Jerusalems di ǂkhabadīgu
1 ǃKhūb di mîs ge tita ǃoa ge hā: 2 “Satsa khoenôa ǀgôatse, ǀgoraǃgâts nî ǀaoǂnâxūs di ǃāsa, ǀgoraǃgâts nî ǁîsa? ǁÎsa ǁîs di ui-uisa dīgu hoaga ǂanǂan. 3 Nētib ge ǃKhūb Eloba ra mî, ti ǁîsa mîba. ǁÎs ǂûs ǃnâ ra ǀaoǂnâxū ǃāse sa ǁaeb ge nî hā; sas ǁgôa-elo-īga dībasen tsî aitsama ra ǃanuoǃnâ kaisensa. 4 ǀAoǂnâxūs âs ǃaromas ge a ǀhapixa tsî ǁgôa-elo-īgu hîas ge dībasengu ge ge ǃanuoǃnâ kai si. Sas ge ǀgoraǃgâs âs di tsēsa go ǀgūǀgū; mîǁguisa ǁaeb sa kurigu dib ge go hā. ǁNā-amaga ta ge ǁaedi di ǃharaxūxūse ge māǁnâ si tsî hoa ǃhūgu di ǃhōxūse. 5 Sa ǀgūse hân tsî ǃnūse hân tsîn hoan ge sasa nî ǃhō, sas ǀurixa ǀonsa ūhâs, eloxoresasib xa ǀoa hâsa. 6 Mâ gaoǀgôab Israeli dib sas ǃnâ hâb hoab ge ǀgaib âba sîsenū tsî gere ǀaoǂnâxū. 7 ǁGûb tsî ǁgûs tsîra ge sas ǃnâ ge ǃharaxūhe. ǃHaokhoen ge sas ǃnâ tsūse ge sîsenūhe tsîn ge ǃguniǀgôan tsî ǃoataradi tsîna ge ǁgâiǀāhe. 8 Ti ǃanusigas ge ge ǃharaxū tsîs ge ti Sabattsēde ge ǃanuoǃnâ kai. 9 ǂKhawaǂgā-amaon ge sas ǃnâ hâ, ǀaoǂnâxūs ǃaroma. ǁÎn ge ǃhomgu ai ǂû tsî taotaosa dīga sas ǃnâ gere dī. 10 ǀNîgu ge ǁgûgu di tarade gere ǁgoe-ū, ǀnîgu ge ǁkhâǀaesenna ūhâ khoede ǀgaib ǃnâ gere ǁgoe-ū. 11 ǀNîb ge ǀgūkhoeb âb di tarasa gere ǁgoe-ū tsî nauba ǀuiǀgôas âba. ǀNîb ge ǁîb ǃgâsas, ǁgûb ôas ǀkha gere ǁgoe. 12 ǁÎn ge sas ǃnâ ǁamaǃkhunis marina gere ū, ǀaoǂnâxūs ǃaroma. Sas ge hōǃnās tsî ǃnāsa hōǂgābasens tsîra gere ū tsî xūǃgunuxasib ǃaroma ǀgūkhoen âsa gere ǁgâiǀā, tsîs ge tita ge ǀuru,
tib ge ǃKhūb Eloba ra mî. 13 “Tita ge burugâs ǀkha ra ǁapunǃom, ǂhanuoǃnâ hōǂgābasens hîas gere dīs tsî ǀaoǂnâxūs sas ǃnâ gere īs ǂama. 14 ǁKhoaǂgaoxasiba ūhâs nî tamas ka io sa ǃomkha ǀgaisa kha nî, sas ǀkha ta ga dīxūxa tsēdi ai? Tita ǃKhūta ge ǁîsa go mî tsî nî dī. 15 Tita ge sasa ǁaedi ǃnâ nî ǀgaruǀgaru tsî nau ǃhūga ǃoa nî doeǁgabē; tsî ta ge sa ǃanuoǃnâsiba sasa xu nî ūbē. 16 Sas ǂhunus ǃnâs ge nau ǁaedi mûǁae nî ǃanuoǃnâ, tsîs ge tita a ǃKhū ǃkhaisa nî ǂan.”
Elob di tsunitsuniǃnâ sūs
17 ǃKhūb di mîs ge tita ǃoa ge hā: 18 “Khoenôa ǀgôatse, Israels ge tita ǀurin goab khami iba. ǁÎn hoan ge ǂaib, tinni, ǀurib tsî ǂgoaǀurib tsîn hîa tsunitsuniǃnâ oms ǃnâ hâna, ǁîn ge a ǀhaiǀurib di goa. 19 ǁNā-amagab ge ǃKhūb Eloba nēti ra mî: Hoatsama du ge goa kai, amaga ta ge tita sado Jerusalems ǃnâ nî ǀhaoǀhao. 20 ǀHaiǀurib, ǂaib, ǀurib, ǂgoaǀurib tsî tinni tsîn tsunitsuniǃnâ oms ǃnâ ra ǀhaoǀhaohe, tsîs ǀaesa ra ǃnâihe ǁîn nî tsunitsunihese, ǁnās ǁkhās khami ta ge tita sado ti ǁaib tsî ǀarab ǃnâ ǁnāpa ǂgā tsî nî tsunitsuni. 21 Ā, tita ge sado Jerusalems ǃnâ ǀhaoǀhao tsî ti ǁaib di ǀaesa sadu ai nî ǃgom tsî du ge ǁîs ǃnâ nî tsuni. 22 ǀHaiǀurib tsunitsuniǃnâ oms ǃnâ ra tsunitsunihes ǁkhās khami du ge sado ǁîs ǃnâ nî tsunitsunihe, o du ge tita ǃKhūta ge ti ǁaiba sadu ǂama ǁhōǂui ǃkhaisa nî ǂan.”
Israeli ǂgaeǂgui-aogu di ǁoren
23 ǃKhūb di mîs ge tita ǃoa ge hā: 24 “Khoenôa ǀgôatse ǁîba mîba. Sats ge ǃhūts, ǃanuǃanusa tamats, ǀnanu-i xare-e hō tamatsa ti ǁaib di tsēs ai. 25 ǃHūb ǃnâ hâ gaoǀgôagu ge ǃguru ra xammi, amǀnē-i âba ra ǀkhauǃāb khami i. ǁÎgu ge khoena ge hapu. ǁÎgu ge ǃkhūsib tsî ǁuib tsîkha ge ūbē tsî ǃoatarade ǃhūb ǃnâ ge ǂguiǂgui. 26 Pristergu ge ti ǂhanuba ge khôa tsî ti ǃanusiba ge ǃharaxū. ǁÎgu ge ǃanun tsî ǃanuoǃnân tsîn ǁaegu a ǀgora ǁoa tsî ǃanu-i tsî ǃanuoǃnâ-i tsîn ǁaegu hâ ǃkharagagusiba ǂan tama hâ. Ti Sabattsēde gu ge ra mûǃhara tsî ta ge ǁîgu ǃnâ a ǃharaxūhesase i. 27 ǁÎb di ǂgaeǂgui-aogu ge ǂhiran, amǀnē-i âna ra ǀkhauǃān khami ǀaoǂnâxū tsî ûiba ra hîkākā ǂhanuoǃnâ hōǂgābasens ǃaroma. 28 ǃHūb ǃnâ hâ kēbo-aogu ge ǁîna ǂgoab ǀkha ra ǂkhauǂgan. ǁÎgu ge ǁau xūna ra mû tsî ǂhumiba aimûǀgaru tsî ‘Nētib ge ǃKhūb Eloba ra mî,’ ti ra mî, ǃKhūb ǁnāti mî tama hîa. 29 ǃHūb di ǁaes ge khoena ǁgâiǀā tsî ra ǁgūǀhana. ǁÎn ge ǀkhomǀkhomsan tsî ǂhâb ǃnâ hân tsîna tsūse ra ûi-ū tsî ǃhaokhoena ǂhanuoǃnâse ra ǁgâiǀā. 30 ǁÎn ǁaegu ta ge khoeba ge ôa, ǂnubiǂgoaba nî omkhâib tsî ti aiǃâ ǁhūs hâpa ǃhūba nî mâbaba, ǁîba ta hîkākā tidega, xawe ta ge khoe-i xare-e hō tama ge i. 31 ǁNā-amaga ta ge ti ǁaiba ǁîn ǂama ge ǁhōǂui tsî ǁaixasib di ǀaes ǀkha ǁîna ge hîkākā. ǁÎn di dīga ǃoa ta ge ǁîna ge dīdawa-am,”
tib ge ǃKhūb Eloba ra mî.Jerusalems di ǂkhabadīgu
1 ǃKhūb di mîs ge tita ǃoa ge hā: 2 “Satsa khoenôa ǀgôatse, ǀgoraǃgâts nî ǀaoǂnâxūs di ǃāsa, ǀgoraǃgâts nî ǁîsa? ǁÎsa ǁîs di ui-uisa dīgu hoaga ǂanǂan. 3 Nētib ge ǃKhūb Eloba ra mî, ti ǁîsa mîba. ǁÎs ǂûs ǃnâ ra ǀaoǂnâxū ǃāse sa ǁaeb ge nî hā; sas ǁgôa-elo-īga dībasen tsî aitsama ra ǃanuoǃnâ kaisensa. 4 ǀAoǂnâxūs âs ǃaromas ge a ǀhapixa tsî ǁgôa-elo-īgu hîas ge dībasengu ge ge ǃanuoǃnâ kai si. Sas ge ǀgoraǃgâs âs di tsēsa go ǀgūǀgū; mîǁguisa ǁaeb sa kurigu dib ge go hā. ǁNā-amaga ta ge ǁaedi di ǃharaxūxūse ge māǁnâ si tsî hoa ǃhūgu di ǃhōxūse. 5 Sa ǀgūse hân tsî ǃnūse hân tsîn hoan ge sasa nî ǃhō, sas ǀurixa ǀonsa ūhâs, eloxoresasib xa ǀoa hâsa. 6 Mâ gaoǀgôab Israeli dib sas ǃnâ hâb hoab ge ǀgaib âba sîsenū tsî gere ǀaoǂnâxū. 7 ǁGûb tsî ǁgûs tsîra ge sas ǃnâ ge ǃharaxūhe. ǃHaokhoen ge sas ǃnâ tsūse ge sîsenūhe tsîn ge ǃguniǀgôan tsî ǃoataradi tsîna ge ǁgâiǀāhe. 8 Ti ǃanusigas ge ge ǃharaxū tsîs ge ti Sabattsēde ge ǃanuoǃnâ kai. 9 ǂKhawaǂgā-amaon ge sas ǃnâ hâ, ǀaoǂnâxūs ǃaroma. ǁÎn ge ǃhomgu ai ǂû tsî taotaosa dīga sas ǃnâ gere dī. 10 ǀNîgu ge ǁgûgu di tarade gere ǁgoe-ū, ǀnîgu ge ǁkhâǀaesenna ūhâ khoede ǀgaib ǃnâ gere ǁgoe-ū. 11 ǀNîb ge ǀgūkhoeb âb di tarasa gere ǁgoe-ū tsî nauba ǀuiǀgôas âba. ǀNîb ge ǁîb ǃgâsas, ǁgûb ôas ǀkha gere ǁgoe. 12 ǁÎn ge sas ǃnâ ǁamaǃkhunis marina gere ū, ǀaoǂnâxūs ǃaroma. Sas ge hōǃnās tsî ǃnāsa hōǂgābasens tsîra gere ū tsî xūǃgunuxasib ǃaroma ǀgūkhoen âsa gere ǁgâiǀā, tsîs ge tita ge ǀuru,
tib ge ǃKhūb Eloba ra mî. 13 “Tita ge burugâs ǀkha ra ǁapunǃom, ǂhanuoǃnâ hōǂgābasens hîas gere dīs tsî ǀaoǂnâxūs sas ǃnâ gere īs ǂama. 14 ǁKhoaǂgaoxasiba ūhâs nî tamas ka io sa ǃomkha ǀgaisa kha nî, sas ǀkha ta ga dīxūxa tsēdi ai? Tita ǃKhūta ge ǁîsa go mî tsî nî dī. 15 Tita ge sasa ǁaedi ǃnâ nî ǀgaruǀgaru tsî nau ǃhūga ǃoa nî doeǁgabē; tsî ta ge sa ǃanuoǃnâsiba sasa xu nî ūbē. 16 Sas ǂhunus ǃnâs ge nau ǁaedi mûǁae nî ǃanuoǃnâ, tsîs ge tita a ǃKhū ǃkhaisa nî ǂan.”
Elob di tsunitsuniǃnâ sūs
17 ǃKhūb di mîs ge tita ǃoa ge hā: 18 “Khoenôa ǀgôatse, Israels ge tita ǀurin goab khami iba. ǁÎn hoan ge ǂaib, tinni, ǀurib tsî ǂgoaǀurib tsîn hîa tsunitsuniǃnâ oms ǃnâ hâna, ǁîn ge a ǀhaiǀurib di goa. 19 ǁNā-amagab ge ǃKhūb Eloba nēti ra mî: Hoatsama du ge goa kai, amaga ta ge tita sado Jerusalems ǃnâ nî ǀhaoǀhao. 20 ǀHaiǀurib, ǂaib, ǀurib, ǂgoaǀurib tsî tinni tsîn tsunitsuniǃnâ oms ǃnâ ra ǀhaoǀhaohe, tsîs ǀaesa ra ǃnâihe ǁîn nî tsunitsunihese, ǁnās ǁkhās khami ta ge tita sado ti ǁaib tsî ǀarab ǃnâ ǁnāpa ǂgā tsî nî tsunitsuni. 21 Ā, tita ge sado Jerusalems ǃnâ ǀhaoǀhao tsî ti ǁaib di ǀaesa sadu ai nî ǃgom tsî du ge ǁîs ǃnâ nî tsuni. 22 ǀHaiǀurib tsunitsuniǃnâ oms ǃnâ ra tsunitsunihes ǁkhās khami du ge sado ǁîs ǃnâ nî tsunitsunihe, o du ge tita ǃKhūta ge ti ǁaiba sadu ǂama ǁhōǂui ǃkhaisa nî ǂan.”
Israeli ǂgaeǂgui-aogu di ǁoren
23 ǃKhūb di mîs ge tita ǃoa ge hā: 24 “Khoenôa ǀgôatse ǁîba mîba. Sats ge ǃhūts, ǃanuǃanusa tamats, ǀnanu-i xare-e hō tamatsa ti ǁaib di tsēs ai. 25 ǃHūb ǃnâ hâ gaoǀgôagu ge ǃguru ra xammi, amǀnē-i âba ra ǀkhauǃāb khami i. ǁÎgu ge khoena ge hapu. ǁÎgu ge ǃkhūsib tsî ǁuib tsîkha ge ūbē tsî ǃoatarade ǃhūb ǃnâ ge ǂguiǂgui. 26 Pristergu ge ti ǂhanuba ge khôa tsî ti ǃanusiba ge ǃharaxū. ǁÎgu ge ǃanun tsî ǃanuoǃnân tsîn ǁaegu a ǀgora ǁoa tsî ǃanu-i tsî ǃanuoǃnâ-i tsîn ǁaegu hâ ǃkharagagusiba ǂan tama hâ. Ti Sabattsēde gu ge ra mûǃhara tsî ta ge ǁîgu ǃnâ a ǃharaxūhesase i. 27 ǁÎb di ǂgaeǂgui-aogu ge ǂhiran, amǀnē-i âna ra ǀkhauǃān khami ǀaoǂnâxū tsî ûiba ra hîkākā ǂhanuoǃnâ hōǂgābasens ǃaroma. 28 ǃHūb ǃnâ hâ kēbo-aogu ge ǁîna ǂgoab ǀkha ra ǂkhauǂgan. ǁÎgu ge ǁau xūna ra mû tsî ǂhumiba aimûǀgaru tsî ‘Nētib ge ǃKhūb Eloba ra mî,’ ti ra mî, ǃKhūb ǁnāti mî tama hîa. 29 ǃHūb di ǁaes ge khoena ǁgâiǀā tsî ra ǁgūǀhana. ǁÎn ge ǀkhomǀkhomsan tsî ǂhâb ǃnâ hân tsîna tsūse ra ûi-ū tsî ǃhaokhoena ǂhanuoǃnâse ra ǁgâiǀā. 30 ǁÎn ǁaegu ta ge khoeba ge ôa, ǂnubiǂgoaba nî omkhâib tsî ti aiǃâ ǁhūs hâpa ǃhūba nî mâbaba, ǁîba ta hîkākā tidega, xawe ta ge khoe-i xare-e hō tama ge i. 31 ǁNā-amaga ta ge ti ǁaiba ǁîn ǂama ge ǁhōǂui tsî ǁaixasib di ǀaes ǀkha ǁîna ge hîkākā. ǁÎn di dīga ǃoa ta ge ǁîna ge dīdawa-am,”
tib ge ǃKhūb Eloba ra mî.