ǃHūbaib di xūna ǀgoreǀîs gâsib
1 Eloba ǀū khoen hoan ge a gâ. ǁNāti ī khoen ge ǃgâi xūn ǁîn ǂnamipe hân ǃoa ra kōǃâ, ûitsama Elob hâsa ra ǀuru. ǁÎn ge ǁîb ge kuru xūn ǃoa ra kōǃâ, ǁnāb hîa xūna ge kuruba mûǂan tama hâ. 2 ǁNās ǃās ǃnân ge ǀaes, ǂoab, ǁgaoǂoab, ǀgamirodi, ǀgaisase ra dâu ǁgammi tamas ka io ǀhomsi xūna ǃhūbaiba ra ǂgaeǂgui elon ase ra ǃgapaǀî. 3 Khoen ge nē xūn di îsasib ǃnâ gere ǃgâiaǂgao tsî ǁîn a elo ti ge ǂâi hâ i, xawen ge nē xūna ǀhonkhoeba ūhâ tsîn ge nē khoena ǁîb hoan ǃgâ-ai kai ǃkhaisa ga mûǂan hâ. ǁÎb a îsasib di Kuru-ao tsîb ge ǁîn hoana kuru xui-ao. 4 Nē xūn di ǀgaib tsî sîsenni xan ga burugâ, on ge ǁnāb nēna ge kurub ǃnāsase ǀgaisa ǃkhaisa ǁnâuǃā ǁkhā. 5 Kaisib tsî îsasib kurus diba da ga mûǂan, o da ge ǁkhā ǁaeb ǁkhāb ai Kuru-aob xa ra ǁkhāǁkhāsen.
6 Xawe da ge nē khoen hoaragase a tsū ti a mî ǁoa. ǁÎn ge ǀnîsi ǁîn ǃnâ Eloba hōsa gere dītsâ xawen ge ge hō bi ǁoa i. 7 Elob ge kuru xūn xan hâǂnamihe hâ xawen ge ôas ǀkha ra aiǃgû, tsî mûn ra xūn xan îsabahe xui-ao, ǁîna elon ase ra ǃgapaǀî. 8 Xawes tsînan ge nē khoena ǀguis khami ī ǀhapiokaisen-i tsîna ūhâ tama hâ. 9 ǂÂu hâ ǁnâuǃāban ga ǃhūbaib tsî ǁîb ai hâ xūn xa ūhâo, tare-i ǃaroman ǃKhūb, hoa xūn diba hō ǁoa?
ǁGôa-eloǃoabas di gâsib
10 Xawe hoan xa ǃgomma ra tsâ khoen ge ǁnān hîa ǁîn ǃâubasende ûi-e ūhâ tama xūn, ǃomgu ǀkha kuruhe hâna ǀgoreǀî tsî īgu ǀgurun tsî xamarin digu, ǃhuniǀurib tsî ǀhaiǀurib ǀkha kuruhe hâgu tamas ka io xūtama ǀui-i, gaxu ǁae-i ǃkharu hâse ge xoaǂgā-aihe hâ i-i ǃnâ ra mâina. 11 ǂAnsa ūhâ ǃnaokuru-aob ge anusa haisa saxaǁnâ, ǁûba ǃamkuse ūǁnâ tsî ǁnās khaoǃgâ kuruǁkhāsib âb ǀkha, sîsenūhe ǁkhā xū-e ra kuru. 12 ǁNāpa xub ge ǃgau ra ǃâron ǀkha ǀaesa ra khau, ǂû-e sâi tsîb nî ǂnû tsî ǂûse. 13 Xaweb ge ǁnā ǃgau ra ǃân xū-i dī-ūhe ǁoana xu ǀgui ǃâro-i, ǀnîsi gama tsî ǃhonade ūhâ-e ǁîb di sâǁaeb ǃnâ ū, tsî ǂōrisase ǃgao tsî ǀnî ǁaeba khoe-i di īb, 14 tamas ka io harebeoǃnâ ǀguru-i tamas ka io xamari-i diba ra kuru. ǁÎb ge nē ība hoaragase ǀapase ǂkhau tsî hâ ka ǂapa-i hoa-e ra ǂkhauǂgan. 15 ǁNās khaoǃgâb ge ǁîba ǂnubiǂgoab ǃnâ anusa ǃkhai-e aiǂhomiba tsî ra ǃgâumâi. 16 ǁÎb ge nē īb ǁnā tide ǃkhaisa ra ǃûiǃgâ, ǁîb īs ǀguisa i tsî a huisen ǁoa xui-ao. 17 ǁÎb ge nē ûi-e ūhâ tama ība, ǁîb di ǃgameb, ūhâxūn tsî ǀgôan âb ǃaroma ǀgoreǀîsa tao tama hâ. 18 ǁÎb ge ǂurusib ǃaroma ǀgaio xū-i ǃoa ra ǀgore. ǁŌ i hâ, xaweb ge ûib ǃaroma ǁî-i ǃoa ra ǀgore. Hōǃâsa i ūhâ tama, xaweb ge huib ǃaroma ǁî-i ǃoa ra ǀgore. ǃGû ǁoa a, xaweb ge ǁî-i ǃoa ǃgâiǃgâxa ǃgûs ǃaroma ra ǀgore. 19 ǃOmgu â-i ge ǀgai-e ūhâ tama, xaweb ge ǁî-i xab nî ǂharugus, marikurus tsî ǁîb di sîsenni ǃnâ huihe ǃkhaisa ra ǂgan.
ǃHūbaib di xūna ǀgoreǀîs gâsib
1 Eloba ǀū khoen hoan ge a gâ. ǁNāti ī khoen ge ǃgâi xūn ǁîn ǂnamipe hân ǃoa ra kōǃâ, ûitsama Elob hâsa ra ǀuru. ǁÎn ge ǁîb ge kuru xūn ǃoa ra kōǃâ, ǁnāb hîa xūna ge kuruba mûǂan tama hâ. 2 ǁNās ǃās ǃnân ge ǀaes, ǂoab, ǁgaoǂoab, ǀgamirodi, ǀgaisase ra dâu ǁgammi tamas ka io ǀhomsi xūna ǃhūbaiba ra ǂgaeǂgui elon ase ra ǃgapaǀî. 3 Khoen ge nē xūn di îsasib ǃnâ gere ǃgâiaǂgao tsî ǁîn a elo ti ge ǂâi hâ i, xawen ge nē xūna ǀhonkhoeba ūhâ tsîn ge nē khoena ǁîb hoan ǃgâ-ai kai ǃkhaisa ga mûǂan hâ. ǁÎb a îsasib di Kuru-ao tsîb ge ǁîn hoana kuru xui-ao. 4 Nē xūn di ǀgaib tsî sîsenni xan ga burugâ, on ge ǁnāb nēna ge kurub ǃnāsase ǀgaisa ǃkhaisa ǁnâuǃā ǁkhā. 5 Kaisib tsî îsasib kurus diba da ga mûǂan, o da ge ǁkhā ǁaeb ǁkhāb ai Kuru-aob xa ra ǁkhāǁkhāsen.
6 Xawe da ge nē khoen hoaragase a tsū ti a mî ǁoa. ǁÎn ge ǀnîsi ǁîn ǃnâ Eloba hōsa gere dītsâ xawen ge ge hō bi ǁoa i. 7 Elob ge kuru xūn xan hâǂnamihe hâ xawen ge ôas ǀkha ra aiǃgû, tsî mûn ra xūn xan îsabahe xui-ao, ǁîna elon ase ra ǃgapaǀî. 8 Xawes tsînan ge nē khoena ǀguis khami ī ǀhapiokaisen-i tsîna ūhâ tama hâ. 9 ǂÂu hâ ǁnâuǃāban ga ǃhūbaib tsî ǁîb ai hâ xūn xa ūhâo, tare-i ǃaroman ǃKhūb, hoa xūn diba hō ǁoa?
ǁGôa-eloǃoabas di gâsib
10 Xawe hoan xa ǃgomma ra tsâ khoen ge ǁnān hîa ǁîn ǃâubasende ûi-e ūhâ tama xūn, ǃomgu ǀkha kuruhe hâna ǀgoreǀî tsî īgu ǀgurun tsî xamarin digu, ǃhuniǀurib tsî ǀhaiǀurib ǀkha kuruhe hâgu tamas ka io xūtama ǀui-i, gaxu ǁae-i ǃkharu hâse ge xoaǂgā-aihe hâ i-i ǃnâ ra mâina. 11 ǂAnsa ūhâ ǃnaokuru-aob ge anusa haisa saxaǁnâ, ǁûba ǃamkuse ūǁnâ tsî ǁnās khaoǃgâ kuruǁkhāsib âb ǀkha, sîsenūhe ǁkhā xū-e ra kuru. 12 ǁNāpa xub ge ǃgau ra ǃâron ǀkha ǀaesa ra khau, ǂû-e sâi tsîb nî ǂnû tsî ǂûse. 13 Xaweb ge ǁnā ǃgau ra ǃân xū-i dī-ūhe ǁoana xu ǀgui ǃâro-i, ǀnîsi gama tsî ǃhonade ūhâ-e ǁîb di sâǁaeb ǃnâ ū, tsî ǂōrisase ǃgao tsî ǀnî ǁaeba khoe-i di īb, 14 tamas ka io harebeoǃnâ ǀguru-i tamas ka io xamari-i diba ra kuru. ǁÎb ge nē ība hoaragase ǀapase ǂkhau tsî hâ ka ǂapa-i hoa-e ra ǂkhauǂgan. 15 ǁNās khaoǃgâb ge ǁîba ǂnubiǂgoab ǃnâ anusa ǃkhai-e aiǂhomiba tsî ra ǃgâumâi. 16 ǁÎb ge nē īb ǁnā tide ǃkhaisa ra ǃûiǃgâ, ǁîb īs ǀguisa i tsî a huisen ǁoa xui-ao. 17 ǁÎb ge nē ûi-e ūhâ tama ība, ǁîb di ǃgameb, ūhâxūn tsî ǀgôan âb ǃaroma ǀgoreǀîsa tao tama hâ. 18 ǁÎb ge ǂurusib ǃaroma ǀgaio xū-i ǃoa ra ǀgore. ǁŌ i hâ, xaweb ge ûib ǃaroma ǁî-i ǃoa ra ǀgore. Hōǃâsa i ūhâ tama, xaweb ge huib ǃaroma ǁî-i ǃoa ra ǀgore. ǃGû ǁoa a, xaweb ge ǁî-i ǃoa ǃgâiǃgâxa ǃgûs ǃaroma ra ǀgore. 19 ǃOmgu â-i ge ǀgai-e ūhâ tama, xaweb ge ǁî-i xab nî ǂharugus, marikurus tsî ǁîb di sîsenni ǃnâ huihe ǃkhaisa ra ǂgan.
