ǃAmǀaede mâis
1 ǃKhūb ge Moseb ǃoa ge mî: 2 “Aronna mîba, îb hû ǃamǀaedeb ga ǃamǀaekandelari ai a mâio, ǁîde ǁnāti mâi, î di aisǀkhāb ǃoa ǃnâ.” 3 Aronni ge ǁnāsa ǁnâuǀnam tsî ǃamǀaede ǃamǀaekandelari di aisǀkhāb ǃoa ge mâi. 4 ǀGapikaba xu ǃnakab kōseb ge ǃamǀaekandelara ǂnauǂuisa ǃhuniǀurib ǀkha ge kurusa i, ǃKhūb ge Moseba ǁgau hâ i kuruǀgaub ǃoa.
ǃAnuǃanuhes tsî ǀkhaeǂgāhes Leviǁîn dis
5 ǃKhūb ge Moseba ge mîba: 6 “Leviǁîna Israelǁîna xu ǀgora, î ǁîna 7 sao ra ǀgaub ai ǃanuǃanu: ǁÎna ǃanuǃanus di ǁgam-i ǀkha ǀgapiǀkhā tsî ǁîna mîba, în hoaraga sorodi âna ǂkhom tsî saran ân tsîna ǁā. On ge ǁîna ǃanun ase nî ǃgôahe. 8 ǁÎn ge ǂkham ǁgōb tsî ǂhâbasa ǃhoroǁguibas ǀkhera-oli-i ǀkha habasas tsîna nî ū; sats ge ǁkhawa ǀnî ǁgōba ǁoreǁguibas ǃaroma nî ū. 9 ǁNās khaoǃgâ hoaraga Israelǁîn ǀhûhâsiba ǀhaoǀhao, î Leviǁîna ǃKhūb di Tentommi aiǃâ mâ kai. 10 Israelǁîn ge ǁîn di ǃomga Leviǁîn di danadi ai nî ǁgui, 11 tsîb ge Aronna Leviǁîna ti ǃoabas ǃaroma nî khai, Israelǁîn di ǀō-aisa mās asen ti sîsenna nî dīse. 12 Leviǁîn ge ǁîn di ǃomga ǀgam ǁgōkha di danara ai nî ǁgui; ǀguiba ǁoreǁguibas ǃaroma tsîb nauba khauǁguibas ǃaroma nî ǁguibahese, ǂkhîbagusa Leviǁîn ǃaroma nî dīse.
13 “Leviǁîna ǀō-aisa mās ase ti ǃoabas ǃaroma khai, î gu Aronni tsî ǁîb ôagu tsîga ǁîna ǃkhōdana. 14 Leviǁîna nau Israelǁîna xu ǀgora, în tita ǀguita ǃoaba. 15 ǁÎnats ga ǃanuǃanu tsî khaitoa, on ge ǁîna ti Tentommi ǃnâ sîsensa anuba hâ. 16 ǁÎna ta ge ǂguroǃnaesagu Israelǁîn digu di ǃās ǃnâ ge ǁhûiǂui, tsîn ge ǁnā-amaga tise ǀgui nî hâ. 17 ǂGuroǃnaesagu Egipteb ǃnâ ge ǃnaegu hoaga ta ge ǃgam, o ta ge mâ Israelǁî omaris di ǂguroǃnaesab tsî goman tsî ǀgoan di ǂguroǃnaesagu tsîga tise ge ǀkhae. 18 Xawe ta ge nēsi Leviǁîna Israelǁîn di ǂguroǃnaesagu amǃnâs ai ra ū, 19 tsî ta ge Leviǁîna Israelǁîn di mās ase Aronni tsî ǁîb ôagu di ǃereams ǃnaka ra mâi, în Israelǁîna ǃKhūb di Tentommi ǃnâ ǃoaba tsî ǁîn ǃaroma ǂkhîbagusa dī, în ǁîna ǃAnu ǃKhaib ǀgūsen ga sī, on nî ǂgâǃnâ tsūǃgâba ǁkhaebahe.”
20 ǁNātin ge Moseb, Aronni tsî hoaraga Israelǁîna, ǃKhūb ge Moseba mîmā hâ i khami, Leviǁîna ge khai. 21 Leviǁîn ge ǃanuǃanusen tsî saran âna ge ǁā, tsîb ge Aronna ǁîna ǀō-aisa mās ase ǃKhūb ǃaroma ge khai. ǁÎb ge ǁkhāti ǂkhîbagus di ǁaxasiba ǁîna ge dība. 22 Khoen ge ǃKhūb ge Leviǁîn ǂama Moseba mîmā xūn hoana ge dī. ǁNā-amagan ge Leviǁîna ge anu i ǃKhūb di Tentommi ǃnâ Aronni tsî ǁîb di ôagu tsîgu ǃnaka sîsensa.
23 ǃKhūb ge Moseba ge mîba: 24 “ǀGamdisikoroǀasa xu hâ kurina ūhâ Leviǁî-i hoa-i ge ǁî-i ǁguiǂamsa ǃKhūb di Tentommi ǃnâ a dī ǁkhā, 25 tsî korodisi kuriga i ga sīǃnâ, o-i ge nî sîsenǀû. 26 ǁNās khaoǃgâ i ge ǁî-e, nau horesa Leviǁî-e ǁî-i ǁguiǂamsa ǃKhūb di Tentommi ǃnâ dīs ǀkha a hui ǁkhā, xawe i ge aitsama sîsen-i xare-e dī tide. Nēgu ge Leviǁîn xa nî dīhe ǁguiǂamdi di ǁgaraga.”
ǃAmǀaede mâis
1 ǃKhūb ge Moseb ǃoa ge mî: 2 “Aronna mîba, îb hû ǃamǀaedeb ga ǃamǀaekandelari ai a mâio, ǁîde ǁnāti mâi, î di aisǀkhāb ǃoa ǃnâ.” 3 Aronni ge ǁnāsa ǁnâuǀnam tsî ǃamǀaede ǃamǀaekandelari di aisǀkhāb ǃoa ge mâi. 4 ǀGapikaba xu ǃnakab kōseb ge ǃamǀaekandelara ǂnauǂuisa ǃhuniǀurib ǀkha ge kurusa i, ǃKhūb ge Moseba ǁgau hâ i kuruǀgaub ǃoa.
ǃAnuǃanuhes tsî ǀkhaeǂgāhes Leviǁîn dis
5 ǃKhūb ge Moseba ge mîba: 6 “Leviǁîna Israelǁîna xu ǀgora, î ǁîna 7 sao ra ǀgaub ai ǃanuǃanu: ǁÎna ǃanuǃanus di ǁgam-i ǀkha ǀgapiǀkhā tsî ǁîna mîba, în hoaraga sorodi âna ǂkhom tsî saran ân tsîna ǁā. On ge ǁîna ǃanun ase nî ǃgôahe. 8 ǁÎn ge ǂkham ǁgōb tsî ǂhâbasa ǃhoroǁguibas ǀkhera-oli-i ǀkha habasas tsîna nî ū; sats ge ǁkhawa ǀnî ǁgōba ǁoreǁguibas ǃaroma nî ū. 9 ǁNās khaoǃgâ hoaraga Israelǁîn ǀhûhâsiba ǀhaoǀhao, î Leviǁîna ǃKhūb di Tentommi aiǃâ mâ kai. 10 Israelǁîn ge ǁîn di ǃomga Leviǁîn di danadi ai nî ǁgui, 11 tsîb ge Aronna Leviǁîna ti ǃoabas ǃaroma nî khai, Israelǁîn di ǀō-aisa mās asen ti sîsenna nî dīse. 12 Leviǁîn ge ǁîn di ǃomga ǀgam ǁgōkha di danara ai nî ǁgui; ǀguiba ǁoreǁguibas ǃaroma tsîb nauba khauǁguibas ǃaroma nî ǁguibahese, ǂkhîbagusa Leviǁîn ǃaroma nî dīse.
13 “Leviǁîna ǀō-aisa mās ase ti ǃoabas ǃaroma khai, î gu Aronni tsî ǁîb ôagu tsîga ǁîna ǃkhōdana. 14 Leviǁîna nau Israelǁîna xu ǀgora, în tita ǀguita ǃoaba. 15 ǁÎnats ga ǃanuǃanu tsî khaitoa, on ge ǁîna ti Tentommi ǃnâ sîsensa anuba hâ. 16 ǁÎna ta ge ǂguroǃnaesagu Israelǁîn digu di ǃās ǃnâ ge ǁhûiǂui, tsîn ge ǁnā-amaga tise ǀgui nî hâ. 17 ǂGuroǃnaesagu Egipteb ǃnâ ge ǃnaegu hoaga ta ge ǃgam, o ta ge mâ Israelǁî omaris di ǂguroǃnaesab tsî goman tsî ǀgoan di ǂguroǃnaesagu tsîga tise ge ǀkhae. 18 Xawe ta ge nēsi Leviǁîna Israelǁîn di ǂguroǃnaesagu amǃnâs ai ra ū, 19 tsî ta ge Leviǁîna Israelǁîn di mās ase Aronni tsî ǁîb ôagu di ǃereams ǃnaka ra mâi, în Israelǁîna ǃKhūb di Tentommi ǃnâ ǃoaba tsî ǁîn ǃaroma ǂkhîbagusa dī, în ǁîna ǃAnu ǃKhaib ǀgūsen ga sī, on nî ǂgâǃnâ tsūǃgâba ǁkhaebahe.”
20 ǁNātin ge Moseb, Aronni tsî hoaraga Israelǁîna, ǃKhūb ge Moseba mîmā hâ i khami, Leviǁîna ge khai. 21 Leviǁîn ge ǃanuǃanusen tsî saran âna ge ǁā, tsîb ge Aronna ǁîna ǀō-aisa mās ase ǃKhūb ǃaroma ge khai. ǁÎb ge ǁkhāti ǂkhîbagus di ǁaxasiba ǁîna ge dība. 22 Khoen ge ǃKhūb ge Leviǁîn ǂama Moseba mîmā xūn hoana ge dī. ǁNā-amagan ge Leviǁîna ge anu i ǃKhūb di Tentommi ǃnâ Aronni tsî ǁîb di ôagu tsîgu ǃnaka sîsensa.
23 ǃKhūb ge Moseba ge mîba: 24 “ǀGamdisikoroǀasa xu hâ kurina ūhâ Leviǁî-i hoa-i ge ǁî-i ǁguiǂamsa ǃKhūb di Tentommi ǃnâ a dī ǁkhā, 25 tsî korodisi kuriga i ga sīǃnâ, o-i ge nî sîsenǀû. 26 ǁNās khaoǃgâ i ge ǁî-e, nau horesa Leviǁî-e ǁî-i ǁguiǂamsa ǃKhūb di Tentommi ǃnâ dīs ǀkha a hui ǁkhā, xawe i ge aitsama sîsen-i xare-e dī tide. Nēgu ge Leviǁîn xa nî dīhe ǁguiǂamdi di ǁgaraga.”
