ǀGâsana ra ǁgâiǀān ǂama nî hā ǂōǂōsib
1 Tsūba ǁnān hîa ǂkhaba ǀapede ra ǂâiǂuin tsî kharogu ân ai ǂkhababa ra ǀapena. ǁGoa i ra hîan ge ǁîn di ǀapede ra dīǀoaǀoa, ǁîn di ǀgaib ǃnâs ǁnāsa hâ xui-ao. 2 ǃHanagan ga ǂhâba, on ge ǁîga ūs ǀguisa ra hî, omden ga ǂgao, on ge ǁîde ra ū. ǁÎn ge khoena omdi âna ra ǀhana tsî ǁîna ǀumis âna ra ǂoaǃnâ kai.
3 ǁNā-amagab ge ǃKhūba ra mî: “Tita ge ǂōǂōsiba ta nē khoen ǂama nî hā-ū ǃkhaisa ra ǀape, tsî ge ǁîna ǁnāpa xu ûiǂoa tide. ǁÎb ge ǃgom ǃnaob, ǁîba xu du ǃaogu âdo ǃnora kai ǁoab khami nî ī. Sadu ge ǂgōse ǃgû ǁkhā tide, nēb nî kaise ǃgom ǁae xui-ao. 4 ǁNā tsēs ain ge ǁîna ǃhōǁnaetsana-e sadu xa nî dī, ǁîn ge ǃgaetsana-e sadu ǂama ǁnae tsî nî mî: Sida ge hoaragase hîkākāhe hâ. Ti ǁaes di ūhâxūn ge ǀgoraǂuihe hâ; ǁîn ge sida xu ūbēhe hâ. Sida ǃhanagu ge ǁnān, sida ge ǃkhōsis ǃnâ ūna māhe hâ.”
5 ǁNā-amagats ge ǃhūb âtsa nî ǀgora khoe-i xare-e ǃKhūb di ǀhaohâb ǃnâ ūhâ tide.
6 Tā aoǁnâ tin ge ǁîna ra mî. “Tā nē xūn xa aoǁnâ; ǂōǂōsi-i xa da tātsē hāǂamhe tide.” 7 Jakob di ǁaese, mîhe i kha nî: “ǃKhūb di Gagaba kha ǃaruǀî ǃnūǃnâxa tama hâ? Nēga kha ǁîb di dīga?” Ti mîde kha ǁnān ǂhanu-aise ra ûina ǃgâina dība tama di hâ?
8 Xawe du ge ti khoen ǃoagu khākhoese ge khâimâ. Sadu ge ǁnān, ǂkhîb ǃnâ ǃkharugaruna xu sarana ge ǂgaeǁnâ, ǁnān toroba xu oaǃgoaxa khami garuna xu. 9 Ti ǁaes di tarekhoede du ge ǁîdi omdi, ǀnam di ade xu ǃhaeǂui, tsî du ge ǁîdi ôana xu ti ǂkhaisiba ge ūbē, ǀamos kōse. 10 Khâimâ, î du ǃgû, nē ǃhūb ǃnâ i sâ-i xare-e a ǀkhai xuige. ǁÎb ge a ǃanuoǃnâ, ǁîb ge dī-unuhe ǁoab ase hîkākāhe hâ.
11 ǂHumi-ao tsî gāxaǃnâ-aob ga hā tsî “Tita ge ǂauxûib tsî ǀgaisa āxūn xa nî kēboba du” ti a mîo, ǁîb ge nē ǁaesa kēbo-aose nî ība.
12 “Xawe Jakotse, tita ge sado hoaragase nî ǀhaoǀhao. Tita ge Israeli din hîa ge ǃgauna nî ǀhaoǀhao. Tita ge ǁîna gūna ǃharas ǃnâ ǀhaoǀhaos ǁkhās khami nî ǀhaoǀhao. Gūn xa ǀoa hâ ǃû-ais khamib ge nē ǃhūba khoen xa nî ǀoa.”
13 ǁNāb ǂnubiǂgoaga ra khôaǃāb ge ǁîna nî ǂgaeǂguiǂui. ǁÎn ge dao-amde khôaǁkhowa-am tsî ǁnāpa-u nî ǂoa. ǁÎn di Gao-aob ge ǁîna nî ǂgaeǂgui, ǃKhūb ge ǁîna nî aimâba.
ǀGâsana ra ǁgâiǀān ǂama nî hā ǂōǂōsib
1 Tsūba ǁnān hîa ǂkhaba ǀapede ra ǂâiǂuin tsî kharogu ân ai ǂkhababa ra ǀapena. ǁGoa i ra hîan ge ǁîn di ǀapede ra dīǀoaǀoa, ǁîn di ǀgaib ǃnâs ǁnāsa hâ xui-ao. 2 ǃHanagan ga ǂhâba, on ge ǁîga ūs ǀguisa ra hî, omden ga ǂgao, on ge ǁîde ra ū. ǁÎn ge khoena omdi âna ra ǀhana tsî ǁîna ǀumis âna ra ǂoaǃnâ kai.
3 ǁNā-amagab ge ǃKhūba ra mî: “Tita ge ǂōǂōsiba ta nē khoen ǂama nî hā-ū ǃkhaisa ra ǀape, tsî ge ǁîna ǁnāpa xu ûiǂoa tide. ǁÎb ge ǃgom ǃnaob, ǁîba xu du ǃaogu âdo ǃnora kai ǁoab khami nî ī. Sadu ge ǂgōse ǃgû ǁkhā tide, nēb nî kaise ǃgom ǁae xui-ao. 4 ǁNā tsēs ain ge ǁîna ǃhōǁnaetsana-e sadu xa nî dī, ǁîn ge ǃgaetsana-e sadu ǂama ǁnae tsî nî mî: Sida ge hoaragase hîkākāhe hâ. Ti ǁaes di ūhâxūn ge ǀgoraǂuihe hâ; ǁîn ge sida xu ūbēhe hâ. Sida ǃhanagu ge ǁnān, sida ge ǃkhōsis ǃnâ ūna māhe hâ.”
5 ǁNā-amagats ge ǃhūb âtsa nî ǀgora khoe-i xare-e ǃKhūb di ǀhaohâb ǃnâ ūhâ tide.
6 Tā aoǁnâ tin ge ǁîna ra mî. “Tā nē xūn xa aoǁnâ; ǂōǂōsi-i xa da tātsē hāǂamhe tide.” 7 Jakob di ǁaese, mîhe i kha nî: “ǃKhūb di Gagaba kha ǃaruǀî ǃnūǃnâxa tama hâ? Nēga kha ǁîb di dīga?” Ti mîde kha ǁnān ǂhanu-aise ra ûina ǃgâina dība tama di hâ?
8 Xawe du ge ti khoen ǃoagu khākhoese ge khâimâ. Sadu ge ǁnān, ǂkhîb ǃnâ ǃkharugaruna xu sarana ge ǂgaeǁnâ, ǁnān toroba xu oaǃgoaxa khami garuna xu. 9 Ti ǁaes di tarekhoede du ge ǁîdi omdi, ǀnam di ade xu ǃhaeǂui, tsî du ge ǁîdi ôana xu ti ǂkhaisiba ge ūbē, ǀamos kōse. 10 Khâimâ, î du ǃgû, nē ǃhūb ǃnâ i sâ-i xare-e a ǀkhai xuige. ǁÎb ge a ǃanuoǃnâ, ǁîb ge dī-unuhe ǁoab ase hîkākāhe hâ.
11 ǂHumi-ao tsî gāxaǃnâ-aob ga hā tsî “Tita ge ǂauxûib tsî ǀgaisa āxūn xa nî kēboba du” ti a mîo, ǁîb ge nē ǁaesa kēbo-aose nî ība.
12 “Xawe Jakotse, tita ge sado hoaragase nî ǀhaoǀhao. Tita ge Israeli din hîa ge ǃgauna nî ǀhaoǀhao. Tita ge ǁîna gūna ǃharas ǃnâ ǀhaoǀhaos ǁkhās khami nî ǀhaoǀhao. Gūn xa ǀoa hâ ǃû-ais khamib ge nē ǃhūba khoen xa nî ǀoa.”
13 ǁNāb ǂnubiǂgoaga ra khôaǃāb ge ǁîna nî ǂgaeǂguiǂui. ǁÎn ge dao-amde khôaǁkhowa-am tsî ǁnāpa-u nî ǂoa. ǁÎn di Gao-aob ge ǁîna nî ǂgaeǂgui, ǃKhūb ge ǁîna nî aimâba.
