Xoa-aob di ǂgaeǂguiǂgās
1 ǃNakas ge ǂkhanis Baruxi xa ge Babilons ǃnâ xoahesa hâ. Baruxi ge Nerajab ôaba, Nerajab ge Maseiab ôaba, Maseiab ge Sedekiab ôaba, Sedekiab ge Hasadiab ôaba tsî Hasadiab ge Hilkiab ôaba. 2 Nē ǂkhanisab ge koroǁî ǂâiǂâisens tsēs, Babiloniaǁîn ge Jerusalemsa ǀhana tsî ǃāsa ǃkhāǂhubis ai ge xoa. 3-4 Baruxi ge ǂkhanisa Joakimmi ôab Jojaxinni, Judab gao-aob tsî hoaraga khoena ǃgarise ge khomaiba. ǀGapi ǂgīǂgōsi ǂgaeǂgui-aogu, gaoǀgôagu, gagasi ǂgaeǂgui-aogu, kain tsî ǂkhamn tsîn hoan, Babilons ǃnâ, Sudǃāb tawa ge ǁan hâ in ge khomaihe rana nî ǁnâuse ge hā.
5 Baruxi gere ǂkhanisa khomai, o-i ge mâ-i hoa-e ā, ǂûtama* hâ tsî ǃKhūb ǃoa gere ǀgore. 6 ǁÎn ge ǂâu hâ mari-e mâ-i hoa-i mā ǁkhāse ge ǀhaoǀhao 7 tsîs ge nē ǃhamsa Jerusalems ǃoa, Joakimmi ǀgapipristeri, Hilkiab ôab tsî Salummi ǁnuriǀgôab, ǀnî hâ pristergu tsî hoaraga khoen ǁîb ǀkha Jerusalems ǃnâ hân ǃoa ge sîhe.
8 Disiǁî tsēs Sivanǁkhâb dis aib ge Baruxa ǃKhūb di Tempela xu ge Babiloniaǁîn xa ǀgaib ǃnâ tanibēhe hâ i ǃanu sîsenūxūna ū tsî Judaba ge mā-oa. Nēn ge ǀhaiǀuri ǃanu sîsenūxūn, Sedekiab, Judab gao-aob, Josiab ôab ge kuruhen nî ǃkhaisa mîmā hâ i xūn, 9 gao-aob Nebukadnesari Babilons dib ge Jehojakimmi, ǂgaeǂgui-aogu, sîsenǁkhāsiba ūhâ xūkuru-aogu, ǀgapi ǂgīǂgōsi ǂgaeǂgui-aogu tsî hoaraga khoen ǃhūb dina Jerusalemsa xu ūǂui tsî Babilons ǃoa ǃgû-ūs khaoǃgâ ge kuruhena.
Khoen ge sîǂkhani-e Baruxi ǀkha ra sî
10 Babilons ǃnâ ge ǁan hâ i Jodeǁîn ge sao ra sîǂkhanisa Jerusalems khoen ǃoa xoa tsî Baruxi ǀkha ge sî:
Nē da ra sîba du mari-e khauǁguibadi, ǁoreǁguibadi, ǃgâihamxūna ǁamas tsî ǃhoroǁguibadi ǃaroma sîsenū re. Nēn hoana altars ai ǃKhūb, sada Eloba ǁguibadi ase ǁguiba re. 11 Gao-aob Nebukadnesari, Babilons dib tsî ǁîb ôab, Belsasar hâkha ǀgoreba, î kha ǀamose ûi ǁkhā. 12 ǃKhūb ge sada ǀgaiǀgai tsî sada ǂgaeǂgui-aose nî ī. Nebukadnesari, gao-aob Babilons dib tsî ǁîb ôab Belsasar hâkha ge sada nî sâu tsî da ge ûi da hâs kōse ǁîkha ǃoa nî îǂhôa, o kha ge sada ǀkha nî ǂkhî. 13 ǃKhūb, sada Elob ǃoa ǀgoreba da re ǁîb ǃoagu da ge ǁore tsîb ǁîb ǁaiba nētsēs kōse sida ai hâ xuige. 14 Sida ge ra ǂgan, nē ǂkhanisa ū tsî du ǂhaisase Tempeli ǃnâ, Elob ra ǃoabaǃnâhe ǁâudīgu tsî ǃanu kaitsēdi ai nî khomai ǃkhaisa.
Baruxi ǂkhanis di tsoatsoas
ǁOren di ǁguiǁnâs
15 Tsî du ge nēti nî mî: “ǃKhūb sada Elob ge a ǂhanu-ai, xawe da ge taosib ǀkha ǃgū-aihe hâ. Sada hoada, Judab di khoen, Jerusalems di khoen, 16 sada gao-aogu, sada ǂgaeǂgui-aogu, sada pristergu, sada kēbo-aogu tsî sada aboxagu ge 17 ǃKhūb sada Elob ǃoagu ge ǁore 18 tsî da ge ǁîba ǁnâuǀnam tama i xui-ao taosib ǃnâ hâ. ǁÎba ǃgâ tsî da ge ǁîb mîmādi ǃoa ge ûi tama hâ i. 19 ǃKhūb ge sada aboxaga Egipteba xu ǂgaeǂguiǂui ǁaeba xu nēsis kōse da ge ǃKhūb sada Elob ǃoagu ǁnâuǀnamoǃnâ tsî ǁîb domma ǃgâ tama ge i. 20 Nētsē gu ge Elob ge ǁîb ǃgāb, Moseb ǃnâ-ū gaxu ǁaeb ǃkharu hâse mîǂui ǂkhabadīgu tsî ǀâxarega sada ai hâ. ǁNā ǁaeb ǃnâb ge ǃKhūba sada aboxaga Egipteba xu ǂgaeǂguiǂui tsî ǁuixa tsî ǂûtanixa ǃhūba ge mā. 21 Sada ge ǃKhūb sada Elob di mîs, kēbo-aogu ǃnâ-ū ge mîhesa ǁnâuǀnamsa ge ǂkhā tsî sada i ǃgâiba khami dī tsî sada ǂhunuma ǂkhaba daogu ai ge ǃgû. Tsî da ge sada Elob ǁkhan hâ xūna ge dī ǀnî elona ǀgoreǀîs ǀkha.
Xoa-aob di ǂgaeǂguiǂgās
1 ǃNakas ge ǂkhanis Baruxi xa ge Babilons ǃnâ xoahesa hâ. Baruxi ge Nerajab ôaba, Nerajab ge Maseiab ôaba, Maseiab ge Sedekiab ôaba, Sedekiab ge Hasadiab ôaba tsî Hasadiab ge Hilkiab ôaba. 2 Nē ǂkhanisab ge koroǁî ǂâiǂâisens tsēs, Babiloniaǁîn ge Jerusalemsa ǀhana tsî ǃāsa ǃkhāǂhubis ai ge xoa. 3-4 Baruxi ge ǂkhanisa Joakimmi ôab Jojaxinni, Judab gao-aob tsî hoaraga khoena ǃgarise ge khomaiba. ǀGapi ǂgīǂgōsi ǂgaeǂgui-aogu, gaoǀgôagu, gagasi ǂgaeǂgui-aogu, kain tsî ǂkhamn tsîn hoan, Babilons ǃnâ, Sudǃāb tawa ge ǁan hâ in ge khomaihe rana nî ǁnâuse ge hā.
5 Baruxi gere ǂkhanisa khomai, o-i ge mâ-i hoa-e ā, ǂûtama* hâ tsî ǃKhūb ǃoa gere ǀgore. 6 ǁÎn ge ǂâu hâ mari-e mâ-i hoa-i mā ǁkhāse ge ǀhaoǀhao 7 tsîs ge nē ǃhamsa Jerusalems ǃoa, Joakimmi ǀgapipristeri, Hilkiab ôab tsî Salummi ǁnuriǀgôab, ǀnî hâ pristergu tsî hoaraga khoen ǁîb ǀkha Jerusalems ǃnâ hân ǃoa ge sîhe.
8 Disiǁî tsēs Sivanǁkhâb dis aib ge Baruxa ǃKhūb di Tempela xu ge Babiloniaǁîn xa ǀgaib ǃnâ tanibēhe hâ i ǃanu sîsenūxūna ū tsî Judaba ge mā-oa. Nēn ge ǀhaiǀuri ǃanu sîsenūxūn, Sedekiab, Judab gao-aob, Josiab ôab ge kuruhen nî ǃkhaisa mîmā hâ i xūn, 9 gao-aob Nebukadnesari Babilons dib ge Jehojakimmi, ǂgaeǂgui-aogu, sîsenǁkhāsiba ūhâ xūkuru-aogu, ǀgapi ǂgīǂgōsi ǂgaeǂgui-aogu tsî hoaraga khoen ǃhūb dina Jerusalemsa xu ūǂui tsî Babilons ǃoa ǃgû-ūs khaoǃgâ ge kuruhena.
Khoen ge sîǂkhani-e Baruxi ǀkha ra sî
10 Babilons ǃnâ ge ǁan hâ i Jodeǁîn ge sao ra sîǂkhanisa Jerusalems khoen ǃoa xoa tsî Baruxi ǀkha ge sî:
Nē da ra sîba du mari-e khauǁguibadi, ǁoreǁguibadi, ǃgâihamxūna ǁamas tsî ǃhoroǁguibadi ǃaroma sîsenū re. Nēn hoana altars ai ǃKhūb, sada Eloba ǁguibadi ase ǁguiba re. 11 Gao-aob Nebukadnesari, Babilons dib tsî ǁîb ôab, Belsasar hâkha ǀgoreba, î kha ǀamose ûi ǁkhā. 12 ǃKhūb ge sada ǀgaiǀgai tsî sada ǂgaeǂgui-aose nî ī. Nebukadnesari, gao-aob Babilons dib tsî ǁîb ôab Belsasar hâkha ge sada nî sâu tsî da ge ûi da hâs kōse ǁîkha ǃoa nî îǂhôa, o kha ge sada ǀkha nî ǂkhî. 13 ǃKhūb, sada Elob ǃoa ǀgoreba da re ǁîb ǃoagu da ge ǁore tsîb ǁîb ǁaiba nētsēs kōse sida ai hâ xuige. 14 Sida ge ra ǂgan, nē ǂkhanisa ū tsî du ǂhaisase Tempeli ǃnâ, Elob ra ǃoabaǃnâhe ǁâudīgu tsî ǃanu kaitsēdi ai nî khomai ǃkhaisa.
Baruxi ǂkhanis di tsoatsoas
ǁOren di ǁguiǁnâs
15 Tsî du ge nēti nî mî: “ǃKhūb sada Elob ge a ǂhanu-ai, xawe da ge taosib ǀkha ǃgū-aihe hâ. Sada hoada, Judab di khoen, Jerusalems di khoen, 16 sada gao-aogu, sada ǂgaeǂgui-aogu, sada pristergu, sada kēbo-aogu tsî sada aboxagu ge 17 ǃKhūb sada Elob ǃoagu ge ǁore 18 tsî da ge ǁîba ǁnâuǀnam tama i xui-ao taosib ǃnâ hâ. ǁÎba ǃgâ tsî da ge ǁîb mîmādi ǃoa ge ûi tama hâ i. 19 ǃKhūb ge sada aboxaga Egipteba xu ǂgaeǂguiǂui ǁaeba xu nēsis kōse da ge ǃKhūb sada Elob ǃoagu ǁnâuǀnamoǃnâ tsî ǁîb domma ǃgâ tama ge i. 20 Nētsē gu ge Elob ge ǁîb ǃgāb, Moseb ǃnâ-ū gaxu ǁaeb ǃkharu hâse mîǂui ǂkhabadīgu tsî ǀâxarega sada ai hâ. ǁNā ǁaeb ǃnâb ge ǃKhūba sada aboxaga Egipteba xu ǂgaeǂguiǂui tsî ǁuixa tsî ǂûtanixa ǃhūba ge mā. 21 Sada ge ǃKhūb sada Elob di mîs, kēbo-aogu ǃnâ-ū ge mîhesa ǁnâuǀnamsa ge ǂkhā tsî sada i ǃgâiba khami dī tsî sada ǂhunuma ǂkhaba daogu ai ge ǃgû. Tsî da ge sada Elob ǁkhan hâ xūna ge dī ǀnî elona ǀgoreǀîs ǀkha.
