Davidi ge gao-aose ra ǀnauǂgāhe
1 ǀGuitsēb ge ǃKhūba Samueli ǃoa ge mî: “Mâǁaeb kōsets kha Sauli ǃaroma nî tsûaǂgao? Tita ge ǁîba ge ǂhara Israelǁaes ǂamab gao-ao tidese. ǁNâba ǀkheraǁnui-i ǀkha ǀoaǀoa, îts Betlehems ǃoa ǃgû. Tita ge Isaib ǃoa ra sî tsi, ǁîb ôagu di ǀguiba ta go gao-aose ǁhûiǂuibasen amaga.”
2 Ob ge Samuela ge dî: “Mâti ta ǁnāsa dī ǁkhā? Sauli ga ǁnâu ob ge nî ǃgam te.”
Ob ge ǃKhūba ge ǃeream: “Tsâusa ū, î ǃgû îts ‘ǃKhūba ta ǁguibasa nî dībase ta ge go hā’ ti mî. 3 Îts Isaiba ǁguibas ǃoa ǁkhau, o ta ge tita tare-ets nî dī ǃkhaisa nî ǂanǂan tsi. ǁNāb tita nî mîba tsiba gao-aose ǀnauba te re.”
4 Samueli ge ǃKhūb go mîba bi khami dī tsî Betlehems ǁga ge ǃgû. O gu ge ǃās ǂgaeǂgui-aoga ǀkhū rase ǃgûǃoa bi tsî ge dî: “ǂKhîb ǃnâts go hā?”
5 Ob ge ǁîba ge ǃeream: “Ā, ǂkhîb ǃnâ ta ge go hā. Tita ge ǃKhūba ta ǁguibasa nî dībase go ǀkhī. ǃAnuǃanusen, î go ǁguibas ǃoa sao te.” Tsîb ge Isaib tsî ǀgôagu âb tsîna ǃanuǃanu tsî ǁguibas ǃoa ge ǁkhau.
6 Hā gu ge ob ge Samuela Isaib ôagu di ǀguib, Eliaba kō tsî “Amase nēb, ǃKhūb di ais aiǃâ mâb ge ǁîb go ǁhûiǂuibasenna” ti ge ǂâi. 7 Xaweb ge ǃKhūba ǁîb ǃoa ge mî: “Tā mâtib ra mûsens tsî mâtikōseb a gaxus ai kō. Tita ǁîba ǁhûiǂui tama xuige, khoen ra ǀgoraǃgâ khami ta ǀgoraǃgâ tama amaga. Khoen ge ǃaugasi īsib ai ra kō, xawe tita ge ǂgaoba ra kō.”
8 Ob ge Isaiba ǁîb ôab, Abinadaba ǂgai tsî Samueli tawa ge hā-ū. Xaweb ge Samuela “ǃKhūb ge ǁîb ona ǁhûiǂuibasen tama hâ” ti ge mî. 9 Ob ge Isaiba ǁîb ôab, Sammaba ge hā-ū. Ob ge Samuela “ǃKhūb ge ǁîb ona ǁhûiǂuibasen tama hâ” ti ge mî. 10 ǁNātib ge Isaiba hûgu ǁîb ôagu diga Samueli aiǃâ ge ǃgûǃkharu kai. Ob ge Samuela Isaib ǃoa “ǃKhūb ge nēgu di ǀguib xaweba ǁhûiǂuibasen tama hâ” ti ge mî. 11 Ob ge Samuela Isaiba ge dî: “Sa ôagu hoaga nēga?”
Ob ge Isaiba ge ǃeream: “Hoagu xa ǂkhammi ge ǃgau hâ, xaweb ge gūna ra ǃûi.”
Ob ge Samuela ge mî: “Sî, îb sī ǂgaihe, ǁîb hā tama hîa ge ǂû ge nîga ǂnûǀhao tide xuige.” 12 Ob ge Isaiba khoe-e sî tsî Davida sī ge ǂgai kai tsîb ge ge hā-ūhe. ǁÎb ge ǀapa īsib tsî îxa mûra ge ūhâ i tsîb ge anusase gere mûsen. Ob ge ǃKhūba Samueli ǃoa ge mî: “Khâi, î ǀnau bi, nēb ge a ǁî xuige.” 13 Ob ge Samuela ǀkheraǁnui-i hâǃnâ ǁnâba ū tsî Davida ǃgâsagu ra mû hîa ge ǀnau. Tsîb ge ǃKhūb di gagaba ǁnā tsēsa xu ǀgaisase Davidi ǃnâ gere sîsen. ǁNās khaoǃgâb ge Samuela Ramas ǁga ge oa.
Davidi Sauli ǃoabas ǃnâ
14 ǃKhūb di gagab ge Saula xu ge bē tsî i ge ǂkhaba gaga-i ǃKhūb xa ge sîhe-e ǁîba hoaǁae gere ǃaoǃao. 15 O gu ge ǂamkhoegu âba ǁîb ǃoa ge mî: “ǂKhaba gaga-i Elob xa go sîhe-i ge satsa ra ǃhuriǃhuriǃnâ-e. 16 ǃGôahesatse, mîmā gere, î ge harpsa ǃgâise a ǀkhō ǁkhā ao-e ôa. Tsî ǂkhaba gagas ga hāǂam tsi, ob ge ǁîba harpsa nî ǀkhō, tsîts ge ǃgâise nî tsâ.”
17 Ob ge Saula ǁîga ge mîmā: “ǃGâise a ǀkhō ǁkhā khoeba ôa, î hā-ūba te re.”
18 Ob ge ǂamkhoegu di ǀguiba ge mî: “Isaib, Betlehems dib ge ǃgâise a ǀkhō ǁkhā ǀgôaba ūhâ. ǁÎb ge ǁkhoaǂgaoxa ǁē-ao tsî ǃgâi toroǃkhamaoba. ǁÎb ge ǃhoaǁkhābeb, ǁkhāti îsase ra mûsenna. ǃKhūb ge ǁîb ǀkha hâ.”
19 Ob ge Saula sîsabega Isaib ǃoa sî tsî ge haisi: “Sa ôab Davidi, gūna ra ǃûiba sîba te re.” 20 Ob ge Isaiba pere-i tsî ǃgapas ǂauxûi-i tsî piriro-i tsîna dâukib ai ǃnao tsî Davidi ǀkha Saula ge sîba. 21 Davidi ge Sauli tawa hā tsî ǁîb di ǃoabas ǃnâ ge ǂgâ. Sauli ge Davida kaise ge ǀnam i tsîb ge ǁîb ǁâtani-aose ge dī bi. 22 Tsîb ge Saula Isaiba ge haisiba: “Ab Davida tita sîsenba re, ǁîb xa ta a ǃgâibahe xuige.” 23 Tsî ǂkhaba gagas ga Sauli ai a hā, ob ge Davida harpsa ū tsî gere ǀkhō. Os ge ǂkhaba gagasa gere bēxū bi tsîb ge sâ tsî ǃgâise gere tsâ.
Davidi ge gao-aose ra ǀnauǂgāhe
1 ǀGuitsēb ge ǃKhūba Samueli ǃoa ge mî: “Mâǁaeb kōsets kha Sauli ǃaroma nî tsûaǂgao? Tita ge ǁîba ge ǂhara Israelǁaes ǂamab gao-ao tidese. ǁNâba ǀkheraǁnui-i ǀkha ǀoaǀoa, îts Betlehems ǃoa ǃgû. Tita ge Isaib ǃoa ra sî tsi, ǁîb ôagu di ǀguiba ta go gao-aose ǁhûiǂuibasen amaga.”
2 Ob ge Samuela ge dî: “Mâti ta ǁnāsa dī ǁkhā? Sauli ga ǁnâu ob ge nî ǃgam te.”
Ob ge ǃKhūba ge ǃeream: “Tsâusa ū, î ǃgû îts ‘ǃKhūba ta ǁguibasa nî dībase ta ge go hā’ ti mî. 3 Îts Isaiba ǁguibas ǃoa ǁkhau, o ta ge tita tare-ets nî dī ǃkhaisa nî ǂanǂan tsi. ǁNāb tita nî mîba tsiba gao-aose ǀnauba te re.”
4 Samueli ge ǃKhūb go mîba bi khami dī tsî Betlehems ǁga ge ǃgû. O gu ge ǃās ǂgaeǂgui-aoga ǀkhū rase ǃgûǃoa bi tsî ge dî: “ǂKhîb ǃnâts go hā?”
5 Ob ge ǁîba ge ǃeream: “Ā, ǂkhîb ǃnâ ta ge go hā. Tita ge ǃKhūba ta ǁguibasa nî dībase go ǀkhī. ǃAnuǃanusen, î go ǁguibas ǃoa sao te.” Tsîb ge Isaib tsî ǀgôagu âb tsîna ǃanuǃanu tsî ǁguibas ǃoa ge ǁkhau.
6 Hā gu ge ob ge Samuela Isaib ôagu di ǀguib, Eliaba kō tsî “Amase nēb, ǃKhūb di ais aiǃâ mâb ge ǁîb go ǁhûiǂuibasenna” ti ge ǂâi. 7 Xaweb ge ǃKhūba ǁîb ǃoa ge mî: “Tā mâtib ra mûsens tsî mâtikōseb a gaxus ai kō. Tita ǁîba ǁhûiǂui tama xuige, khoen ra ǀgoraǃgâ khami ta ǀgoraǃgâ tama amaga. Khoen ge ǃaugasi īsib ai ra kō, xawe tita ge ǂgaoba ra kō.”
8 Ob ge Isaiba ǁîb ôab, Abinadaba ǂgai tsî Samueli tawa ge hā-ū. Xaweb ge Samuela “ǃKhūb ge ǁîb ona ǁhûiǂuibasen tama hâ” ti ge mî. 9 Ob ge Isaiba ǁîb ôab, Sammaba ge hā-ū. Ob ge Samuela “ǃKhūb ge ǁîb ona ǁhûiǂuibasen tama hâ” ti ge mî. 10 ǁNātib ge Isaiba hûgu ǁîb ôagu diga Samueli aiǃâ ge ǃgûǃkharu kai. Ob ge Samuela Isaib ǃoa “ǃKhūb ge nēgu di ǀguib xaweba ǁhûiǂuibasen tama hâ” ti ge mî. 11 Ob ge Samuela Isaiba ge dî: “Sa ôagu hoaga nēga?”
Ob ge Isaiba ge ǃeream: “Hoagu xa ǂkhammi ge ǃgau hâ, xaweb ge gūna ra ǃûi.”
Ob ge Samuela ge mî: “Sî, îb sī ǂgaihe, ǁîb hā tama hîa ge ǂû ge nîga ǂnûǀhao tide xuige.” 12 Ob ge Isaiba khoe-e sî tsî Davida sī ge ǂgai kai tsîb ge ge hā-ūhe. ǁÎb ge ǀapa īsib tsî îxa mûra ge ūhâ i tsîb ge anusase gere mûsen. Ob ge ǃKhūba Samueli ǃoa ge mî: “Khâi, î ǀnau bi, nēb ge a ǁî xuige.” 13 Ob ge Samuela ǀkheraǁnui-i hâǃnâ ǁnâba ū tsî Davida ǃgâsagu ra mû hîa ge ǀnau. Tsîb ge ǃKhūb di gagaba ǁnā tsēsa xu ǀgaisase Davidi ǃnâ gere sîsen. ǁNās khaoǃgâb ge Samuela Ramas ǁga ge oa.
Davidi Sauli ǃoabas ǃnâ
14 ǃKhūb di gagab ge Saula xu ge bē tsî i ge ǂkhaba gaga-i ǃKhūb xa ge sîhe-e ǁîba hoaǁae gere ǃaoǃao. 15 O gu ge ǂamkhoegu âba ǁîb ǃoa ge mî: “ǂKhaba gaga-i Elob xa go sîhe-i ge satsa ra ǃhuriǃhuriǃnâ-e. 16 ǃGôahesatse, mîmā gere, î ge harpsa ǃgâise a ǀkhō ǁkhā ao-e ôa. Tsî ǂkhaba gagas ga hāǂam tsi, ob ge ǁîba harpsa nî ǀkhō, tsîts ge ǃgâise nî tsâ.”
17 Ob ge Saula ǁîga ge mîmā: “ǃGâise a ǀkhō ǁkhā khoeba ôa, î hā-ūba te re.”
18 Ob ge ǂamkhoegu di ǀguiba ge mî: “Isaib, Betlehems dib ge ǃgâise a ǀkhō ǁkhā ǀgôaba ūhâ. ǁÎb ge ǁkhoaǂgaoxa ǁē-ao tsî ǃgâi toroǃkhamaoba. ǁÎb ge ǃhoaǁkhābeb, ǁkhāti îsase ra mûsenna. ǃKhūb ge ǁîb ǀkha hâ.”
19 Ob ge Saula sîsabega Isaib ǃoa sî tsî ge haisi: “Sa ôab Davidi, gūna ra ǃûiba sîba te re.” 20 Ob ge Isaiba pere-i tsî ǃgapas ǂauxûi-i tsî piriro-i tsîna dâukib ai ǃnao tsî Davidi ǀkha Saula ge sîba. 21 Davidi ge Sauli tawa hā tsî ǁîb di ǃoabas ǃnâ ge ǂgâ. Sauli ge Davida kaise ge ǀnam i tsîb ge ǁîb ǁâtani-aose ge dī bi. 22 Tsîb ge Saula Isaiba ge haisiba: “Ab Davida tita sîsenba re, ǁîb xa ta a ǃgâibahe xuige.” 23 Tsî ǂkhaba gagas ga Sauli ai a hā, ob ge Davida harpsa ū tsî gere ǀkhō. Os ge ǂkhaba gagasa gere bēxū bi tsîb ge sâ tsî ǃgâise gere tsâ.
