1 ǃKhūb, Hoan xa ǀGapib di ǂhanuba ǁkhāǁkhāsensa ǃoa ǁî-aitsama a māsenxa khoeb ge nau sîsenaon hoana xu a ǀkhara. ǁÎb ge ǀoro ǁaeb di xoa-aogu hoagu ge gā-aisib xa mî hâ i xūn tsî ǁkhāti kēbo-aogu ge mî hâ in tsîna nî ôaǃnâ. 2 ǁÎb ge ǂanǂansa khoegu di mîxūna ǁkhāǁkhāsen tsî ǂkhōdi ǂâibasende ra ǁnâuǃā. 3 ǁÎb ge ǂganǃgâsa ǂâibasendi ǂkhoamîdi dide ra ôaǃnâ tsî ǂansa tama ǃâdi ǂkhōdi dide a ǂanǂui ǁkhā. 4 ǁÎb ge ǂanǂansa khoena ra ǀapemā tsî gu ge ǂgaeǂgui-aogu tsîna ǁîb di mûǂgāǀgauba ra dî. ǁÎb ge ǃhao ǃhūgu ǃnâ ǃnarima tsî khoen di ǃgâib tsî tsūb xa, hōǃâsa xu a ǂan. 5 ǁÎb di ǁnaetib ge ǃoega khâi tsî ǃgarise ǃKhūb Kuru-aob ǃoa ǀgoresa, îb ǁîb di ǁorena ǀûbahe. 6 Tsî kai ǃKhūb ga ǂgao, ob ge ǀō-aisa ǂans tsî sîsenǁkhāsiba ǁgauǃnâ-aoba nî mā tsî di ge ǀasa gā-ai mîde ǁîb amsa xu nî ǂoaxa. Tsîb ge ǁîba ǀgores ǃnâ ǃKhūba nî gangan. 7 ǁÎb ge ǀgoragub nî ǂans tsî ǃgâi ǀapemās, naunab nî mās tsîna nî ūhâ. Tsîb ge ǃKhūb di ǂganǃgâsigu xa nî ǁkhāǁkhāsen. 8 ǃKhūb ge ǂgoms di ǁkhāǁkhās naunab nî ǁkhāǁkhāsa nî mā bi tsîb ge Hoan xa ǀGapib di ǂhanub ai nî ǂnīsa. 9 Khoen ge hoa ǃkhaidi ai ǁîba gā-aisib âb ǃaroma nî koa tsîn ge khoena hugaǀgui ǁnā ǂansa ǂâis ǃnâ nî ūhâ. Khoen ge hugaǀgui ǁîba ǂâis ǃnâ ūhâ tsî hoaǁae ǃgôasiba nî mā bi. 10 Jodeǁîn ge hoaǁae ǁîb xa ǃgôasib ǀkha nî ǃhoa tsî Jodeǁî taman ge ǁîb gā-aisib xa nî ǃhoa. 11 Kairab ka, ob ge nau ǀoadisin ǃgâ-ai ǃgôasib ǃnâ nî ǁō tsî ǁōb ka, ob ge ǁîb di ǂanǂansasiba nî ǁîb di mādawa-am.
Eloba koas di ǁnaetsanas
12 Xawe nēsi ta ge ti ǀapeǁguigu xa ǃnāsase ra ǃhoaǂam ǂgao. Tita ge nēsi ǁkhāsigu xa ǀoa hâ, ǀoasa ǁkhâb khami. 13-14 ǃKhūba kurub gen hoan ǃaroma koa. A di sa ǁnaetsanade ǃgâihamxūn di hammi, leliǃkhādi di ǃgâi hammi ǁhaoǁaeb ǃnâ, rosǃkhādi ǁgamǀaudi amǃgâb ai mâdi di ǂkhon ǃgâi hammi khami ǂoa. 15 Sadu harpde ǀkhō, î ǃKhūba koatsanade ǁnaeba, mâtikōseb kai ǃkhaisa mîba bi. Nē ǁâudīb amsa ǁnae:
16 ǃKhūb ge kurun hoan ge a ǃgâi;
tsî ǁîb mîmādi ge ǂhanu ǁaeb ai ra ǁnâuǀnamhe.
17 Khoe-i xare-i ge ǃKhūba, tare-i ǃaromab ge ǁîna ǁnāti dī ǃkhaisa dî tide.
ǁÎb ge mâ xū-i hoa-e ǂhâbab ka, o nî ǃgāǃgā.
ǁÎb ge mîmā ogu ge ǁgamga ge ǀhao.
ǃHoab ge, o gu ge huriga ge kuruhe.
18 Tare-i ǀgui-eb ga mîmā, o i ge ra dīǀoaǀoahe
tsî i ge xū-i xare-e ǁîb di sâu ǁkhās ǀgaiba ǁkhae tide.
19 Eloba xu da ge a gaugausen ǁoa;
ǁîb ge mâ khoe-i hoa-i ra dī xūna ra mû.
20 ǁÎb ge hoaraga ǁaeba, tsoatsoasa xu ǀunis kōse ra mû,
tsî i ge xū-i xare-e ǁîba buruburuxaba tama hâ.
21 Khoe-i xare-i ge ǃKhūba, tare-i ǃaromab ge ǁîna ǁnāti dī ǃkhaisa dî tide;
kurub ge xū-i hoa-i ge ǁî-i di ǂâibasensa ūhâ.
22 ǃKhūb di ǀkhaeb ge ǃāb khami ǂnâsa ǃhūba ra dâuǂam
tsî ǃhūba ra ǂûǂûxa kai.
23 ǁAixab ka, ob ge ǁaib âba ǁaede nî hāǂam,
ǃgâi ǁgam-eb ǂōxa ǁgam-i ǃnâ ra ǀkharaǀkhara khami.
24 Elob ge ǁîb di ǃanuna, ǂhanu daob ai ra ǂgaeǂgui,
xawe eloxoresan di daob ǃnâ di ge ǁnoade ǁgoe.
25 Tsoatsoasa xub ge ǃgâi xūna ǃgâin ǃaroma
tsî tsū xūna ǁore-aon ǃaroma ge dī.
26 Tsēkorobe ûib ǃaroma da ǂhâba hân ge:
ǁGam-i, ǀaes, ǀurin tsî ǂō-i;
mel-i, dani-i tsî dai-i,
ǂauxûi-i, ǀkhera-oli-i tsî saran tsîna.
27 Nēn hoan ge eloǃaoǃgâxan ǃaroma a ǃgâi,
xawen ge ǁore-aona, tsūǀkhāb ǀguiba ra hā-ūba.
28 ǃKhūb ge ǀgaisa ǂoaga khoenab nî ǁkharase ge kuru.
ǁÎb ga ǁaixa tsî ǀhapixana ǁkhara,
o gu ge ǀgaisa ǁgaoǂoaga ǁîna samib khami ra ǂnau,
tsî ǁîn Kuru-aob di ǁaiba ra ǀam kai.
29-30 ǃKhūb ge ǁkhāti sao ra xūna khoenab nî ǁkhara-ūse ge kuru:
ǀAes tsî ǃnareb, ǃâtsūǀkhāb tsî ǁōb;
ǁaixa ǀgurun, ǀhūn tsî ǃgāxa ǀaon
tsî ǁkhāti torob tsîna.
31 ǁÎn hoan ge ǃKhūb di mîmāde ǁnâuǀnams ǃnâ ra ǃgâiaǂgao
tsî ǁîba ǃhūbaib ai ǃoabas ǃoa ǂhomisase hâ.
ǁÎn di ǃoabasa dīs di ǁaeb ga hā,
on ge tātsē ǁnâuǀnamoǃnâ tama hâ.
32 Ti ǁkhāǁkhāsendi ǀkha ta ge tsoatsoasa xu, ta ge nēsa ǂâiǃgâ tsî ge xoamâi.
33 Elob ge kuru xūn hoan ge amase a ǃgâi,
tsîb ge ǂhâbada hâ xūna ǂhanu ǁaeb ai ra māda.
34 ǁÎb ge kuru xū-i hoa-i ge ǁî-i di ǂhunuma ǂâibasensa ūhâ
tsî i ge khoe-e: “Nē-i ge nau-i xa a ǃgâi” ti a mî ǁoa.
35 Nēsi sa ǂgaob haoragab ǀkha koatsanade ǁnae,
î ǃKhūb di ǀonsa koa.
1 ǃKhūb, Hoan xa ǀGapib di ǂhanuba ǁkhāǁkhāsensa ǃoa ǁî-aitsama a māsenxa khoeb ge nau sîsenaon hoana xu a ǀkhara. ǁÎb ge ǀoro ǁaeb di xoa-aogu hoagu ge gā-aisib xa mî hâ i xūn tsî ǁkhāti kēbo-aogu ge mî hâ in tsîna nî ôaǃnâ. 2 ǁÎb ge ǂanǂansa khoegu di mîxūna ǁkhāǁkhāsen tsî ǂkhōdi ǂâibasende ra ǁnâuǃā. 3 ǁÎb ge ǂganǃgâsa ǂâibasendi ǂkhoamîdi dide ra ôaǃnâ tsî ǂansa tama ǃâdi ǂkhōdi dide a ǂanǂui ǁkhā. 4 ǁÎb ge ǂanǂansa khoena ra ǀapemā tsî gu ge ǂgaeǂgui-aogu tsîna ǁîb di mûǂgāǀgauba ra dî. ǁÎb ge ǃhao ǃhūgu ǃnâ ǃnarima tsî khoen di ǃgâib tsî tsūb xa, hōǃâsa xu a ǂan. 5 ǁÎb di ǁnaetib ge ǃoega khâi tsî ǃgarise ǃKhūb Kuru-aob ǃoa ǀgoresa, îb ǁîb di ǁorena ǀûbahe. 6 Tsî kai ǃKhūb ga ǂgao, ob ge ǀō-aisa ǂans tsî sîsenǁkhāsiba ǁgauǃnâ-aoba nî mā tsî di ge ǀasa gā-ai mîde ǁîb amsa xu nî ǂoaxa. Tsîb ge ǁîba ǀgores ǃnâ ǃKhūba nî gangan. 7 ǁÎb ge ǀgoragub nî ǂans tsî ǃgâi ǀapemās, naunab nî mās tsîna nî ūhâ. Tsîb ge ǃKhūb di ǂganǃgâsigu xa nî ǁkhāǁkhāsen. 8 ǃKhūb ge ǂgoms di ǁkhāǁkhās naunab nî ǁkhāǁkhāsa nî mā bi tsîb ge Hoan xa ǀGapib di ǂhanub ai nî ǂnīsa. 9 Khoen ge hoa ǃkhaidi ai ǁîba gā-aisib âb ǃaroma nî koa tsîn ge khoena hugaǀgui ǁnā ǂansa ǂâis ǃnâ nî ūhâ. Khoen ge hugaǀgui ǁîba ǂâis ǃnâ ūhâ tsî hoaǁae ǃgôasiba nî mā bi. 10 Jodeǁîn ge hoaǁae ǁîb xa ǃgôasib ǀkha nî ǃhoa tsî Jodeǁî taman ge ǁîb gā-aisib xa nî ǃhoa. 11 Kairab ka, ob ge nau ǀoadisin ǃgâ-ai ǃgôasib ǃnâ nî ǁō tsî ǁōb ka, ob ge ǁîb di ǂanǂansasiba nî ǁîb di mādawa-am.
Eloba koas di ǁnaetsanas
12 Xawe nēsi ta ge ti ǀapeǁguigu xa ǃnāsase ra ǃhoaǂam ǂgao. Tita ge nēsi ǁkhāsigu xa ǀoa hâ, ǀoasa ǁkhâb khami. 13-14 ǃKhūba kurub gen hoan ǃaroma koa. A di sa ǁnaetsanade ǃgâihamxūn di hammi, leliǃkhādi di ǃgâi hammi ǁhaoǁaeb ǃnâ, rosǃkhādi ǁgamǀaudi amǃgâb ai mâdi di ǂkhon ǃgâi hammi khami ǂoa. 15 Sadu harpde ǀkhō, î ǃKhūba koatsanade ǁnaeba, mâtikōseb kai ǃkhaisa mîba bi. Nē ǁâudīb amsa ǁnae:
16 ǃKhūb ge kurun hoan ge a ǃgâi;
tsî ǁîb mîmādi ge ǂhanu ǁaeb ai ra ǁnâuǀnamhe.
17 Khoe-i xare-i ge ǃKhūba, tare-i ǃaromab ge ǁîna ǁnāti dī ǃkhaisa dî tide.
ǁÎb ge mâ xū-i hoa-e ǂhâbab ka, o nî ǃgāǃgā.
ǁÎb ge mîmā ogu ge ǁgamga ge ǀhao.
ǃHoab ge, o gu ge huriga ge kuruhe.
18 Tare-i ǀgui-eb ga mîmā, o i ge ra dīǀoaǀoahe
tsî i ge xū-i xare-e ǁîb di sâu ǁkhās ǀgaiba ǁkhae tide.
19 Eloba xu da ge a gaugausen ǁoa;
ǁîb ge mâ khoe-i hoa-i ra dī xūna ra mû.
20 ǁÎb ge hoaraga ǁaeba, tsoatsoasa xu ǀunis kōse ra mû,
tsî i ge xū-i xare-e ǁîba buruburuxaba tama hâ.
21 Khoe-i xare-i ge ǃKhūba, tare-i ǃaromab ge ǁîna ǁnāti dī ǃkhaisa dî tide;
kurub ge xū-i hoa-i ge ǁî-i di ǂâibasensa ūhâ.
22 ǃKhūb di ǀkhaeb ge ǃāb khami ǂnâsa ǃhūba ra dâuǂam
tsî ǃhūba ra ǂûǂûxa kai.
23 ǁAixab ka, ob ge ǁaib âba ǁaede nî hāǂam,
ǃgâi ǁgam-eb ǂōxa ǁgam-i ǃnâ ra ǀkharaǀkhara khami.
24 Elob ge ǁîb di ǃanuna, ǂhanu daob ai ra ǂgaeǂgui,
xawe eloxoresan di daob ǃnâ di ge ǁnoade ǁgoe.
25 Tsoatsoasa xub ge ǃgâi xūna ǃgâin ǃaroma
tsî tsū xūna ǁore-aon ǃaroma ge dī.
26 Tsēkorobe ûib ǃaroma da ǂhâba hân ge:
ǁGam-i, ǀaes, ǀurin tsî ǂō-i;
mel-i, dani-i tsî dai-i,
ǂauxûi-i, ǀkhera-oli-i tsî saran tsîna.
27 Nēn hoan ge eloǃaoǃgâxan ǃaroma a ǃgâi,
xawen ge ǁore-aona, tsūǀkhāb ǀguiba ra hā-ūba.
28 ǃKhūb ge ǀgaisa ǂoaga khoenab nî ǁkharase ge kuru.
ǁÎb ga ǁaixa tsî ǀhapixana ǁkhara,
o gu ge ǀgaisa ǁgaoǂoaga ǁîna samib khami ra ǂnau,
tsî ǁîn Kuru-aob di ǁaiba ra ǀam kai.
29-30 ǃKhūb ge ǁkhāti sao ra xūna khoenab nî ǁkhara-ūse ge kuru:
ǀAes tsî ǃnareb, ǃâtsūǀkhāb tsî ǁōb;
ǁaixa ǀgurun, ǀhūn tsî ǃgāxa ǀaon
tsî ǁkhāti torob tsîna.
31 ǁÎn hoan ge ǃKhūb di mîmāde ǁnâuǀnams ǃnâ ra ǃgâiaǂgao
tsî ǁîba ǃhūbaib ai ǃoabas ǃoa ǂhomisase hâ.
ǁÎn di ǃoabasa dīs di ǁaeb ga hā,
on ge tātsē ǁnâuǀnamoǃnâ tama hâ.
32 Ti ǁkhāǁkhāsendi ǀkha ta ge tsoatsoasa xu, ta ge nēsa ǂâiǃgâ tsî ge xoamâi.
33 Elob ge kuru xūn hoan ge amase a ǃgâi,
tsîb ge ǂhâbada hâ xūna ǂhanu ǁaeb ai ra māda.
34 ǁÎb ge kuru xū-i hoa-i ge ǁî-i di ǂhunuma ǂâibasensa ūhâ
tsî i ge khoe-e: “Nē-i ge nau-i xa a ǃgâi” ti a mî ǁoa.
35 Nēsi sa ǂgaob haoragab ǀkha koatsanade ǁnae,
î ǃKhūb di ǀonsa koa.
