ǃKhūb di ǃâs ǃhūb dis
1 Tsî ǃhūba du ga ǀumise ǀgorao, o du ge ǃKhūba ǃkhōkhâiǁguiba-e nî ǁguiba, ǃanu ǃkhai-i ǃhūb di-e; gaxusib ge ǀgamdisikoroǀaǀoadisi ǂāgu kōse nî gaxu tsî ǂhababa ǀgamdisiǀoadisigu kōse; ǁî ǃkhai-i ge ǁî-i di ǀkharigu hoagu ǂnamipe ǃanuse nî ī. 2 ǁÎgu ge ǀgamkaidisi tsî korodisi meterga mâ ǀkhāb hoab ai ge gaxu i, tsîb ge ǀgamdisikoroǀa metergu kōse ǃauga hâ ǃkhai-i axase nî ūhâǂnamipe. 3 Nētits ge satsa nē ǀguiroba xu gaxuba nî ǀguiro, ǀgamdisikoroǀaǀoadisigu kōse tsî ǂhababa disiǀoadisigu kōse; tsî ǁî-i ǃnâb ge ǃanusiba nî hâ ǃanun di ǃanub ǀkha. 4 ǁÎ-i ge ǃhūba ǃanu ǃkhaise nî ība, ǁî-i nî ǁnā pristergu, ǃanusiba ra ǃoabagu, ǃKhūba nî ǃoabase ra ǀgūga hâba, tsî i ge ǁîga ǃkhaise nî ība omgu ǁga tsî ǃanu ǃkhaise ǃanusib ǁga. 5 ǃAruǀî gu ge Leviǁîgu, ommi di ǃoaba-aogu ona ǀgamdisikoroǀaǀoadisi gaxusib tsî disiǀoadisi ǂhababa ūhâ ǃkhaisa ǁîgu dise nî ūhâ ǁîgu di ǁanǃkhaise.
6 Tsî ǃās di ǂûǂûsa-i ase du ge koroǀoadisi ǂhababa ūhâ-i tsî ǀgamdisikoroǀaǀoadisi gaxuba ūhâ ǃkhaisa nî mā ǃanu ǃkhōkhâiǁguibas ǃoa-ai: ǁÎ-i ge Israeli ommi hoaragab dise nî i.
Gaoǀgôab di ǃhūǃâs
7 Tsî gaosab ge ǁîb di amǃnâsa ǃanu ǃkhōkhâiǁguibas tsî ǁîsis ǃās dis di nē ǀkhāb tsî nau ǀkhāba xu nî ūhâ ǃanu ǃkhōkhâiǁguibas aiǃâbǀî tsî ǁîsis ǃās dis aiǃâbǀî, huriǂoas di ǁhôasa xu huriǂoasǀî tsî aiǂoas di ǁhôasa xu aiǂoasǀî, tsî gaxusib ge ǃâdi di ǀguis ǃoagu nî hâ huriǂoas di ǀkhariba xu aiǂoas di ǀkharib kōse. 8 Nē ǃhūb xasa: ǁÎb ge ǁnāba ǂûǂûsase nî ūhâ Israeli ǃnâ, tsî ti gaoǀgôagu ge ti ǁaesa ǃaruǀîǀgui ǁgâiǀā tide tsî ǃhūba Israeli ommi dina nî ǁnāxūba ǁîn ǃhaodi ī khami.
Gaoǀgôab ǃaroma hâ ǁgaragu
9 Nētib ge ǃKhūb Eloba ra mî: “ǂÂu go, sago Israeli di gao-aogo, dībē ǁgaridīs tsî hîǀhurus tsîra, î go ǂhanub tsî ǂhanu-aisib tsîkha dī, î go ti ǁaesa ǂhāǂuis ǀkha ǀû,”
tib ge ǃKhūb Eloba ra mî.10 “ǂHanu ǀnō-ūxūs tsî ǂhanu efab tsî ǂhanu bats tsîna du ge nî ūhâ.
11 “Efab tsî bats tsîra ge ǀgui ǀguirob ǀguiba ūhâ nî ī, îs batsa disiǁî ǃâs xomeri disa ǃkhōǂgā tsî efab ona disiǁîǃâs xomeri disa; ǀguirob âra ge xomeri ǃoa nî ī.
12 “Tsî sekels ge ǀgamdisi gerase nî ī; ǀgamdisi sekeldi, ǀgamdisikoroǀa sekeldi tsî disikoroǀa sekeldi ge sado minase nî ība.
13 “Nēs ge ǃkhōkhâiǁguibas sadu nî ǁguibasa: ǃNaniǁî ǃâs ǀgui efab dis, ǀgui xomers ǃhorob dib; ǁkhāti du ge ǃnaniǁî ǃâs efab disa nî mā ǀgui xomersa gerstǃhorob xa. 14 Olib tsî ǂnûiǂgās xasa: ǀGui bats olib dis xa du ge disiǁî ǃâs bats disa nî ǁguiba, kora xu, ǁnās ge disi batdi xa ǀgui xomersa, disi batdi a ǀgui xomer xui-ao. 15 ǃAruǀî ǀgui ǁkhaob gūn dib, ǀgamkaidisin dib, ǁgamxa ǃhūb Israeli diba xu ra ǀkhība ǂûǁguibase tsî khauǁguibase tsî ganganǁguibase, ǁîn nî ǀûbagusa dībahega,”
tib ge ǃKhūb Eloba ra mî.16 “ǁAes ǃhūb dis hoas ge nē ǃkhōkhâiǁguibas ǃnâ nî hâ gaosab Israeli dib ǃaroma. 17 Tsî gaosab nî anu, khauǁguibadi tsî ǂûǁguibas tsî ganganǁguibas tsîdeb nî kaitsēgu ai tsî ǂkham ǁkhâgu ai tsî sâtsēdi ai mâ ǂnûihe hâ ǀgapi ǁaegu Israeli ommi digu hoagu ai ǁguiba ǃkhaisa; ǁîb ge ǁoreǁguibas tsî ǂûǁguibas tsî khauǁguibas tsî ganganǁguibadi tsîna nî dī, ǀûbagusab nî Israeli ommi dina dībaga.”
ǁÂudīgu
(Eksodus 12:1-20Levitikus 23:33-43)18 Nētib ge ǃKhūb Eloba ra mî: “ǂGuro ǁkhâb ǃnâ ǂguro tsēs ǁkhâb dis aits ge ūo ǁgōb, ǂkham gomaba nî ū tsîts ge ǃanusiba nî ǁoreo kai. 19 Tsî pristeri ge ǀaob ǁoreǁguibas dib xa ū tsî ǁîba ommi di daodi xōǀkhāhaigu ai nî ǂkhau tsî haka ǁhôadi altars ǁgui-amǃgâb didi ai tsî daodi di xōǀkhāhaigu ǃnāb ǃnâ hâ ai-ommi digu ai. 20 Nētits ge ǁkhāti hûǁî tsēs ǁnā ǁkhâb dis ai nî dī ǁhapuma ra-i ǃaroma tsî gâre-i ǃaroma; nētimî du ge omma nî ǂkhîǂkhîba.
21 “ǂGuro ǁkhâb ǃnâ disihakaǀaǁî tsēs ǁkhâb dis aib ge Pasxaba nî hāba du, kaitsēs hû tsēdi disa; ǀkhuruoǃnâ peregu ge ǁîb ai nî ǂûhe. 22 Tsî gaoǀgôab ge ǁnā tsēs ǁkhās ai ǁî-aitsama tsî ǃhūb di ǁaes hoasa ǁoreǁguibas di ǁgōba nî ǁāǁāba. 23 Tsî hû tsēdi kaitsēs didi aib ge ǁîba ǃKhūba khauǁguiba-e nî ǂhomiba, hû ǁgōgu tsî hû ūo baigu tsîga, tsēkorobe hû tsēdi kōse, tsî ǁoreǁguiba-i pirib di-e tsēkorobe. 24 ǁKhātib ge ǂûǁguiba-e nî ǁāǁā, ǀgui efaba ǀgui ǁgōb tawa tsî ǀgui efaba ǀgui baib tawa tsî ǀgui hinna olib xa ǀgui efab tawa.
25 “Hûǁî ǁkhâb ǃnâ, disikoroǀaǁî tsēs ǁkhâb dis aib ge ǁnās ǁkhās xase kaitsēs ai nî dī, hû tsēdi kōse ǁoreǁguibas khami, khauǁguibas khami tsî ǂûǁguibas khami tsî olib khami.”
ǃKhūb di ǃâs ǃhūb dis
1 Tsî ǃhūba du ga ǀumise ǀgorao, o du ge ǃKhūba ǃkhōkhâiǁguiba-e nî ǁguiba, ǃanu ǃkhai-i ǃhūb di-e; gaxusib ge ǀgamdisikoroǀaǀoadisi ǂāgu kōse nî gaxu tsî ǂhababa ǀgamdisiǀoadisigu kōse; ǁî ǃkhai-i ge ǁî-i di ǀkharigu hoagu ǂnamipe ǃanuse nî ī. 2 ǁÎgu ge ǀgamkaidisi tsî korodisi meterga mâ ǀkhāb hoab ai ge gaxu i, tsîb ge ǀgamdisikoroǀa metergu kōse ǃauga hâ ǃkhai-i axase nî ūhâǂnamipe. 3 Nētits ge satsa nē ǀguiroba xu gaxuba nî ǀguiro, ǀgamdisikoroǀaǀoadisigu kōse tsî ǂhababa disiǀoadisigu kōse; tsî ǁî-i ǃnâb ge ǃanusiba nî hâ ǃanun di ǃanub ǀkha. 4 ǁÎ-i ge ǃhūba ǃanu ǃkhaise nî ība, ǁî-i nî ǁnā pristergu, ǃanusiba ra ǃoabagu, ǃKhūba nî ǃoabase ra ǀgūga hâba, tsî i ge ǁîga ǃkhaise nî ība omgu ǁga tsî ǃanu ǃkhaise ǃanusib ǁga. 5 ǃAruǀî gu ge Leviǁîgu, ommi di ǃoaba-aogu ona ǀgamdisikoroǀaǀoadisi gaxusib tsî disiǀoadisi ǂhababa ūhâ ǃkhaisa ǁîgu dise nî ūhâ ǁîgu di ǁanǃkhaise.
6 Tsî ǃās di ǂûǂûsa-i ase du ge koroǀoadisi ǂhababa ūhâ-i tsî ǀgamdisikoroǀaǀoadisi gaxuba ūhâ ǃkhaisa nî mā ǃanu ǃkhōkhâiǁguibas ǃoa-ai: ǁÎ-i ge Israeli ommi hoaragab dise nî i.
Gaoǀgôab di ǃhūǃâs
7 Tsî gaosab ge ǁîb di amǃnâsa ǃanu ǃkhōkhâiǁguibas tsî ǁîsis ǃās dis di nē ǀkhāb tsî nau ǀkhāba xu nî ūhâ ǃanu ǃkhōkhâiǁguibas aiǃâbǀî tsî ǁîsis ǃās dis aiǃâbǀî, huriǂoas di ǁhôasa xu huriǂoasǀî tsî aiǂoas di ǁhôasa xu aiǂoasǀî, tsî gaxusib ge ǃâdi di ǀguis ǃoagu nî hâ huriǂoas di ǀkhariba xu aiǂoas di ǀkharib kōse. 8 Nē ǃhūb xasa: ǁÎb ge ǁnāba ǂûǂûsase nî ūhâ Israeli ǃnâ, tsî ti gaoǀgôagu ge ti ǁaesa ǃaruǀîǀgui ǁgâiǀā tide tsî ǃhūba Israeli ommi dina nî ǁnāxūba ǁîn ǃhaodi ī khami.
Gaoǀgôab ǃaroma hâ ǁgaragu
9 Nētib ge ǃKhūb Eloba ra mî: “ǂÂu go, sago Israeli di gao-aogo, dībē ǁgaridīs tsî hîǀhurus tsîra, î go ǂhanub tsî ǂhanu-aisib tsîkha dī, î go ti ǁaesa ǂhāǂuis ǀkha ǀû,”
tib ge ǃKhūb Eloba ra mî.10 “ǂHanu ǀnō-ūxūs tsî ǂhanu efab tsî ǂhanu bats tsîna du ge nî ūhâ.
11 “Efab tsî bats tsîra ge ǀgui ǀguirob ǀguiba ūhâ nî ī, îs batsa disiǁî ǃâs xomeri disa ǃkhōǂgā tsî efab ona disiǁîǃâs xomeri disa; ǀguirob âra ge xomeri ǃoa nî ī.
12 “Tsî sekels ge ǀgamdisi gerase nî ī; ǀgamdisi sekeldi, ǀgamdisikoroǀa sekeldi tsî disikoroǀa sekeldi ge sado minase nî ība.
13 “Nēs ge ǃkhōkhâiǁguibas sadu nî ǁguibasa: ǃNaniǁî ǃâs ǀgui efab dis, ǀgui xomers ǃhorob dib; ǁkhāti du ge ǃnaniǁî ǃâs efab disa nî mā ǀgui xomersa gerstǃhorob xa. 14 Olib tsî ǂnûiǂgās xasa: ǀGui bats olib dis xa du ge disiǁî ǃâs bats disa nî ǁguiba, kora xu, ǁnās ge disi batdi xa ǀgui xomersa, disi batdi a ǀgui xomer xui-ao. 15 ǃAruǀî ǀgui ǁkhaob gūn dib, ǀgamkaidisin dib, ǁgamxa ǃhūb Israeli diba xu ra ǀkhība ǂûǁguibase tsî khauǁguibase tsî ganganǁguibase, ǁîn nî ǀûbagusa dībahega,”
tib ge ǃKhūb Eloba ra mî.16 “ǁAes ǃhūb dis hoas ge nē ǃkhōkhâiǁguibas ǃnâ nî hâ gaosab Israeli dib ǃaroma. 17 Tsî gaosab nî anu, khauǁguibadi tsî ǂûǁguibas tsî ganganǁguibas tsîdeb nî kaitsēgu ai tsî ǂkham ǁkhâgu ai tsî sâtsēdi ai mâ ǂnûihe hâ ǀgapi ǁaegu Israeli ommi digu hoagu ai ǁguiba ǃkhaisa; ǁîb ge ǁoreǁguibas tsî ǂûǁguibas tsî khauǁguibas tsî ganganǁguibadi tsîna nî dī, ǀûbagusab nî Israeli ommi dina dībaga.”
ǁÂudīgu
(Eksodus 12:1-20Levitikus 23:33-43)18 Nētib ge ǃKhūb Eloba ra mî: “ǂGuro ǁkhâb ǃnâ ǂguro tsēs ǁkhâb dis aits ge ūo ǁgōb, ǂkham gomaba nî ū tsîts ge ǃanusiba nî ǁoreo kai. 19 Tsî pristeri ge ǀaob ǁoreǁguibas dib xa ū tsî ǁîba ommi di daodi xōǀkhāhaigu ai nî ǂkhau tsî haka ǁhôadi altars ǁgui-amǃgâb didi ai tsî daodi di xōǀkhāhaigu ǃnāb ǃnâ hâ ai-ommi digu ai. 20 Nētits ge ǁkhāti hûǁî tsēs ǁnā ǁkhâb dis ai nî dī ǁhapuma ra-i ǃaroma tsî gâre-i ǃaroma; nētimî du ge omma nî ǂkhîǂkhîba.
21 “ǂGuro ǁkhâb ǃnâ disihakaǀaǁî tsēs ǁkhâb dis aib ge Pasxaba nî hāba du, kaitsēs hû tsēdi disa; ǀkhuruoǃnâ peregu ge ǁîb ai nî ǂûhe. 22 Tsî gaoǀgôab ge ǁnā tsēs ǁkhās ai ǁî-aitsama tsî ǃhūb di ǁaes hoasa ǁoreǁguibas di ǁgōba nî ǁāǁāba. 23 Tsî hû tsēdi kaitsēs didi aib ge ǁîba ǃKhūba khauǁguiba-e nî ǂhomiba, hû ǁgōgu tsî hû ūo baigu tsîga, tsēkorobe hû tsēdi kōse, tsî ǁoreǁguiba-i pirib di-e tsēkorobe. 24 ǁKhātib ge ǂûǁguiba-e nî ǁāǁā, ǀgui efaba ǀgui ǁgōb tawa tsî ǀgui efaba ǀgui baib tawa tsî ǀgui hinna olib xa ǀgui efab tawa.
25 “Hûǁî ǁkhâb ǃnâ, disikoroǀaǁî tsēs ǁkhâb dis aib ge ǁnās ǁkhās xase kaitsēs ai nî dī, hû tsēdi kōse ǁoreǁguibas khami, khauǁguibas khami tsî ǂûǁguibas khami tsî olib khami.”
