Nehemia 7 - Khoekhoegowab New Translation 2020 (KKG20)

1 ǂNubiǂgoaba ǂnubikhâitoahe, dao-amde ǃamǂgāhe tsî gu ge Tempelǃgāgu, ǁnae-aogu tsî Leviǁîgu tsîga ǁîgu ǃoabadi ǃnâ ge mâihe. 2 Tita ge ti ǃgâsab Hananib tsî omǂnamisaǃkhais di ǂamkhoeb Hananjab tsîkha Jerusalems ǂgaeǂgui-aose ge mâi. Hananjab ge hoagu ǂamai ge ǂgomǂgomsa tsî eloǃaoǃgâxa i aoba. 3 Tsî ta ge ǁîga ge mîba, î gu Jerusalems di dao-amde tā sores ǀgamkhâi tama hîa ǁkhowa-am, î ǁîde ǁkhawa soresǂgâb ǀkha, ǃûi-aogu nî oas aiǃâ ǂganam. ǁÎga ta ge ǁkhāti ge mîba, î gu Jerusalems di ǁanǂgāsabena xu ǃûi-aoga mâi, ǀnîga ǃûihe nî ǃkhaidi tawa tsî ǀnîga omdi âgu tawa.

ǃKhōsisa xu ge oaǀkhī khoen di ǃgôakhâib

(Esra 2:1-70)

4 Jerusalems ge kai ǃā ge isa, xawen ge ǂgui khoena ǁîs ǃnâ ge ǁan tama hâ i tsî noxopa di ge ǂgui omde ge omhe tama hâ i. 5 Elob ge ge hōhōǃnâ te, î ta ǁaes tsî ǁîs ǂgaeǂgui-aogu tsî ǂamkhoegu tsîna, ǃhaos ǃgôakhâib ǃaroma ǀhaoǀhao. ǂGurose ge oaǀkhī khoen di ǃhaos ǃgôakhâib ǂkhanisa ge ge hō tsî i ge nēti ǁîs ǃnâ ge xoamâisa i:

6 ǂGui ǃkhōsaben ge Babiloniaba xu Jerusalems tsî Judab tsîra ǃoa ge oa, mâ-i hoa-e ǁî-i ǃās ǁga. ǁÎn ge gao-aob Nebukadnesari xan ge Babiloniab ǃoa ǃkhōsabese ǃgû-ūhe ǁaeba xu ǁnāpa ge hâ i. 7 Serubabeli, Josuab, Nehemiab, Asariab, Ramjab, Nahamanib, Mordekaib, Bilsanni, Mispari, Bigvaib, Nehummi tsî Baanab tsîgu ge ge ǁîn di ǂgaeǂgui-ao i.

8-25 Nēb ge xoakhâib Israelǁîn ǃhaoǃnādi tsî ǃgôab ǃhūsisa xu ge oaǀkhī khoen, mâ ǃhaoǃnās din tsîn diba:

Parosi: ǀGamǀoadisi tsî ǀguikaidisihûdisiǀgamǀa;

Sefatjab: ǃNonakaidisihûdisiǀgamǀa;

Araxi: ǃNanikaidisikorodisiǀgamǀa;

Pahat-Moab (Jesuab tsî Joab hâkha ôananôagub): ǀGamǀoadisiǁkhaisakaidisi tsî disiǁkhaisaǀa;

Elammi: ǀGuiǀoadisi tsî ǀgamkaidisikorodisihakaǀa;

Satub: ǁKhaisakaidisihakadisikoroǀa;

Sakaib: Hûkaidisiǃnanidisi;

Binuib: ǃNanikaidisihakadisiǁkhaisaǀa;

Bebaib: ǃNanikaidisiǀgamdisiǁkhaisaǀa;

Asgadi: ǀGamǀoadisi tsî ǃnonakaidisiǀgamdisiǀgamǀa;

Adonikammi: ǃNanikaidisiǃnanidisihûǀa;

Bigvaib: ǀGamǀoadisiǃnanidisihûǀa;

Adinni: ǃNanikaidisikorodisikoroǀa;

Ateri (Hesekia tis tsîna gere ǀonǂgaiheb): Khoesedisiǁkhaisaǀa;

Hasummi: ǃNonakaidisiǀgamdisiǁkhaisaǀa;

Besaib: ǃNonakaidisiǀgamdisihakaǀa;

Harifi: ǀGuikaidisidisiǀgamǀa;

Gibeonni: Khoesedisikoroǀa.

26-38 Sao ra ǃādi ǃnâ ge ǁan hâ i khoen di surib tsîn ge ge oaǀkhī:

Betlehems tsî Netofas tsîra: ǀGuikaidisi tsî ǁkhaisadisiǁkhaisaǀa;

Anatots: ǀGuikaidisiǀgamdisiǁkhaisaǀa;

Bet-Asmavets: Hakadisiǀgamǀa;

Kirjat-Jearims, Kefiras tsî Beerots tsîdi: Hûkaidisihakadisiǃnonaǀa;

Ramas tsî Gebas tsîra: ǃNanikaidisiǀgamdisiǀguiǀa;

Mikmas: ǀGuikaidisiǀgamdisiǀgamǀa;

Betels tsî Ais tsîra: ǀGamkaidisiǀgamdisiǃnonaǀa;

Nau Nebos: Korodisiǀgamǀa;

Nau Elams: ǀGuiǀoadisiǀgamkaidisi tsî korodisihakaǀa;

Harims: ǃNonakaidisiǀgamdisi;

Jerixos: ǃNonakaidisihakadisikoroǀa;

Lods, Hadids tsî Onos tsîdi: Hûkaidisiǀgamdisiǀguiǀa;

Senas: ǃNonaǀoadisikhoesekaidisi tsî ǃnonadisi.

39-42 Nēb ge prister ǃhaoǃnādi, ǃkhōsisa xu ge oaǀkhīdi di xoakhâiba:

Jedajab (Jesuab ôananôagub dib): Khoesekaidisi tsî hûdisiǃnonadisiǀa;

Imeri: ǀGuiǀoadisikorodisiǀgamǀa;

Pashuri: ǀGuiǀoadisiǀgamkaidisi tsî hakadisihûǀa;

Harimmi: ǀGuiǀoadisidisihûǀa.

43-45 Nēb ge Leviǁîn ǃhaoǃnādi, ǃkhōsisa xu ge oaǀkhīdi xoakhâiba:

Jesuab tsî Kadmieli tsîkha (Hodaviab ôananôagub dikha): Hûdisihakaǀa;

Tempelǁnae-aogu (Asafi ôananôagub digu): ǀGuikaidisi tsî hakadisiǁkhaisaǀa;

Tempelǃûi-aogu (Salummi, Ateri, Talmonni, Akub, Hatitab tsî Sobaib tsîgu di ôananôagub digu): ǀGuikaidisiǃnonadisiǁkhaisaǀa.

46-56 Nēb ge Tempelsîsenaogu ǃhaoǃnādi, ǃkhōsisa xu ge oaǀkhīdi xoakhâiba:

Sihab, Hasufab, Tabaoti,

Kerosi, Siab, Padonni,

Lebanab, Hagabab, Salmaib,

Hananni, Gideli, Gahari,

Reajab, Resinni, Nekodab,

Gasammi, Usab, Paseab,

Besaib, Meunimmi, Nefisimmi,

Bakbuki, Hakufab, Harhuri,

Basluti, Mehidab, Harsab,

Barkosi, Siserab, Temab,

Nesiaxi tsî Hatifab tsîga.

57-59 Nēb ge Salomob di ǃgāgu ǃhaoǃnādi, ǃkhōsisa xu ge oaǀkhīdi xoakhâiba:

Sotaib, Sofereti, Perudab,

Jalab, Darkonni, Gideli,

Sefatjab, Hatili, Pokeret-Hasebaimmi tsî Amonni tsîga.

60 Tempelsîsenaogu tsî Salomob di ǃgāgu tsîgu di ôananôagub, ǃkhōsisa xu ge oaǀkhīb ge ǀhaob ai ge ǃnonakaidisi tsî khoesedisiǀgamǀa i.

61-62 ǃNanikaidisi tsî hakadisiǀgamǀan ge Delajab, Tobiab tsî Nekodab tsîgu di ǃhaoǃnādi di ge i. ǁÎn ge Tel-Melas, Tel-Harsas, Kerubs, Adans tsî Imers tsîde xu ge oaǀkhī, xawen ge Israelǁîn suriba xun hâsa ge ǁgau ǁoa i.

63-64 Sao ra pristergu ǃhaoǃnādi khoen ge ǁîn aboxan di xoakhâiga hō tama ge i: ǁÎgu ge Habajab, Hakosi tsî Barsilaib tsîga. (Barsilaib, prister ǃhaoǃnās aboxab ge Barsilaib Gileads dib di khoes ǀkha ǃgame tsî ǁîb ǀuiǁgûb ǃhaoǃnās di ǀonsa ge ū.) Tarin a ǁîn di aboxa ǃkhaisa gu ge ǁgau ǁoa i, xui-ao gu ge pristerse ūǃoahe tama ge i. 65 Jodeǁî gowoniab ge ǁîga ge mîba, Elob ra ǁguibahe ǂûn xa gu ǂû tidesa, Urims tsî Tummims tsîra ǀkha nî sîsen pristeri nî hās kōse.

66-69 Oaǀkhī ge ǃkhōsaben di ǃgôab: Hakadisiǀgamǀaǀoadisi tsî ǃnonakaidisiǃnanidisi;

ǃGāgu tsî ǃgādi: Hûǀoadisiǃnonakaidisi tsî ǃnonadisihûǀa;

ǁNae-aogu tsî ǁnae-aodi: ǀGamkaidisihakadisikoroǀa;

Hān: Hûkaidisiǃnonadisiǃnaniǀa;

Mulin: ǀGamkaidisihakadisikoroǀa;

ǃNain: Hakakaidisiǃnonadisikoroǀa;

Dâukin: ǃNaniǀoadisihûkaidisiǀgamdisi.

70-72 ǂGui khoen ge ǁkhawa ǂnubikhâihes Tempeli dis ǃaroma xūna ge mā:

Gowoniab ǁkhaisa kiloxramgu ǃhuniǀuribKorodisi xapadiKorokaidisi tsî ǃnonadisi prister saraguǃHaoǃnādi danakhoegu ǀguikaidisi tsî ǃnanidisiǁkhaisaǀa kiloxramgu ǃhuniǀuribǀguiǀoadisiǀgamkaidisi tsî korodisi kiloxramgu ǀhaiǀuribNaun ǁaes din ǀguikaidisi tsî ǃnanidisiǁkhaisaǀa kiloxramgu ǃhuniǀuribǀGuikaidisi tsî hakadisi kiloxramgu ǀhaiǀuribǃNanidisihûǀa pristersaragu

73 Pristergu, Leviǁîgu, Tempelǃûi-aogu, ǁnae-aogu, Tempelǃgāgu tsî nau Israelǁîn tsîn ge Judab ǃādi ǃnâ ge ǁan.