ama Eloba ra ǃoaba ǀgaus xa. 10 Tsî ǁîb Ôab di ǀhomma xu hāsa nî ǃâuse; ǁîb ôab Jesub Xristub* hîab ǁōba xu ge ūkhâib hîa sada Elob di ǁaiba xu ra sâuba.
1 Paulub, Silvanub tsî Timoteub hâga xu.
Tesalonikaǁîn di kerkheb, Elob ǁGûb tsî ǃKhūb Jesub Xristub diba ǃoa:
ǀKhommi tsî ǂkhîba ab hâǀkhā du.
Tesalonikaǁîn di ûiǀgaub tsî ǂgoms
2 Sige ge hoaǁae Eloba sadu ǃaroma ra gangan tsî sige di ǀgoredi ǃnâ sadu xa ra ǂâi. 3 Tsî ge ge ra ǂâihō sadu di ǂgoms sîsenni, ǀnammi di sîsengu tsî mâǃkharus ǃâubasens dis, sadu ǃKhūb Jesub Xristub ǃnâ ūhâsa, sada Elob tsî ǁGûb aiǃâ. 4 ǂAn ge a xui-ao, ǃgâsado sadu Elob xa ǀnamhe tsî ǁîb xa ǃkhōǂuibasenhe hâ ǃkhaisa. 5 Sige ge ǃGâiǂhôasa sadu ǃoa ge hā-ū, mîdi ǀguidi ǀkha tama i tsî xawe ǀgaib, ǃAnu Gagab tsî ǃnāsa ǂanǁaposasib mî ge ran a ama ǃkhais dib ǀkha. Tsî du ge sado ǂan mâti ge gere sige sadu ǀkha ge ge hâ io ûi ǃkhaisa, sadu di ǃgâib ǃaroma. 6 Tsî du ge sado sige tsî ǃKhūb tsîna ǁgaeǁgae tsî mîsa ge ǃkhōǃoa, kaise du ge ǃgomma tsâ xawe ǃgâiaǂgaob ǃAnu Gagaba xu ra hāb ǀkha. 7 Î du ǁnā ǀgaus ai hoaraga ǂgomsaben Masedoniab tsî Axajab dina aiǁgause ība. 8 Sado xus ge mîs ǃKhūb disa ǂoa xui-ao, Masedoniab tsî Axajab ǃnâ ǀgui tama i, tsîs ge nē ǂgoms sadu Elob ǃnâ ūhâsa hoa ǃkhain ai ge ǂansa, tsî i ge sige xū-e nî mî ǃkhais di ǂhâbasasiba ǀkhai. 9 Hoaraga khoen ge mâti du ge sado sige ge sari duo, ǃkhōǃoa ge ǀgaus xa ra ǃhoa tsî mâti du ge ǁgôa-eloga ǃoabasa xu Elob ǃoa ǃhobasen tsî nēsi ûitsama tsî ama Eloba ra ǃoaba ǀgaus xa. 10 Tsî ǁîb Ôab di ǀhomma xu hāsa nî ǃâuse; ǁîb ôab Jesub Xristub* hîab ǁōba xu ge ūkhâib hîa sada Elob di ǁaiba xu ra sâuba.
