Elob tsî ǁîb ǁaes
(1 Kroniks 16:8-22)1 Koa re ǃKhūba, kaisib âba ǂanǂan re;
tarenab ge dīsa ǃhaode mîba re.
2 ǃKhūba koaǁnaeba re
ǁîb di buruxa dīn hoan xa ǃhoa re.
3 ǁÎb ǃanu ǀons ǃnâ koasen re
a gu ǁnān ǃKhūba ra ôan di ǂgaoga ǃgâiaǂgao re.
4 ǃKhūb tsî ǁîb di ǀgaiba ôa re
hūkaǀgui ǁîb ǀgūhâsiba ôa re.
5 Buruxa dīn ǁîb ge dīn xa ǂâi re,
ǁîb saodi tsî ams âb di ǀgoraǃgâde;
6 sadu Abrahammi, ǁîb ǃgāb di suridu
Jakob ôadu, ǁîb ǁhûiǂuibasen hâdo.
7 ǁÎb ge ǃKhū, sada Elo,
ǀgoraǃgâdi âb hoaraga ǃhūbaib ai a sîsenxaba.
8 ǁÎb ge ǀamos kōse ǁîb ǃgaeǀhaosa ra ǂâihō,
ǀoadisidi di surigab ge mîmâibasa;
9 Abrahammi ǀkha
tsî Isaki ǀkhab ge dī nūsab ge nî dīǀoaǀoa.
10 Tsîb ge Jakob ǀkha mîmās ase ge ǁapoǁapo
Israelǁaes ǃoa, ǀamo ǃgaeǀhaos ase.
11 “Satsa ta ge Kanaanǃhūba ra mā
sadu ǀumis di ǃâs ase” ti hâ mîdi ǀkha.
12 ǀOro ǃgôab di khoen asen ge ge ī i;
ǃhaokhoese Kanaanǃhūb ǃnâ.
13 Tsîn ge ǁîna nē ǃhaosa xu naus ǁga gere doema,
nē gaosiba xu nau ǃhaos dib ǁga.
14 ǀGui khoe-i tsînab ge ǁîna nî ǁgâiǀāse mā-am tama ge hâ i;
tsîb ge gao-aoga ǁîn ǃaroma gere ǀau.
15 “Tā ti ǀnausabena tsâǀkhā
î ti kēbo-aona tā ǂkhôa.”
16 ǁÎb ge ǃâtsūǀkhāba ǃhūb ǂama ge ǂgai
pereb hoabab ge ge khôaǂkhū.
17 ǁÎn aiǃâb ge khoeba ge sîǂui
Josefi khobose ge ǁamaxūheba.
18 Khoen ge ǂaira âba khedegu ǀkha ge ǃgae
tsîb ge ǀuriba ge ǃgaeǃaohe,
19 mîdi âb ge ǀoas kōse.
ǃKhūb mîs ge ǁîba ge ǃâitsâ.
20 Gao-aob ge ge mîmā tsîb ge ge ǁnāxūhe;
ǃhaodi di gao-aob ge ge ǃnoraǃnora bi.
21 Tsîb ge hoanab nî mûǂamse ge mâi bi,
ǁîb ūhâxūn hoanab nî mûǂamse.
22 ǁÎb mâisana ǁîb ra ǂâi khami ǁguiǂamde mā
tsî kaina gā-aisiba nî ǁkhāǁkhāse.
23 Israeli ge Egipteb ǃnâ ge hā;
Jakob ge Xammi ǃhūb ǃnâ ǃhaokhoese sī ge ǁan.
24 ǃKhūb ge ǁîb ǁaesa ge ǂûǂûxa kai.
ǁÎb ge ǁîna mâǃoasaben ân xa ǃnāsase dī.
25 ǁÎb ge ǂgaogu âna ge karokaro, ǁîb ǁaesa ǁkhan
tsîn ǀhôagaose ǁîb ǃgān ǃoagu nî sîsense.
26 ǁÎb ge Moseb ǁîb ǃgāb
tsî Aronni hîab ge ǁhûiǂuib tsîkha ge sî.
27 ǁÎkha ge Egipteǁîn ǁaegu ǁîb saode gere dī
tsî buruxa dīna Xammi ǃhūb ǃnâ gere dī.
28 ǁÎb ge ǃkhaenasa sî tsî ǃhūba ge ǃkhae kai
xawen ge ǁîb mîde ge mâǃoa.
29 ǁÎn di ǁgam-eb ge ǀaob ǃnâ ge ǀkharaǀkhara
tsî ǁaun âna ge ǁō kai.
30 ǃHūb ân ge ǁgūtsiǁgūben xa ge ǀoa
gao-aogu di ǁomǃnâǃnā-omdi kōse.
31 ǁÎb ge ge ǃhoa tsîn ge ǀanina ge hā
ǀûitsina, hoaraga ǁanǀkharib ân ǃnâ.
32 ǀNanub ânab ge ǃnareb ǃnâ ge ǀkharaǀkhara
napab ǀkha, ǁîn di ǃhūb ǃnâ.
33 ǁÎn di draibehain tsî ǀnomahaideb ge ge hîkākā;
ǁîn ǁanǀkharib di hainab ge ge khôaǂkhū.
34 ǁÎb ge ge ǃhoa tsîn ge ǂhomna ge hā
ǃgôaheǁoasase kai ǃgôab ǃnâ.
35 Tsîn ge ǁîna hoaraga ǃhanagu ǁîn ǃhūb diga ge hapu
ǁîn ǃhūb di ǂûtaniba.
36 Tsîb ge mâ ǂguroǃnaesab hoaba ǁîn ǃhūb ǃnâ ge ǂnau
ǂguroǃnaesagu ǁîn ǀgaigu hoagu diga.
37 ǁAes âbab ge ǃhuniǀurib tsî ǀhaiǀurib xa ǃkhū hâse ge doe kai;
ǃhaodi âb ǁaegu i ge ǃnôa ra khoe-e ge ǀkhai i.
38 Egipteb ge ǁîn ge doeǂoa o ge ǃgâiaǂgao,
Israelǁîna ǃaos ge ǁîna gaoǂam hâ i xui-ao.
39 ǃÂusab ge ǁîna nî sâuse ge khoraǂui
tsî ǀaesa tsuxuba nî ǃnâǃnâse.
40 ǁÎn ge ǂû-e ǂgan, ob ge ǁîna ǃhaudi ge sîba,
tsîb ge ǀhomma xu hâ pere-i ǀkha ǁîna ge ǁâǁâ.
41 ǁÎb ge ǃgareǀuiba ge ǁkhowa-am, tsîb ge ǁgamma ge dâuǂoaxa
ǃāba, ǂnâsa ǀkharigu ǃnâ.
42 ǁÎb ge ǁîb di ǃanu mîs
tsî Abrahammi, ǁîb ǃgāb xa ǂâi ǃnubai.
43 Tsîb ge ǁaes âba ǃgâiaǂgaob ǀkha ge ǂgaeǂguiǂui
dâ rase, ǁîb ǁhûiǂuisabesa.
44 Tsîb ge ǁîna ǃhaodi di ǃhūǀkhariga ge mā.
ǁAedi ge ǀhupub ǀkha hōbasen xūnan ge ǀumixūse ge ūbasen.
45 ǁÎb di ǁaposa xoaǁguiga dīǀoaǀoa
tsîn ǁîb ǂhanugu ǃoa nî ûise.
Koa re ǃKhūba!
Elob tsî ǁîb ǁaes
(1 Kroniks 16:8-22)1 Koa re ǃKhūba, kaisib âba ǂanǂan re;
tarenab ge dīsa ǃhaode mîba re.
2 ǃKhūba koaǁnaeba re
ǁîb di buruxa dīn hoan xa ǃhoa re.
3 ǁÎb ǃanu ǀons ǃnâ koasen re
a gu ǁnān ǃKhūba ra ôan di ǂgaoga ǃgâiaǂgao re.
4 ǃKhūb tsî ǁîb di ǀgaiba ôa re
hūkaǀgui ǁîb ǀgūhâsiba ôa re.
5 Buruxa dīn ǁîb ge dīn xa ǂâi re,
ǁîb saodi tsî ams âb di ǀgoraǃgâde;
6 sadu Abrahammi, ǁîb ǃgāb di suridu
Jakob ôadu, ǁîb ǁhûiǂuibasen hâdo.
7 ǁÎb ge ǃKhū, sada Elo,
ǀgoraǃgâdi âb hoaraga ǃhūbaib ai a sîsenxaba.
8 ǁÎb ge ǀamos kōse ǁîb ǃgaeǀhaosa ra ǂâihō,
ǀoadisidi di surigab ge mîmâibasa;
9 Abrahammi ǀkha
tsî Isaki ǀkhab ge dī nūsab ge nî dīǀoaǀoa.
10 Tsîb ge Jakob ǀkha mîmās ase ge ǁapoǁapo
Israelǁaes ǃoa, ǀamo ǃgaeǀhaos ase.
11 “Satsa ta ge Kanaanǃhūba ra mā
sadu ǀumis di ǃâs ase” ti hâ mîdi ǀkha.
12 ǀOro ǃgôab di khoen asen ge ge ī i;
ǃhaokhoese Kanaanǃhūb ǃnâ.
13 Tsîn ge ǁîna nē ǃhaosa xu naus ǁga gere doema,
nē gaosiba xu nau ǃhaos dib ǁga.
14 ǀGui khoe-i tsînab ge ǁîna nî ǁgâiǀāse mā-am tama ge hâ i;
tsîb ge gao-aoga ǁîn ǃaroma gere ǀau.
15 “Tā ti ǀnausabena tsâǀkhā
î ti kēbo-aona tā ǂkhôa.”
16 ǁÎb ge ǃâtsūǀkhāba ǃhūb ǂama ge ǂgai
pereb hoabab ge ge khôaǂkhū.
17 ǁÎn aiǃâb ge khoeba ge sîǂui
Josefi khobose ge ǁamaxūheba.
18 Khoen ge ǂaira âba khedegu ǀkha ge ǃgae
tsîb ge ǀuriba ge ǃgaeǃaohe,
19 mîdi âb ge ǀoas kōse.
ǃKhūb mîs ge ǁîba ge ǃâitsâ.
20 Gao-aob ge ge mîmā tsîb ge ge ǁnāxūhe;
ǃhaodi di gao-aob ge ge ǃnoraǃnora bi.
21 Tsîb ge hoanab nî mûǂamse ge mâi bi,
ǁîb ūhâxūn hoanab nî mûǂamse.
22 ǁÎb mâisana ǁîb ra ǂâi khami ǁguiǂamde mā
tsî kaina gā-aisiba nî ǁkhāǁkhāse.
23 Israeli ge Egipteb ǃnâ ge hā;
Jakob ge Xammi ǃhūb ǃnâ ǃhaokhoese sī ge ǁan.
24 ǃKhūb ge ǁîb ǁaesa ge ǂûǂûxa kai.
ǁÎb ge ǁîna mâǃoasaben ân xa ǃnāsase dī.
25 ǁÎb ge ǂgaogu âna ge karokaro, ǁîb ǁaesa ǁkhan
tsîn ǀhôagaose ǁîb ǃgān ǃoagu nî sîsense.
26 ǁÎb ge Moseb ǁîb ǃgāb
tsî Aronni hîab ge ǁhûiǂuib tsîkha ge sî.
27 ǁÎkha ge Egipteǁîn ǁaegu ǁîb saode gere dī
tsî buruxa dīna Xammi ǃhūb ǃnâ gere dī.
28 ǁÎb ge ǃkhaenasa sî tsî ǃhūba ge ǃkhae kai
xawen ge ǁîb mîde ge mâǃoa.
29 ǁÎn di ǁgam-eb ge ǀaob ǃnâ ge ǀkharaǀkhara
tsî ǁaun âna ge ǁō kai.
30 ǃHūb ân ge ǁgūtsiǁgūben xa ge ǀoa
gao-aogu di ǁomǃnâǃnā-omdi kōse.
31 ǁÎb ge ge ǃhoa tsîn ge ǀanina ge hā
ǀûitsina, hoaraga ǁanǀkharib ân ǃnâ.
32 ǀNanub ânab ge ǃnareb ǃnâ ge ǀkharaǀkhara
napab ǀkha, ǁîn di ǃhūb ǃnâ.
33 ǁÎn di draibehain tsî ǀnomahaideb ge ge hîkākā;
ǁîn ǁanǀkharib di hainab ge ge khôaǂkhū.
34 ǁÎb ge ge ǃhoa tsîn ge ǂhomna ge hā
ǃgôaheǁoasase kai ǃgôab ǃnâ.
35 Tsîn ge ǁîna hoaraga ǃhanagu ǁîn ǃhūb diga ge hapu
ǁîn ǃhūb di ǂûtaniba.
36 Tsîb ge mâ ǂguroǃnaesab hoaba ǁîn ǃhūb ǃnâ ge ǂnau
ǂguroǃnaesagu ǁîn ǀgaigu hoagu diga.
37 ǁAes âbab ge ǃhuniǀurib tsî ǀhaiǀurib xa ǃkhū hâse ge doe kai;
ǃhaodi âb ǁaegu i ge ǃnôa ra khoe-e ge ǀkhai i.
38 Egipteb ge ǁîn ge doeǂoa o ge ǃgâiaǂgao,
Israelǁîna ǃaos ge ǁîna gaoǂam hâ i xui-ao.
39 ǃÂusab ge ǁîna nî sâuse ge khoraǂui
tsî ǀaesa tsuxuba nî ǃnâǃnâse.
40 ǁÎn ge ǂû-e ǂgan, ob ge ǁîna ǃhaudi ge sîba,
tsîb ge ǀhomma xu hâ pere-i ǀkha ǁîna ge ǁâǁâ.
41 ǁÎb ge ǃgareǀuiba ge ǁkhowa-am, tsîb ge ǁgamma ge dâuǂoaxa
ǃāba, ǂnâsa ǀkharigu ǃnâ.
42 ǁÎb ge ǁîb di ǃanu mîs
tsî Abrahammi, ǁîb ǃgāb xa ǂâi ǃnubai.
43 Tsîb ge ǁaes âba ǃgâiaǂgaob ǀkha ge ǂgaeǂguiǂui
dâ rase, ǁîb ǁhûiǂuisabesa.
44 Tsîb ge ǁîna ǃhaodi di ǃhūǀkhariga ge mā.
ǁAedi ge ǀhupub ǀkha hōbasen xūnan ge ǀumixūse ge ūbasen.
45 ǁÎb di ǁaposa xoaǁguiga dīǀoaǀoa
tsîn ǁîb ǂhanugu ǃoa nî ûise.
Koa re ǃKhūba!
