Disiǀgamǀa apostelgu*
(Markub 3:13-19Lukab 6:12-16)1 Jesub ge ǁîb di disiǀgamǀa ǁkhāǁkhāsabega* ǂgaiǀhao tsî ǃanuoǃnâ gagagu ǂama ǁkhāsiba ge mā, î gu ǁîga ǃhaeǂui tsî khoena hoa ǀaesenain tsî tsû-ain tsîna xu ǂuruǂuru. 2 Nēdi ge disiǀgamǀa apostelgu di ǀonde: ǂGurob ge Simonni, Petrub ti ǀon hâb tsî Andreab ǁîb ǃgâsab tsîkha; Jakobub tsî Johaneb, Sebedeub di ôakha; 3 Filipub tsî Bartolomeub, Tomab tsî Mateub, ǁgui-aimariǃkhōǃoa-aob;* Alfeub di ôab Jakobub; tsî Lebeub, Tadeub ti ǀon hâb; 4 Simonni Kanaanǁîb tsî Judab Iskariotǁîb, Jesuba ge ǀapexūb tsîga.
Disiǀgamǀagu di sîǂuihes
(Markub 6:7-13Lukab 9:1-6)5 Nē disiǀgamǀagab ge Jesuba sao ra ǁgui-aidi ǀkha ge sîǂui: “Jodeǁî taman* di daob ai tā ǃgû, î Samariaǁîn ǃādi ǃnâ tā ǂgâ. 6 Aibe kāǁhapu hâ gūn Israeli ommi din ǃoa ǃgû. 7 ǃGû, î aoǁnâ, î go mî: ‘Gaosib ǀHommi dib ge ǀgūse hā hâ.’ 8 ǀAesen hâna ǂuruǂuru, ǁō hâna ǂkhaiǂkhai, ǃomamasiba ūhâna ǃanuǃanu, î ǁgâuaga* ǃhaeǂui. Matare-i ose go ge hō xuige matare-i ose mā. 9 Tā sago ǃgaesenni ǃnâ ǃhuniǀurib, tamas ka io ǀhaiǀurib, tamas ka io ǀapaǀuriba ūsao 10 tsî tā ǂû-i, saran ǁgaru-i, mari-i, ǀkhapudi tamas ka io ǁgâibasenhai-i tsîna sago ǀkha daob ai ūsao. Sîsenaob kom ǂû nîse īo. 11 Tsî ǃā-i tamas ka io ǃāro-i ǃnâ go ga ǂgâo, anu hâ khoe-e ôa, î ǁnāpa hâ re ǁnā ǃāsa xu go nî ǃkharus kōse. 12 Tsî om-i ǃnâ go ga ǂgâo, mî re ‘ǂKhîba ab hâǀkhā du’ ti. 13 Tsî ǁnā om-i din ga anu hâ, ob nî ǀkhaeb ǂkhîb âgo diba ǁîn ai hā; xawe anu taman ga io, o go ge sago ǂkhîba nî ū-oa. 14 Om-i tamas ka io ǃā-i ǃnâ go ga ǁkhoreǁharehe tama i tsîn ga sago ǃgâsa ǃnâudanaxabao, sago di ǂaidi ǃnaka hâ tsaraba ǃgubuǁnâ , î ǁnāpa xu ǃgû. 15 Amase ta ra mîba go, ǂkhaba ǃāra, Sodoms tsî Gomoras tsîra di khoena ta ge ǀGoraǃgâtsēs ai ǀkhomma nî ǁgau, xawe ǁnā ǃās ose.
Hā nî ǃgôaǃgondi
(Markub 13:9-13Lukab 21:12-17)16 “Mû, tita ge sago gūn ase ǂhiran ǁaegu ra sîǂgā; ǀaon khami gā-ai, î ǂnabun khami ǀhapio. 17 ǂAnbasen re! ǁÎn ge sago ǁîn di ǀapemāǃnandi ai nî māǁnâ tsî ǁîn di sinagogegu* ǃnân ge nî ǂnau go xui-ao. 18 Tita ǃaroma go nî danakhoegu tsî gao-aogu aiǃâ ǁgarisīhe, ǁîn tsî Jodeǁî tamana du ǃGâiǂhôasa nî mîbase. 19 Tsî go ga māǁnâheo, tā ǂâiǂhansen mâti tsî mâ xū-e go nî ǃhoa ǃkhaisa, ǂhanu mîde go nî ǁnā ǁaeb ai māhe xuige. 20 ǁNā mîdi sago nî ǃhoadi ge sago di tama, xawe Gagab sago Îb dib ge sago ǃnâ ra ǃhoaba.
21 “Khoen ge ǂhunuma ǃgâsana ǁōb ǃnâ nî māǁnâ tsî ǁgûgu ge ǁnās ǁkhāsa ǁîgu ôan ǀkha nî dī tsî ǀgôan ge ǁgûn ǃoagu khâi tsî ǁîna nî ǃgam. 22 Tsî du ge hoaraga khoen xa ti ǀons ǃaroma nî ǁkhanhe, xawe ǀams kōse ga mâǀgai-i ge nî orehe. 23 Khoen ga sago nē ǃās ǃnâ ǃgôaǃgon, o ǀnî ǃā-i ǁga ǁhaini. Amase ta ra mîba go, hoa Israelǁîn di ǃādi ǃnâ go sîsengu ǀkha toa tama hîab nî Khoen Ôaba hā ǃkhaisa.
24 “ǁKhāǁkhāsabe-i ge ǁgauǃnâ-ao-i xa kai tama hâ tsî ǃgā-i tsîn ge ǀhonkhoe-i xa kai tama hâ. 25 Ab ǁkhāǁkhāsabeba ǂkhî ǁkhāǁkhā-aob khamib ga īo; tsî ǃgāba ab ǂkhî ǀhonkhoeb khamib ga īo. Omaris ǀhonkhoeban ga Beelsebul* ti ǂgaio, mâtikōsen nî ǁnās ǃgâ-ai omaris ǁanina ǁnāti ǂgai?
Tari-i nî ǃaohe ǃkhais
(Lukab 12:2-7)26 “Xawe tā sa khākhoena ǃao. ǂGanǃgâsase hâ xū-i hîa ǂhaiǂhaihe tide-i tsî ǂganǂamsase hâ i hîa ǂanhe tide-i hâ tama xuige. 27 Tita ra ǃkhaenab ǃnâ mîba gona, ǃnâb ǃnâ ǃhoa re tsî ǂganǃgâsib ǃnâ go ga ǁnâuna omǂamǃnâ ǂoa, î aoǁnâ re. 28 Î tā sorosa ǃgam ǁkhā xawe ǀomsa ǃgam ǁoana ǃao, xawe Elob, soros tsî ǀoms tsîra hoara ǀamoǀaeb ǀkha hîkākā ǁkhāba ǃao re. 29 ǀGam ǀhomanirora kha ǁnâi ǀgui mariros ai ǁamaxūhe tama hâ? Tsî ǀgui-i xare-i ge sadu Îb di ǂâis ose ǃhūb ai ǁnā tama hâ.ǀGam ǀhomanirora kha ǁnâi ǀgui mariros ama ǁamaxūhe tama hâ? 30 Tsîn ge ǁkhāti danaǀûn sago din hoana ǃgôatoahe hâ. 31 ǁNā-amaga tā ǃao; sago ge ǂgui ǀhomaniron xa ǃnāsase a ama-ai.
Xristuba* ǁguiǁnâ tsî ǂharas
(Lukab 12:8-9)32 “Mâ-i hoa-i, khoen aiǃâ ga tita ǂan-i, ǁî-e ta ge ti Îb ǀhommi ǃnâ hâb aiǃâ nî ǂan. 33 Xawe mâ-i hoa-i khoen aiǃâ ga tita ǀūxū-i, ǁî-e ta ge ti Îb ǀhommi dib aiǃâ nî ǀūxū.
Jesub ge ǂkhîb ose xawe gôaba ra hā-ū
(Lukab 12:51-53Lukab 14:26-27)34 “Tā ǂâi, ǂkhîba ta nî ǃhūbaib ai hā-ūse ta ge hā ti. Hî-î, tita ge khoen ǁîǃnābe ǁnâuǃāgu tidega ge hā. 35 Tita ge khoeba ta nî ǁgûba xu tsî ǀgôasa ǁgûsa xu tsî ǀuiǀgôasa ǀuiǁgûsa xu ǀgorase ge hā. 36 Tsî ǁî-i di omaris khoen ge ǁî-i di khākhoese nî ī.
37 “Naun hîa ǁgûb tsî ǁgûs tsîra ti ǂamai ǀnam hân ge tita anu tama; tsî ǀgôab tsî ǀgôas tsîra ga ti ǂamai ǀnam hâ-i ge tita anu tama-e. 38 Tsî ǁî-i ǃgâuhaiba* ūkhâi tsî tita sao tama-i ge tita anu tama-e. 39 Tsî dītsâ tsî ga ǁî-i ûiba hō-i ge nî ǁîba ǂoaǃnâ, xawe ǁî-i ûiba ga tita ǃaroma ǂoaǃnâ-i ge ǁîba nî hō.
Mādawa-amdi
(Markub 9:41)40 “Mâ-i hoa-i sago ga ǃkhōǃoa-i ge tita ra ǃkhōǃoa-e tsî tita ga ǃkhōǃoa-i ge tita ge sîba ra ǃkhōǃoa-e. 41 Mâ-i hoa-i kēbo-aoba ga kēbo-aob ǀons ǃnâ a ǃkhōǃoa-i ge kēbo-aob mādawa-amsa nî hō tsî ǂhanu-ai khoeba ga ǂhanu-ai khoeb ǀons ǃnâ ǃkhōǃoa-i ge ǂhanu-ai khoeb mādawa-amsa nî hō. 42 Tsî mâ-i hoa-i ti ǀons ǃnâ nē ǂkhariron di ǀgui-e ǁgam-e ga mā-i, ti ǁkhāǁkhāsabe-i a ǃkhais ǃaroma i ge amase nî mādawa-amhe.”
Disiǀgamǀa apostelgu*
(Markub 3:13-19Lukab 6:12-16)1 Jesub ge ǁîb di disiǀgamǀa ǁkhāǁkhāsabega* ǂgaiǀhao tsî ǃanuoǃnâ gagagu ǂama ǁkhāsiba ge mā, î gu ǁîga ǃhaeǂui tsî khoena hoa ǀaesenain tsî tsû-ain tsîna xu ǂuruǂuru. 2 Nēdi ge disiǀgamǀa apostelgu di ǀonde: ǂGurob ge Simonni, Petrub ti ǀon hâb tsî Andreab ǁîb ǃgâsab tsîkha; Jakobub tsî Johaneb, Sebedeub di ôakha; 3 Filipub tsî Bartolomeub, Tomab tsî Mateub, ǁgui-aimariǃkhōǃoa-aob;* Alfeub di ôab Jakobub; tsî Lebeub, Tadeub ti ǀon hâb; 4 Simonni Kanaanǁîb tsî Judab Iskariotǁîb, Jesuba ge ǀapexūb tsîga.
Disiǀgamǀagu di sîǂuihes
(Markub 6:7-13Lukab 9:1-6)5 Nē disiǀgamǀagab ge Jesuba sao ra ǁgui-aidi ǀkha ge sîǂui: “Jodeǁî taman* di daob ai tā ǃgû, î Samariaǁîn ǃādi ǃnâ tā ǂgâ. 6 Aibe kāǁhapu hâ gūn Israeli ommi din ǃoa ǃgû. 7 ǃGû, î aoǁnâ, î go mî: ‘Gaosib ǀHommi dib ge ǀgūse hā hâ.’ 8 ǀAesen hâna ǂuruǂuru, ǁō hâna ǂkhaiǂkhai, ǃomamasiba ūhâna ǃanuǃanu, î ǁgâuaga* ǃhaeǂui. Matare-i ose go ge hō xuige matare-i ose mā. 9 Tā sago ǃgaesenni ǃnâ ǃhuniǀurib, tamas ka io ǀhaiǀurib, tamas ka io ǀapaǀuriba ūsao 10 tsî tā ǂû-i, saran ǁgaru-i, mari-i, ǀkhapudi tamas ka io ǁgâibasenhai-i tsîna sago ǀkha daob ai ūsao. Sîsenaob kom ǂû nîse īo. 11 Tsî ǃā-i tamas ka io ǃāro-i ǃnâ go ga ǂgâo, anu hâ khoe-e ôa, î ǁnāpa hâ re ǁnā ǃāsa xu go nî ǃkharus kōse. 12 Tsî om-i ǃnâ go ga ǂgâo, mî re ‘ǂKhîba ab hâǀkhā du’ ti. 13 Tsî ǁnā om-i din ga anu hâ, ob nî ǀkhaeb ǂkhîb âgo diba ǁîn ai hā; xawe anu taman ga io, o go ge sago ǂkhîba nî ū-oa. 14 Om-i tamas ka io ǃā-i ǃnâ go ga ǁkhoreǁharehe tama i tsîn ga sago ǃgâsa ǃnâudanaxabao, sago di ǂaidi ǃnaka hâ tsaraba ǃgubuǁnâ , î ǁnāpa xu ǃgû. 15 Amase ta ra mîba go, ǂkhaba ǃāra, Sodoms tsî Gomoras tsîra di khoena ta ge ǀGoraǃgâtsēs ai ǀkhomma nî ǁgau, xawe ǁnā ǃās ose.
Hā nî ǃgôaǃgondi
(Markub 13:9-13Lukab 21:12-17)16 “Mû, tita ge sago gūn ase ǂhiran ǁaegu ra sîǂgā; ǀaon khami gā-ai, î ǂnabun khami ǀhapio. 17 ǂAnbasen re! ǁÎn ge sago ǁîn di ǀapemāǃnandi ai nî māǁnâ tsî ǁîn di sinagogegu* ǃnân ge nî ǂnau go xui-ao. 18 Tita ǃaroma go nî danakhoegu tsî gao-aogu aiǃâ ǁgarisīhe, ǁîn tsî Jodeǁî tamana du ǃGâiǂhôasa nî mîbase. 19 Tsî go ga māǁnâheo, tā ǂâiǂhansen mâti tsî mâ xū-e go nî ǃhoa ǃkhaisa, ǂhanu mîde go nî ǁnā ǁaeb ai māhe xuige. 20 ǁNā mîdi sago nî ǃhoadi ge sago di tama, xawe Gagab sago Îb dib ge sago ǃnâ ra ǃhoaba.
21 “Khoen ge ǂhunuma ǃgâsana ǁōb ǃnâ nî māǁnâ tsî ǁgûgu ge ǁnās ǁkhāsa ǁîgu ôan ǀkha nî dī tsî ǀgôan ge ǁgûn ǃoagu khâi tsî ǁîna nî ǃgam. 22 Tsî du ge hoaraga khoen xa ti ǀons ǃaroma nî ǁkhanhe, xawe ǀams kōse ga mâǀgai-i ge nî orehe. 23 Khoen ga sago nē ǃās ǃnâ ǃgôaǃgon, o ǀnî ǃā-i ǁga ǁhaini. Amase ta ra mîba go, hoa Israelǁîn di ǃādi ǃnâ go sîsengu ǀkha toa tama hîab nî Khoen Ôaba hā ǃkhaisa.
24 “ǁKhāǁkhāsabe-i ge ǁgauǃnâ-ao-i xa kai tama hâ tsî ǃgā-i tsîn ge ǀhonkhoe-i xa kai tama hâ. 25 Ab ǁkhāǁkhāsabeba ǂkhî ǁkhāǁkhā-aob khamib ga īo; tsî ǃgāba ab ǂkhî ǀhonkhoeb khamib ga īo. Omaris ǀhonkhoeban ga Beelsebul* ti ǂgaio, mâtikōsen nî ǁnās ǃgâ-ai omaris ǁanina ǁnāti ǂgai?
Tari-i nî ǃaohe ǃkhais
(Lukab 12:2-7)26 “Xawe tā sa khākhoena ǃao. ǂGanǃgâsase hâ xū-i hîa ǂhaiǂhaihe tide-i tsî ǂganǂamsase hâ i hîa ǂanhe tide-i hâ tama xuige. 27 Tita ra ǃkhaenab ǃnâ mîba gona, ǃnâb ǃnâ ǃhoa re tsî ǂganǃgâsib ǃnâ go ga ǁnâuna omǂamǃnâ ǂoa, î aoǁnâ re. 28 Î tā sorosa ǃgam ǁkhā xawe ǀomsa ǃgam ǁoana ǃao, xawe Elob, soros tsî ǀoms tsîra hoara ǀamoǀaeb ǀkha hîkākā ǁkhāba ǃao re. 29 ǀGam ǀhomanirora kha ǁnâi ǀgui mariros ai ǁamaxūhe tama hâ? Tsî ǀgui-i xare-i ge sadu Îb di ǂâis ose ǃhūb ai ǁnā tama hâ.ǀGam ǀhomanirora kha ǁnâi ǀgui mariros ama ǁamaxūhe tama hâ? 30 Tsîn ge ǁkhāti danaǀûn sago din hoana ǃgôatoahe hâ. 31 ǁNā-amaga tā ǃao; sago ge ǂgui ǀhomaniron xa ǃnāsase a ama-ai.
Xristuba* ǁguiǁnâ tsî ǂharas
(Lukab 12:8-9)32 “Mâ-i hoa-i, khoen aiǃâ ga tita ǂan-i, ǁî-e ta ge ti Îb ǀhommi ǃnâ hâb aiǃâ nî ǂan. 33 Xawe mâ-i hoa-i khoen aiǃâ ga tita ǀūxū-i, ǁî-e ta ge ti Îb ǀhommi dib aiǃâ nî ǀūxū.
Jesub ge ǂkhîb ose xawe gôaba ra hā-ū
(Lukab 12:51-53Lukab 14:26-27)34 “Tā ǂâi, ǂkhîba ta nî ǃhūbaib ai hā-ūse ta ge hā ti. Hî-î, tita ge khoen ǁîǃnābe ǁnâuǃāgu tidega ge hā. 35 Tita ge khoeba ta nî ǁgûba xu tsî ǀgôasa ǁgûsa xu tsî ǀuiǀgôasa ǀuiǁgûsa xu ǀgorase ge hā. 36 Tsî ǁî-i di omaris khoen ge ǁî-i di khākhoese nî ī.
37 “Naun hîa ǁgûb tsî ǁgûs tsîra ti ǂamai ǀnam hân ge tita anu tama; tsî ǀgôab tsî ǀgôas tsîra ga ti ǂamai ǀnam hâ-i ge tita anu tama-e. 38 Tsî ǁî-i ǃgâuhaiba* ūkhâi tsî tita sao tama-i ge tita anu tama-e. 39 Tsî dītsâ tsî ga ǁî-i ûiba hō-i ge nî ǁîba ǂoaǃnâ, xawe ǁî-i ûiba ga tita ǃaroma ǂoaǃnâ-i ge ǁîba nî hō.
Mādawa-amdi
(Markub 9:41)40 “Mâ-i hoa-i sago ga ǃkhōǃoa-i ge tita ra ǃkhōǃoa-e tsî tita ga ǃkhōǃoa-i ge tita ge sîba ra ǃkhōǃoa-e. 41 Mâ-i hoa-i kēbo-aoba ga kēbo-aob ǀons ǃnâ a ǃkhōǃoa-i ge kēbo-aob mādawa-amsa nî hō tsî ǂhanu-ai khoeba ga ǂhanu-ai khoeb ǀons ǃnâ ǃkhōǃoa-i ge ǂhanu-ai khoeb mādawa-amsa nî hō. 42 Tsî mâ-i hoa-i ti ǀons ǃnâ nē ǂkhariron di ǀgui-e ǁgam-e ga mā-i, ti ǁkhāǁkhāsabe-i a ǃkhais ǃaroma i ge amase nî mādawa-amhe.”
