Xristub* di apostelgu*
1 ǁNāti īge ase, a i mâ-i hoa-e Xristub di ǃoaba-ao tsî Elob di ǂganǃgâsigu mûǂamaose sige mû. 2 Tsî ǃaruǀî, mûǂamao-i ge ǁî-i nî ǂgomǂgomsa ǃkhaisa ra ǂgaoǀkhāhe. 3 Xawe i ge tita ǂkhari xūse ība, sadu xa tamas ka io khoesi ǀgoraǃgâ-i xa ǀgoraǃgâhesa, xawe ta ge ǁî-aitsama ǀgoraǃgâsen tama hâ. 4 Tita ǃoagu hâ xū-i xare-e ta ge ǂan tama, xawe ta ge ǁîs ǀkha ǂhanu-ai kaihe tama hâ. ǃKhūb ge tita nî ǀgoraǃgâba. 5 ǁNā-amaga tā ǁaeb hā tama hîa, ǃKhūb nî hās aiǃâ ǀgoraǃgâ. ǁÎb ǁkhāti ǂganǃgâsib ǃnâ hâ xūna ǃkhaenaba xu ǃnâb ǃoa ūhā tsî ǂgaogu di ǀapeǀape-aide nî ǂhaiǂhaiba. ǁNā ǁaeb ai i ge mâ-i hoa-e Eloba xu karesa nî ǃkhōǃoa.
6 ǃGâsado, tita tsî Apolob tsîkhoma ta ge aiǁgaus asera sîsenū, sadu ǁkhāǁkhāsens ǃaroma. Mîs hîa “Xoahe gena ǁnâuǀnam” ti ra mîsa du nî ǁkhāǁkhāsense. Î du tā ǀgui-e ra ǀgapiǀgapiǃâ nau-e ǃharaxū. 7 Mâtits satsa ǀnî khoe-e xu ra ǀkhara? Tsî tare-e du ūhâ Eloba xu du ǃkhōǃoa tama-e? Tsî du ga Eloba xu ǃkhōǃoa hâ, o mâti du ǁnâi ǃkhōǃoa tama du hâ xū-i khami ra koasen?
8 ǀNai du ǂâu hâ kōse ūhâ! ǀNai du ǃkhū hâ! Sige ose du ge gao kai! Tsî amase, ǃhauǃhausa-i ge a noxopa du gao tama ǃkhaisa tsî du ga gao hâ, o da ge ga gaoǀhao hâ. 9 Nēti ta ra ǂâi xui-ao, Elob ge sige apostelge ǁōba anu hâ khoen khami, xū-e harebe tama ǃharos ai ge ǂnûi. Tsî ge ge hoaraga ǀhomǃgān tsî khoen ǃhūbaib dina mûxūse ge ība. 10 Sige ge Xristub ǃaroma gâre, xawe sadu ge Xristub ǃnâ a gā-ai. Sige ge a ǂkhabusa, xawe sadu ge a ǀgaisa. Sadu ge ǃgôasib ǃnâ ūhe hâ, xawe sige ge a ǃharaxūsa. 11 Nēsis kōse ge ge ǃâ tsî ra ǁgâ, ǀharexa sarana ana, ǂnautsûtsûhe, hâǃkhai-e ūhâ tama i, 12 tsî sige ǃomgu ǀkha ǃgom sîsenna ra dī. Mîǁgaiǁgaihe ge ra, xawe ǀkhae, ǃgôaǃgonhe ge ra xawe taniǀnam, 13 mîǁgaiǁgaihe ge ra xawe ge ra khoexase ǃeream. ǃHūbaib di ǀapob khami ge ge ge ī tsî hoan di ǀurisasise, nēsis tsîna.
14 Sado ta nî taotaose ta ge nēna xoa tama hâ, xawe ti ǀnam ǀgôadu ase ta ra ǀau du. 15 Disiǀoadisi ǁkhāǁkhā-aoga du ga Xristub ǃnâ ūhâ, xawe du ge ǂgui ǁgûga ūhâ tama hâ. Tita kom ǃGâiǂhôas ǃnâ-u Xristub Jesub ǃnâ ge sadu di î kaio. 16 ǁNā-amaga ta ti aiǁgausa du nî sao ǃkhaisa ra ǁnama du. 17 ǁNā-amaga ta ge ǃKhūb ǃnâ ti ǀnamsa tsî ǂgomǂgomsa ǀgôab, Timoteuba sadu ǃoa ra sî, ti daogu Xristub Jesub ǃnâ hâgu xab nî ǂâiǂâiǃnâ duse, ǀhaohâgu hoaga ta mâ kerkhe-i hoa-i ǃnâ ra ǁkhāǁkhā khami.
18 Sadu tawa ta sī tide ti ǂâi tsîn ǀnîna ra ǀgapiǀgapisen. 19 ǃKhūb di ǂâis ka, o ta ge ǃhaese sadu tawa ǀgapiǀgapisens ǃhoaxūn ǀguinan ūhâs, tamas ka ion Elob di ǀgaiba ūhâ ǃkhaisa nî ǂanǂuise nî sī. 20 Elob Gaosib ǃhoaxūn di tama tsî a ǀgaib di xui-ao. 21 Mâti du ra ǂgao? ǃNabab ǀkha tamas ka io ǀnammi tsî khoexaǃnâsib gagas ǀkha ta nî sī?
Xristub* di apostelgu*
1 ǁNāti īge ase, a i mâ-i hoa-e Xristub di ǃoaba-ao tsî Elob di ǂganǃgâsigu mûǂamaose sige mû. 2 Tsî ǃaruǀî, mûǂamao-i ge ǁî-i nî ǂgomǂgomsa ǃkhaisa ra ǂgaoǀkhāhe. 3 Xawe i ge tita ǂkhari xūse ība, sadu xa tamas ka io khoesi ǀgoraǃgâ-i xa ǀgoraǃgâhesa, xawe ta ge ǁî-aitsama ǀgoraǃgâsen tama hâ. 4 Tita ǃoagu hâ xū-i xare-e ta ge ǂan tama, xawe ta ge ǁîs ǀkha ǂhanu-ai kaihe tama hâ. ǃKhūb ge tita nî ǀgoraǃgâba. 5 ǁNā-amaga tā ǁaeb hā tama hîa, ǃKhūb nî hās aiǃâ ǀgoraǃgâ. ǁÎb ǁkhāti ǂganǃgâsib ǃnâ hâ xūna ǃkhaenaba xu ǃnâb ǃoa ūhā tsî ǂgaogu di ǀapeǀape-aide nî ǂhaiǂhaiba. ǁNā ǁaeb ai i ge mâ-i hoa-e Eloba xu karesa nî ǃkhōǃoa.
6 ǃGâsado, tita tsî Apolob tsîkhoma ta ge aiǁgaus asera sîsenū, sadu ǁkhāǁkhāsens ǃaroma. Mîs hîa “Xoahe gena ǁnâuǀnam” ti ra mîsa du nî ǁkhāǁkhāsense. Î du tā ǀgui-e ra ǀgapiǀgapiǃâ nau-e ǃharaxū. 7 Mâtits satsa ǀnî khoe-e xu ra ǀkhara? Tsî tare-e du ūhâ Eloba xu du ǃkhōǃoa tama-e? Tsî du ga Eloba xu ǃkhōǃoa hâ, o mâti du ǁnâi ǃkhōǃoa tama du hâ xū-i khami ra koasen?
8 ǀNai du ǂâu hâ kōse ūhâ! ǀNai du ǃkhū hâ! Sige ose du ge gao kai! Tsî amase, ǃhauǃhausa-i ge a noxopa du gao tama ǃkhaisa tsî du ga gao hâ, o da ge ga gaoǀhao hâ. 9 Nēti ta ra ǂâi xui-ao, Elob ge sige apostelge ǁōba anu hâ khoen khami, xū-e harebe tama ǃharos ai ge ǂnûi. Tsî ge ge hoaraga ǀhomǃgān tsî khoen ǃhūbaib dina mûxūse ge ība. 10 Sige ge Xristub ǃaroma gâre, xawe sadu ge Xristub ǃnâ a gā-ai. Sige ge a ǂkhabusa, xawe sadu ge a ǀgaisa. Sadu ge ǃgôasib ǃnâ ūhe hâ, xawe sige ge a ǃharaxūsa. 11 Nēsis kōse ge ge ǃâ tsî ra ǁgâ, ǀharexa sarana ana, ǂnautsûtsûhe, hâǃkhai-e ūhâ tama i, 12 tsî sige ǃomgu ǀkha ǃgom sîsenna ra dī. Mîǁgaiǁgaihe ge ra, xawe ǀkhae, ǃgôaǃgonhe ge ra xawe taniǀnam, 13 mîǁgaiǁgaihe ge ra xawe ge ra khoexase ǃeream. ǃHūbaib di ǀapob khami ge ge ge ī tsî hoan di ǀurisasise, nēsis tsîna.
14 Sado ta nî taotaose ta ge nēna xoa tama hâ, xawe ti ǀnam ǀgôadu ase ta ra ǀau du. 15 Disiǀoadisi ǁkhāǁkhā-aoga du ga Xristub ǃnâ ūhâ, xawe du ge ǂgui ǁgûga ūhâ tama hâ. Tita kom ǃGâiǂhôas ǃnâ-u Xristub Jesub ǃnâ ge sadu di î kaio. 16 ǁNā-amaga ta ti aiǁgausa du nî sao ǃkhaisa ra ǁnama du. 17 ǁNā-amaga ta ge ǃKhūb ǃnâ ti ǀnamsa tsî ǂgomǂgomsa ǀgôab, Timoteuba sadu ǃoa ra sî, ti daogu Xristub Jesub ǃnâ hâgu xab nî ǂâiǂâiǃnâ duse, ǀhaohâgu hoaga ta mâ kerkhe-i hoa-i ǃnâ ra ǁkhāǁkhā khami.
18 Sadu tawa ta sī tide ti ǂâi tsîn ǀnîna ra ǀgapiǀgapisen. 19 ǃKhūb di ǂâis ka, o ta ge ǃhaese sadu tawa ǀgapiǀgapisens ǃhoaxūn ǀguinan ūhâs, tamas ka ion Elob di ǀgaiba ūhâ ǃkhaisa nî ǂanǂuise nî sī. 20 Elob Gaosib ǃhoaxūn di tama tsî a ǀgaib di xui-ao. 21 Mâti du ra ǂgao? ǃNabab ǀkha tamas ka io ǀnammi tsî khoexaǃnâsib gagas ǀkha ta nî sī?
