ǃAruǀî hâ ǃkhâikhomdi
1 Ti ôatse, sa ǀgūkhoe-ets ga mâiǁkhaemarisa xoaǃgaoba tsî ǃhaokhoe-i ǀkha ǀhûǀguisa dīo; 2 sa ǂhunuma ǀhûǀguis ga ǂhao tsi tsî sa ams di mîdi ga ǃkhō tsi; 3 o ti ôatse, nēsa dī îts sa ûiba sâu, sa ǀgūkhoeb ǃomǁaets hâ xuige: ǃHaese ǃgû, ǃnoe î sa ǀgūkhoeba sī ǀkhoma. 4 A ra mûra ra tā ǂomhî tsî ǁom. 5 ǃAu-aob di ǃomkha xu ǁgûb khami ǃkhoe-ûi, aniǃkhō-aob di ǁnoasa xu aniro-i khami ûiǂoa.
6 ǂGoberub ǃoa ǃgû, sats ǀopesatsa; ǁîb sîsenga kō, îts gā-ai. 7 Danakhoe-i, mûǂam-ao-i tamas ka io ǂgaeǂgui-ao-i tsînab ūhâ tama, 8 xaweb ge ǁîba ǁkhunab ǃnâ ǁîb ǂûna ra ǂhomibasen tsî ǃgaos di ǁaeb ai ǂûn âba ra ǀhaoǀhaobasen. 9 Sats ǀopesatsa, mâtikōsets noxopa nî ǀopeǁgoe? Mâǁaets sa ǂomsa xu nî ǃnoaǂkhai? 10 Noxopa ǂkharirose ǁgoeros, ǂkharirose ǂomhîs, ǂkharirose ǃomra ami tsî ǁgoeros, 11 ge ǁâtanisa ǃnari-aob khami ǀgâsiba sats ai nî hā-ū.
12 ǁAu tsî ǂkhaba khoe-i ge ǀhôagao ǃhoaxūn ǀkha ra ǃgûma. 13 ǁÎ-i ge mûǂgamis, ǂaira ǁgaus tsî ǀkhunugu ǀkha ǁgaus tsîn ǀkha ra ǀhôagaoǃnâ. 14 ǁÎ-i ge hoaǁae ǀhôagao ǂâidi ǀkha ǂkhabab ǀguiba ra ǀape tsî mâ ǃkhai-i hoa-i ai ǃgomsib ǀguiba ra ǃaroma. 15 ǁNā-amagab ge ǂōǂōsiba ǁnāti ī khoe-e ǃnapetamase nî hāǂam; ǃnapetamase i ge ǁî-e dī-unuhe ǁoa ǂkhôab ǃnâ nî ǂgâ.
16 ǁNāpan ge ǃnani xūna hâ ǃKhūb ǁkhan hâna, hûn ǁîb tawa a ui-uisana: 17 ǀGapiǂâixasib xa ra ǂkhai mûdi, ǂhumi ra nams, ǀhapio ǀaoba ra ǂnâxū ǃomgu, 18 ǀhôagao ǀapede ūhâ ǂgaob, ǂkhabab ǃaroma ra ǃnoe ǂaidi, 19 ǂhumiǃnâ ǀhûǀguitimî-ao-i tsî khoeǃgâguna ra ǁhaiǃāgu kai khoe-i tsîna.
ǀAib ǃoagu hâ ǃkhâikhoms
20 Ti ôatse, sa îb di ǁgauǃnâsa ǃgâ, î tā sa îs di ǁkhāǁkhāsa ǃharaxū. 21 ǁÎra hoaǁae sa ǂgaob ǃnâ sâu, î ǁîra sa ǃaos ai ǃgaemâi. 22 ǃGûts ka, o ra ge nî ǂgaeǂgui tsi; ǁgoets ka, o ra ge nî ǃûi tsi, tsî ǂkhaits ka, o ra ge nî ǃhoa-ū tsi. 23 Mîmādi ǃamǀaes khami ī tsî ǁgauǃnâsa ǃnâb khami ī xuige; ǃgâi tanisens ǃoa hâ ǃkhâikhoms ge ûib di daob khami ī. 24 Nēs ge ǁgai tarekhoesa xu sâu tsi ǁkhā tsî ǂgaeǂhapuxa ǀai-aodi di ǂkhanu mîde xu. 25 Tā ǁîs îsasib xa ǂgaeǂhapuhe tsî tā ǁîs mûdi ǂkhaib xa ǃkhōhe. 26 ǀAi-aosats ge pereb ra ǂgan maris ai hō ǁkhā, xawe ǀnî aob taras ǀkha ǀais ge sa ûib hoaragaba nî ǂkhôa.
27 Khoeba khau ra ǀaesa ǁkhaib âb ai tani ǁkhāb a, ǁîb saran ǂhubi tamase? 28 Tamas ka io khoeba ǀōǂai ǀgamsa ǂnomdi ai ǃgû ǁkhāb a, ǂaira âb dâu tamase? 29 ǁÎb ǀgūkhoeb taras ǀkha kara ǀai khoeb hoab ǀkha i ge ǁnāti nî hā; ǁnāti ga dī khoeb hoab ge ǁkharahe tamase hâ tide. 30 ǃÂs xa ra ǃnari khoe-e kha khoen xa ǃharaxūhe tama hâ? 31 Xawe ǃkhōhe-i ka, o-i ge hûǃnâguse nî matare-oa, ǁî-i oms di xūn hoana i ga ǂoaǃnâ xawes tsîna. 32 ǃGamekhôa-aob ge a ǁnâuǃāoǃnâ. ǁÎb ge aitsama ra hîkākāsen. 33 ǁÎb ge ǂnaus tsî ǃharaxūb tsîna nî ǃoaǂui tsîb ge taob âba tātsēs tsîna ūbēhe tide. 34 Tauxa aob di ǁaib ra ǁhuru xui-ao tsî ǁîb ǀkhaoǂgaoxasib ge ǀam-e ūhâ tama hâ. 35 ǁÎb ge ǁamaǃkhuni-i xare-e ūǃoa tide, tamas ka io ǃgomǀgausa mā-i ǀkhas tsîna ǂkhîǂkhîhe tide.
ǃAruǀî hâ ǃkhâikhomdi
1 Ti ôatse, sa ǀgūkhoe-ets ga mâiǁkhaemarisa xoaǃgaoba tsî ǃhaokhoe-i ǀkha ǀhûǀguisa dīo; 2 sa ǂhunuma ǀhûǀguis ga ǂhao tsi tsî sa ams di mîdi ga ǃkhō tsi; 3 o ti ôatse, nēsa dī îts sa ûiba sâu, sa ǀgūkhoeb ǃomǁaets hâ xuige: ǃHaese ǃgû, ǃnoe î sa ǀgūkhoeba sī ǀkhoma. 4 A ra mûra ra tā ǂomhî tsî ǁom. 5 ǃAu-aob di ǃomkha xu ǁgûb khami ǃkhoe-ûi, aniǃkhō-aob di ǁnoasa xu aniro-i khami ûiǂoa.
6 ǂGoberub ǃoa ǃgû, sats ǀopesatsa; ǁîb sîsenga kō, îts gā-ai. 7 Danakhoe-i, mûǂam-ao-i tamas ka io ǂgaeǂgui-ao-i tsînab ūhâ tama, 8 xaweb ge ǁîba ǁkhunab ǃnâ ǁîb ǂûna ra ǂhomibasen tsî ǃgaos di ǁaeb ai ǂûn âba ra ǀhaoǀhaobasen. 9 Sats ǀopesatsa, mâtikōsets noxopa nî ǀopeǁgoe? Mâǁaets sa ǂomsa xu nî ǃnoaǂkhai? 10 Noxopa ǂkharirose ǁgoeros, ǂkharirose ǂomhîs, ǂkharirose ǃomra ami tsî ǁgoeros, 11 ge ǁâtanisa ǃnari-aob khami ǀgâsiba sats ai nî hā-ū.
12 ǁAu tsî ǂkhaba khoe-i ge ǀhôagao ǃhoaxūn ǀkha ra ǃgûma. 13 ǁÎ-i ge mûǂgamis, ǂaira ǁgaus tsî ǀkhunugu ǀkha ǁgaus tsîn ǀkha ra ǀhôagaoǃnâ. 14 ǁÎ-i ge hoaǁae ǀhôagao ǂâidi ǀkha ǂkhabab ǀguiba ra ǀape tsî mâ ǃkhai-i hoa-i ai ǃgomsib ǀguiba ra ǃaroma. 15 ǁNā-amagab ge ǂōǂōsiba ǁnāti ī khoe-e ǃnapetamase nî hāǂam; ǃnapetamase i ge ǁî-e dī-unuhe ǁoa ǂkhôab ǃnâ nî ǂgâ.
16 ǁNāpan ge ǃnani xūna hâ ǃKhūb ǁkhan hâna, hûn ǁîb tawa a ui-uisana: 17 ǀGapiǂâixasib xa ra ǂkhai mûdi, ǂhumi ra nams, ǀhapio ǀaoba ra ǂnâxū ǃomgu, 18 ǀhôagao ǀapede ūhâ ǂgaob, ǂkhabab ǃaroma ra ǃnoe ǂaidi, 19 ǂhumiǃnâ ǀhûǀguitimî-ao-i tsî khoeǃgâguna ra ǁhaiǃāgu kai khoe-i tsîna.
ǀAib ǃoagu hâ ǃkhâikhoms
20 Ti ôatse, sa îb di ǁgauǃnâsa ǃgâ, î tā sa îs di ǁkhāǁkhāsa ǃharaxū. 21 ǁÎra hoaǁae sa ǂgaob ǃnâ sâu, î ǁîra sa ǃaos ai ǃgaemâi. 22 ǃGûts ka, o ra ge nî ǂgaeǂgui tsi; ǁgoets ka, o ra ge nî ǃûi tsi, tsî ǂkhaits ka, o ra ge nî ǃhoa-ū tsi. 23 Mîmādi ǃamǀaes khami ī tsî ǁgauǃnâsa ǃnâb khami ī xuige; ǃgâi tanisens ǃoa hâ ǃkhâikhoms ge ûib di daob khami ī. 24 Nēs ge ǁgai tarekhoesa xu sâu tsi ǁkhā tsî ǂgaeǂhapuxa ǀai-aodi di ǂkhanu mîde xu. 25 Tā ǁîs îsasib xa ǂgaeǂhapuhe tsî tā ǁîs mûdi ǂkhaib xa ǃkhōhe. 26 ǀAi-aosats ge pereb ra ǂgan maris ai hō ǁkhā, xawe ǀnî aob taras ǀkha ǀais ge sa ûib hoaragaba nî ǂkhôa.
27 Khoeba khau ra ǀaesa ǁkhaib âb ai tani ǁkhāb a, ǁîb saran ǂhubi tamase? 28 Tamas ka io khoeba ǀōǂai ǀgamsa ǂnomdi ai ǃgû ǁkhāb a, ǂaira âb dâu tamase? 29 ǁÎb ǀgūkhoeb taras ǀkha kara ǀai khoeb hoab ǀkha i ge ǁnāti nî hā; ǁnāti ga dī khoeb hoab ge ǁkharahe tamase hâ tide. 30 ǃÂs xa ra ǃnari khoe-e kha khoen xa ǃharaxūhe tama hâ? 31 Xawe ǃkhōhe-i ka, o-i ge hûǃnâguse nî matare-oa, ǁî-i oms di xūn hoana i ga ǂoaǃnâ xawes tsîna. 32 ǃGamekhôa-aob ge a ǁnâuǃāoǃnâ. ǁÎb ge aitsama ra hîkākāsen. 33 ǁÎb ge ǂnaus tsî ǃharaxūb tsîna nî ǃoaǂui tsîb ge taob âba tātsēs tsîna ūbēhe tide. 34 Tauxa aob di ǁaib ra ǁhuru xui-ao tsî ǁîb ǀkhaoǂgaoxasib ge ǀam-e ūhâ tama hâ. 35 ǁÎb ge ǁamaǃkhuni-i xare-e ūǃoa tide, tamas ka io ǃgomǀgausa mā-i ǀkhas tsîna ǂkhîǂkhîhe tide.
