ǀApas ǃhaodi di khâikhâisens
(2 Kroniks 10:1-19)1 Rehabeammi ge Sexems ǃoa ge ǃgû; hoaraga ǃhaodi Israeli didi ge ǁîba di nî gao-aodīse ǁnāpa ge ǀhao hâ i. 2 Nebati ôab, Jerobeammi ge Salomoba xu ǃhū tsîb Egipteb ǃnâ hâ hîab ge nē ǂhôasa ǁnâu, o Egipteba xu ge oa. 3 Tsîn ge ǁîba ǂgaihā kai tsî ǁîn hoana sī tsî Rehabeamma ǃoa ge mî: 4 “Sa îb Salomob ge ǃgom ǃnaoba ge ǁgui-ai da; sats ga sa îb ge ǁgui-ai da ǃgom ǃoabas tsî ǃnaoba supusupuba da, o da ge sa ǃoabasabese nî hâǀgara.”
5 Ob ge ǁîba ge ǃeream: “ǃNona tsēdi khaoǃgâ du ǁkhawa tita ǃoa hā re.” On ge ge ǃgû.
6 Ob ge gao-aob Rehabeamma, ǁnā kaira ǀapemā-aogu ǁîb îb Salomob ǃoabas ǃnâ ge hâ igu ai ge dî: “Mâti go ra ǂâi, mâti ta nē khoena nî ǃeream?”
7 O gu ge ǁîb ǃoa ge mî: “Nē khoenats ga ǂhanuse ǃoaba ǂgao, o ǁîna ǃgâi ǃereamsa mā re, on ge hoaǁae sa ǃoabasabese nî hâ.” 8 Xaweb ge ǁîba kaira aogu ge mā bi ǀapesa ǁnāxū tsî ǂkham khoegu, ǁîb ǀkha ge kai tsî ǁîb ǃoabas ǃnâ mâgu ai sī ǀape-ôa, 9 tsî ge mî: “Mâti go sago ra ǂâi, mâti ta nē khoen, sa îb ge ǁgui-ai da ǃgom ǃnaoba supusupuba da, ti ra mîna nî ǃeream?”
10 O gu ge ǁîga ge ǃeream: “Nētits ge ǁnā khoen, ‘Sa îb ge sida ǃnaoba ge ǃgomǃgomba da, satsa ǁîba supusupuba da’ ti ge mîna nî ǃeream: ‘Ti ǂkharigaǂenneb ge ti îb di kamanab ǃgâ-ai a ǁau. 11 Ti îb ge sado ǃgom ǃnaoba ge ǁgui-ai, tita ge ǁîba ǃaruǀîǀgui nî ǃgomǃgomba du. Ti îb ge sado ǃnabagu ǀkha gere ǂnau, tita ge sado ǀhūgu ǀkha nî ǂnau.’ ”
12 ǃNona tsēdi khaoǃgân ge gao-aob Jerobeammi tsî hoaraga ǁaes tsîna, mîb ge hâ i khami Rehabeammi tawa a hā, 13 ob ge ǁîna ǁkhōse ge ǃeream. ǁÎb ge kaira aogu di ǀapemāsa ǃharaxū 14 tsî ǁaesa ǂkham khoegu ge ǀapemā bi khami ge ǃeream: “Ti îb ge sado ǃgom ǃnaoba ge ǁgui-ai, tita ge ǁîba ǃaruǀî nî ǃgomǃgomba du. Ti îb ge sado ǃnabagu ǀkha gere ǂnau, tita ge sado ǀhūgu ǀkha nî ǂnau.” 15 Gao-aob ge ǁaes ge ǂgan bi khami dī tama ge i, nē ǃkhais ge ǃKhūba xu hâ i xui-ao; ǃKhūb di mîs, Ahiab, Silos dib ǃnâ-ub ge Nebati ôab Jerobeamma ǃoa mî hâ is nî dīǀoaǀoahese.
16 Tsî khoen ge gao-aob ǁîna ǃgâ ǂgao tama ǃkhaisan ge mûo, ǁîb ǃoa ge mî: “Mâ mî-amǃnâ-e da Davidi tawa ūhâ. Xū-i xare-e da kom Isaib ôab tawa ūhâ tamao. Israelǁîdo sadu omdi ǁga oa, îb Davidi ôaba aitsama mûbasen.” 17 Rehabeammi ge Judab ǃādi ǃnâ ǁan hâ Israelǁîn ǀguin ǂama ge gao-ao kai.
18 Gao-aob Rehabeammi ge Adorammi, ǁgarisîsenni mûǂamaoba Israelǁîn ǁga ge sî, xawen ge Israelǁîna ǁîba ge ǀuiǁhomǃan. Ob ge gao-aob Rehabeamma ǃhaese kunis âb ai ǂoa tsî Jerusalems ǁga ge ǃhū. 19 ǁNātin ge Israelǁîna nētsēs kōse Davidi di ǂgaeǂguisa xu ge ǁnāǁgôa.
20 Israelǁîn ge Jerobeammi ge Egipteba xu oahā ǃkhaisan ge ǁnâu, o ǁaes di ǂnûsa ǃoa ǁkhau bi tsî Israeli hoab ǂama ge gao-aodī bi. Judab ǃhaos ǀguis ge Davidi omma ge saohâhâ.
Semajab di kēbos
(2 Kroniks 11:1-4)21 Rehabeammi ge Jerusalems ǃnâb ge sīo, ǀguikaidisi tsî ǁkhaisadisiǀoadisi ǃkham ǁkhā aoga Judab ǃhaos tsî Benjaminni ǃhaos tsîra xu ge ǀhaoǀhao, Israeli ǃoagub nî torodīga, îs gaosisa ǁkhawa ǁîb, Rehabeammi di. 22 Xaweb ge Eloba kēbo-aob Semajab ǃoa ge mî, 23 îb ǁnā ǂhôasa Rehabeammi tsî Judab tsî Benjaminni ǃhaora di khoen hoana sī mîba: 24 “Tā ǃgûǂoa tsî sadu ǃgâsan, Israelǁîn ǃoagu sī torodī. Mâ-i hoa-i âdo sadu omde ǃoa oa, nē ǃkhais go tita xu ī xuige.” On ge ǃKhūb di mîsa ǁnâuǀnam tsî omdi ân ǁga ge ǁaru.
Jerobeammi di ǁnāǁgôas
25 Gao-aob Jerobeammi ge Sexemsa Efraimǃhomgu ǃnâ ǂnubikhâi tsî ǁnāpa ǁaero-e sī ge ǁan tsîb ge ǁnāpa xu ǃgû tsî Penuelsa sī ge ǂnubi. 26 Jerobeammi ge ǁîb ǂûb ǃnâ ge mî: “Nēsis ge gaosisa ǁkhawa Davidi omma ǃoa nî oa. 27 Nē ǁaes ga Jerusalems ǁga a ǃgû, ǃKhūb ommi ǃnân sī nî ǁguibase, on ge ǁkhawa Judab gao-aob Rehabeamma ǃoa nî oa tsîn ge tita nî ǃgam.”
28 ǁNā-amagab ge gao-aoba ǂâiǃgâ tsî ǀgam ǃhuniǀuritsâukha kuru tsî ǁîb khoen ǃoa ge mî: “ǂÂu hâse du ge Jerusalems ǁga ge ǀgoreǀîǃgû. Israelǁîdo, nēkha ge sadu elokha, Egipteba xu ge ǂgaeǂguiǂui du kha.” 29 Tsîb ge ǀguiba Betels ǃnâ mâi tsî nauba Dans ǃnâ ge mâi. 30 Nē dīǃkhais ge ǁaes ge ǁore ǃkhaisa ge ǃaroma, ǀgui īb ǃaroman ge Dans kōse gere ǃgû amaga. 31 Jerobeammi ge ǁkhāti ǀgapigu ai ǀgoreǀîǃkhaide dī tsî ǁaesa xu Leviǁî tama khoega pristerse ge ǁgaumâi.
Betels tawa ǀgoreǀîs ge ra ǀgoraǃgâhe
32 ǃAruǀîb ge Jerobeamma disikoroǀaǁî tsēs ǁkhaisaǁî ǁkhâb dis ai, Judab ǃnâ ra dīhes ǁkhās khami ī kaitsēsa ge tsēdī. ǁÎb ge Betels ǃnâ ǃhuniǀuritsâukha hîab ge kurukha di altars ai ǁguibade ge ǁguiba; tsîb ge ǁîb ge kuru ǀgoreǀîǃkhaidi ai nî ǃoaba pristerga Betels ǃnâ ge ǁgaumâi. 33 Tsîb ge disikoroǀaǁî tsēs ǁkhaisaǁî ǁkhâb dis, ǁîb ǂûb ge aitsama ǂnûiǂgās ai Betels ǁga ǃgû tsî altars ai, Israelǁînab ge ǂnûiǂgāba kaitsēs ai ǁguibasa ge ǁguiba.
ǀApas ǃhaodi di khâikhâisens
(2 Kroniks 10:1-19)1 Rehabeammi ge Sexems ǃoa ge ǃgû; hoaraga ǃhaodi Israeli didi ge ǁîba di nî gao-aodīse ǁnāpa ge ǀhao hâ i. 2 Nebati ôab, Jerobeammi ge Salomoba xu ǃhū tsîb Egipteb ǃnâ hâ hîab ge nē ǂhôasa ǁnâu, o Egipteba xu ge oa. 3 Tsîn ge ǁîba ǂgaihā kai tsî ǁîn hoana sī tsî Rehabeamma ǃoa ge mî: 4 “Sa îb Salomob ge ǃgom ǃnaoba ge ǁgui-ai da; sats ga sa îb ge ǁgui-ai da ǃgom ǃoabas tsî ǃnaoba supusupuba da, o da ge sa ǃoabasabese nî hâǀgara.”
5 Ob ge ǁîba ge ǃeream: “ǃNona tsēdi khaoǃgâ du ǁkhawa tita ǃoa hā re.” On ge ge ǃgû.
6 Ob ge gao-aob Rehabeamma, ǁnā kaira ǀapemā-aogu ǁîb îb Salomob ǃoabas ǃnâ ge hâ igu ai ge dî: “Mâti go ra ǂâi, mâti ta nē khoena nî ǃeream?”
7 O gu ge ǁîb ǃoa ge mî: “Nē khoenats ga ǂhanuse ǃoaba ǂgao, o ǁîna ǃgâi ǃereamsa mā re, on ge hoaǁae sa ǃoabasabese nî hâ.” 8 Xaweb ge ǁîba kaira aogu ge mā bi ǀapesa ǁnāxū tsî ǂkham khoegu, ǁîb ǀkha ge kai tsî ǁîb ǃoabas ǃnâ mâgu ai sī ǀape-ôa, 9 tsî ge mî: “Mâti go sago ra ǂâi, mâti ta nē khoen, sa îb ge ǁgui-ai da ǃgom ǃnaoba supusupuba da, ti ra mîna nî ǃeream?”
10 O gu ge ǁîga ge ǃeream: “Nētits ge ǁnā khoen, ‘Sa îb ge sida ǃnaoba ge ǃgomǃgomba da, satsa ǁîba supusupuba da’ ti ge mîna nî ǃeream: ‘Ti ǂkharigaǂenneb ge ti îb di kamanab ǃgâ-ai a ǁau. 11 Ti îb ge sado ǃgom ǃnaoba ge ǁgui-ai, tita ge ǁîba ǃaruǀîǀgui nî ǃgomǃgomba du. Ti îb ge sado ǃnabagu ǀkha gere ǂnau, tita ge sado ǀhūgu ǀkha nî ǂnau.’ ”
12 ǃNona tsēdi khaoǃgân ge gao-aob Jerobeammi tsî hoaraga ǁaes tsîna, mîb ge hâ i khami Rehabeammi tawa a hā, 13 ob ge ǁîna ǁkhōse ge ǃeream. ǁÎb ge kaira aogu di ǀapemāsa ǃharaxū 14 tsî ǁaesa ǂkham khoegu ge ǀapemā bi khami ge ǃeream: “Ti îb ge sado ǃgom ǃnaoba ge ǁgui-ai, tita ge ǁîba ǃaruǀî nî ǃgomǃgomba du. Ti îb ge sado ǃnabagu ǀkha gere ǂnau, tita ge sado ǀhūgu ǀkha nî ǂnau.” 15 Gao-aob ge ǁaes ge ǂgan bi khami dī tama ge i, nē ǃkhais ge ǃKhūba xu hâ i xui-ao; ǃKhūb di mîs, Ahiab, Silos dib ǃnâ-ub ge Nebati ôab Jerobeamma ǃoa mî hâ is nî dīǀoaǀoahese.
16 Tsî khoen ge gao-aob ǁîna ǃgâ ǂgao tama ǃkhaisan ge mûo, ǁîb ǃoa ge mî: “Mâ mî-amǃnâ-e da Davidi tawa ūhâ. Xū-i xare-e da kom Isaib ôab tawa ūhâ tamao. Israelǁîdo sadu omdi ǁga oa, îb Davidi ôaba aitsama mûbasen.” 17 Rehabeammi ge Judab ǃādi ǃnâ ǁan hâ Israelǁîn ǀguin ǂama ge gao-ao kai.
18 Gao-aob Rehabeammi ge Adorammi, ǁgarisîsenni mûǂamaoba Israelǁîn ǁga ge sî, xawen ge Israelǁîna ǁîba ge ǀuiǁhomǃan. Ob ge gao-aob Rehabeamma ǃhaese kunis âb ai ǂoa tsî Jerusalems ǁga ge ǃhū. 19 ǁNātin ge Israelǁîna nētsēs kōse Davidi di ǂgaeǂguisa xu ge ǁnāǁgôa.
20 Israelǁîn ge Jerobeammi ge Egipteba xu oahā ǃkhaisan ge ǁnâu, o ǁaes di ǂnûsa ǃoa ǁkhau bi tsî Israeli hoab ǂama ge gao-aodī bi. Judab ǃhaos ǀguis ge Davidi omma ge saohâhâ.
Semajab di kēbos
(2 Kroniks 11:1-4)21 Rehabeammi ge Jerusalems ǃnâb ge sīo, ǀguikaidisi tsî ǁkhaisadisiǀoadisi ǃkham ǁkhā aoga Judab ǃhaos tsî Benjaminni ǃhaos tsîra xu ge ǀhaoǀhao, Israeli ǃoagub nî torodīga, îs gaosisa ǁkhawa ǁîb, Rehabeammi di. 22 Xaweb ge Eloba kēbo-aob Semajab ǃoa ge mî, 23 îb ǁnā ǂhôasa Rehabeammi tsî Judab tsî Benjaminni ǃhaora di khoen hoana sī mîba: 24 “Tā ǃgûǂoa tsî sadu ǃgâsan, Israelǁîn ǃoagu sī torodī. Mâ-i hoa-i âdo sadu omde ǃoa oa, nē ǃkhais go tita xu ī xuige.” On ge ǃKhūb di mîsa ǁnâuǀnam tsî omdi ân ǁga ge ǁaru.
Jerobeammi di ǁnāǁgôas
25 Gao-aob Jerobeammi ge Sexemsa Efraimǃhomgu ǃnâ ǂnubikhâi tsî ǁnāpa ǁaero-e sī ge ǁan tsîb ge ǁnāpa xu ǃgû tsî Penuelsa sī ge ǂnubi. 26 Jerobeammi ge ǁîb ǂûb ǃnâ ge mî: “Nēsis ge gaosisa ǁkhawa Davidi omma ǃoa nî oa. 27 Nē ǁaes ga Jerusalems ǁga a ǃgû, ǃKhūb ommi ǃnân sī nî ǁguibase, on ge ǁkhawa Judab gao-aob Rehabeamma ǃoa nî oa tsîn ge tita nî ǃgam.”
28 ǁNā-amagab ge gao-aoba ǂâiǃgâ tsî ǀgam ǃhuniǀuritsâukha kuru tsî ǁîb khoen ǃoa ge mî: “ǂÂu hâse du ge Jerusalems ǁga ge ǀgoreǀîǃgû. Israelǁîdo, nēkha ge sadu elokha, Egipteba xu ge ǂgaeǂguiǂui du kha.” 29 Tsîb ge ǀguiba Betels ǃnâ mâi tsî nauba Dans ǃnâ ge mâi. 30 Nē dīǃkhais ge ǁaes ge ǁore ǃkhaisa ge ǃaroma, ǀgui īb ǃaroman ge Dans kōse gere ǃgû amaga. 31 Jerobeammi ge ǁkhāti ǀgapigu ai ǀgoreǀîǃkhaide dī tsî ǁaesa xu Leviǁî tama khoega pristerse ge ǁgaumâi.
Betels tawa ǀgoreǀîs ge ra ǀgoraǃgâhe
32 ǃAruǀîb ge Jerobeamma disikoroǀaǁî tsēs ǁkhaisaǁî ǁkhâb dis ai, Judab ǃnâ ra dīhes ǁkhās khami ī kaitsēsa ge tsēdī. ǁÎb ge Betels ǃnâ ǃhuniǀuritsâukha hîab ge kurukha di altars ai ǁguibade ge ǁguiba; tsîb ge ǁîb ge kuru ǀgoreǀîǃkhaidi ai nî ǃoaba pristerga Betels ǃnâ ge ǁgaumâi. 33 Tsîb ge disikoroǀaǁî tsēs ǁkhaisaǁî ǁkhâb dis, ǁîb ǂûb ge aitsama ǂnûiǂgās ai Betels ǁga ǃgû tsî altars ai, Israelǁînab ge ǂnûiǂgāba kaitsēs ai ǁguibasa ge ǁguiba.
