Baruxi ge xamiǂkhanisa Tempeli ǃnâ ra khomai
1 Hakaǁî kurib Josiab ôab Jojakimmi ge Judaba gao-aose gere ǂgaeǂguib ǃnâs ge nē mîsa ǃKhūba xu Jeremiab ǃoa ge hā: 2 “Xamiǂkhani-e ū, îts tita ge Israeli tsî Judab tsî ǁaedi hoadi ǂama mîba tsi mîde ǁî-i ai xoamâi, tita ge Josiab tsēde xu tsoatsoa tsî nētsēs kōse mîba tside. 3 ǀNîsin ge Judab khoena ǁîn ai ta nî hā kaise ta ǂâibasen hâ tsūǀkhāb xan ga ǁnâuo, ǁîn di ǂkhaba daoga xu nî ūdabasen. O ta ge ǁîn di ǂhanuoǃnâsib tsî ǁoren tsîna nî ǀûba.”
4 Ob ge Jeremiaba Neriab ôab Baruxa ge ǂgai, tsîb ge ǁîba ǃKhūb di mîdi Jeremiabab ge mîba di hoade mîbahe tsî xamiǂkhani-i ai ge xoamâi. 5 ǁNās khaoǃgâb ge Jeremiaba Baruxa ge mîmā: “Tita ge ǃaruǀî ǃKhūb di ommi ǃnâ a ǂgâ ǁoa, 6 xui-aots ge satsa ǂûtama hâs tsēs ai ǃgû tsî khoena xamiǂkhanisa xu ǃKhūb di mîdi, tita ge mîba tsi di hoade nî khomaiba. Tsîts ge ǁîde ǁkhāti Judab khoen hoan, ǁîn di ǃāde xu ge ǀkhīn tsîna nî khomaiba. 7 ǀNîsis ge ǀkhomabasens âna ǃKhūb aiǃâ nî sī tsî-i ge mâ-i hoa-e ǁî-i ǂkhaba daoba xu nî ūdabasen, ǃKhūb ge nē ǁaes ǂama mîǂui ǁaib tsî ǀkhaob tsîkha a kai xui-ao.” 8 Ob ge Neriab ôab Baruxa kēbo-aob Jeremiab ge ǁîba mîban hoana ge dī tsî ǃKhūb di mîde xamiǂkhanisa xu ǃKhūb ommi ǃnâ ge khomai.
9 Tsîn ge koroǁî kurib Josiab ôab Jojakimmi ge Judaba gao-aose gere ǂgaeǂguib di khoeseǁî ǁkhâb ǃnâ ǂûtama hâsa ǃKhūb aiǃâ ge ǂgaiǂui, hoaraga khoen Jerusalems ǃnâ hân tsî Judab ǃāde xu Jerusalems ǃoa ge hān tsîn hoan ǃaroma. 10 Ob ge Baruxa hoaraga khoen ra ǁnâuse mîdi Jeremiab dide xamiǂkhanisa xu ge khomai, ǃKhūb ommi ǃnâ, xoa-aob Safanni ôab Gemariab di ǃnā-oms ǀgapise ge hâ is ǃnâ ǀAsadao-ams ǃKhūb ommi dis tawa.
Baruxi ge ǂamkhoega xamiǂkhanisa xu ra khomaiba
11 Mikajab, Gemariab ôa tsî Safanni ǁnurib ge ǃKhūb di mîdi hoadi xamiǂkhanis dideb ge ǁnâuo, 12 gao-ommi ǁga xoa-aob di ǃnā-oms tawa ge sī tsî ǁnāpa gu ge hoaraga ǂamkhoega ge ǂnôa i: Xoa-aob Elisamab, Semajab ôab Delajab, Akbori ôab Elnatanni, Safanni ôab Gemariab, Hananjab ôab Sedekiab tsî nau ǂamkhoegu hoagu tsîna. 13 Mikajab ge ǁîga Baruxi xamiǂkhanisa xu khoena ra khomaibaseb ge ǁnâu mîdi hoade ge mîba. 14 O gu ge ǂamkhoegu hoaga Jehudi, Netanjab ôa tsî Selemjab ǁnuriba Kusi ôab Baruxa ǃoa ge sî ǁîbab nî mîbaga: “ǁNā xamiǂkhanis ǁîsa xuts ǁaesa goro khomaibasa ū, îts nēpa hā.” Ob ge Neriab ôab Baruxa xamiǂkhanisa ū tsî ǁîgu tawa ge sī. 15 Tsî gu ge ǁîb ǃoa ge mî: “ǂNû, îts khomaiba ge.” Ob ge Baruxa ǁîga ge khomaiba. 16 Nē mîdi hoade gu ge ǁnâu, o gu ge ǃhuri hâse kōgu tsî Baruxa ǃoa ge mî: “Nē mîdi hoade ge ge gao-aoba sī nî ǂanǂan.” 17 Tsî gu ge Baruxa ge dî: “Mîba ge re, mâtits ge nē mîdi hoade xoamâisa? Jeremiaba ge ǁîde ge mîba tsi?”
18 Ob ge Baruxa ge ǃeream: “Jeremiab ge nē mîdi hoade ge mîba te tsî ta ge tita ǁîde ink-i ǀkha nē xamiǂkhanis ai ge xoa.”
19 O gu ge ǂamkhoega Baruxi ǃoa ge mî: “ǃGû, î kho sats tsî Jeremiab tsîkho hoakho sī gaugausen. Tā-i khoe-e mâpa kho hâsa ǂan.”
Gao-aob ge xamiǂkhanisa ra ǂhubi
20 ǂAmkhoegu ge xamiǂkhanisa xoa-aob Elisamab ǃnā-oms ǃnâ ge sâu. ǁNās khaoǃgâ gu ge gao-aob tawa ǁîb di ai-ommi ǃnâ sī tsî hoaraga mîde gao-aoba ge mîba. 21 Gao-aob ge Jehudiba ge sî, îb xamiǂkhanisa sī ū, tsîb ge ǁîba ǁîsa xoa-aob Elisamab ǃnā-oms tawa sī ū tsî gao-aob tsî ǁîb ǂnamipe mâ ǂamkhoegu hoagu tsîga ge khomaiba. 22 Saoǁaeb ge ge i tsîb ge gao-aoba saob ommi ǃnâ khau ra ǀaes hâǃnâ ǀaekhoros ais ai ge ǂnôa i. 23 Jehudi ge ǃnona tamas ka io koro ǃâde gere khomai ǃnās hoasab ge gao-aoba xoa-aob gôas ǀkha ǁîde ǃgaoǃā tsî ǀaes ǃnâ gere aoǂgā, hoaraga xamiǂkhanis ge ǂhubiǂuis kōse. 24 Gao-aob tamas ka io ǁîb ǂamkhoegu di ǀguib xaweb ge nē mîde gu ge ǁnâu xawe ǃhuri tamas ka io saran âga ǀkhau tama ge i. 25 Elnatanni tsî Delajab tsî Gemariab tsîgu ge gao-aoba ge ǂgan, îb tā xamiǂkhanisa ǂhubi, xaweb ge ǁîga ǃgâ ǂgao tama ge i. 26 ǁNās khaoǃgâb ge gao-aoba ǁîb ôab Jeraxmeeli tsî Asrieli ôab Serajab tsî Abdeeli ôab Selemjab tsîga ge mîmā, îgu xoa-aob Baruxi tsî kēbo-aob Jeremiab tsîkha ǃkhōsis ǃnâ ū, xaweb ge ǃKhūba ǁîkha ge gaugau.
Jeremiab ge ǀnî xamiǂkhanisa ra xoa
27 Gao-aob ge Baruxi ge Jeremiab ge mîba bi mîde ǁîs ai xoa xamiǂkhanisa ǂhubis khaoǃgâb ge ǃKhūba Jeremiab ǃoa ge mî: 28 ǀNî xamiǂkhanisa ū, îts ǁîs ai hoaraga mîdi ǂguro xamiǂkhanis, Judab gao-aob Jojakimmi go ǂhubis ai go xoasa ide xoa, 29 î Judab gao-aob Jojakimma mîba: Nētib ge ǃKhūba ra mî: “Sats ge xamiǂkhanisa go ǂhubi mî raǃâ: ‘Tare-i ǃaromats ǁîs ai Babilons gao-aob amase hā tsî nē ǃhūba hîǀhuru tsî khoen tsî ǁîn di ûitsama xūn tsîna nî hîkākā ti ra xoa?’ 30 ǁNā-amagab ge ǃKhūba Judab gao-aob Jojakimmi xa nēti ra mî, ǀguib Davidi trons ai nî ǂnûb xawebab ǁîba ūhâ tidesa. ǁÎb Jojakimmi soros ge nî aoxūhe tsî tsēa ǀgammi ǃnâ nî ǁgoe tsî tsuxuba ǃkhaib ǃnâ. 31 Tita ge ǁîb tsî ǁîb di surib tsî ǁîb di ǂamkhoegu tsîga ǁîn di ǂkhabasib ǂama nî ǁkhara. Tita ge ǁîn tsî Jerusalems ǁanǂgāsaben tsî Judab ǁaes tsîn ǂama mî ta ge hâ i ǂōǂōsigu hoaga nî hā kai, ǃgâ ǂgao taman ge i amaga.”
32 Ob ge Jeremiaba ǀnî xamiǂkhanisa ū tsî Neriab ôab, xoa-aob Baruxa ge mā. ǁÎb ge ǁîs ai Jeremiab di mîdi, ǁnā ǂkhanis Judab gao-aob Jojakimmi ge ǂhubis didi hoade ge xoamâi. Tsî di ge noxopa ǂgui mîdi ǁnāti īde ge ǀarohe.
Baruxi ge xamiǂkhanisa Tempeli ǃnâ ra khomai
1 Hakaǁî kurib Josiab ôab Jojakimmi ge Judaba gao-aose gere ǂgaeǂguib ǃnâs ge nē mîsa ǃKhūba xu Jeremiab ǃoa ge hā: 2 “Xamiǂkhani-e ū, îts tita ge Israeli tsî Judab tsî ǁaedi hoadi ǂama mîba tsi mîde ǁî-i ai xoamâi, tita ge Josiab tsēde xu tsoatsoa tsî nētsēs kōse mîba tside. 3 ǀNîsin ge Judab khoena ǁîn ai ta nî hā kaise ta ǂâibasen hâ tsūǀkhāb xan ga ǁnâuo, ǁîn di ǂkhaba daoga xu nî ūdabasen. O ta ge ǁîn di ǂhanuoǃnâsib tsî ǁoren tsîna nî ǀûba.”
4 Ob ge Jeremiaba Neriab ôab Baruxa ge ǂgai, tsîb ge ǁîba ǃKhūb di mîdi Jeremiabab ge mîba di hoade mîbahe tsî xamiǂkhani-i ai ge xoamâi. 5 ǁNās khaoǃgâb ge Jeremiaba Baruxa ge mîmā: “Tita ge ǃaruǀî ǃKhūb di ommi ǃnâ a ǂgâ ǁoa, 6 xui-aots ge satsa ǂûtama hâs tsēs ai ǃgû tsî khoena xamiǂkhanisa xu ǃKhūb di mîdi, tita ge mîba tsi di hoade nî khomaiba. Tsîts ge ǁîde ǁkhāti Judab khoen hoan, ǁîn di ǃāde xu ge ǀkhīn tsîna nî khomaiba. 7 ǀNîsis ge ǀkhomabasens âna ǃKhūb aiǃâ nî sī tsî-i ge mâ-i hoa-e ǁî-i ǂkhaba daoba xu nî ūdabasen, ǃKhūb ge nē ǁaes ǂama mîǂui ǁaib tsî ǀkhaob tsîkha a kai xui-ao.” 8 Ob ge Neriab ôab Baruxa kēbo-aob Jeremiab ge ǁîba mîban hoana ge dī tsî ǃKhūb di mîde xamiǂkhanisa xu ǃKhūb ommi ǃnâ ge khomai.
9 Tsîn ge koroǁî kurib Josiab ôab Jojakimmi ge Judaba gao-aose gere ǂgaeǂguib di khoeseǁî ǁkhâb ǃnâ ǂûtama hâsa ǃKhūb aiǃâ ge ǂgaiǂui, hoaraga khoen Jerusalems ǃnâ hân tsî Judab ǃāde xu Jerusalems ǃoa ge hān tsîn hoan ǃaroma. 10 Ob ge Baruxa hoaraga khoen ra ǁnâuse mîdi Jeremiab dide xamiǂkhanisa xu ge khomai, ǃKhūb ommi ǃnâ, xoa-aob Safanni ôab Gemariab di ǃnā-oms ǀgapise ge hâ is ǃnâ ǀAsadao-ams ǃKhūb ommi dis tawa.
Baruxi ge ǂamkhoega xamiǂkhanisa xu ra khomaiba
11 Mikajab, Gemariab ôa tsî Safanni ǁnurib ge ǃKhūb di mîdi hoadi xamiǂkhanis dideb ge ǁnâuo, 12 gao-ommi ǁga xoa-aob di ǃnā-oms tawa ge sī tsî ǁnāpa gu ge hoaraga ǂamkhoega ge ǂnôa i: Xoa-aob Elisamab, Semajab ôab Delajab, Akbori ôab Elnatanni, Safanni ôab Gemariab, Hananjab ôab Sedekiab tsî nau ǂamkhoegu hoagu tsîna. 13 Mikajab ge ǁîga Baruxi xamiǂkhanisa xu khoena ra khomaibaseb ge ǁnâu mîdi hoade ge mîba. 14 O gu ge ǂamkhoegu hoaga Jehudi, Netanjab ôa tsî Selemjab ǁnuriba Kusi ôab Baruxa ǃoa ge sî ǁîbab nî mîbaga: “ǁNā xamiǂkhanis ǁîsa xuts ǁaesa goro khomaibasa ū, îts nēpa hā.” Ob ge Neriab ôab Baruxa xamiǂkhanisa ū tsî ǁîgu tawa ge sī. 15 Tsî gu ge ǁîb ǃoa ge mî: “ǂNû, îts khomaiba ge.” Ob ge Baruxa ǁîga ge khomaiba. 16 Nē mîdi hoade gu ge ǁnâu, o gu ge ǃhuri hâse kōgu tsî Baruxa ǃoa ge mî: “Nē mîdi hoade ge ge gao-aoba sī nî ǂanǂan.” 17 Tsî gu ge Baruxa ge dî: “Mîba ge re, mâtits ge nē mîdi hoade xoamâisa? Jeremiaba ge ǁîde ge mîba tsi?”
18 Ob ge Baruxa ge ǃeream: “Jeremiab ge nē mîdi hoade ge mîba te tsî ta ge tita ǁîde ink-i ǀkha nē xamiǂkhanis ai ge xoa.”
19 O gu ge ǂamkhoega Baruxi ǃoa ge mî: “ǃGû, î kho sats tsî Jeremiab tsîkho hoakho sī gaugausen. Tā-i khoe-e mâpa kho hâsa ǂan.”
Gao-aob ge xamiǂkhanisa ra ǂhubi
20 ǂAmkhoegu ge xamiǂkhanisa xoa-aob Elisamab ǃnā-oms ǃnâ ge sâu. ǁNās khaoǃgâ gu ge gao-aob tawa ǁîb di ai-ommi ǃnâ sī tsî hoaraga mîde gao-aoba ge mîba. 21 Gao-aob ge Jehudiba ge sî, îb xamiǂkhanisa sī ū, tsîb ge ǁîba ǁîsa xoa-aob Elisamab ǃnā-oms tawa sī ū tsî gao-aob tsî ǁîb ǂnamipe mâ ǂamkhoegu hoagu tsîga ge khomaiba. 22 Saoǁaeb ge ge i tsîb ge gao-aoba saob ommi ǃnâ khau ra ǀaes hâǃnâ ǀaekhoros ais ai ge ǂnôa i. 23 Jehudi ge ǃnona tamas ka io koro ǃâde gere khomai ǃnās hoasab ge gao-aoba xoa-aob gôas ǀkha ǁîde ǃgaoǃā tsî ǀaes ǃnâ gere aoǂgā, hoaraga xamiǂkhanis ge ǂhubiǂuis kōse. 24 Gao-aob tamas ka io ǁîb ǂamkhoegu di ǀguib xaweb ge nē mîde gu ge ǁnâu xawe ǃhuri tamas ka io saran âga ǀkhau tama ge i. 25 Elnatanni tsî Delajab tsî Gemariab tsîgu ge gao-aoba ge ǂgan, îb tā xamiǂkhanisa ǂhubi, xaweb ge ǁîga ǃgâ ǂgao tama ge i. 26 ǁNās khaoǃgâb ge gao-aoba ǁîb ôab Jeraxmeeli tsî Asrieli ôab Serajab tsî Abdeeli ôab Selemjab tsîga ge mîmā, îgu xoa-aob Baruxi tsî kēbo-aob Jeremiab tsîkha ǃkhōsis ǃnâ ū, xaweb ge ǃKhūba ǁîkha ge gaugau.
Jeremiab ge ǀnî xamiǂkhanisa ra xoa
27 Gao-aob ge Baruxi ge Jeremiab ge mîba bi mîde ǁîs ai xoa xamiǂkhanisa ǂhubis khaoǃgâb ge ǃKhūba Jeremiab ǃoa ge mî: 28 ǀNî xamiǂkhanisa ū, îts ǁîs ai hoaraga mîdi ǂguro xamiǂkhanis, Judab gao-aob Jojakimmi go ǂhubis ai go xoasa ide xoa, 29 î Judab gao-aob Jojakimma mîba: Nētib ge ǃKhūba ra mî: “Sats ge xamiǂkhanisa go ǂhubi mî raǃâ: ‘Tare-i ǃaromats ǁîs ai Babilons gao-aob amase hā tsî nē ǃhūba hîǀhuru tsî khoen tsî ǁîn di ûitsama xūn tsîna nî hîkākā ti ra xoa?’ 30 ǁNā-amagab ge ǃKhūba Judab gao-aob Jojakimmi xa nēti ra mî, ǀguib Davidi trons ai nî ǂnûb xawebab ǁîba ūhâ tidesa. ǁÎb Jojakimmi soros ge nî aoxūhe tsî tsēa ǀgammi ǃnâ nî ǁgoe tsî tsuxuba ǃkhaib ǃnâ. 31 Tita ge ǁîb tsî ǁîb di surib tsî ǁîb di ǂamkhoegu tsîga ǁîn di ǂkhabasib ǂama nî ǁkhara. Tita ge ǁîn tsî Jerusalems ǁanǂgāsaben tsî Judab ǁaes tsîn ǂama mî ta ge hâ i ǂōǂōsigu hoaga nî hā kai, ǃgâ ǂgao taman ge i amaga.”
32 Ob ge Jeremiaba ǀnî xamiǂkhanisa ū tsî Neriab ôab, xoa-aob Baruxa ge mā. ǁÎb ge ǁîs ai Jeremiab di mîdi, ǁnā ǂkhanis Judab gao-aob Jojakimmi ge ǂhubis didi hoade ge xoamâi. Tsî di ge noxopa ǂgui mîdi ǁnāti īde ge ǀarohe.
