Ama Gagab tsî ǂhumi gagab
1 ǀNamsabedo, tā mâ gaga-i hoa-e ǂgom, xawe ǁîna ǃâitsâ, isen Elob di ǃkhaisa. ǂGui ǂhumi kēbo-aon ǃhūbaib ǃnâ hâ xuige. 2 Tsî du ge nēs ǃnâ Elob di Gagasa nî ǂan: Mâ gagas hîa khoese hā tsî Jesub Xristuba* ra ǁguiǁnâs hoas ge Eloba xu hâ. 3 Tsî mâ gagas hîa Jesub Xristuba ǁguiǁnâ tamas hoas ge Elob di tama hâ, ǁnās ge a Xristub di khākhoeb, hā nîse du ge ǁnâub tsî nēsi ǃhūbaib ai hâba.
4 ǀGôarodo, sadu ge a Elob di tsî du ge ǁîna dan hâ, ǁnā-i hîa sadu ǃnâ hâ-i ǃhūbaib ǃnâ hâ-i xa kai xui-ao. 5 ǁÎn ge a ǃhūbaib di tsî ǁnā-amaga ǃhūbaib xa ǃhoa tsî ǁîb xa ra ǁnâuhe. 6 Sada ge a Elob di tsî-i ge ǁnā-i hîa Eloba ǂan-e ra ǁnâu da, tsî ǁnā-i hîa Elob di tama-i ge ǁnâu da tama hâ. Tsî da ge nēsa xu Gagab amab dib tsî gagab ǂgaeǂhapus diba a ǂan.
Elob ge a ǀnam
7 ǀNamsabedo, a da ǀnamgu re, ǀnammi Elob di xuige tsî mâ-i hoa-i, nau-e a ǀnam-i ge a Elob di tsî ǁîba ǂan. 8 Tsî ǁnā-i hîa nau-e ǀnam tama-i ge Eloba a ǀū, Elob a ǀnam amaga. 9 Nēs ǀkhab ge Elob di ǀnamma sada ǃnâ ge ǂhaiǂhaihe, Elob ge ǁîb di ǀguise ǃnae hâ ǀGôaba ǃhūbaib ǁga sada nî ǁîb ǃnâ-u ûi ǁkhāse sî xui-ao. 10 Nēs ǃnâb ge ǀnamma hâ, sada ge Eloba ǀnam hâ ios ose, xawe ǁîb ge sada ǀnam tsî ǁîb di Ôaba sada ǁoren ǂkhîbagus ase mā xui-ao.
11 ǀNamsabedo, Elob sada ǁnāti a ǀnam xui-ao da ge sada tsîna ǁkhāti nî ǀnamgu. 12 Khoe-i xare-i ge Eloba mû tama hâ. Sada ga ǀnamgu ob ge Eloba sada ǃnâ hâ tsîb ge sada ǁîba ūba hâ ǀnamma ra dīǀoaǀoasa.
13 Nēs ǀkha da a ǂans ge sada ǁîb ǃnâ tsîb ǁîba sada ǃnâ hâsa, ǁîb ge Gagab âba sada mā xui-ao. 14 Tsî da ge sida ge mû tsî ra ǃkhō-am ǁîb ge ǁîb Ôaba nē ǃhūbaib di ǃGâiǃōdī-aose sî ǃkhaisa. 15 Mâ-i hoa-i Jesub a Elob Ôa ǃkhaisa ra ǁguiǁnâ-i ǃnâb ge Eloba hâ tsî ǁî-e Elob ǃnâ. 16 Tsî da ge sida ǂan tsî ge ǂgom, ǀnammi Elob sida ūba hâba.
Elob ge a ǀnam tsî mâ-i hoa-i hîa nē ǀnammi ǃnâ ra hâhâ-i ge Elob ǃnâ ra hâhâ tsî Eloba ǁî-i ǃnâ. 17 Nēs ǀkhab ge ǀnamma sada ǃnâ ge dīǀoaǀoahe, ǀGoraǃgâtsēs ai da ǁkhoaǂgaosiba nî ūhâse, ǁîb ǁkhāb khami da sada tsîna nē ǃhūbaib ai ī xui-ao. 18 Nē ǀnammi ǃnâ i ge ǃao-e a ǀkhai, dīǀoaǀoasa ǀnammi ra ǃaoba ǃhaeǂui xui-ao, ǃaob ǁkharaba ra ūhâ tsîs ǁîba ǃaosa ǀnammi ǃnâ dīǀoaǀoasa tama xui-ao.
19 Sada ge a ǀnam, ǁîb ge ǂguro sada ǀnam amaga. 20 Khoe-i ga Eloba i ǀnam ti mî tsî xawe ǁî-i di ǃgâsa-e ǁkhan, o-i ge a ǂhumi-ao. ǁNā-i hîa ǁî-i di ǃgâsa-i hîa i ra mû-e ǀnam tama-i ge Elob hîa i mû tamaba a ǀnam ǁoa. 21 Tsî nēs ge Eloba xu hâ mîmāsa: ǁNā-i hîa Eloba ǀnam-i ge ǁî-i di ǃgâsa-i tsîna ǁkhāti nî ǀnam.
Ama Gagab tsî ǂhumi gagab
1 ǀNamsabedo, tā mâ gaga-i hoa-e ǂgom, xawe ǁîna ǃâitsâ, isen Elob di ǃkhaisa. ǂGui ǂhumi kēbo-aon ǃhūbaib ǃnâ hâ xuige. 2 Tsî du ge nēs ǃnâ Elob di Gagasa nî ǂan: Mâ gagas hîa khoese hā tsî Jesub Xristuba* ra ǁguiǁnâs hoas ge Eloba xu hâ. 3 Tsî mâ gagas hîa Jesub Xristuba ǁguiǁnâ tamas hoas ge Elob di tama hâ, ǁnās ge a Xristub di khākhoeb, hā nîse du ge ǁnâub tsî nēsi ǃhūbaib ai hâba.
4 ǀGôarodo, sadu ge a Elob di tsî du ge ǁîna dan hâ, ǁnā-i hîa sadu ǃnâ hâ-i ǃhūbaib ǃnâ hâ-i xa kai xui-ao. 5 ǁÎn ge a ǃhūbaib di tsî ǁnā-amaga ǃhūbaib xa ǃhoa tsî ǁîb xa ra ǁnâuhe. 6 Sada ge a Elob di tsî-i ge ǁnā-i hîa Eloba ǂan-e ra ǁnâu da, tsî ǁnā-i hîa Elob di tama-i ge ǁnâu da tama hâ. Tsî da ge nēsa xu Gagab amab dib tsî gagab ǂgaeǂhapus diba a ǂan.
Elob ge a ǀnam
7 ǀNamsabedo, a da ǀnamgu re, ǀnammi Elob di xuige tsî mâ-i hoa-i, nau-e a ǀnam-i ge a Elob di tsî ǁîba ǂan. 8 Tsî ǁnā-i hîa nau-e ǀnam tama-i ge Eloba a ǀū, Elob a ǀnam amaga. 9 Nēs ǀkhab ge Elob di ǀnamma sada ǃnâ ge ǂhaiǂhaihe, Elob ge ǁîb di ǀguise ǃnae hâ ǀGôaba ǃhūbaib ǁga sada nî ǁîb ǃnâ-u ûi ǁkhāse sî xui-ao. 10 Nēs ǃnâb ge ǀnamma hâ, sada ge Eloba ǀnam hâ ios ose, xawe ǁîb ge sada ǀnam tsî ǁîb di Ôaba sada ǁoren ǂkhîbagus ase mā xui-ao.
11 ǀNamsabedo, Elob sada ǁnāti a ǀnam xui-ao da ge sada tsîna ǁkhāti nî ǀnamgu. 12 Khoe-i xare-i ge Eloba mû tama hâ. Sada ga ǀnamgu ob ge Eloba sada ǃnâ hâ tsîb ge sada ǁîba ūba hâ ǀnamma ra dīǀoaǀoasa.
13 Nēs ǀkha da a ǂans ge sada ǁîb ǃnâ tsîb ǁîba sada ǃnâ hâsa, ǁîb ge Gagab âba sada mā xui-ao. 14 Tsî da ge sida ge mû tsî ra ǃkhō-am ǁîb ge ǁîb Ôaba nē ǃhūbaib di ǃGâiǃōdī-aose sî ǃkhaisa. 15 Mâ-i hoa-i Jesub a Elob Ôa ǃkhaisa ra ǁguiǁnâ-i ǃnâb ge Eloba hâ tsî ǁî-e Elob ǃnâ. 16 Tsî da ge sida ǂan tsî ge ǂgom, ǀnammi Elob sida ūba hâba.
Elob ge a ǀnam tsî mâ-i hoa-i hîa nē ǀnammi ǃnâ ra hâhâ-i ge Elob ǃnâ ra hâhâ tsî Eloba ǁî-i ǃnâ. 17 Nēs ǀkhab ge ǀnamma sada ǃnâ ge dīǀoaǀoahe, ǀGoraǃgâtsēs ai da ǁkhoaǂgaosiba nî ūhâse, ǁîb ǁkhāb khami da sada tsîna nē ǃhūbaib ai ī xui-ao. 18 Nē ǀnammi ǃnâ i ge ǃao-e a ǀkhai, dīǀoaǀoasa ǀnammi ra ǃaoba ǃhaeǂui xui-ao, ǃaob ǁkharaba ra ūhâ tsîs ǁîba ǃaosa ǀnammi ǃnâ dīǀoaǀoasa tama xui-ao.
19 Sada ge a ǀnam, ǁîb ge ǂguro sada ǀnam amaga. 20 Khoe-i ga Eloba i ǀnam ti mî tsî xawe ǁî-i di ǃgâsa-e ǁkhan, o-i ge a ǂhumi-ao. ǁNā-i hîa ǁî-i di ǃgâsa-i hîa i ra mû-e ǀnam tama-i ge Elob hîa i mû tamaba a ǀnam ǁoa. 21 Tsî nēs ge Eloba xu hâ mîmāsa: ǁNā-i hîa Eloba ǀnam-i ge ǁî-i di ǃgâsa-i tsîna ǁkhāti nî ǀnam.
