1 Nēs ge ǃKhūb di ǂhôas Petueli ôab Joeli ǃoa ge hāsa.
ǁAes ge ǃgaos di hîkākāhes ǂama ra ā
2 Nēsa ǁnâu re sadu kairado,
ǃgâ re sadu ǃhūb di ǁanǂgāsabedu hoado.
Nēti ī xū-e ǀnai ī-i ge hâ i, sadu tsēdi ǃnâs kas,
sadu aboxan di tsēdi ǃnâs kas hoasa?
3 Nē ǃkhaisa sadu ôana mîba,
în ǁîna ǀgôan âna ǁgamba,
în ǁîna sao ra ǃhaosa mîba.
4 ǂGuro ǂhoms di ǂhomn ga ǃgaun,
ǁnānan ge sao ra ǂhomna gere hapu.
Tsî ǁîn ga hapu tama i-i
ǁnā-en ge ǁîna xu ra saona gere hapu.
5 ǃNoaǂkhai sa ǀhorosemâdo, î du ā
sa ǂauxûi ā-aodo ǂauxûib ǂama du ā re,
ǁîb sadu amde xu ūbēhe hâ xuige.
6 ǁAe-i ge ti ǃhūba ge hāǂam,
kaise ǀgaisa tsî ǃgôaheǁoasa ǁae-e.
ǁÎ-i ge xammi ǁgûga ge ūhâ i,
ǀā ǁgûgu xams diga.
7 ǁÎ-i ge sida draibehaina hîkākā
tsî sida ǀnomahaide ge ǂkhôa.
Tsî haidi ǁûga ǂgaeǁnâ tsî ge aoǁgui,
haidi ǁnâugu ge ǃuris kōse.
8 ǃGae re, ǂkhamkhoes hîa ǃgame-aob âs di ǁōb ǂama
ǃoab sarana ana hâs khami.
9 ǂÛǁguibas tsî āǁguibas tsîra
ge ǃKhūb omma xu ūbēhe hâ.
Pristergu, ǃKhūb di ǃgāgu ge ra ǃgae.
10 ǃHanagu ge a ǀkhaiǃnâ;
ǃhūb ge ra ǃoa,
ǃhorob hîkākāhe hâ,
ǀasa ǂauxûib toa hâ
tsî ǀkhera-oli-i a ǀkhai xui-ao.
11 ǃHanaǂgā-aogo ǀūa-ai re,
draibehaiǃhana-aogo ā re,
ǃhorob tsî gerstǃhorob tsîkha ǂama,
ā re, hoaraga ǃgaos hîkākāhe hâ xuige.
12 Draibehaigu ge a ǂnâsa,
ǀnomahaidi ge ǂnâ hâ;
xranathaidi, palmhaidi tsî apelhaidi;
ǃhanab di haidi hoadi ge ǂnâ hâ.
ǃGâiaǂgaob ge khoena xu bē hâ.
13 ǀHaosarana ana î ǃoa re pristergo,
ā re sago altars tawa ra ǃoabago.
ǃOab saran ǃnâ hâǂkhai re,
sago ti Eloba ra ǃoabago,
ǂûǁguibas tsî āǁguibas tsîra
Elob omma xu ūbēhe hâ xuige.
14 ǂÛtama hâsa mîmā;
ǃnâu ǃoabasa ǂgaiǂui.
ǂGaeǂgui-aogu tsî ǃhūb di ǁanǂgāsaben hoana,
ǃKhūb sadu Elob di ommi ǃnâ ǀhaoǀhao,
î du ǃKhūba ǂgaiǀî.
15 Ae, ǁnā ǃaoǃaosa tsēse!
ǃKhūb di tsēs ge go ǀgūtoa;
tsēs hîkākās dis,
Hoaǀgaixaba xu nî hāsa.
16 ǂÛna sida mûdi aiǃâ ǃgaoǁnâhe taman hâ,
ǃgâiaǂgaob tsî dâb tsîkha sida Elob omma xu?
17 ǃKhomn ge ǂnâsa ǃhūb ǃnaka ǁōǁgoe.
Sâuǃnâ-omgu ge hîkākāsase ǁgoe;
sâuǃnâ-omgu ge khôaǁnâhe hâ,
ǃhorob ǂnâ hâ xui-ao.
18 Goman ge ǀkhomǀkhomsase ra ā;
goman ge mâǀîn garusa ǀūse ra kāma,
ǃû-ai-en ūhâ tama xui-ao.
ǀUiǀnūǀgoan tsîn ge ra tsâ.
19 ǃKhūtse sats ǃoa ta ge ra ǂgai,
ǀaes ge ǃû-aide hapu hâ,
ǀaeǁhabub ge ǃaub di haidi hoade khauǃkhū hâ.
20 ǃAub di ǀgurun tsî xamarin
tsîn ge sats ǃoa ra ǂgai,
ǃārogu ǂnâ hâ tsî ǀaes ǃû-aide hapu hâ xui-ao.
1 Nēs ge ǃKhūb di ǂhôas Petueli ôab Joeli ǃoa ge hāsa.
ǁAes ge ǃgaos di hîkākāhes ǂama ra ā
2 Nēsa ǁnâu re sadu kairado,
ǃgâ re sadu ǃhūb di ǁanǂgāsabedu hoado.
Nēti ī xū-e ǀnai ī-i ge hâ i, sadu tsēdi ǃnâs kas,
sadu aboxan di tsēdi ǃnâs kas hoasa?
3 Nē ǃkhaisa sadu ôana mîba,
în ǁîna ǀgôan âna ǁgamba,
în ǁîna sao ra ǃhaosa mîba.
4 ǂGuro ǂhoms di ǂhomn ga ǃgaun,
ǁnānan ge sao ra ǂhomna gere hapu.
Tsî ǁîn ga hapu tama i-i
ǁnā-en ge ǁîna xu ra saona gere hapu.
5 ǃNoaǂkhai sa ǀhorosemâdo, î du ā
sa ǂauxûi ā-aodo ǂauxûib ǂama du ā re,
ǁîb sadu amde xu ūbēhe hâ xuige.
6 ǁAe-i ge ti ǃhūba ge hāǂam,
kaise ǀgaisa tsî ǃgôaheǁoasa ǁae-e.
ǁÎ-i ge xammi ǁgûga ge ūhâ i,
ǀā ǁgûgu xams diga.
7 ǁÎ-i ge sida draibehaina hîkākā
tsî sida ǀnomahaide ge ǂkhôa.
Tsî haidi ǁûga ǂgaeǁnâ tsî ge aoǁgui,
haidi ǁnâugu ge ǃuris kōse.
8 ǃGae re, ǂkhamkhoes hîa ǃgame-aob âs di ǁōb ǂama
ǃoab sarana ana hâs khami.
9 ǂÛǁguibas tsî āǁguibas tsîra
ge ǃKhūb omma xu ūbēhe hâ.
Pristergu, ǃKhūb di ǃgāgu ge ra ǃgae.
10 ǃHanagu ge a ǀkhaiǃnâ;
ǃhūb ge ra ǃoa,
ǃhorob hîkākāhe hâ,
ǀasa ǂauxûib toa hâ
tsî ǀkhera-oli-i a ǀkhai xui-ao.
11 ǃHanaǂgā-aogo ǀūa-ai re,
draibehaiǃhana-aogo ā re,
ǃhorob tsî gerstǃhorob tsîkha ǂama,
ā re, hoaraga ǃgaos hîkākāhe hâ xuige.
12 Draibehaigu ge a ǂnâsa,
ǀnomahaidi ge ǂnâ hâ;
xranathaidi, palmhaidi tsî apelhaidi;
ǃhanab di haidi hoadi ge ǂnâ hâ.
ǃGâiaǂgaob ge khoena xu bē hâ.
13 ǀHaosarana ana î ǃoa re pristergo,
ā re sago altars tawa ra ǃoabago.
ǃOab saran ǃnâ hâǂkhai re,
sago ti Eloba ra ǃoabago,
ǂûǁguibas tsî āǁguibas tsîra
Elob omma xu ūbēhe hâ xuige.
14 ǂÛtama hâsa mîmā;
ǃnâu ǃoabasa ǂgaiǂui.
ǂGaeǂgui-aogu tsî ǃhūb di ǁanǂgāsaben hoana,
ǃKhūb sadu Elob di ommi ǃnâ ǀhaoǀhao,
î du ǃKhūba ǂgaiǀî.
15 Ae, ǁnā ǃaoǃaosa tsēse!
ǃKhūb di tsēs ge go ǀgūtoa;
tsēs hîkākās dis,
Hoaǀgaixaba xu nî hāsa.
16 ǂÛna sida mûdi aiǃâ ǃgaoǁnâhe taman hâ,
ǃgâiaǂgaob tsî dâb tsîkha sida Elob omma xu?
17 ǃKhomn ge ǂnâsa ǃhūb ǃnaka ǁōǁgoe.
Sâuǃnâ-omgu ge hîkākāsase ǁgoe;
sâuǃnâ-omgu ge khôaǁnâhe hâ,
ǃhorob ǂnâ hâ xui-ao.
18 Goman ge ǀkhomǀkhomsase ra ā;
goman ge mâǀîn garusa ǀūse ra kāma,
ǃû-ai-en ūhâ tama xui-ao.
ǀUiǀnūǀgoan tsîn ge ra tsâ.
19 ǃKhūtse sats ǃoa ta ge ra ǂgai,
ǀaes ge ǃû-aide hapu hâ,
ǀaeǁhabub ge ǃaub di haidi hoade khauǃkhū hâ.
20 ǃAub di ǀgurun tsî xamarin
tsîn ge sats ǃoa ra ǂgai,
ǃārogu ǂnâ hâ tsî ǀaes ǃû-aide hapu hâ xui-ao.
