Simonni ge Jodeǁîna ra ǂgaeǂgui
1 Simonni ge Trifob ge kai toroǂnubisa Judeabab nî ǁnāǂam tsî hîkākāse ǀhaoǀhao ǃkhaisa ge ǁnâu. 2 ǁÎb ge nē ǂhôas ge ǃaob tsî ǀkhūba khoen ǃnâ ǃaroma ǃkhaisab ge mû, o Jerusalems ǃoa ǃgû tsî khoena ǀhaoǀhao 3 tsî ǂgaoǂgaoǃnâ tsî ge mî: “Sadu ge ti îb di omaris, ti ǃgâsagu tsî tita tsîn ge mâtikō xūna Moseb ǂhanub tsî Tempeli ǃaroma dī ǃkhaisa a ǂan. ǁKhāti du ge sige ge ǃkham torogu tsî ū ge ge hâ i ǃgomsigu tsîna a ǂan. 4 Ti ǃgâsagu hoagu ge sada ǂhanub, Tempeli tsî sada ǁaes tsîn ǃaroma ge ǃgamhe tsî ta ge tita ǀguita ge ǃgau. 5 Xawe ta ge nē ǂkhabab di ǁaeb ǃnâ ti ǃgâsagu ge ǁō khami sada ǁaes ǃaroma ǁōsa a māsenxa. 6 Xawe ta ge hoa ǁaedi ge sada nî hîkākāse sada ǃoagu khāb ǃnâ ǀhaoǀhaosen xui-ao ti ǁaes, Tempeli tsî sago di taradi tsî ǀgôan tsîna nî ǀkhaoba.”
7 Nē mîdi ge hoaraga khoena ge ǂgaoǂgaoǃnâ 8 tsîn ge ǃgari dommi ǀkha “Sats ge nēsisa xu sa ǃgâsakha Judab tsî Jonatanni hâkha di soadi ǃnâ nî sida di ǂgaeǂgui-ao. 9 Sida torogats ga ǃkham, o da ge ǂgants ra xū-i hoa-e nî dī” ti ge ǃeream. 10 Ob ge Simonna hoaraga toroǃkhamaoga ǃnoesase gu Jerusalems di ǂnubiǂgoaga nî dītoa tsî hâǃkhaiga nî ǀgaiǀgaise ge ǀhaoǀhao. 11 ǁÎb ge Absalommi ôab Jonatanna kai toroǂnubis ǀkha Jopas ǃoa ge sî. Jonatanni ge hoaraga khoena ǃāsa xu sauruǂui tsî ǁnāpa ge hâ.
12 Trifob ge Simonni ǃgâsab, Jonatanna ǃkhōsis ǃnâ ūhâse, Judeaba nî ǁnāǂamse kai toroǂnubis ǀkha Ptolemaisa xu ge ǃgû. 13 Simonni ge ǂgāb amǃgâ, Adidas tawa tentomde ge ǂnaumâi. 14 Trifob ge Simonni ge ǃgâsab âb Jonatanna saoǃgon tsî nēsi ǁîb ǃoagub nî torodīsa ra ǀapeǀape ǃkhaisa ǁnâu, o ǁîba nēti ge haisiba: 15 “Tita ge sa ǃgâsab Jonatanna, gaosi ǁuiǂgaesab surude hâ xui-ao ǃkhōsis ǃnâ ūhâ. 16 Tsî ta ge ǃnonaǀoadisi kiloxramgu di ǀhaiǀuribats ga mā te tsî ǁîb ôakha ǃkhōsabese sîba te, îb ǃnora kaiheb ka, o tā sida ǃoagu khâikhâisen, o ǁîba nî ǁnāxū.”
17 Simonni ge ǁîgu xab ra gāxaǃnâhe ǃkhaisab ge ǂan i, xawe khākhoexasib Jodeǁîn dibab ge ǂgao tama hâ i xui-ao, mari-i tsî ǀgôakha tsîna ge sî. 18 ǁÎb ge ega gu nî Jonatanna ǃgam tsî mari-i tsî ǀgôakha tsînab ge Simonna mā tama i xui-ao ge go ǃgam, ti nî mî ǃkhaisa gere ǃao. 19 ǁNā-amagab ge Trifob ge mîmā khami ge dī, xaweb ge Trifoba ǁîb di mîmâisa ge khôa tsî Jonatanna ǃnora kai tama ge i.
20 ǁNās khaoǃgâb ge Trifoba ǁnā ǃhūba ǁnāǂam tsî ge hîkākā tsî ǀnî daob ǀkha Adoras ǃoa ge oa. Xawe Simonni tsî ǁîb di toroǂnubis tsîn ge ǃgûb ra ǃkhai-i hoa-i ai ǁîba ǃoa gere ǃoa. 21 Jerusalems di ǁkhui-ommi ǃnâ ge hâ i khākhoetoroǃkhamaogu ge Trifoba ǀûs ose sîsabega sîba tsî gere ǂgan, ǃgaroǃhūb di daob ǀkhab ǁîgu ǃoa nî hāsa tsî ǂû-eb nî sîba gusa. 22 Trifob ge ǁîb hātoroǃkhamaoga ǁnāǂam gu nîga ge ǂhomisen kai, xawes ge ǁnā tsuxuba ǀgaisa tsamarosa ge hâ i tsîs ge ǃhomgu ǃnâ-u ǂoasa ge īǁoa i. Ob ge ǂgae-oasen tsî Gileadi ǃnâ ge ǂgâ. 23 Baskamas ǃnâb ge sī, ob ge Jonatanna ǃgam tsî ǁnāpa ge ǁkhō. 24 ǁNāpa xub ge Trifoba ǁîb di ǂhunuma ǃhūb ǃoa ge oa.
25 Simonni ge ǃgâsab Jonatanni di sorosa sī ū kai tsî ǁîba ǁîn aboxagu di ǃās Modeins ǃnâ ge ǁkhō. 26 Hoaraga Israelǁaes ge Jonatannan ge ǂoaǃnâ ǃkhais xa kaise ge tsûaǂgao hâ i tsî gaxuse ǁîb ǃaroma ge ǃoa. 27 ǁÎb îb tsî ǁîb ǃgâsab hâkha di ǀhobadi aib ge Simonna ǃnūseba xu mûhe ǁkhā kai ǀuiba ge ommâi. ǁÎb ge aisǀkhāb tsî ǃgâbǀkhāb tsîkha ai ǂkhanuǂkhanuhe hâ ǀuigu ǀkha ge ǁguiǀkhāhe hâ i. 28 ǁKhātib ge hû piramidede ǁîb îb, îs tsî ǁîb di haka ǃgâsagu ǃaroma mâǃoagu hâse ge om. 29 Piramide di ǃaromab ge mâb hoab ǃgaoǂgāǃnâhesa, ǀgaisa ǂkhâǃnâga ge om. ǀNî xūn ǃgaoǂgāhe ge hâ in ge ǁâtanina tsî ǀnîna doe-omga gere ǁgauǂui. Nēgu ge ǁîgu dandi di īgu hîa ge ǃauga ǃhūgu di ǃnarisarima-aon xa nî hā kōhese omhede. 30 ǁÎb ge Modeins ǃnâ om ǀhobas ge nētsēs kōse ǁnāpa hâ.
31 ǁNā ǁaeb ǃnâb ge Trifoba, ǂkham gao-aob, Antioxub ǃNaniǁîba ǃnariǃgam 32 tsî Siriab di gaosisa ge ūbasen. ǁÎb ge kai ǃgomsiga nē ǃhūb ǃnâ ge hā-ū.
33 Simonni ge Judeab di ǀgaisa hâǃkhaide ǀgapi ǂgō-omgu, ǀgaisa ǂnubiǂgoagu tsî ǀuridao-amdi ǀkha ǁkhawa ǂnubikhâi tsî ǁnās khaoǃgâ xūn di sâuǃkhaib tsîna ǁnāpa ge om. 34 ǁÎb ge gao-aob Demetriub ǀGamǁîb ǃoa ǂhanuǂnûǁkhaeba-aoga sî tsî ǁgui-aimarisa xub nî ǃhūba ǃnoraǃnorahe ǃkhaisa ge ǂgan, Trifob ǀnî xū-e tama i tsî ǁîn ǀguina ra ūǀhana xui-ao. 35 Gao-aob Demetriub ge sîǂkhanis ǃnâ-ū nēti ge ǃeream:
36 “Gao-aob Demetriuba xu ǀgapipristeri Simonni, gao-aogu di horesab tsî Jodeǁîn tsî ǁîn ǂgaeǂgui-aogu ǃoa hâ tawedes. 37 ǃHuniǀuri krons tsî ǃhuniǀuri palmǂgonab hâra sats ge sîba tera ta ge ge ǃkhōǃoa, tsî ta ge sats ǀkha ǂkhîb di ǃgaeǀhaosa dīs tsî ǂammâisaga ǁgui-aimarina xuts nî ǃnoraǃnorahe ǃkhaisa nî mîmās ǃoa ǂhomisen hâ. 38 ǂGuro ǃgaeǀhaodi sats ǀkha ta ge dīdi hoadi ge nî ǁapoǁapohe tsî sats ge om ǀgaisa hâǃkhaigu ge sase nî hâhâ. 39 ǃGaeǀhaos ai ge nēs kōse dīhe ǃûǂamdi tsîna ta ge ra ǀûba tsi tsî mâǂoa hâ ǀō-aisa tsî ǀnî khami ī ǁgui-aimarin, nēsis kōse Jerusalems ǃnâ ra ǀhaoǀhaohena mataresa xus tsîna ra ǃnoraǃnora tsi. 40 ǁKhāǁkhāǂuisa Jodeǁîn hoan ge gao-aosi ǃoabadi ǃnâ nî ǃgaeǂgāhe. Ab ǂkhîba sakhom ǁaegu hâ.”
41 ǀGuikaidisihûdisiǁî kurib ǃnân ge Jodeǁîna, Jodeǁî taman di ǁgâiǀāba xu ge ǃnora kaihe. 42 Tsîn ge khoena mîmâiǃgaeǁaredi tsî nau ǂkhanin ǃnâ nēti ge xoatsoatsoa: “ǂGuro kurib Simonni, kai ǀgapiprister, ǃkhōdana-ao tsî ǂgaeǂgui-aob Jodeǁîn dib ǃnâ.”
43 ǁNā ǁaeb ǃnâb ge Simonna Gesers ǃoagu hâǃkhaiga ǂnaumâi tsî ǁîsa ǁîb toroǃkhamaogu ǀkha ge ǁgoeǂnami. ǁÎb ge torob ra dī-ūhe masinsa kuru, ǃās kōse ǀgūǀgū tsî ǀgui ǂgō-omma ǁnāǂam tsî ge ǀhana. 44 Khoegu hîa ge masins ǃnâ hâ i gu ge ǃhaese ǁnāpa xu ǂoa tsî ǃās ǃnâ ge ǂgâ tsîs ge nē ǃkhaisa kai ǀhomaxasiba ge ǃaroma. 45 Aogu ǃās digu, ǁîgu taradi tsî ǁîgu ôan ge ǁîn di sarana doaǃā tsî ǃās di ǂnubiǂgoab ai ge ǂoa. ǁÎn ge Simonni ǃoa ǃgari dommi ǀkha ǂkhîb ǃaroma gere ǂgai: 46 “ǀKhomxa da re, î tā sida ǂkhabadīga ǃoa ǁkhara da!”
47 Simonni ge ǁîn ǀkha ǁnâugu tsî ǃkhamsa ge ǀû. ǁÎb ge khoena ǃāsa xu ǂoa kai tsî ǁgôa-elon ge hâǃnâ i omde ge ǃanuǃanu. Nēs ge dītoahe, ob ge ǁîb tsî ǁîb di khoegu tsîna ǁnaetsanadi tsî koatsanade ra ǁnaese ǃās ǃnâ ge ǂgâ. 48 ǁÎb ge ǃanuoǃnâ xūn hoana ǃāsa xu ūǂui tsî Moseb ǂhanuba ge ǁnâuǀnam khoega ǁnāpa ge hâ kai. Tsîb ge ǃās di ǁkhaubasenǃkhaide ǀgaiǀgai tsî ǁîs ǃnâ gao-omma ge ombasen.
49 Jerusalems di ǁkhui-ommi ǃnâ ge hâ i khoegu ge ǃhūb ǃnâ ǂgâxa tsî ǂoas tsî tare xū-i ǀgui-i ka xawe ǁama tsî ǁamaxūsa ge ǂkhāhe. Kaise gu ge ǀgaisase ge ǃâ, tsî gu ge ǂguiga ǃâs xa ge ǁō. 50 ǀUnis ai gu ge Simonna ǂkhîb ǃaroma ge ǀkhoma. ǁÎb ge nēsa ǁnâu-am, ǁîga ǁnāpa xu ūbē tsî ǁkhui-omma ge ǃanuǃanu. 51 ǀGuikaidisi tsî hûdisiǀguiǀaǁî kurib di ǀgamǁî ǁkhâb di ǀgamdisiǃnonaǀaǁî tsēs aib ge kai ǁâudība, Israelǁaes di khākhoen ge ūǂuihe xui-ao, ǃās ǃnâ ge hâ i. Simonni tsî ǁîb khoegu tsîn ge koatsanadi tsî gangantsanade ra ǁnaese, palmǂgonaga tani tsî harpdi, simbaldi tsî ǁapaxa ǀkhōxūna ra ǀkhōse ǁkhui-ommi ǃnâ ge ǂgâ. 52 Simonni ge nētsēs nî kurikorobe ǁâudīhe ǃkhaisa ge mîmā. ǁÎb ge Tempelǃhommi ai hâ ǀgaisa hâǃkhaidi hîa ǁkhui-ommi ǀkha ǃoagu mâde ǁkhaubasens ǃaroma ge ǀgaiǀgai tsîgu ge ǁîb tsî ǁîb khoegu tsîna ǁnāpa ge ǁan. 53 Simonni ôab, Johaneb ge ge kaikhoe kai tsîb ge Simonna ǁîba hoaraga toroǂnubis di ǃkhōdana-aose ge ǁgaumâi tsîb ge Johaneba Gesers ǃnâ ge ǁan.
Simonni ge Jodeǁîna ra ǂgaeǂgui
1 Simonni ge Trifob ge kai toroǂnubisa Judeabab nî ǁnāǂam tsî hîkākāse ǀhaoǀhao ǃkhaisa ge ǁnâu. 2 ǁÎb ge nē ǂhôas ge ǃaob tsî ǀkhūba khoen ǃnâ ǃaroma ǃkhaisab ge mû, o Jerusalems ǃoa ǃgû tsî khoena ǀhaoǀhao 3 tsî ǂgaoǂgaoǃnâ tsî ge mî: “Sadu ge ti îb di omaris, ti ǃgâsagu tsî tita tsîn ge mâtikō xūna Moseb ǂhanub tsî Tempeli ǃaroma dī ǃkhaisa a ǂan. ǁKhāti du ge sige ge ǃkham torogu tsî ū ge ge hâ i ǃgomsigu tsîna a ǂan. 4 Ti ǃgâsagu hoagu ge sada ǂhanub, Tempeli tsî sada ǁaes tsîn ǃaroma ge ǃgamhe tsî ta ge tita ǀguita ge ǃgau. 5 Xawe ta ge nē ǂkhabab di ǁaeb ǃnâ ti ǃgâsagu ge ǁō khami sada ǁaes ǃaroma ǁōsa a māsenxa. 6 Xawe ta ge hoa ǁaedi ge sada nî hîkākāse sada ǃoagu khāb ǃnâ ǀhaoǀhaosen xui-ao ti ǁaes, Tempeli tsî sago di taradi tsî ǀgôan tsîna nî ǀkhaoba.”
7 Nē mîdi ge hoaraga khoena ge ǂgaoǂgaoǃnâ 8 tsîn ge ǃgari dommi ǀkha “Sats ge nēsisa xu sa ǃgâsakha Judab tsî Jonatanni hâkha di soadi ǃnâ nî sida di ǂgaeǂgui-ao. 9 Sida torogats ga ǃkham, o da ge ǂgants ra xū-i hoa-e nî dī” ti ge ǃeream. 10 Ob ge Simonna hoaraga toroǃkhamaoga ǃnoesase gu Jerusalems di ǂnubiǂgoaga nî dītoa tsî hâǃkhaiga nî ǀgaiǀgaise ge ǀhaoǀhao. 11 ǁÎb ge Absalommi ôab Jonatanna kai toroǂnubis ǀkha Jopas ǃoa ge sî. Jonatanni ge hoaraga khoena ǃāsa xu sauruǂui tsî ǁnāpa ge hâ.
12 Trifob ge Simonni ǃgâsab, Jonatanna ǃkhōsis ǃnâ ūhâse, Judeaba nî ǁnāǂamse kai toroǂnubis ǀkha Ptolemaisa xu ge ǃgû. 13 Simonni ge ǂgāb amǃgâ, Adidas tawa tentomde ge ǂnaumâi. 14 Trifob ge Simonni ge ǃgâsab âb Jonatanna saoǃgon tsî nēsi ǁîb ǃoagub nî torodīsa ra ǀapeǀape ǃkhaisa ǁnâu, o ǁîba nēti ge haisiba: 15 “Tita ge sa ǃgâsab Jonatanna, gaosi ǁuiǂgaesab surude hâ xui-ao ǃkhōsis ǃnâ ūhâ. 16 Tsî ta ge ǃnonaǀoadisi kiloxramgu di ǀhaiǀuribats ga mā te tsî ǁîb ôakha ǃkhōsabese sîba te, îb ǃnora kaiheb ka, o tā sida ǃoagu khâikhâisen, o ǁîba nî ǁnāxū.”
17 Simonni ge ǁîgu xab ra gāxaǃnâhe ǃkhaisab ge ǂan i, xawe khākhoexasib Jodeǁîn dibab ge ǂgao tama hâ i xui-ao, mari-i tsî ǀgôakha tsîna ge sî. 18 ǁÎb ge ega gu nî Jonatanna ǃgam tsî mari-i tsî ǀgôakha tsînab ge Simonna mā tama i xui-ao ge go ǃgam, ti nî mî ǃkhaisa gere ǃao. 19 ǁNā-amagab ge Trifob ge mîmā khami ge dī, xaweb ge Trifoba ǁîb di mîmâisa ge khôa tsî Jonatanna ǃnora kai tama ge i.
20 ǁNās khaoǃgâb ge Trifoba ǁnā ǃhūba ǁnāǂam tsî ge hîkākā tsî ǀnî daob ǀkha Adoras ǃoa ge oa. Xawe Simonni tsî ǁîb di toroǂnubis tsîn ge ǃgûb ra ǃkhai-i hoa-i ai ǁîba ǃoa gere ǃoa. 21 Jerusalems di ǁkhui-ommi ǃnâ ge hâ i khākhoetoroǃkhamaogu ge Trifoba ǀûs ose sîsabega sîba tsî gere ǂgan, ǃgaroǃhūb di daob ǀkhab ǁîgu ǃoa nî hāsa tsî ǂû-eb nî sîba gusa. 22 Trifob ge ǁîb hātoroǃkhamaoga ǁnāǂam gu nîga ge ǂhomisen kai, xawes ge ǁnā tsuxuba ǀgaisa tsamarosa ge hâ i tsîs ge ǃhomgu ǃnâ-u ǂoasa ge īǁoa i. Ob ge ǂgae-oasen tsî Gileadi ǃnâ ge ǂgâ. 23 Baskamas ǃnâb ge sī, ob ge Jonatanna ǃgam tsî ǁnāpa ge ǁkhō. 24 ǁNāpa xub ge Trifoba ǁîb di ǂhunuma ǃhūb ǃoa ge oa.
25 Simonni ge ǃgâsab Jonatanni di sorosa sī ū kai tsî ǁîba ǁîn aboxagu di ǃās Modeins ǃnâ ge ǁkhō. 26 Hoaraga Israelǁaes ge Jonatannan ge ǂoaǃnâ ǃkhais xa kaise ge tsûaǂgao hâ i tsî gaxuse ǁîb ǃaroma ge ǃoa. 27 ǁÎb îb tsî ǁîb ǃgâsab hâkha di ǀhobadi aib ge Simonna ǃnūseba xu mûhe ǁkhā kai ǀuiba ge ommâi. ǁÎb ge aisǀkhāb tsî ǃgâbǀkhāb tsîkha ai ǂkhanuǂkhanuhe hâ ǀuigu ǀkha ge ǁguiǀkhāhe hâ i. 28 ǁKhātib ge hû piramidede ǁîb îb, îs tsî ǁîb di haka ǃgâsagu ǃaroma mâǃoagu hâse ge om. 29 Piramide di ǃaromab ge mâb hoab ǃgaoǂgāǃnâhesa, ǀgaisa ǂkhâǃnâga ge om. ǀNî xūn ǃgaoǂgāhe ge hâ in ge ǁâtanina tsî ǀnîna doe-omga gere ǁgauǂui. Nēgu ge ǁîgu dandi di īgu hîa ge ǃauga ǃhūgu di ǃnarisarima-aon xa nî hā kōhese omhede. 30 ǁÎb ge Modeins ǃnâ om ǀhobas ge nētsēs kōse ǁnāpa hâ.
31 ǁNā ǁaeb ǃnâb ge Trifoba, ǂkham gao-aob, Antioxub ǃNaniǁîba ǃnariǃgam 32 tsî Siriab di gaosisa ge ūbasen. ǁÎb ge kai ǃgomsiga nē ǃhūb ǃnâ ge hā-ū.
33 Simonni ge Judeab di ǀgaisa hâǃkhaide ǀgapi ǂgō-omgu, ǀgaisa ǂnubiǂgoagu tsî ǀuridao-amdi ǀkha ǁkhawa ǂnubikhâi tsî ǁnās khaoǃgâ xūn di sâuǃkhaib tsîna ǁnāpa ge om. 34 ǁÎb ge gao-aob Demetriub ǀGamǁîb ǃoa ǂhanuǂnûǁkhaeba-aoga sî tsî ǁgui-aimarisa xub nî ǃhūba ǃnoraǃnorahe ǃkhaisa ge ǂgan, Trifob ǀnî xū-e tama i tsî ǁîn ǀguina ra ūǀhana xui-ao. 35 Gao-aob Demetriub ge sîǂkhanis ǃnâ-ū nēti ge ǃeream:
36 “Gao-aob Demetriuba xu ǀgapipristeri Simonni, gao-aogu di horesab tsî Jodeǁîn tsî ǁîn ǂgaeǂgui-aogu ǃoa hâ tawedes. 37 ǃHuniǀuri krons tsî ǃhuniǀuri palmǂgonab hâra sats ge sîba tera ta ge ge ǃkhōǃoa, tsî ta ge sats ǀkha ǂkhîb di ǃgaeǀhaosa dīs tsî ǂammâisaga ǁgui-aimarina xuts nî ǃnoraǃnorahe ǃkhaisa nî mîmās ǃoa ǂhomisen hâ. 38 ǂGuro ǃgaeǀhaodi sats ǀkha ta ge dīdi hoadi ge nî ǁapoǁapohe tsî sats ge om ǀgaisa hâǃkhaigu ge sase nî hâhâ. 39 ǃGaeǀhaos ai ge nēs kōse dīhe ǃûǂamdi tsîna ta ge ra ǀûba tsi tsî mâǂoa hâ ǀō-aisa tsî ǀnî khami ī ǁgui-aimarin, nēsis kōse Jerusalems ǃnâ ra ǀhaoǀhaohena mataresa xus tsîna ra ǃnoraǃnora tsi. 40 ǁKhāǁkhāǂuisa Jodeǁîn hoan ge gao-aosi ǃoabadi ǃnâ nî ǃgaeǂgāhe. Ab ǂkhîba sakhom ǁaegu hâ.”
41 ǀGuikaidisihûdisiǁî kurib ǃnân ge Jodeǁîna, Jodeǁî taman di ǁgâiǀāba xu ge ǃnora kaihe. 42 Tsîn ge khoena mîmâiǃgaeǁaredi tsî nau ǂkhanin ǃnâ nēti ge xoatsoatsoa: “ǂGuro kurib Simonni, kai ǀgapiprister, ǃkhōdana-ao tsî ǂgaeǂgui-aob Jodeǁîn dib ǃnâ.”
43 ǁNā ǁaeb ǃnâb ge Simonna Gesers ǃoagu hâǃkhaiga ǂnaumâi tsî ǁîsa ǁîb toroǃkhamaogu ǀkha ge ǁgoeǂnami. ǁÎb ge torob ra dī-ūhe masinsa kuru, ǃās kōse ǀgūǀgū tsî ǀgui ǂgō-omma ǁnāǂam tsî ge ǀhana. 44 Khoegu hîa ge masins ǃnâ hâ i gu ge ǃhaese ǁnāpa xu ǂoa tsî ǃās ǃnâ ge ǂgâ tsîs ge nē ǃkhaisa kai ǀhomaxasiba ge ǃaroma. 45 Aogu ǃās digu, ǁîgu taradi tsî ǁîgu ôan ge ǁîn di sarana doaǃā tsî ǃās di ǂnubiǂgoab ai ge ǂoa. ǁÎn ge Simonni ǃoa ǃgari dommi ǀkha ǂkhîb ǃaroma gere ǂgai: 46 “ǀKhomxa da re, î tā sida ǂkhabadīga ǃoa ǁkhara da!”
47 Simonni ge ǁîn ǀkha ǁnâugu tsî ǃkhamsa ge ǀû. ǁÎb ge khoena ǃāsa xu ǂoa kai tsî ǁgôa-elon ge hâǃnâ i omde ge ǃanuǃanu. Nēs ge dītoahe, ob ge ǁîb tsî ǁîb di khoegu tsîna ǁnaetsanadi tsî koatsanade ra ǁnaese ǃās ǃnâ ge ǂgâ. 48 ǁÎb ge ǃanuoǃnâ xūn hoana ǃāsa xu ūǂui tsî Moseb ǂhanuba ge ǁnâuǀnam khoega ǁnāpa ge hâ kai. Tsîb ge ǃās di ǁkhaubasenǃkhaide ǀgaiǀgai tsî ǁîs ǃnâ gao-omma ge ombasen.
49 Jerusalems di ǁkhui-ommi ǃnâ ge hâ i khoegu ge ǃhūb ǃnâ ǂgâxa tsî ǂoas tsî tare xū-i ǀgui-i ka xawe ǁama tsî ǁamaxūsa ge ǂkhāhe. Kaise gu ge ǀgaisase ge ǃâ, tsî gu ge ǂguiga ǃâs xa ge ǁō. 50 ǀUnis ai gu ge Simonna ǂkhîb ǃaroma ge ǀkhoma. ǁÎb ge nēsa ǁnâu-am, ǁîga ǁnāpa xu ūbē tsî ǁkhui-omma ge ǃanuǃanu. 51 ǀGuikaidisi tsî hûdisiǀguiǀaǁî kurib di ǀgamǁî ǁkhâb di ǀgamdisiǃnonaǀaǁî tsēs aib ge kai ǁâudība, Israelǁaes di khākhoen ge ūǂuihe xui-ao, ǃās ǃnâ ge hâ i. Simonni tsî ǁîb khoegu tsîn ge koatsanadi tsî gangantsanade ra ǁnaese, palmǂgonaga tani tsî harpdi, simbaldi tsî ǁapaxa ǀkhōxūna ra ǀkhōse ǁkhui-ommi ǃnâ ge ǂgâ. 52 Simonni ge nētsēs nî kurikorobe ǁâudīhe ǃkhaisa ge mîmā. ǁÎb ge Tempelǃhommi ai hâ ǀgaisa hâǃkhaidi hîa ǁkhui-ommi ǀkha ǃoagu mâde ǁkhaubasens ǃaroma ge ǀgaiǀgai tsîgu ge ǁîb tsî ǁîb khoegu tsîna ǁnāpa ge ǁan. 53 Simonni ôab, Johaneb ge ge kaikhoe kai tsîb ge Simonna ǁîba hoaraga toroǂnubis di ǃkhōdana-aose ge ǁgaumâi tsîb ge Johaneba Gesers ǃnâ ge ǁan.
