ǃHoroǁguibadi
1 Khoe-i ga ǃhoroǁguiba-e ǃKhūba ūǀkhībao, o i ge mel-e nî ǁguiba tsî i ge ǀkhera-oli-i tsî ǃgâihamxūn tsîna ǁî-i ǃnâ ǂgā, 2 tsî pristergu, Aronni ôagu tawa nî ǀkhī-ū. Pristeri ge ǃomsǀoa mel-i tsî ǀkhera-oli-e ǃgâihamxūn hoan ǀkha ū tsî ǁîn hoana ǁgauǁgaus ase altars ai nî ǂhubi, khauǁguibas ǃgâi ǁamaba ūhâs, ǃKhūba ǃgâibas ase. 3 ǃGau ra ǃhoroǁguibas di ǃâ-i ge Aronni tsî ǁîb ôagu tsîn di; nēs ge kaise ǃanu ǃâs ǁguibas disa, ǃKhūb ra ǁguibahe ǂûna xus ra ūhe xui-ao.
4 ǁGanoms ǃnâ amhe hâ pere-ets ga ǃhoroǁguibas ǃaroma mā, o-i ge khūkhū-e ūhâ tama mel-i, ǀkhera-oli-i ǀkha habahe hâ-i ǀkha nî amhe, tamas ka io i ge ǀkhera-oli-i ǀkha ǂkhauǀkhāsa khūkhū-e ūhâ tama, ǂhaba, ǀui pere ǁkhā.
5 Tsîts ga pan-i ǃnâ amhe hâ ǃhoropere-e ǁguibas ǃaroma mā, o-i ge khūkhū-e ūhâ tama mel-i, ǀkhera-oli-i ǀkha habasa-i ǀkha nî amhe. 6 ǁÎ-e ǃârodi ǃnâ ǀgora, î ǁkhawa oli-i ǀkha ǂkhauǀkhā tsî ǃhoroǁguibas ase ǁguiba.
7 Tsîts ga sa ǃhoroǁguibasa pan-i ǃnâ sâi, o-i ge mel-i oli-i ǀkha habasa-i ǃnâ nî dīhe. 8 Nē xūn ǀkha hâ ǃhoroǁguibasa ǃKhūb ǃoa hā-ū, î pristera mā, îb ǁîba altars tawa sī-ū. 9 ǁÎb ge ǁnā ǃhoroǁguibasa xu ǃâ-e ū tsî ǁgauǁgaus ase altars ai nî ǂhubi, khauǁguibas ǃgâi ǁamaba ūhâs, ǃKhūba ǃgâibas ase. 10 ǃGau ra ǃhoroǁguibas di ǃâ-i ge Aronni tsî ǁîb ôagu tsîn di; nēs ge kaise ǃanu ǃâs ǁguibas disa, ǃKhūb ra ǁguibahe ǂûna xus ra ūhe xui-ao. 11 ǃHoroǁguiba-i ǃKhūba nî ǁguibahe-i hoa-i ge khūkhū-e ūhâ tamase nî dīhe; ǃKhūba ra ǁguibahe ǂû-i hoa-i ge tātsēs tsîna khūkhū-i tamas ka io dani-e ǂgāǃnâhe tide. 12 ǂGuro ǃhoroǂûn di ǁguibas ase ǃKhūba hā-ūba, xawen ge altars ai ǃgâihamxūse ǂhubihe tide. 13 Mâ ǃhoroǁguibas hoasa ǂō-e ǂgāǃnâ, ǂō-i sats tsî Elob tsîkho ǁaegu hâ ǃgaeǀhaosa ra ǂnûǁkhaeba xuige. Hoaraga ǁguibadi ǃnâ ǂō-e ǂgā. 14 ǂGuro ǃgaos di ǃhoroǂûn hîa ra ǁanna du ga ǃKhūba hā-ūba, o tsautsauhe tsî ǀaes ǃnâ amhe hâ ǃhoroǂûna hā-ū. 15 ǁÎna ǀkhera-oli-i ǀkha ǂnâ-ai îts ǃgâihamxūn tsîn ǀkha ǂgāǃnâ; nēs ge ǃhoroǁguibasa. 16 Pristeri ge mel-i tsî ǀkhera-oli-e ǃgâihamxūn hoan ǀkha ū tsî ǁîn hoana ǁgauǁgaus ase altars ai nî ǂhubi, ǀanǀanǁguibas ǃgâi ǁamaba ūhâs, ǃKhūba ǃgâibas ase.
ǃHoroǁguibadi
1 Khoe-i ga ǃhoroǁguiba-e ǃKhūba ūǀkhībao, o i ge mel-e nî ǁguiba tsî i ge ǀkhera-oli-i tsî ǃgâihamxūn tsîna ǁî-i ǃnâ ǂgā, 2 tsî pristergu, Aronni ôagu tawa nî ǀkhī-ū. Pristeri ge ǃomsǀoa mel-i tsî ǀkhera-oli-e ǃgâihamxūn hoan ǀkha ū tsî ǁîn hoana ǁgauǁgaus ase altars ai nî ǂhubi, khauǁguibas ǃgâi ǁamaba ūhâs, ǃKhūba ǃgâibas ase. 3 ǃGau ra ǃhoroǁguibas di ǃâ-i ge Aronni tsî ǁîb ôagu tsîn di; nēs ge kaise ǃanu ǃâs ǁguibas disa, ǃKhūb ra ǁguibahe ǂûna xus ra ūhe xui-ao.
4 ǁGanoms ǃnâ amhe hâ pere-ets ga ǃhoroǁguibas ǃaroma mā, o-i ge khūkhū-e ūhâ tama mel-i, ǀkhera-oli-i ǀkha habahe hâ-i ǀkha nî amhe, tamas ka io i ge ǀkhera-oli-i ǀkha ǂkhauǀkhāsa khūkhū-e ūhâ tama, ǂhaba, ǀui pere ǁkhā.
5 Tsîts ga pan-i ǃnâ amhe hâ ǃhoropere-e ǁguibas ǃaroma mā, o-i ge khūkhū-e ūhâ tama mel-i, ǀkhera-oli-i ǀkha habasa-i ǀkha nî amhe. 6 ǁÎ-e ǃârodi ǃnâ ǀgora, î ǁkhawa oli-i ǀkha ǂkhauǀkhā tsî ǃhoroǁguibas ase ǁguiba.
7 Tsîts ga sa ǃhoroǁguibasa pan-i ǃnâ sâi, o-i ge mel-i oli-i ǀkha habasa-i ǃnâ nî dīhe. 8 Nē xūn ǀkha hâ ǃhoroǁguibasa ǃKhūb ǃoa hā-ū, î pristera mā, îb ǁîba altars tawa sī-ū. 9 ǁÎb ge ǁnā ǃhoroǁguibasa xu ǃâ-e ū tsî ǁgauǁgaus ase altars ai nî ǂhubi, khauǁguibas ǃgâi ǁamaba ūhâs, ǃKhūba ǃgâibas ase. 10 ǃGau ra ǃhoroǁguibas di ǃâ-i ge Aronni tsî ǁîb ôagu tsîn di; nēs ge kaise ǃanu ǃâs ǁguibas disa, ǃKhūb ra ǁguibahe ǂûna xus ra ūhe xui-ao. 11 ǃHoroǁguiba-i ǃKhūba nî ǁguibahe-i hoa-i ge khūkhū-e ūhâ tamase nî dīhe; ǃKhūba ra ǁguibahe ǂû-i hoa-i ge tātsēs tsîna khūkhū-i tamas ka io dani-e ǂgāǃnâhe tide. 12 ǂGuro ǃhoroǂûn di ǁguibas ase ǃKhūba hā-ūba, xawen ge altars ai ǃgâihamxūse ǂhubihe tide. 13 Mâ ǃhoroǁguibas hoasa ǂō-e ǂgāǃnâ, ǂō-i sats tsî Elob tsîkho ǁaegu hâ ǃgaeǀhaosa ra ǂnûǁkhaeba xuige. Hoaraga ǁguibadi ǃnâ ǂō-e ǂgā. 14 ǂGuro ǃgaos di ǃhoroǂûn hîa ra ǁanna du ga ǃKhūba hā-ūba, o tsautsauhe tsî ǀaes ǃnâ amhe hâ ǃhoroǂûna hā-ū. 15 ǁÎna ǀkhera-oli-i ǀkha ǂnâ-ai îts ǃgâihamxūn tsîn ǀkha ǂgāǃnâ; nēs ge ǃhoroǁguibasa. 16 Pristeri ge mel-i tsî ǀkhera-oli-e ǃgâihamxūn hoan ǀkha ū tsî ǁîn hoana ǁgauǁgaus ase altars ai nî ǂhubi, ǀanǀanǁguibas ǃgâi ǁamaba ūhâs, ǃKhūba ǃgâibas ase.
