ǃOataras di ǁguibas
(Markub 12:41-44)1 Jesub ge kōb ra hîa mâtin ǃkhū hâ khoena ǁîn di ǁguibasa ǁguibaǂgaes ǃnâ gere aoǂgā ǃkhaisa ge mû, 2 tsîb ge ǁkhāti kaise ǀgâsa ǃoataras, ǀgam ǁau marirora ra aoǂgā ǃkhaisa ge mû. 3 Ob ge ge mî: “Amase ta ra mîba go, nē ǀgâsa ǃoataras ge naun hoan xa ǃnāsase go aoǂgā. 4 ǁÎn ge ūn hâ ǂgui xūna xu ǃâro-e go ǁguiba, xawe ǁîs ge ǁîs di ǀgâsasib ǃnâ ǁîs go ūhâ i-i hoa-e go ǁguiba.”
Jesub ge Tempeli di hîkākāhes xa ra ǃhoa
(Mateub 24:1-2Markub 13:1-2)5 ǀNî ǁkhāǁkhāsabegu* ge mâtib Tempela ǂoaǂamsa ǀuidi hîab ǂnubi-ūhe hâdi ǀkha a îsa ǀgaus xa gere ǃhoa, tsî ǀkhaexūn hîa Eloba ǁguibahe hân tsîn xa. 6 Ob ge Jesuba ge mî: “Nē go ra mû xūn hoan ge ǁaeb ga ǀoa, o nî hîkākāhe tsîs ge ǀgui ǀuis tsîna nau ǀuis ai ǂnû tide, xawe hoaragase nî khôaǁnâhe.”
ǃGomsigu tsî ǃgôaǃgondi
(Mateub 24:3-14Markub 13:3-13)7 O gu ge ge dî bi: “ǁKhāǁkhā-aotse, mâǁaen nē xūna nî ī tsî mâsa saos, mâǁaen nî ī ǃkhais disa?”
8 Ob ge Jesuba ge ǃeream: “ǂAnbasen, î du tā ǂgaeǂhapuhe. ǂGuin ti ǀons ǃnâ hā tsî nî mî xuige ‘ǁÎ ta ge!’ tsî ‘ǁAeb ge go ǀgūtoa!’ ti. Xawe tā ǁîna sao. 9 Tā ǃao torogu tsî khâikhâiǃnâdi xa du ga ǁnâuo, nē xūn nî ǂguro ī amaga, xawe ǁnās ge ǀams ti ǂâibasen tama hâ.”
10 ǃAruǀîb ge ge mî: “Nē ǁaes ge nau ǁaes ǃoagu nî khâi tsî ǀnî gaosiba nau gaosib ǃoagu. 11 ǃHuriǃhurisa ǃhūǂgubigu, ǃâtsūǀkhāgu tsî ǃkharaga tsûtsû-ain ge ǂgui ǃkhaidi ai nî hā. Buruburuxa tsî ǃhuriǃhurisa xūn ge ǀhomma xu nî hā. 12 Nēn hoan nî īs aiǃân ge sado ǃkhō tsî nî ǃgôaǃgon. ǁÎn ge ǀgoraǃgâhe du nîse sinagogega* māǁnâ du tsî ǃkhō-omdi ǃnâ nî aoǂgā du tsî du ge gao-aogu tsî mûǂamaogu aiǃâ nî sī-ūhe, ti ǀons ǃaroma. 13 ǁNās ge sadu di ǃēsa, ǃGâiǂhôas xa du nî ǃkhō-amse. 14 ǁAeb aiǃâ ǂâis ǃnâ ūhâ, mâti du nî ǃeream ǃkhais xa du ǂâiǂhansen tidesa, 15 tita ǁnāti ī mîdi tsî gā-aisib tsîna nî mā du amaga, sadu khākhoen di ǀgui-i tsîn xa ǃhoaǃoahe tamas ka io mîdanhe ǁoade. 16 Sadu ge sadu în, ǃgâsan, ǀaokhoen ǁkhāti horesan tsîn xa nî māǁnâhe tsîn ge ǀnîn sadu dina nî ǃgamhe. 17 Hoan ge ti ǀons ǃaroma nî ǁkhan du. 18 Xawe du ge ǀgui danaǀûb tsîna ǂoaǃnâ tide. 19 Mâǁapo, o du ge ama ûiba nî hōbasen.
Jesub ge Jerusalems di hîkākāhes xa ra ǃhoa
(Mateub 24:15-21Markub 13:14-19)20 “Jerusalems toroǂnubidi xa xāǂgāhe hâ ǃkhaisa du ga mûo, o du ge nî ǂan hîkākās âs a ǀgū ǃkhaisa. 21 On ge Judeab ǃnâ hân hoana ǃnâugu ǁga nî ǃkhoeni tsî ǃās ǃnâ hân ge ǁîsa xu nî ūbēsen tsî naun ǃauga hân ge ǃās ǃnâ ǂgâ tide. 22 ǁNā ǁaeb ǃnâb Eloba ǁkharab âba nî dīǀoaǀoa amaga. Xoas ra mîn hoan ge nî ī. 23 Amase i ge kaise nî ǃhuriǃhurisaba ǀgamǀkhā tarekhoedi tsî ǁgûdi hîa ǁîdi ǂkhari ǀgôarona ra daiside, kai ǂōǂōsib ǃhūb ǃnâ nî hā amaga. Elob ge nē ǁaesa nî ǁkhara. 24 ǀNîn ge gôab ǀkha nî ǃgamhe tsî ǀnîn ge ǃkhōhe tsî hoa ǃhūgu ǃoa nî ǃgû-ūhe. Tsî Jerusalems ge ǀūben xa nî hîkākāhe, ǁaeb ân nî ǃkharus kōse.
Khoen Ôab di hās
(Mateub 24:29-31Markub 13:24-27)25 “ǁNaetisa tama saodi ge sores, ǁkhâb tsî ǀgamiron ǀkha nî ī. ǃHūbaib aib ge kai ǃaoba hoaraga ǁaedi ǃnâ nî hâ, hurib tsî ǃgabigu di ǀōban ra ǃao amaga. 26 Khoen ge ǃaob xa nî ǁō, hoaraga ǃhūbaib ǂama ra hā xūn xa, ǀhommi di ǀgaigu nî ǀgabiǁnâhe xui-ao. 27 On ge Khoen Ôaba kai ǀgaib tsî ǂkhaisib ǀkhab ǃâus ai ǃgoaxase nî mû. 28 Nē xūn ga ītsoatsoa, o ǂgōse mâ, î danadi âdo ǃhâkhâi, ǃnoras âdu a ǀgū xuige.”
ǀNomahais xa hâ ǁkhāǁkhās
(Mateub 24:32-35Markub 13:28-31)29 Ob ge Jesuba nē ǂkhōsa* ǁîna ge ǁgamba: “ǀNomahais tsî nau haidi tsîna ǃgaoǃgâ re. 30 Haiǂnaregu ra ǃamtsoatsoa ǃkhaisa du ga mû, o du ge ǁkhunaǁaeb go a ǀgū ǃkhaisa a ǂan. 31 ǁNās ǁkhās xase nē xūn ra ī ǃkhaisa du ga mû, o ǂan re, Elob Gaosib a ǀgū ǃkhaisa.
32 “Amase ta ra mîba du ǃkhais ge nē xūn hoan nî ǃgû-īsa, nētsē ûi hâ khoen hoan ǁō tama hâ hîa. 33 ǀHommi tsî ǃhūbaib tsîkha ge nî ǃgû-ī, xawe ti mîdi ge tātsē ǃgû-ī tide.”
ǂKhaikari hâs
34 “ǃÛisen, î tā ǃnāsa ǂûb tsî āb tsî ǂgui ǂhansenain ǀkha ǂgaogu âdo ǃgomǃgom, îs tā nē tsēsa ǃâubasen tama du hâ hîa ǃnuis khami hāǂam du. 35 Hoa khoen ǃhūbaib din ǂamas nēsa nî hā amaga. 36 Xawe ǂkhaikari hâ, î hūgaǀgui ǀgore î du ǀgaiba ǃkhōǃoa, nē ra īn hoan ǃnâ du ǃnorasase ǃkharu tsî Khoen Ôab aiǃâ nî ǂhaise.”
37 Jesub ge ǁnā tsēdi ǃnâ tsēa khoena Tempeli ǃnâ gere ǁkhāǁkhā, xawe tsuxuba ǃgûǂoa tsî ǀKheraǃhommi ai sī gere hâ. 38 Tsî mâ ǃnauǁgoagas hoasan ge khoena Tempeli ǁga gere ǃgû, ǁîba nî sī ǃgâse.
ǃOataras di ǁguibas
(Markub 12:41-44)1 Jesub ge kōb ra hîa mâtin ǃkhū hâ khoena ǁîn di ǁguibasa ǁguibaǂgaes ǃnâ gere aoǂgā ǃkhaisa ge mû, 2 tsîb ge ǁkhāti kaise ǀgâsa ǃoataras, ǀgam ǁau marirora ra aoǂgā ǃkhaisa ge mû. 3 Ob ge ge mî: “Amase ta ra mîba go, nē ǀgâsa ǃoataras ge naun hoan xa ǃnāsase go aoǂgā. 4 ǁÎn ge ūn hâ ǂgui xūna xu ǃâro-e go ǁguiba, xawe ǁîs ge ǁîs di ǀgâsasib ǃnâ ǁîs go ūhâ i-i hoa-e go ǁguiba.”
Jesub ge Tempeli di hîkākāhes xa ra ǃhoa
(Mateub 24:1-2Markub 13:1-2)5 ǀNî ǁkhāǁkhāsabegu* ge mâtib Tempela ǂoaǂamsa ǀuidi hîab ǂnubi-ūhe hâdi ǀkha a îsa ǀgaus xa gere ǃhoa, tsî ǀkhaexūn hîa Eloba ǁguibahe hân tsîn xa. 6 Ob ge Jesuba ge mî: “Nē go ra mû xūn hoan ge ǁaeb ga ǀoa, o nî hîkākāhe tsîs ge ǀgui ǀuis tsîna nau ǀuis ai ǂnû tide, xawe hoaragase nî khôaǁnâhe.”
ǃGomsigu tsî ǃgôaǃgondi
(Mateub 24:3-14Markub 13:3-13)7 O gu ge ge dî bi: “ǁKhāǁkhā-aotse, mâǁaen nē xūna nî ī tsî mâsa saos, mâǁaen nî ī ǃkhais disa?”
8 Ob ge Jesuba ge ǃeream: “ǂAnbasen, î du tā ǂgaeǂhapuhe. ǂGuin ti ǀons ǃnâ hā tsî nî mî xuige ‘ǁÎ ta ge!’ tsî ‘ǁAeb ge go ǀgūtoa!’ ti. Xawe tā ǁîna sao. 9 Tā ǃao torogu tsî khâikhâiǃnâdi xa du ga ǁnâuo, nē xūn nî ǂguro ī amaga, xawe ǁnās ge ǀams ti ǂâibasen tama hâ.”
10 ǃAruǀîb ge ge mî: “Nē ǁaes ge nau ǁaes ǃoagu nî khâi tsî ǀnî gaosiba nau gaosib ǃoagu. 11 ǃHuriǃhurisa ǃhūǂgubigu, ǃâtsūǀkhāgu tsî ǃkharaga tsûtsû-ain ge ǂgui ǃkhaidi ai nî hā. Buruburuxa tsî ǃhuriǃhurisa xūn ge ǀhomma xu nî hā. 12 Nēn hoan nî īs aiǃân ge sado ǃkhō tsî nî ǃgôaǃgon. ǁÎn ge ǀgoraǃgâhe du nîse sinagogega* māǁnâ du tsî ǃkhō-omdi ǃnâ nî aoǂgā du tsî du ge gao-aogu tsî mûǂamaogu aiǃâ nî sī-ūhe, ti ǀons ǃaroma. 13 ǁNās ge sadu di ǃēsa, ǃGâiǂhôas xa du nî ǃkhō-amse. 14 ǁAeb aiǃâ ǂâis ǃnâ ūhâ, mâti du nî ǃeream ǃkhais xa du ǂâiǂhansen tidesa, 15 tita ǁnāti ī mîdi tsî gā-aisib tsîna nî mā du amaga, sadu khākhoen di ǀgui-i tsîn xa ǃhoaǃoahe tamas ka io mîdanhe ǁoade. 16 Sadu ge sadu în, ǃgâsan, ǀaokhoen ǁkhāti horesan tsîn xa nî māǁnâhe tsîn ge ǀnîn sadu dina nî ǃgamhe. 17 Hoan ge ti ǀons ǃaroma nî ǁkhan du. 18 Xawe du ge ǀgui danaǀûb tsîna ǂoaǃnâ tide. 19 Mâǁapo, o du ge ama ûiba nî hōbasen.
Jesub ge Jerusalems di hîkākāhes xa ra ǃhoa
(Mateub 24:15-21Markub 13:14-19)20 “Jerusalems toroǂnubidi xa xāǂgāhe hâ ǃkhaisa du ga mûo, o du ge nî ǂan hîkākās âs a ǀgū ǃkhaisa. 21 On ge Judeab ǃnâ hân hoana ǃnâugu ǁga nî ǃkhoeni tsî ǃās ǃnâ hân ge ǁîsa xu nî ūbēsen tsî naun ǃauga hân ge ǃās ǃnâ ǂgâ tide. 22 ǁNā ǁaeb ǃnâb Eloba ǁkharab âba nî dīǀoaǀoa amaga. Xoas ra mîn hoan ge nî ī. 23 Amase i ge kaise nî ǃhuriǃhurisaba ǀgamǀkhā tarekhoedi tsî ǁgûdi hîa ǁîdi ǂkhari ǀgôarona ra daiside, kai ǂōǂōsib ǃhūb ǃnâ nî hā amaga. Elob ge nē ǁaesa nî ǁkhara. 24 ǀNîn ge gôab ǀkha nî ǃgamhe tsî ǀnîn ge ǃkhōhe tsî hoa ǃhūgu ǃoa nî ǃgû-ūhe. Tsî Jerusalems ge ǀūben xa nî hîkākāhe, ǁaeb ân nî ǃkharus kōse.
Khoen Ôab di hās
(Mateub 24:29-31Markub 13:24-27)25 “ǁNaetisa tama saodi ge sores, ǁkhâb tsî ǀgamiron ǀkha nî ī. ǃHūbaib aib ge kai ǃaoba hoaraga ǁaedi ǃnâ nî hâ, hurib tsî ǃgabigu di ǀōban ra ǃao amaga. 26 Khoen ge ǃaob xa nî ǁō, hoaraga ǃhūbaib ǂama ra hā xūn xa, ǀhommi di ǀgaigu nî ǀgabiǁnâhe xui-ao. 27 On ge Khoen Ôaba kai ǀgaib tsî ǂkhaisib ǀkhab ǃâus ai ǃgoaxase nî mû. 28 Nē xūn ga ītsoatsoa, o ǂgōse mâ, î danadi âdo ǃhâkhâi, ǃnoras âdu a ǀgū xuige.”
ǀNomahais xa hâ ǁkhāǁkhās
(Mateub 24:32-35Markub 13:28-31)29 Ob ge Jesuba nē ǂkhōsa* ǁîna ge ǁgamba: “ǀNomahais tsî nau haidi tsîna ǃgaoǃgâ re. 30 Haiǂnaregu ra ǃamtsoatsoa ǃkhaisa du ga mû, o du ge ǁkhunaǁaeb go a ǀgū ǃkhaisa a ǂan. 31 ǁNās ǁkhās xase nē xūn ra ī ǃkhaisa du ga mû, o ǂan re, Elob Gaosib a ǀgū ǃkhaisa.
32 “Amase ta ra mîba du ǃkhais ge nē xūn hoan nî ǃgû-īsa, nētsē ûi hâ khoen hoan ǁō tama hâ hîa. 33 ǀHommi tsî ǃhūbaib tsîkha ge nî ǃgû-ī, xawe ti mîdi ge tātsē ǃgû-ī tide.”
ǂKhaikari hâs
34 “ǃÛisen, î tā ǃnāsa ǂûb tsî āb tsî ǂgui ǂhansenain ǀkha ǂgaogu âdo ǃgomǃgom, îs tā nē tsēsa ǃâubasen tama du hâ hîa ǃnuis khami hāǂam du. 35 Hoa khoen ǃhūbaib din ǂamas nēsa nî hā amaga. 36 Xawe ǂkhaikari hâ, î hūgaǀgui ǀgore î du ǀgaiba ǃkhōǃoa, nē ra īn hoan ǃnâ du ǃnorasase ǃkharu tsî Khoen Ôab aiǃâ nî ǂhaise.”
37 Jesub ge ǁnā tsēdi ǃnâ tsēa khoena Tempeli ǃnâ gere ǁkhāǁkhā, xawe tsuxuba ǃgûǂoa tsî ǀKheraǃhommi ai sī gere hâ. 38 Tsî mâ ǃnauǁgoagas hoasan ge khoena Tempeli ǁga gere ǃgû, ǁîba nî sī ǃgâse.
