Gao-aob Axasi ǃoa hâ ǂhôas
1 Jotammi ôab, Usiab ǁnuriǀgôab gao-aob Ahasi ge Judab gao-ao i ǁaeb ǃnâb ge toroba ge tsoatsoa. Siriab gao-aob Resini tsî Israeli gao-aob Pekab, Remaliab ôab tsîkha ge Jerusalemsa ge ǁnāǂam, xawe kha ge ǁîsa ge ǀhana ǁoa i.
2 Davidi omaris ge ǁnâu, Arammi ge Efraimmi ǀkha ǃhûǁaregu ǃkhaisa, ob ge Axasi tsî ǁîb khoen tsîna kaise tsûaǂgao tsî ǃaub ǃnâ mâ haidi hîa ǂoab xa ǃgomhe tsî mâ ra gondi khami gere gon.
3 Ob ge ǃKhūba Jesajab ǃoa ge mî: “Sa ôab Sear-Jasuba ū, î gao-aob Axasi ǀkha sī ǀhao. ǁNā ǁaeb aib ge Axasa ǁgamǃgoab ǀgapiseb ǁgamsa xu gere dâuǁgôaxab ǀams ǀgūse ge hâ i, khoen gere sarana ǁā ǃkhais ǁga ra ǃgû daob xōǀkhā. 4 ǁÎba mîba, îb ǂanbasen tsî ǃgâiǂâixa î tā ǃao! Tā nē ǀgam khauǃkhū ra ǀaekha xa ǃaoǃaohe, tamas ka io ǂhubi ra ǁaib Resini, Siriab tsî Remaliab ôab hâgu dib xa. 5 Arammi ge Efraimmi tsî Remaliab ôab tsîkha ǀkha ǀhao hâse sa ǃoagu ǂkhababa ǀapeǁgui xui-ao, nēti ra mîse: 6 ‘A ge Judaba ǁnāǂam, Jerusalemsa ǁaraǁnâ tsî dan; î ge Tabeli ôaba ǁîs gao-aob ase dī.’
7 “ǁNā-amagab ge ǃKhūb Eloba ra mî: ‘Nēs ge hâ tide; nēs ge ī tide. 8 Siriab ǂgaeǂgui-aob a Damaskus xui-ao tsî Damaskus ǂgaeǂgui-aob a Resin xui-ao. ǃNanidisikoroǀa kurigu ǃnâb Efraimǃhaose ǃaruǀî hâ tide xui-ao. 9 Efraimmi ǂgaeǂgui-aob ge Samariaba tsî Samariab ǂgaeǂgui-aob ge Remaliab ôaba.’
“Sa ǂgoms ga ǁaposa tama i, ots ge mâǀgai ǁkhā tide.”
Immanueli di saos
10 ǃKhūb ge ǁkhawa Axasi ǃoa ge mî: 11 “ǃKhūb sa Eloba ǂgan îb sao-e ǁapoǁapo, nēsi i ga ǁŌhân Hâǃkhaib di ǃgamsiba xu hâs tamas ka io ǀhommi di ǀgapiba xu hâs hoasa.”
12 Xaweb ge Axasa ge ǃeream: “ǃEream ta tide; ǃKhūba ta ǃâitsâ ǂgao tama.”
13 Ob ge Jesajaba ge mî: “Davidi surido, ǃgâ re! Khoena ôaǃnâs ǀkha du kha ǂâu tama hâ? Nēsisa du ti Elob tsîna ra ôaǃnâ? 14 ǁNā-amagab ge ǃKhūb ǂûba sao-e nî ǁapoǁapoba du. Mû, ǂkhamkhoes ge ǀgamǀkhā tsî ǀgôaba nî ǁora. ǁÎs ge ǁîba ‘Immanuel’ ti nî ǀonǂgai. 15 ǁÎb ge kaikhâi tsîb ga ǂkhabab tsî ǃgâidīb tsîkha ǁaegu ǂansa ūhâ ǁaeb ai âudai-i tsî dani-i tsîna nî ǂû. 16 ǁNā-amaga, ǀgôarob nî ǂkhababa ǂhara tsî ǃgâidība ǁhûisa ǂans aiǃâb ge ǀgam gao-aokha, ǁîkha xats ra ǃaokha di ǃhūba nî ǃū-aisa.
17 “ǃKhūb ge sats, sa khoen tsî sa îb ǀaokhoen ǂama tsēdi, ǀnai ge hâ tama hâ ide nî hā kai, ǁnā tsēs Efraimmi ge Judaba xu ǁnāǁgôasa xu, gao-aob Asiriab diba xu.
18 “ǁNā tsēs aib ge ǃKhūba Egipteb ǃāgu ǃnūsiba hâ ǀgînan tsî Asiriab ǃnâ hâ ǃhabun tsîn hoan di hās ǃaroma nî ǂnam. 19 Hoan ge ǂhoms ase ǃāgu ǃnâ hâ tsî ǃgareǀuigu, ǁhoagu tsî hoaraga ǀgom ǁkhūhaidi ǃnâ nî hâ.
20 “ǁNā tsēs aib ge ǃKhūba danaǂkhom-aoba Eufratǃāb nau ǀkhāb ai ǁgoeba ǂkhomgôas ǀkha ge ǂkhom Asiriab gao-aob ǀkha. Dana tsî ǂaiǀûnab ge ǃKhūba Eufratǃāb, Asiriab gao-aob diba xu ǀkhupisa ǂkhomaob ǀkha ǂkhomgôas ǀkha nî ǂkhom tsîb ge ǁkhāti ǀhō-ams tsîna nî ǂkhomǁnâ.
21 “ǁNā tsēs aib ge khoeba tranutsâus tsî ǀgam gūra tsîde ûitsamase nî ūhâ. 22 ǁÎde xu ra ǀaohe ǂâusa dai-i ǃaromab ge âudai-e nî ǂû. ǃHūb ǃnâ ga hâǃgau khoe-i hoa-i ge âudai-i tsî dani-i tsîna nî ǂû.
23 “ǁNā tsēs aib ge mâ ǃkhaib hoab ǀoadisi draibehaidi ge hâ ib, ǀoadisi ǀhaiǀurimaridi ǁkhāsiba ūhâba, ǁkhūn tsî ǀkhininin tsîn xa ǀgui nî ǁhaiǂganhe. 24 Khoegu ge khādi tsî ǂāgu ǀkha ǁnāpa sī nî ǃau, hoaraga ǃhūb ǁkhūn tsî ǀkhininin tsîn xa ǀgui nî ǁhai-aihe xui-ao. 25 Khoen ge ǀnain gere ǃkhāǃkhuri ǃkhaigu tawa ǃaruǀî ǁkhūn tsî ǀkhininin xa sī ǁkhā tide; xawe ǁnāpan ge goman tsî gūn tsîn ǀguina nî ǃû.”
Gao-aob Axasi ǃoa hâ ǂhôas
1 Jotammi ôab, Usiab ǁnuriǀgôab gao-aob Ahasi ge Judab gao-ao i ǁaeb ǃnâb ge toroba ge tsoatsoa. Siriab gao-aob Resini tsî Israeli gao-aob Pekab, Remaliab ôab tsîkha ge Jerusalemsa ge ǁnāǂam, xawe kha ge ǁîsa ge ǀhana ǁoa i.
2 Davidi omaris ge ǁnâu, Arammi ge Efraimmi ǀkha ǃhûǁaregu ǃkhaisa, ob ge Axasi tsî ǁîb khoen tsîna kaise tsûaǂgao tsî ǃaub ǃnâ mâ haidi hîa ǂoab xa ǃgomhe tsî mâ ra gondi khami gere gon.
3 Ob ge ǃKhūba Jesajab ǃoa ge mî: “Sa ôab Sear-Jasuba ū, î gao-aob Axasi ǀkha sī ǀhao. ǁNā ǁaeb aib ge Axasa ǁgamǃgoab ǀgapiseb ǁgamsa xu gere dâuǁgôaxab ǀams ǀgūse ge hâ i, khoen gere sarana ǁā ǃkhais ǁga ra ǃgû daob xōǀkhā. 4 ǁÎba mîba, îb ǂanbasen tsî ǃgâiǂâixa î tā ǃao! Tā nē ǀgam khauǃkhū ra ǀaekha xa ǃaoǃaohe, tamas ka io ǂhubi ra ǁaib Resini, Siriab tsî Remaliab ôab hâgu dib xa. 5 Arammi ge Efraimmi tsî Remaliab ôab tsîkha ǀkha ǀhao hâse sa ǃoagu ǂkhababa ǀapeǁgui xui-ao, nēti ra mîse: 6 ‘A ge Judaba ǁnāǂam, Jerusalemsa ǁaraǁnâ tsî dan; î ge Tabeli ôaba ǁîs gao-aob ase dī.’
7 “ǁNā-amagab ge ǃKhūb Eloba ra mî: ‘Nēs ge hâ tide; nēs ge ī tide. 8 Siriab ǂgaeǂgui-aob a Damaskus xui-ao tsî Damaskus ǂgaeǂgui-aob a Resin xui-ao. ǃNanidisikoroǀa kurigu ǃnâb Efraimǃhaose ǃaruǀî hâ tide xui-ao. 9 Efraimmi ǂgaeǂgui-aob ge Samariaba tsî Samariab ǂgaeǂgui-aob ge Remaliab ôaba.’
“Sa ǂgoms ga ǁaposa tama i, ots ge mâǀgai ǁkhā tide.”
Immanueli di saos
10 ǃKhūb ge ǁkhawa Axasi ǃoa ge mî: 11 “ǃKhūb sa Eloba ǂgan îb sao-e ǁapoǁapo, nēsi i ga ǁŌhân Hâǃkhaib di ǃgamsiba xu hâs tamas ka io ǀhommi di ǀgapiba xu hâs hoasa.”
12 Xaweb ge Axasa ge ǃeream: “ǃEream ta tide; ǃKhūba ta ǃâitsâ ǂgao tama.”
13 Ob ge Jesajaba ge mî: “Davidi surido, ǃgâ re! Khoena ôaǃnâs ǀkha du kha ǂâu tama hâ? Nēsisa du ti Elob tsîna ra ôaǃnâ? 14 ǁNā-amagab ge ǃKhūb ǂûba sao-e nî ǁapoǁapoba du. Mû, ǂkhamkhoes ge ǀgamǀkhā tsî ǀgôaba nî ǁora. ǁÎs ge ǁîba ‘Immanuel’ ti nî ǀonǂgai. 15 ǁÎb ge kaikhâi tsîb ga ǂkhabab tsî ǃgâidīb tsîkha ǁaegu ǂansa ūhâ ǁaeb ai âudai-i tsî dani-i tsîna nî ǂû. 16 ǁNā-amaga, ǀgôarob nî ǂkhababa ǂhara tsî ǃgâidība ǁhûisa ǂans aiǃâb ge ǀgam gao-aokha, ǁîkha xats ra ǃaokha di ǃhūba nî ǃū-aisa.
17 “ǃKhūb ge sats, sa khoen tsî sa îb ǀaokhoen ǂama tsēdi, ǀnai ge hâ tama hâ ide nî hā kai, ǁnā tsēs Efraimmi ge Judaba xu ǁnāǁgôasa xu, gao-aob Asiriab diba xu.
18 “ǁNā tsēs aib ge ǃKhūba Egipteb ǃāgu ǃnūsiba hâ ǀgînan tsî Asiriab ǃnâ hâ ǃhabun tsîn hoan di hās ǃaroma nî ǂnam. 19 Hoan ge ǂhoms ase ǃāgu ǃnâ hâ tsî ǃgareǀuigu, ǁhoagu tsî hoaraga ǀgom ǁkhūhaidi ǃnâ nî hâ.
20 “ǁNā tsēs aib ge ǃKhūba danaǂkhom-aoba Eufratǃāb nau ǀkhāb ai ǁgoeba ǂkhomgôas ǀkha ge ǂkhom Asiriab gao-aob ǀkha. Dana tsî ǂaiǀûnab ge ǃKhūba Eufratǃāb, Asiriab gao-aob diba xu ǀkhupisa ǂkhomaob ǀkha ǂkhomgôas ǀkha nî ǂkhom tsîb ge ǁkhāti ǀhō-ams tsîna nî ǂkhomǁnâ.
21 “ǁNā tsēs aib ge khoeba tranutsâus tsî ǀgam gūra tsîde ûitsamase nî ūhâ. 22 ǁÎde xu ra ǀaohe ǂâusa dai-i ǃaromab ge âudai-e nî ǂû. ǃHūb ǃnâ ga hâǃgau khoe-i hoa-i ge âudai-i tsî dani-i tsîna nî ǂû.
23 “ǁNā tsēs aib ge mâ ǃkhaib hoab ǀoadisi draibehaidi ge hâ ib, ǀoadisi ǀhaiǀurimaridi ǁkhāsiba ūhâba, ǁkhūn tsî ǀkhininin tsîn xa ǀgui nî ǁhaiǂganhe. 24 Khoegu ge khādi tsî ǂāgu ǀkha ǁnāpa sī nî ǃau, hoaraga ǃhūb ǁkhūn tsî ǀkhininin tsîn xa ǀgui nî ǁhai-aihe xui-ao. 25 Khoen ge ǀnain gere ǃkhāǃkhuri ǃkhaigu tawa ǃaruǀî ǁkhūn tsî ǀkhininin xa sī ǁkhā tide; xawe ǁnāpan ge goman tsî gūn tsîn ǀguina nî ǃû.”
