Jerusalems nî ǀkhomhe ǃkhais di ǀgores
Asafi Psalms
1 Elotse, ǁaedi ge sa ǃhūb ǃnâ ge hā
ǁîn ge sa ǃanusib di Tempela ge ǀuriǀuri
ǁîn ge Jerusalemsa ge ǂkhūǂkhū.
2 Sa ǃgāgu di soroden ge ǂûxūse ǀhomanina ge mā,
sa ǂgomǂgomsa khoen di ǁgan-e ǃaub ǀguruna.
3 ǁÎn ǀaoban e ǁgam-i khami Jerusalems ǂnamipe ge ǂnâǂui
tsî-i ge khoe-i xare-i ǁîna nî ǁkhō-e ge ǀkhai i.
4 ǁAnǂnami da hâ ǁaedi di ǃharaxūxū kai da ge ge;
ǁnān sida ǂnamipe hân di ǃhō tsî ǃkhāǃkhāxūse da ge ge ī.
5 ǃKhūtse mâs kōse? ǀAmosets kha nî ǁaixa?
Sa tauxasiba kha ǀaes khami nî khau?
6 Sa ǁaixasiba ǁaedi satsa ǂan tamadi ǃoagu ǁhōǂui re,
gaosin sa ǀonsa ǂgaiǀî taman ai.
7 ǁÎn ge Jakoba hapu
tsî ǁanǃkhaisa âba hîkākā xuige.
8 Aiǃâkam dīsādi sida didi xa tā ǂâi re;
ab sa ǀkhomxaǂgaosiba ǃgûǃoa da re,
kaise da go ǂkhabu xuige.
9 Sida ǃgâiǃōsib di Elotse, hui da re
sa ǀons di ǃgôasib ǃaroma.
Ore da, î sida ǁorena ǀûba da,
sa ǀons ǃaroma.
10 Tare-i ǃaroma di ǁaede nî mî: “ǁÎn Eloba mâpa hâ?”
As ǁaedi ǃnâ sats ra sa ǃgān di ǀaob ǂnâxūhe geba ǀkhaoba ǃkhaisa ǂansa re.
11 As sa aiǃâ hā re, ǃgaes ǃkhōsaben disa,
sa ǁôab di ǁkhāsib ǀkha ǁōb di ôana ǃnora kai re.
12 Î sida ǁanǁare-aona hû ǃnādi kōse ǁîn ǃharaxūba mādawa-am re
ǁîb ǀkhan ge satsa ǃharaxūba.
13 O da ge sida, sa khoeda, sa ǃû-ais di gūda
ǀamose nî gangan tsi
tsî ǃhaosa xu ǃhaos kōse satsa nî koa.
Jerusalems nî ǀkhomhe ǃkhais di ǀgores
Asafi Psalms
1 Elotse, ǁaedi ge sa ǃhūb ǃnâ ge hā
ǁîn ge sa ǃanusib di Tempela ge ǀuriǀuri
ǁîn ge Jerusalemsa ge ǂkhūǂkhū.
2 Sa ǃgāgu di soroden ge ǂûxūse ǀhomanina ge mā,
sa ǂgomǂgomsa khoen di ǁgan-e ǃaub ǀguruna.
3 ǁÎn ǀaoban e ǁgam-i khami Jerusalems ǂnamipe ge ǂnâǂui
tsî-i ge khoe-i xare-i ǁîna nî ǁkhō-e ge ǀkhai i.
4 ǁAnǂnami da hâ ǁaedi di ǃharaxūxū kai da ge ge;
ǁnān sida ǂnamipe hân di ǃhō tsî ǃkhāǃkhāxūse da ge ge ī.
5 ǃKhūtse mâs kōse? ǀAmosets kha nî ǁaixa?
Sa tauxasiba kha ǀaes khami nî khau?
6 Sa ǁaixasiba ǁaedi satsa ǂan tamadi ǃoagu ǁhōǂui re,
gaosin sa ǀonsa ǂgaiǀî taman ai.
7 ǁÎn ge Jakoba hapu
tsî ǁanǃkhaisa âba hîkākā xuige.
8 Aiǃâkam dīsādi sida didi xa tā ǂâi re;
ab sa ǀkhomxaǂgaosiba ǃgûǃoa da re,
kaise da go ǂkhabu xuige.
9 Sida ǃgâiǃōsib di Elotse, hui da re
sa ǀons di ǃgôasib ǃaroma.
Ore da, î sida ǁorena ǀûba da,
sa ǀons ǃaroma.
10 Tare-i ǃaroma di ǁaede nî mî: “ǁÎn Eloba mâpa hâ?”
As ǁaedi ǃnâ sats ra sa ǃgān di ǀaob ǂnâxūhe geba ǀkhaoba ǃkhaisa ǂansa re.
11 As sa aiǃâ hā re, ǃgaes ǃkhōsaben disa,
sa ǁôab di ǁkhāsib ǀkha ǁōb di ôana ǃnora kai re.
12 Î sida ǁanǁare-aona hû ǃnādi kōse ǁîn ǃharaxūba mādawa-am re
ǁîb ǀkhan ge satsa ǃharaxūba.
13 O da ge sida, sa khoeda, sa ǃû-ais di gūda
ǀamose nî gangan tsi
tsî ǃhaosa xu ǃhaos kōse satsa nî koa.
