ǀÛbas di ǀgores
ǁNaeǃnans ǂgaeǂgui-aob ǃoa
Davidi Psalms, kēbo-aob Natanni ge ǁîb tawa, Batsebas ǀkhab ge hâ is khaoǃgâ hā ǁaeb dis
1 ǀKhomxa te re Elotse,
sa hâhâ ra ǀnammi ǃaroma.
Sa ǀkhomxaǂgaosib di kaisiba xu
ti ǃûǂamde ǀari re.
2 Ti tsūdīna xu ǁā te,
î ǁorena xu ǃanuǃanu te re.
3 Ti ǃûǂamde ta ge a ǂan
tsî ti ǁoreb ge hoaǁae ti aiǃâ hâ.
4 Sats ǀguits ǃoagu ta ge ǁore
tsî sa mûǁae a ǂkhabana go dī.
ǃHoats ka, ots nî ǂhanu-aise,
tsîts ǀgoraǃgâs âts ǃnâ nî ǃanuse.
5 ǁOreb ǃnâs ge ti îsa ge ǃkhōǃoa te,
dīsās ǃnâ ta ge ge ǃnae.
6 ǂGomǂgomsasib ge ǃnākhoesib ǃnâts ra ǂgaoba;
gā-aisib ge ǂganǃgâsib ǃnâts ra ǁkhāǁkhāba.
7 Hisop ǀkha ǃanuǃanu te re,
ǁā te re, î ta tsamaros ǃgâ-ai ǃuri.
8 ǁNâu kai te re ǃgâiaǂgaob tsî dâb di ǀganaba,
î gu ti ǂkhōgu khôaǂkhūts gega dâ.
9 Sa aisa ti ǁorena xu gaugau re,
îts ti ǁorena ǀariǂui.
10 ǃAnu ǂgaoba kuruba te re, Elotse,
î ǁaposa gagasa ti ǃnākhoesib ǃnâ ǀasaǀasa re.
11 Tā sa aisa xu ǂhābē te re,
î sa ǃAnu Gagaba tā tita xu ūbē re.
12 ǀAsaǀasa re tita ǃnâ sa ores di ǃgâiaǂgaoba,
î māsenxa gagas ǀkha ǂkhâǃnâ te re.
13 ǃÛǂamaona ta ge sa daoga nî ǁkhāǁkhā
tsîn ge ǁore-aona sa ǃoa nî dabasen.
14 ǀAoǂnâxūsa xu ore te re Elotse, Elots ti ǃgâiǃōsib ditse,
os ge ti namsa sa ǂhanu-aisib xa nî dâ.
15 O ǃKhūtse ti amǁgaukha satsa khowa,
os ge ti amsa sa koasa nî ǂhôa.
16 ǁGuibadets ge tura tama hâ
tsî ta ge ǃgâiǃgâibasensats ūhâǃnâ tama khauǁguibade hā-ū tide.
17 Eloba ūǃoasaba ǁguibadi ge a khôaǂkhūsa gaga;
Elotse, khôa tsî ǂkhū hâ ǂgaobats ge ǃharaxū tide.
18 Sionsa ǃgâidība re Elotse,
Jerusalems ǂnubiǂgoaga ǂnubikhâi re.
19 Ots ge ǂhanu-aisib di ǁguibadi xa nî ǃgâiaǂgao;
hoaragase ra ǂhubihe ǁguibadi xa,
tsîn ge khoena ǁgōga sa altars ai nî ǁguiba.
ǀÛbas di ǀgores
ǁNaeǃnans ǂgaeǂgui-aob ǃoa
Davidi Psalms, kēbo-aob Natanni ge ǁîb tawa, Batsebas ǀkhab ge hâ is khaoǃgâ hā ǁaeb dis
1 ǀKhomxa te re Elotse,
sa hâhâ ra ǀnammi ǃaroma.
Sa ǀkhomxaǂgaosib di kaisiba xu
ti ǃûǂamde ǀari re.
2 Ti tsūdīna xu ǁā te,
î ǁorena xu ǃanuǃanu te re.
3 Ti ǃûǂamde ta ge a ǂan
tsî ti ǁoreb ge hoaǁae ti aiǃâ hâ.
4 Sats ǀguits ǃoagu ta ge ǁore
tsî sa mûǁae a ǂkhabana go dī.
ǃHoats ka, ots nî ǂhanu-aise,
tsîts ǀgoraǃgâs âts ǃnâ nî ǃanuse.
5 ǁOreb ǃnâs ge ti îsa ge ǃkhōǃoa te,
dīsās ǃnâ ta ge ge ǃnae.
6 ǂGomǂgomsasib ge ǃnākhoesib ǃnâts ra ǂgaoba;
gā-aisib ge ǂganǃgâsib ǃnâts ra ǁkhāǁkhāba.
7 Hisop ǀkha ǃanuǃanu te re,
ǁā te re, î ta tsamaros ǃgâ-ai ǃuri.
8 ǁNâu kai te re ǃgâiaǂgaob tsî dâb di ǀganaba,
î gu ti ǂkhōgu khôaǂkhūts gega dâ.
9 Sa aisa ti ǁorena xu gaugau re,
îts ti ǁorena ǀariǂui.
10 ǃAnu ǂgaoba kuruba te re, Elotse,
î ǁaposa gagasa ti ǃnākhoesib ǃnâ ǀasaǀasa re.
11 Tā sa aisa xu ǂhābē te re,
î sa ǃAnu Gagaba tā tita xu ūbē re.
12 ǀAsaǀasa re tita ǃnâ sa ores di ǃgâiaǂgaoba,
î māsenxa gagas ǀkha ǂkhâǃnâ te re.
13 ǃÛǂamaona ta ge sa daoga nî ǁkhāǁkhā
tsîn ge ǁore-aona sa ǃoa nî dabasen.
14 ǀAoǂnâxūsa xu ore te re Elotse, Elots ti ǃgâiǃōsib ditse,
os ge ti namsa sa ǂhanu-aisib xa nî dâ.
15 O ǃKhūtse ti amǁgaukha satsa khowa,
os ge ti amsa sa koasa nî ǂhôa.
16 ǁGuibadets ge tura tama hâ
tsî ta ge ǃgâiǃgâibasensats ūhâǃnâ tama khauǁguibade hā-ū tide.
17 Eloba ūǃoasaba ǁguibadi ge a khôaǂkhūsa gaga;
Elotse, khôa tsî ǂkhū hâ ǂgaobats ge ǃharaxū tide.
18 Sionsa ǃgâidība re Elotse,
Jerusalems ǂnubiǂgoaga ǂnubikhâi re.
19 Ots ge ǂhanu-aisib di ǁguibadi xa nî ǃgâiaǂgao;
hoaragase ra ǂhubihe ǁguibadi xa,
tsîn ge khoena ǁgōga sa altars ai nî ǁguiba.
