ǃGâihamxūna ǂhubi-ais di altars
(Eksodus 37:25-28)1 “Altars ǃgâihamxūn nî ǂhubi-aihesa akasiahain ǀkha kuru. 2 ǁÎs ge nî hakaǀkhāxa, hakadisikoroǀa sentimeterga gaxu, hakadisikoroǀa sentimeterga ǂhaba tsî khoesedisi sentimeterga nî ǀgapi. ǁÎs di ǁnâgu, haka ǁhôadi ai hâgu ge ǁkhā haiba xu ǀgui nî hâ. 3 ǁÎs di ǀgapiseba, hoa haka ǀkhāgu, ǁîs di ǁhôadi ai ra ǃkhāǂoaxa ǁnâgu tsîna ǃūmû ǃhuniǀurib ǀkha ǃkhûǀkhā, î ǃhuniǀuriǃgarib ǀkha ǁguiǂnami. 4 ǀGam ǃkhāǃkharuǃnâ ǃhuniǀurirâira tani-aihaikha nî ǃkhāǃkharuǃnâhera kuru, î ǃhuniǀuriǃgarib ǃnaka, mâǃoagu hâ ǀkhākha ai kuruǂnûi. 5 Nē tani-aihaikha akasiahain ǀkha kuru, î ǃhuniǀurib ǀkha ǃkhûǀkhā. 6 Altarsa ǃGaeǀhaos ǂGaes aisǀkhāb ai mâ ǂgāmâisab ǃauga mâi. ǁNās ge ǃkhais tita sats ǀkha nî ǀhaosa. 7 Mâ ǁgoagas Aronni ga hā ǃamǀaede ǂhomis hoas aib ge ǁîba îsase ra ham ǃgâihamxūna ǁîs ai nî ǂhubi. 8 ǃOes ǃnâb ga ǁîba ǃamǀaede hā ǃams tsînab ge ǃgâihamxūna altars ai nî ǂhubi. ǃGoaxaǁaeb ǃnâs ge nē ǃgâihamxūn di ǁguibasa ǃKhūb di ǃgôasib ǃaroma ǀgui tsēs tsîna ǃkharu kaihe tamase nî ǁguibahe. 9 Tā nē altars ai ǃanuoǃnâse ī ǃgâihamxū-i, khauǁguibas tsî ǃhoroǁguibas tsîna ǁguiba tamas ka io ǂauxûiǁguibas ase tā ǂauxûi-i xare-e ǁîs ai ǂnâǂui. 10 Ab Aronna kurib ǃnâ ǀgui ǃnāsa altarsa ǂkhîbagus di ǁāxasib ase, hoa haka ǁhôadi altars didi ai ra ǃkhāǂoaxa ǁnâgu ai ǁguibahe ra ǀgoa-i di ǀaoba mâi. ǃGoaxaǁaeb hoabas ge ǂkhîbagusa mâ kurib hoaba nî dīhe. Nēs ge hoan xa ǃanu ǃkhais ǃKhūb ǃaroma nî khaihesa.”
Tentommi di ǁgui-aimaris
11 Tsîb ge ǃKhūba Moseb ǃoa ge mî: 12 “Israelǁînats ga xoakhâi kai, o-i ge mâ khoe-i hîa ra xoakhâihe-i hoa-e ǁî-i ûib ǃaroma ǃKhūba nî matare. O i ge ǁkhara-ai-i xare-e ǁîna ǂkhôa tide, xoakhâihes ǀkhan a ǀhabe-ūhe hîa. 13 Mâ-i hoa-i hîa xoakhâihe hâ-i ge mîǁguisa maris, ǂanǃgâsa ǀnōǀgaub di ǁgarab ǃoa hâsa nî matare. Mâ-i hoa-i ge nēsa ǁguibas ase nî matare te. 14 Mâ-i hoa-i xoakhâihe hâ-i, ǀgamdisi kurigu tsî ǁnās xa ǃnāsa kurigu ūhâ-i hoa-i ge nē marisa ti ǃgôasib ǃaroma nî matare. 15 ǁNān ǃkhū hân ge ǃnāsase tsî ǀgâsana ǀorose ǁîn di ûib ǃaroma ǃKhūba matare tide. 16 Nē ǂkhîbagus marisa Israelǁîna xu ǀhaoǀhao, îs ti Tentommi kōǃgâs ǃoa sîsenūhe. Nē ǁgui-aimaris ge ǁîn di ûib ǃaroma ra matarehe, tsî ta ge tita ǁîna sâusa ǀuru tide.”
Bronsǃoreb
17 Tsîb ge ǃKhūba Moseb ǃoa ge mî: 18 “Brons-i ǀkha kurusa kai ǃoreb, bronsǃgaoǃgaoba ūhâba kuru, î ǁîba ǃKhūb di Tentommi tsî altars tsîra ǁaegu mâi, î ǁîb ǃnâ ǁgam-e ǁhō. 19 Aronni tsî ǁîb ôagu tsîgu ge nē ǁgam-i ǀkha ǁîgu ǃomgu tsî ǂaide ǁnāpa nî ǁā, 20 ǃKhūb di Tentommi tamas ka io gu altars tawa ǀgū tsî ǂûǁguibasa nî ǁguibas aiǃâ. Nēsa gu ga dī o gu ge ǃgamhe tide. 21 ǁÎgu ǃomgu tsî ǂaidi tsîna gu ge ǃgamhe gu tidega nî ǁā. Nēb ge ǁîb tsî ǁîb di surib ǃaroma nî hâhâ ǁgaraba.”
ǀNau-ū-oli-i
22 Tsîb ge ǃKhūba Moseb ǃoa ge mî: 23 “Tsaura ǂûǁkhoaǁkhoaxūn: ǃNani kiloxramgu xare miren, ǃnona kiloxramgu ǂkhon hamma ūhâ ǁkhoaǁkhoamûxū-i kanel ti ra ǂgaihe-i, ǃnona kiloxramgu ǂkhon hamma ūhâ ǂā-i, 24 tsî ǃnani kiloxramgu ǂkhon hamma ūhâ ǁkhoaǁkhoamûxū-i kasia ti ra ǂgaihe-i tsîna ū (hoan ge ǂanǃgâsa ǀgaub ai ra ǀnōhe). Haka litergu ǀkhera-oli-e ǀaro, 25 tsî ǃnâu ǀnau-ū-oli-e dī, î ǃgâihamxū-i khami haba. 26 ǁÎ-i ǀkha ǃKhūb di Tentommi, ǃGaeǀhaos ǂGaes, 27 tāb tsî ǁîb ai hâ sîsenūxūn, ǃamǀaekandelari tsî ǁîb ai hâ xūn, ǃgâihamxūna ǂhubi-ais di altars, 28 ǁguibade ǂhubi-ais di altars tsî ǁîs ai hâ sîsenūxūn hoan ǀkha tsî brons-i ǀkha kurusa ǁāsenǃnâǃoreb tsîna ǁîb di ǃgaoǃgaob hoab ǀkha ǀnau. 29 Nē xūna ǁnāti ǃanuǃanu, în hoaragase ǃanu tsî mâ khoe-i tamas ka io xū-i ǁîs ai ga tsâǀkhā-i hoa-i ge nî ǃanu. 30 Aronni tsî ǁîb ôagu tsîna ǁkhāti nē oli-i ǀkha ǀnau. Nē ǀgaus ai gu ge tita ǃoabas ǃaroma khaihe tsî pristerse nî ǃoaba te. 31 Tsî Israelǁîna nēti mîba: ‘Nē ǃnâu, ǀnau-ū ǀkhera-oli-i ge ti ǃoabas, hā nî surigu hoagu dis ǃaroma nî sîsenūhe. 32 Mâ khoe-i hoa-i ai-i ge nē ǀkhera-oli-e sîsenūhe tide, tsî ǁkhāti ǁkhā saogub ǁî-e haba-ūhes dib ge saohe tide. ǁÎ-i ge a ǃnâu tsî ǃnâuse nî ǃgapaǀîhe. 33 Nē ǃnâu ǀkhera-oli-i khami ī oli-e ga kuru khoe-i tamas ka io ga prister tama khoe-e ǁî-i ǀkha ǀnau-i hoa-i ge ǃaruǀî ti khoen di ǀgui-i ase ǃgapaǀîhe tide.’ ”
ǃGâihamxūn ǃKhūb di Tentommi ǃaroma
34 Tsîb ge ǃKhūba Moseb ǃoa ge mî: “Sao ra ǃgâihamxūn xa ǀguitikōse mâ-i hoa-e xu ǃâro-e ū: Stakten, miren, galbanum-i tsî ǃūmû wirok-i tsîna. 35 ǁÎn ǀkha ǃgâihamxūna kuru, ǃgâihamkuru-ao-i ra kuru khami. ǂŌ-e ǁî-i tawa ǀaro, ǃanu tsî ǃnâuse i nî hâse. 36 ǀNîna ǂkhari ǃârodi ǃnâ tsaurase xōn, î ǁî-e ti Tentommi ǃnâ ǂgâxa-ū tsî ǃGaeǀhaos ǂGaes aiǃâ sī tsoro. ǁÎ-e hoaragase ǃnâuse ǃgapaǀî re. 37 Tā ǁkhā saogub nē ǃgâihamxū-i ra haba-ūheba sao. ǁÎ-i ge ǃnâu tsî ǃanuse ǃKhūb di ǃgôasib ǃaroma nî ǃgapaǀîhe. 38 Nē ǃgâihamxū-i khami ī ǃgâihamxū-e kuru tsî ga sîsenū khoe-i hoa-i ge ǃaruǀî ti khoen di ǀgui-i ase ǃgapaǀîhe tide.”
ǃGâihamxūna ǂhubi-ais di altars
(Eksodus 37:25-28)1 “Altars ǃgâihamxūn nî ǂhubi-aihesa akasiahain ǀkha kuru. 2 ǁÎs ge nî hakaǀkhāxa, hakadisikoroǀa sentimeterga gaxu, hakadisikoroǀa sentimeterga ǂhaba tsî khoesedisi sentimeterga nî ǀgapi. ǁÎs di ǁnâgu, haka ǁhôadi ai hâgu ge ǁkhā haiba xu ǀgui nî hâ. 3 ǁÎs di ǀgapiseba, hoa haka ǀkhāgu, ǁîs di ǁhôadi ai ra ǃkhāǂoaxa ǁnâgu tsîna ǃūmû ǃhuniǀurib ǀkha ǃkhûǀkhā, î ǃhuniǀuriǃgarib ǀkha ǁguiǂnami. 4 ǀGam ǃkhāǃkharuǃnâ ǃhuniǀurirâira tani-aihaikha nî ǃkhāǃkharuǃnâhera kuru, î ǃhuniǀuriǃgarib ǃnaka, mâǃoagu hâ ǀkhākha ai kuruǂnûi. 5 Nē tani-aihaikha akasiahain ǀkha kuru, î ǃhuniǀurib ǀkha ǃkhûǀkhā. 6 Altarsa ǃGaeǀhaos ǂGaes aisǀkhāb ai mâ ǂgāmâisab ǃauga mâi. ǁNās ge ǃkhais tita sats ǀkha nî ǀhaosa. 7 Mâ ǁgoagas Aronni ga hā ǃamǀaede ǂhomis hoas aib ge ǁîba îsase ra ham ǃgâihamxūna ǁîs ai nî ǂhubi. 8 ǃOes ǃnâb ga ǁîba ǃamǀaede hā ǃams tsînab ge ǃgâihamxūna altars ai nî ǂhubi. ǃGoaxaǁaeb ǃnâs ge nē ǃgâihamxūn di ǁguibasa ǃKhūb di ǃgôasib ǃaroma ǀgui tsēs tsîna ǃkharu kaihe tamase nî ǁguibahe. 9 Tā nē altars ai ǃanuoǃnâse ī ǃgâihamxū-i, khauǁguibas tsî ǃhoroǁguibas tsîna ǁguiba tamas ka io ǂauxûiǁguibas ase tā ǂauxûi-i xare-e ǁîs ai ǂnâǂui. 10 Ab Aronna kurib ǃnâ ǀgui ǃnāsa altarsa ǂkhîbagus di ǁāxasib ase, hoa haka ǁhôadi altars didi ai ra ǃkhāǂoaxa ǁnâgu ai ǁguibahe ra ǀgoa-i di ǀaoba mâi. ǃGoaxaǁaeb hoabas ge ǂkhîbagusa mâ kurib hoaba nî dīhe. Nēs ge hoan xa ǃanu ǃkhais ǃKhūb ǃaroma nî khaihesa.”
Tentommi di ǁgui-aimaris
11 Tsîb ge ǃKhūba Moseb ǃoa ge mî: 12 “Israelǁînats ga xoakhâi kai, o-i ge mâ khoe-i hîa ra xoakhâihe-i hoa-e ǁî-i ûib ǃaroma ǃKhūba nî matare. O i ge ǁkhara-ai-i xare-e ǁîna ǂkhôa tide, xoakhâihes ǀkhan a ǀhabe-ūhe hîa. 13 Mâ-i hoa-i hîa xoakhâihe hâ-i ge mîǁguisa maris, ǂanǃgâsa ǀnōǀgaub di ǁgarab ǃoa hâsa nî matare. Mâ-i hoa-i ge nēsa ǁguibas ase nî matare te. 14 Mâ-i hoa-i xoakhâihe hâ-i, ǀgamdisi kurigu tsî ǁnās xa ǃnāsa kurigu ūhâ-i hoa-i ge nē marisa ti ǃgôasib ǃaroma nî matare. 15 ǁNān ǃkhū hân ge ǃnāsase tsî ǀgâsana ǀorose ǁîn di ûib ǃaroma ǃKhūba matare tide. 16 Nē ǂkhîbagus marisa Israelǁîna xu ǀhaoǀhao, îs ti Tentommi kōǃgâs ǃoa sîsenūhe. Nē ǁgui-aimaris ge ǁîn di ûib ǃaroma ra matarehe, tsî ta ge tita ǁîna sâusa ǀuru tide.”
Bronsǃoreb
17 Tsîb ge ǃKhūba Moseb ǃoa ge mî: 18 “Brons-i ǀkha kurusa kai ǃoreb, bronsǃgaoǃgaoba ūhâba kuru, î ǁîba ǃKhūb di Tentommi tsî altars tsîra ǁaegu mâi, î ǁîb ǃnâ ǁgam-e ǁhō. 19 Aronni tsî ǁîb ôagu tsîgu ge nē ǁgam-i ǀkha ǁîgu ǃomgu tsî ǂaide ǁnāpa nî ǁā, 20 ǃKhūb di Tentommi tamas ka io gu altars tawa ǀgū tsî ǂûǁguibasa nî ǁguibas aiǃâ. Nēsa gu ga dī o gu ge ǃgamhe tide. 21 ǁÎgu ǃomgu tsî ǂaidi tsîna gu ge ǃgamhe gu tidega nî ǁā. Nēb ge ǁîb tsî ǁîb di surib ǃaroma nî hâhâ ǁgaraba.”
ǀNau-ū-oli-i
22 Tsîb ge ǃKhūba Moseb ǃoa ge mî: 23 “Tsaura ǂûǁkhoaǁkhoaxūn: ǃNani kiloxramgu xare miren, ǃnona kiloxramgu ǂkhon hamma ūhâ ǁkhoaǁkhoamûxū-i kanel ti ra ǂgaihe-i, ǃnona kiloxramgu ǂkhon hamma ūhâ ǂā-i, 24 tsî ǃnani kiloxramgu ǂkhon hamma ūhâ ǁkhoaǁkhoamûxū-i kasia ti ra ǂgaihe-i tsîna ū (hoan ge ǂanǃgâsa ǀgaub ai ra ǀnōhe). Haka litergu ǀkhera-oli-e ǀaro, 25 tsî ǃnâu ǀnau-ū-oli-e dī, î ǃgâihamxū-i khami haba. 26 ǁÎ-i ǀkha ǃKhūb di Tentommi, ǃGaeǀhaos ǂGaes, 27 tāb tsî ǁîb ai hâ sîsenūxūn, ǃamǀaekandelari tsî ǁîb ai hâ xūn, ǃgâihamxūna ǂhubi-ais di altars, 28 ǁguibade ǂhubi-ais di altars tsî ǁîs ai hâ sîsenūxūn hoan ǀkha tsî brons-i ǀkha kurusa ǁāsenǃnâǃoreb tsîna ǁîb di ǃgaoǃgaob hoab ǀkha ǀnau. 29 Nē xūna ǁnāti ǃanuǃanu, în hoaragase ǃanu tsî mâ khoe-i tamas ka io xū-i ǁîs ai ga tsâǀkhā-i hoa-i ge nî ǃanu. 30 Aronni tsî ǁîb ôagu tsîna ǁkhāti nē oli-i ǀkha ǀnau. Nē ǀgaus ai gu ge tita ǃoabas ǃaroma khaihe tsî pristerse nî ǃoaba te. 31 Tsî Israelǁîna nēti mîba: ‘Nē ǃnâu, ǀnau-ū ǀkhera-oli-i ge ti ǃoabas, hā nî surigu hoagu dis ǃaroma nî sîsenūhe. 32 Mâ khoe-i hoa-i ai-i ge nē ǀkhera-oli-e sîsenūhe tide, tsî ǁkhāti ǁkhā saogub ǁî-e haba-ūhes dib ge saohe tide. ǁÎ-i ge a ǃnâu tsî ǃnâuse nî ǃgapaǀîhe. 33 Nē ǃnâu ǀkhera-oli-i khami ī oli-e ga kuru khoe-i tamas ka io ga prister tama khoe-e ǁî-i ǀkha ǀnau-i hoa-i ge ǃaruǀî ti khoen di ǀgui-i ase ǃgapaǀîhe tide.’ ”
ǃGâihamxūn ǃKhūb di Tentommi ǃaroma
34 Tsîb ge ǃKhūba Moseb ǃoa ge mî: “Sao ra ǃgâihamxūn xa ǀguitikōse mâ-i hoa-e xu ǃâro-e ū: Stakten, miren, galbanum-i tsî ǃūmû wirok-i tsîna. 35 ǁÎn ǀkha ǃgâihamxūna kuru, ǃgâihamkuru-ao-i ra kuru khami. ǂŌ-e ǁî-i tawa ǀaro, ǃanu tsî ǃnâuse i nî hâse. 36 ǀNîna ǂkhari ǃârodi ǃnâ tsaurase xōn, î ǁî-e ti Tentommi ǃnâ ǂgâxa-ū tsî ǃGaeǀhaos ǂGaes aiǃâ sī tsoro. ǁÎ-e hoaragase ǃnâuse ǃgapaǀî re. 37 Tā ǁkhā saogub nē ǃgâihamxū-i ra haba-ūheba sao. ǁÎ-i ge ǃnâu tsî ǃanuse ǃKhūb di ǃgôasib ǃaroma nî ǃgapaǀîhe. 38 Nē ǃgâihamxū-i khami ī ǃgâihamxū-e kuru tsî ga sîsenū khoe-i hoa-i ge ǃaruǀî ti khoen di ǀgui-i ase ǃgapaǀîhe tide.”
