Hûǁî kurib
(Deuteronomium 15:1-11)1 ǃKhūb ge Moseba Sinaiǃhommi ai ge mîmā, 2 îb sao ra ǁgaraga Israelǁîna mā: ǃKhūb ra mā du ǃhūb ǃnâ du ga sī, o du ge ǃKhūb di ǃgôasib ǃaroma hûǁî kurib hoaba nî sâ. 3 ǃNani kuriga du ge sadu ǃhanaga ǃgao, draibehaide ǃgao tsî sadu ǃhanaǂûna nî ǀhaoǀhao. 4 Xawe hûǁî kurib ǃnâb ge hoaraga ǃhūba nî sâ tsî ǃKhūb di ǃgôasib ǃaroma khaihe hâ kurib ase nî ǃgapaǀîhe. Tā sadu ǃhanaga ǃgao tamas ka io sadu draibeǂûna ǃora. 5 Tā tsorohe tamase ra ǂoaxa ǃhoroba ǃgao tsî tā ǃgaohe tama ǁnâugu ai ra ǂoaxa draibena ǃora; nēb a hoaraga ǃhūb nî ǀoasase sâǃnâ kuri xui-ao. 6 Nē kurib ga ǂûtanis ǃaroma aiǂhomihe tama i, xawen ge ǂûna sadu, sadu khobon, sadu ǀkhupisagu, sadu ǁaegu ǁan hâ ǃhaokhoen, 7 ǀgoan, xamarin tsî ǀgurun sadu ǃhanagu ǃnâ hân hoan ǃaroma nî hâ. ǁNāpa xu ra ǀkhī ǂûn hoan ge nî ǂûhe.
Mā-oahes Kurib
8 Hû kurigu di hû ǃnādi di ǃgôab ge hakadisikhoeseǀa kuriga ǀhaob ai ra mā tsi. 9 Disiǁî tsēs hûǁî ǁkhâb dis, ǂKhîbagus Tsēs ai khoe-e sîǂui, xâiǁnâsa hoaraga ǃhūb ǃnâ nî xâise. 10 Nēs ǃnâ-ub ge korodisiǁî kuriba ǃKhūb di ǃgôasib ǃaroma khaihe tsî hoaraga ǃhūb di ǃnorasasib kurib ase ra ǂgaiǂuihe. 11 Tā tsorohe tamase ra ǂoaxa ǃhoroba ǃgao tsî tā ǃgaohe tama ǁnâugu ai ra ǂoaxa draibena ǃora. 12 Nē hoaraga kuriba du ge ǃnâuse ǃgapaǀî tsî ǃhūb ra aitsama mā ǂûn ǀguina nî ǂû.
13 Nē kurib ǃnân ge hoaraga xūn tsî ǃhūǃân khoen din hîa ge ǁamaxūhe hâ ina ǂhunuma ǀhonkhoena nî mā-oahe. 14 Sa ǃgâsa Israelǁî-i aits ga ǃhūǃâ-e ǁamaxū tamas ka io ǁî-e xu ǁama, o tā ǀhôagaoǃnâgu. 15 ǁAmaxūǁkhāsib ǃhūǃâ-i dib ge mâtikō ǃgaodi sao ra Mā-oahes Kurib kōse nî hâsa xu nî ǃgôa. 16 Kurigu ga ǂgui, os ge ǁamaxūǁkhāsib marisa nî ǃnāsa, xawe kurigu ga ǀoro, os ge ǁamaxūǁkhāsib maris tsîna a ǀoro; ǁamaxūǁkhāsib ǃhūb ra mā ǁkhā ǂûna xu ǀgui mîhe ǁkhā xui-ao. 17 Nēs ǃnâ ǃKhūb sadu Eloba ǃao, î tā sa ǃgâsa Israelǁî-e ǀhôagaoǃnâ.
ǃKhūb ǃûiǃgâs hûǁî kurib ǃnâ
18 ǃKhūb di ǂhanugu tsî mîmādi hoade ǁnâuǀnam, o du ge ǂkhîb ǃnâ nî ûi. 19 ǃHūb ge aitsama nî ǂûtani tsî du ge ǂû ǂgao du ra xū-i hoa-e ǂû tsî ǂkhîb ǃnâ nî ûi.
20 Xawe i ge khoe-e a dî ǁkhā, tare-e du hûǁî kurib, tsorohe tsî ǃgaohe tamab ǃnâ nî ǂû ǃkhaisa. 21 ǃNaniǁî kurib ǃnâb ge ǃKhūba ǃhūba ǃnāǂamsase nî ǀkhae, ǀgam kurikhab nî ǂâu hâ ǂûna ūhâse. 22 ǁKhaisaǁî kurib sadu ǃhanaga du nî tsorob ǃnâs tsîna du ge noxopa ǃnaniǁî kurib ǃnâ du gere ǃgao ǂûna nî ǂû, tsî du nî ǁkhāti ǂâu hâ ǂûna ūhâ tsoro du ge ǂûna du sī nî ǃgaos kōse.
Ūhâxūn di mā-oahes
23 Sa ǃhūǃâ-i ge sa ǂhunuma xūse ǁamaxūhe tide, sa tama- i hâ tsî Elob di xui-ao; sada ǃhaokhoe-i khami ī tsî ǁî-e ǀkhupis ase ǀgui nî sîsenū amaga.
24 ǃHūǃâ-i ga ǁamaxūhe, ob ge ǂguro ǀhonkhoeb ǁnā ǃhūǃâs diba ǁkhawab ǁîsa nî ǁama-oa ǂhanuba nî māhe. 25 Israelǁî-i ga ǀgâsib ǃaroma ǁî-i ǃhūǃâsa ǁamaxū, o-i ge ǁî-i di ǀgūǀaokhoe-e ǁnā ǃhūǃâsa nî ǁama-oa. 26 Khoe-i ga ǀgūǀaokhoe-e ūhâ tama i, o-i ge ǃgâise i ga sī mâ tsî ǂâusa mari-e hō, o ǁnā ǃhūǃâsa nî ǁama-oa. 27 ǁAmaxūs ge hâs khaoǃgâ ge ǃkharu kurigu ge ǃgôahe tsî Mā-oahes Kurib xa ǃgau hâ kuriga ǁama-aoba, ǂguro ǀhonkhoeb ǃhūǃâs dib xa nî matare-oahe. ǂGuro ǀhonkhoeb ge ǁkhawa ǁîb di ǃhūǃâsa nî mā-oahe. 28 Xaweb ga ǂguro ǀhonkhoeba ǂâusa maris ǁama-oas disa ūhâ tama i, ob ge ǃhūǃâsa ge ǁama khoeba Mā-oahes Kurib nî hās kōse ǀhonkhoese nî hâ. ǁNā kurib ǃnâs ge ǃhūǃâsa ǂguro ǀhonkhoeba nî mā-oahe.
29 Khoe-i ga omsa ǂnubiǂgoagu ǀkha omǂnamihe hâ ǃās ǃnâ ǁamaxū, o-i ge ǁî-e ǁamaxūs di tsēsa xu aiǂhanuba ūhâ kurib di ǁaeb ǃnâ nî ǁnā omsa ǁama-oase. 30 Xaweb ga ǂguro ǀhonkhoeba nē kurib di ǁaeb ǃnâ omsa ǁama-oa tama i, ob ge ǁama ge khoeb tsî ǁîb di omaris tsîna oms di ǂhunuma ǀhonkhoesisa ra ūǃkhuni; oms ge ǁkhāti Mā-oahes Kurib ǃnâ mā-oahe tide. 31 Xawe ǂnubiǂgoab ǃauga mâ omdi ge ǃhūǃâs ra dīhe ǀgaub ai nîra dīhe; ǂguro ǀhonkhoeb ge aiǂhanub ǁama-oas diba ūhâ, tsî nēti ī omdi ge Mā-oahes Kurib ǃnâ ǂguro ǀhonkhoeba nî ǁkhaeǁnâhe. 32 Leviǁîn ge hoaǁae ǁnâ aiǂhanuba ūhâ ǁîn di omdi ǃādi ǃnâ mâde ǁama-oasa. 33 Leviǁîn di ǃās ǃnâ mâ omsab ga Leviǁîba, Leviǁî tamab ai ǁamaxū, tsîs ga ǁîsa ǁama-oahe tama i, os ge ǁîsa Mā-oahes Kurib ǃnâ Leviǁîna nî mā-oahe, ǁîn ge ǂguro ǀhonkhoe i xui-ao. 34 Xawe ǃû-aiǃhūb Leviǁîn di ǃādi ǂnamipe ǁgoeb ge tātsēs tsîna ǁamaxūhe tide; nēb ge ǁîn di ǃhūba ǀamos kōse.
ǀGâsa khoen di huihes
35 Sa ǃgâsa Israelǁî-i ga ǀgâsa tsî huisen ǁoa, ots ge ǁî-e ǀkhupiǃgā-ets ra ûi-ū ǀgaub ǁkhāb ai nî ûi-ū, î-i ǁî-e sats tawa ǀgūse ûi ǁkhā. 36 Tā ǁîna sâuhōǂgāmari-i xare-e ǂgan, xawe Eloba ǃaoǃgâ, î sa ǃgâsa Israelǁî-i nî sa ǀgūse ûisa mā-am. 37 Tā ǁînats ge ǀkhupi maris ai sâuhōǂgāmarisa ǂgan, î ǁînats ra ǁamaxū-ai ǂûn ǀkha tā mari-e ǃaruǀî kuru. 38 Nēs ge mîmās ǃKhūb sadu Elob, Egipteba xu ge ǂgaeǂguiǂui dub, sadu Elo kai tsîb Kanaanǃhūba nî mā duseb disa.
Khobon di ǃnoraǃnorahes
39 Sa ǃgâsa Israelǁî-i sa ǀgūse hâ-i ga kaise ǀgâsa tsî sats ai khobo-i ase a ǁamaxūsen, ots ge ǁî-e khobosis di sîsenga dī kai tide. 40 ǁÎ-ets ge ǀkhupiǃgā-i khami ûi-ū tsî Mā-oahes Kurib kōse nî ūhâ. 41 ǁNā kurib ǃnâ-i ge ǁî-i tsî ǁî-i omaris tsîna ǃnorasa khoen ase ǁîn ǀaokhoen tsî aboxa ǃhūǃâs ǁga nî oa. 42 Egipteb di khobosisa xub ge ǃKhūba Israelǁîna ǂgaeǂguiǂui xui-aon ge ǁîna khobon ase ǁamaxūhe tide. 43 Tā ǁîna ǁgaise ûi-ū, xawe sadu Eloba ǃaoǃgâ. 44 Khobona du ga ǂgao, o ǁîna sadu ǂnamipe hâ ǀkhara ǃhaodi tawa ǁama. 45 ǃHaokhoen di ǀgôan sadu ǁaegu ǁan hân tsîna du ge a ǁama ǁkhā. ǁNā ǀgôan sadu ǃhūb ǃnâ ge ǃnaena du ge sadu din ase a ūbasen ǁkhā. 46 ǁÎna du ge khobon ase sadu ôan di ūhâxūn ase nî ǁnāxū, în hoaǁae ǃoaba du. Xawe tā sadu ǃgâsa Israelǁîna ǁgaise ûi-ū.
47 ǃHaokhoe-i sadu ǁaegu ǁan hâ-i ga ǃkhū, ǃgâsa Israelǁî-i ra ǀgâsib xa ǃkhōhe tsî khobo-i ase ǃhaokhoeb tamas ka io ǁîb di ǀaokhoe-i ai ra ǁamaxūsen hîa, 48 ǁamaxūhe i kas khaoǃgâ aiǂhanuba ūhâ ǁamaxū-oahes diba. ǁÎ-i ǃgâsa-i 49 tamas ka io ǁnaosa-i, tamas ka io ǁnuri-i tamas ka io ǀnî-i ǁî-i ǀgūǃgâsa-i ge ǁî-e ǁama-oa ǁkhā; tamas ka iob ga ǁîb ǂûba ǂâusa mari-e ǀhaoǀhao, ob ge aitsama a ǁamaǂuisen ǁkhā. 50 ǁÎba ge ǁama khoeb ǀkha ǃhoa tsî kha ge kurigu ǁîb ge ǁamaxūsen ǁaeba xu Mā-oahes Kurib kōse hâga ǃgôa, tsî ǁîb ǃnoraǃnorahes di marisa ǀkhupiǃgāb ra matarehe ǀgaub ai nî ǁnâugu. 51-52 ǃKhareǃâb ǁamaxūsenmaris dib ge ǃgau hâ kurigu ǃoa ǃgôahe tsî nî matare-oahe, 53 kurib hoaba ra ǀkhupihe ǃgāb ǁkhāb khami. ǁÎb di ǀhonkhoeb ge ǁgaise ûi-ū bi tide. 54 Nē ǀgaugu di ǀguib ǃoab ga ǃnoraǃnorahe tama i, ob ge ǁîb tsî ǁîb omaris tsîna sao ra Mā-oahes Kurib ǃnâ nî ǃnoraǃnorahe. 55 Israelǁîsen ge ǁîna khobon ase a hâhâ ǁoa, ǁîn a ǃKhūb di khobo xui-ao. ǁÎb ge ǁîna Egipteba xu ge ǂgaeǂguiǂui, ǁîb a ǃKhū ǁîn di Elo xui-ao.
Hûǁî kurib
(Deuteronomium 15:1-11)1 ǃKhūb ge Moseba Sinaiǃhommi ai ge mîmā, 2 îb sao ra ǁgaraga Israelǁîna mā: ǃKhūb ra mā du ǃhūb ǃnâ du ga sī, o du ge ǃKhūb di ǃgôasib ǃaroma hûǁî kurib hoaba nî sâ. 3 ǃNani kuriga du ge sadu ǃhanaga ǃgao, draibehaide ǃgao tsî sadu ǃhanaǂûna nî ǀhaoǀhao. 4 Xawe hûǁî kurib ǃnâb ge hoaraga ǃhūba nî sâ tsî ǃKhūb di ǃgôasib ǃaroma khaihe hâ kurib ase nî ǃgapaǀîhe. Tā sadu ǃhanaga ǃgao tamas ka io sadu draibeǂûna ǃora. 5 Tā tsorohe tamase ra ǂoaxa ǃhoroba ǃgao tsî tā ǃgaohe tama ǁnâugu ai ra ǂoaxa draibena ǃora; nēb a hoaraga ǃhūb nî ǀoasase sâǃnâ kuri xui-ao. 6 Nē kurib ga ǂûtanis ǃaroma aiǂhomihe tama i, xawen ge ǂûna sadu, sadu khobon, sadu ǀkhupisagu, sadu ǁaegu ǁan hâ ǃhaokhoen, 7 ǀgoan, xamarin tsî ǀgurun sadu ǃhanagu ǃnâ hân hoan ǃaroma nî hâ. ǁNāpa xu ra ǀkhī ǂûn hoan ge nî ǂûhe.
Mā-oahes Kurib
8 Hû kurigu di hû ǃnādi di ǃgôab ge hakadisikhoeseǀa kuriga ǀhaob ai ra mā tsi. 9 Disiǁî tsēs hûǁî ǁkhâb dis, ǂKhîbagus Tsēs ai khoe-e sîǂui, xâiǁnâsa hoaraga ǃhūb ǃnâ nî xâise. 10 Nēs ǃnâ-ub ge korodisiǁî kuriba ǃKhūb di ǃgôasib ǃaroma khaihe tsî hoaraga ǃhūb di ǃnorasasib kurib ase ra ǂgaiǂuihe. 11 Tā tsorohe tamase ra ǂoaxa ǃhoroba ǃgao tsî tā ǃgaohe tama ǁnâugu ai ra ǂoaxa draibena ǃora. 12 Nē hoaraga kuriba du ge ǃnâuse ǃgapaǀî tsî ǃhūb ra aitsama mā ǂûn ǀguina nî ǂû.
13 Nē kurib ǃnân ge hoaraga xūn tsî ǃhūǃân khoen din hîa ge ǁamaxūhe hâ ina ǂhunuma ǀhonkhoena nî mā-oahe. 14 Sa ǃgâsa Israelǁî-i aits ga ǃhūǃâ-e ǁamaxū tamas ka io ǁî-e xu ǁama, o tā ǀhôagaoǃnâgu. 15 ǁAmaxūǁkhāsib ǃhūǃâ-i dib ge mâtikō ǃgaodi sao ra Mā-oahes Kurib kōse nî hâsa xu nî ǃgôa. 16 Kurigu ga ǂgui, os ge ǁamaxūǁkhāsib marisa nî ǃnāsa, xawe kurigu ga ǀoro, os ge ǁamaxūǁkhāsib maris tsîna a ǀoro; ǁamaxūǁkhāsib ǃhūb ra mā ǁkhā ǂûna xu ǀgui mîhe ǁkhā xui-ao. 17 Nēs ǃnâ ǃKhūb sadu Eloba ǃao, î tā sa ǃgâsa Israelǁî-e ǀhôagaoǃnâ.
ǃKhūb ǃûiǃgâs hûǁî kurib ǃnâ
18 ǃKhūb di ǂhanugu tsî mîmādi hoade ǁnâuǀnam, o du ge ǂkhîb ǃnâ nî ûi. 19 ǃHūb ge aitsama nî ǂûtani tsî du ge ǂû ǂgao du ra xū-i hoa-e ǂû tsî ǂkhîb ǃnâ nî ûi.
20 Xawe i ge khoe-e a dî ǁkhā, tare-e du hûǁî kurib, tsorohe tsî ǃgaohe tamab ǃnâ nî ǂû ǃkhaisa. 21 ǃNaniǁî kurib ǃnâb ge ǃKhūba ǃhūba ǃnāǂamsase nî ǀkhae, ǀgam kurikhab nî ǂâu hâ ǂûna ūhâse. 22 ǁKhaisaǁî kurib sadu ǃhanaga du nî tsorob ǃnâs tsîna du ge noxopa ǃnaniǁî kurib ǃnâ du gere ǃgao ǂûna nî ǂû, tsî du nî ǁkhāti ǂâu hâ ǂûna ūhâ tsoro du ge ǂûna du sī nî ǃgaos kōse.
Ūhâxūn di mā-oahes
23 Sa ǃhūǃâ-i ge sa ǂhunuma xūse ǁamaxūhe tide, sa tama- i hâ tsî Elob di xui-ao; sada ǃhaokhoe-i khami ī tsî ǁî-e ǀkhupis ase ǀgui nî sîsenū amaga.
24 ǃHūǃâ-i ga ǁamaxūhe, ob ge ǂguro ǀhonkhoeb ǁnā ǃhūǃâs diba ǁkhawab ǁîsa nî ǁama-oa ǂhanuba nî māhe. 25 Israelǁî-i ga ǀgâsib ǃaroma ǁî-i ǃhūǃâsa ǁamaxū, o-i ge ǁî-i di ǀgūǀaokhoe-e ǁnā ǃhūǃâsa nî ǁama-oa. 26 Khoe-i ga ǀgūǀaokhoe-e ūhâ tama i, o-i ge ǃgâise i ga sī mâ tsî ǂâusa mari-e hō, o ǁnā ǃhūǃâsa nî ǁama-oa. 27 ǁAmaxūs ge hâs khaoǃgâ ge ǃkharu kurigu ge ǃgôahe tsî Mā-oahes Kurib xa ǃgau hâ kuriga ǁama-aoba, ǂguro ǀhonkhoeb ǃhūǃâs dib xa nî matare-oahe. ǂGuro ǀhonkhoeb ge ǁkhawa ǁîb di ǃhūǃâsa nî mā-oahe. 28 Xaweb ga ǂguro ǀhonkhoeba ǂâusa maris ǁama-oas disa ūhâ tama i, ob ge ǃhūǃâsa ge ǁama khoeba Mā-oahes Kurib nî hās kōse ǀhonkhoese nî hâ. ǁNā kurib ǃnâs ge ǃhūǃâsa ǂguro ǀhonkhoeba nî mā-oahe.
29 Khoe-i ga omsa ǂnubiǂgoagu ǀkha omǂnamihe hâ ǃās ǃnâ ǁamaxū, o-i ge ǁî-e ǁamaxūs di tsēsa xu aiǂhanuba ūhâ kurib di ǁaeb ǃnâ nî ǁnā omsa ǁama-oase. 30 Xaweb ga ǂguro ǀhonkhoeba nē kurib di ǁaeb ǃnâ omsa ǁama-oa tama i, ob ge ǁama ge khoeb tsî ǁîb di omaris tsîna oms di ǂhunuma ǀhonkhoesisa ra ūǃkhuni; oms ge ǁkhāti Mā-oahes Kurib ǃnâ mā-oahe tide. 31 Xawe ǂnubiǂgoab ǃauga mâ omdi ge ǃhūǃâs ra dīhe ǀgaub ai nîra dīhe; ǂguro ǀhonkhoeb ge aiǂhanub ǁama-oas diba ūhâ, tsî nēti ī omdi ge Mā-oahes Kurib ǃnâ ǂguro ǀhonkhoeba nî ǁkhaeǁnâhe. 32 Leviǁîn ge hoaǁae ǁnâ aiǂhanuba ūhâ ǁîn di omdi ǃādi ǃnâ mâde ǁama-oasa. 33 Leviǁîn di ǃās ǃnâ mâ omsab ga Leviǁîba, Leviǁî tamab ai ǁamaxū, tsîs ga ǁîsa ǁama-oahe tama i, os ge ǁîsa Mā-oahes Kurib ǃnâ Leviǁîna nî mā-oahe, ǁîn ge ǂguro ǀhonkhoe i xui-ao. 34 Xawe ǃû-aiǃhūb Leviǁîn di ǃādi ǂnamipe ǁgoeb ge tātsēs tsîna ǁamaxūhe tide; nēb ge ǁîn di ǃhūba ǀamos kōse.
ǀGâsa khoen di huihes
35 Sa ǃgâsa Israelǁî-i ga ǀgâsa tsî huisen ǁoa, ots ge ǁî-e ǀkhupiǃgā-ets ra ûi-ū ǀgaub ǁkhāb ai nî ûi-ū, î-i ǁî-e sats tawa ǀgūse ûi ǁkhā. 36 Tā ǁîna sâuhōǂgāmari-i xare-e ǂgan, xawe Eloba ǃaoǃgâ, î sa ǃgâsa Israelǁî-i nî sa ǀgūse ûisa mā-am. 37 Tā ǁînats ge ǀkhupi maris ai sâuhōǂgāmarisa ǂgan, î ǁînats ra ǁamaxū-ai ǂûn ǀkha tā mari-e ǃaruǀî kuru. 38 Nēs ge mîmās ǃKhūb sadu Elob, Egipteba xu ge ǂgaeǂguiǂui dub, sadu Elo kai tsîb Kanaanǃhūba nî mā duseb disa.
Khobon di ǃnoraǃnorahes
39 Sa ǃgâsa Israelǁî-i sa ǀgūse hâ-i ga kaise ǀgâsa tsî sats ai khobo-i ase a ǁamaxūsen, ots ge ǁî-e khobosis di sîsenga dī kai tide. 40 ǁÎ-ets ge ǀkhupiǃgā-i khami ûi-ū tsî Mā-oahes Kurib kōse nî ūhâ. 41 ǁNā kurib ǃnâ-i ge ǁî-i tsî ǁî-i omaris tsîna ǃnorasa khoen ase ǁîn ǀaokhoen tsî aboxa ǃhūǃâs ǁga nî oa. 42 Egipteb di khobosisa xub ge ǃKhūba Israelǁîna ǂgaeǂguiǂui xui-aon ge ǁîna khobon ase ǁamaxūhe tide. 43 Tā ǁîna ǁgaise ûi-ū, xawe sadu Eloba ǃaoǃgâ. 44 Khobona du ga ǂgao, o ǁîna sadu ǂnamipe hâ ǀkhara ǃhaodi tawa ǁama. 45 ǃHaokhoen di ǀgôan sadu ǁaegu ǁan hân tsîna du ge a ǁama ǁkhā. ǁNā ǀgôan sadu ǃhūb ǃnâ ge ǃnaena du ge sadu din ase a ūbasen ǁkhā. 46 ǁÎna du ge khobon ase sadu ôan di ūhâxūn ase nî ǁnāxū, în hoaǁae ǃoaba du. Xawe tā sadu ǃgâsa Israelǁîna ǁgaise ûi-ū.
47 ǃHaokhoe-i sadu ǁaegu ǁan hâ-i ga ǃkhū, ǃgâsa Israelǁî-i ra ǀgâsib xa ǃkhōhe tsî khobo-i ase ǃhaokhoeb tamas ka io ǁîb di ǀaokhoe-i ai ra ǁamaxūsen hîa, 48 ǁamaxūhe i kas khaoǃgâ aiǂhanuba ūhâ ǁamaxū-oahes diba. ǁÎ-i ǃgâsa-i 49 tamas ka io ǁnaosa-i, tamas ka io ǁnuri-i tamas ka io ǀnî-i ǁî-i ǀgūǃgâsa-i ge ǁî-e ǁama-oa ǁkhā; tamas ka iob ga ǁîb ǂûba ǂâusa mari-e ǀhaoǀhao, ob ge aitsama a ǁamaǂuisen ǁkhā. 50 ǁÎba ge ǁama khoeb ǀkha ǃhoa tsî kha ge kurigu ǁîb ge ǁamaxūsen ǁaeba xu Mā-oahes Kurib kōse hâga ǃgôa, tsî ǁîb ǃnoraǃnorahes di marisa ǀkhupiǃgāb ra matarehe ǀgaub ai nî ǁnâugu. 51-52 ǃKhareǃâb ǁamaxūsenmaris dib ge ǃgau hâ kurigu ǃoa ǃgôahe tsî nî matare-oahe, 53 kurib hoaba ra ǀkhupihe ǃgāb ǁkhāb khami. ǁÎb di ǀhonkhoeb ge ǁgaise ûi-ū bi tide. 54 Nē ǀgaugu di ǀguib ǃoab ga ǃnoraǃnorahe tama i, ob ge ǁîb tsî ǁîb omaris tsîna sao ra Mā-oahes Kurib ǃnâ nî ǃnoraǃnorahe. 55 Israelǁîsen ge ǁîna khobon ase a hâhâ ǁoa, ǁîn a ǃKhūb di khobo xui-ao. ǁÎb ge ǁîna Egipteba xu ge ǂgaeǂguiǂui, ǁîb a ǃKhū ǁîn di Elo xui-ao.
