Gideonni ge Midianǁîga ra dan
1 ǀGuitsē gu ge Jerubali (ǁnāb ge Gideonna) tsî ǁîb aogu tsîna ǃnauǁgoaga khâimâ tsî Harodǀaus ǀgūse hâǃkhaiba ge dībasen. Midianǁîgu di hâǃkhaib ge Gideon hâga xu ǀapasǀkhāb ai ǁgoe ǃgoaǃnāb ǃnâ Mores ǃnâus ǀgūse ge hâ i.
2 ǃKhūb ge Gideonna ǃoa ge mî: “Sats ǀkha hâ aogu ge Midianǁîgu ǃoagu ta nî dansa mā gosa ǃoa kaise a ǂgui. ǁÎgu ge aitsama gu go dan ti nî ǂâi tsî gu ge tita ǃoagu nî koasen. 3 ǁÎga mîba: ‘ǃAo rab hoaba ab oa, sige ge Gileadǃhommi tawa nî hâ.’ ” O gu ge ǀgamdisiǀgamǀaǀoadisi aoga ge oa, xawe disiǀoadisigu ge ge hâ.
4 Ob ge ǃKhūba Gideonna ǃoa ge mî: “Noxopats ge kaise ǂgui aoga ūhâ. ǁÎga ǁgam-e ǃoa ǁgôa-ū, o ta ge ǁîga ǁnāpa nî ǀgoraba tsi. Tita ga nēb ge sats ǀkha nî ǃgû ti a mîba tsib, ǁîb ge nî ǃgû. Tsî tita ga nēb ge sats ǀkha ǃgû tide ti a mîba tsib, ǁîb ge ǃgû tide.” 5 Gideonni ge aoga ǁgam-i ǁga a ǁgôa-ū, ob ge ǃKhūba ǁîb ǃoa ge mî: “Nammi âb ǀkha ga ari-i khami ǁgam-e āb hoaba, ǁgoara âb ai ga āb nîse ǃhonna xu ǀgora.” 6 O gu ge ǃnonakaidisi aoga ǁgam-e ǃomgu âgu ǀkha xuri tsî ge tsākhâi; naugu hoagu ge ā gu nîga ge ǃhon. 7 Ob ge ǃKhūba Gideonna ǃoa ge mî: “Tita ge ǁnā ǃnonakaidisi aogu ǁgam-e goro tsākhâi gu ǀkha huiǂui tsî dansa Midianǁîgu ǂama nî māgo. Naugu hoaga mîba î gu oa.” 8 Gideonni ge Israelǁîgu hoaga ge oa kai. ǁÎb ge ǃnonakaidisi aogu ǀguiga ge hâ-oa kai tsî gu ge ǁîga ǂûn tsî xâiǁnâdi tsîna ǁnāxūbahe. Midianǁîgu di hâǃkhaib ge ǁîga xu ǃnaka ǃgoaǃnāb ǃnâ ge hâ i.
9 ǁNā tsuxub ǃnâb ge ǃKhūba Gideonna ge mîmā: “Khâi, îts Midianǁîgu di hâǃkhaiba sī ǁnāǂam. Tita ge dansa ǁîgu ǂama ra mā tsi. 10 Xawe ǁîga ǁnāǂamsats nî ǃaos kao, ǁnâi sa ǃgāb Purab ǀkha hâǃkhaib ǃoa ǁgôa. 11 Sats ge tare-e gu ra mîsa ǁnâu tsî ǁîga ǁnāǂamsa ǃoa ǁkhoaǂgaoxasiba nî hō.” ǁNāti kha ge Gideonni tsî ǁîb di ǃgāb Purab tsîkha khākhoegu di hâǃkhaib amǃgâb kōse ge ǁgôa. 12 Midianǁîn, Amalekǁîn tsî aiǂoas ǃhaodi din tsîn ge hoaraga ǃgoaǃnāba ǂhomn khami ǂguise ge ǀoa hâ i. ǁÎn di ǃnain ge hurib amǃgâb di ǃhūb khami, ǃgôahe ǁoasase ge ǂgui i.
13 ǁNāpab ge sī, ob ge Gideonna khoeb ra horesab âba ǁhapo-e mîba ǃkhaisa ge ǁnâu. ǁÎb ge ge mî: “Tita ge go ǁhapo ǃgupu ǃhoroperes sage hâǃkhaib ǃnâ gabasen ǂgâxa tsî tentsa ra ǂgâu ǃkhaisa. Tents ge ǂhabase ǃhūb ai go ǁnāǁgoe.”
14 Ob ge horesab âba ge ǃeream: “Israelǁîb Gideonni, Joasi ôab di gôab ge ǁnāba. ǀNî xū tama i ge ǁnā-e. Elob ge ǁîba Midianni tsî sada toroǂnubis hoaragas ǂama dansa go mā.”
15 Gideonni ge nē khoeb di ǁhapos tsî tare-es ra ǂâibasensab ge ǁnâuo, ǃhonǁgoa tsî ǃKhūba ge ǀgoreǀî. Tsîb ge Israelǁîn di hâǃkhaib ǃoa oa tsî ge mî: “Khâima, ǃKhūb ge Midianǁîn di toroǂnubis ǂama dansa ra mā go.” 16 Gideonni ge ǁîb di ǃnonakaidisi khoega ǃnona ǃnandi ǃnâ ǀgoraǂgā tsî mâb hoaba xâiǁnâs tsî ǂgoaxapab, ǃamǀaes hâǃnâb tsîna ge mā. 17 Tsîb ge ǁîga ge mîba: “Hâǃkhaib amǃgâb kōse ta ga sī, o tita kō, î tita ra dī khami dī. 18 Tita tsî tita ǀkha hâ khoegu tsîge ga xâiǁnâde a xâi, o go ge sago hoago hâǃkhaib ǂnamipe ǁnāti dī tsî ‘ǃKhūb ǃaroma tsî Gideonni ǃaroma’ ti nî ǂgaiǂui.”
19 Gideonni tsî ǁîb di ǀguikaidisi khoegu tsîgu ge tsuxuǃgâb ai, ǃûi-aogu ǀase ǃkhunigutoa hâ hîa hâǃkhaib amǃgâb ai ge sī. Tsî gu ge xâiǁnâde xâi tsî ǂgoaxapagu, ū gu ge hâ iga ge khôa, 20 o gu ge nau ǀgam ǃnanra digu tsîna ǁkhās ǁkhāsa ge dī. ǁÎgu hoagu ge ǃamǀaede ǁareǀkhāb ǃommi ǃnâ ū, xâiǁnâde amǀkhāb ǃommi ǃnâ ū tsî “Gôaba ǃKhūb ǃaroma tsî Gideonni ǃaroma” ti ge ǂgaiǂui. 21 Mâ khoeb hoab ge hâǃkhaib ǂnamipe ǁîb di ǃkhais ai ge mâ i, tsîs ge hoaraga toroǂnubis khākhoen disa ǃau rase ge ǃkhoeni. 22 Gideonni di khoegu xâiǁnâde ra xâi hîab ge ǃKhūba ge dī khākhoen toroǃkhamaogu ge ǁîǃnābe gôagu ǀkha ǃgamgu ǃkhaisa. ǁÎgu ge Saretans ǁga Bet-Sitas kōse ge ǁhâ tsî Abel-Meholas, Tabats ǀgūse ǁgoes kōse.
23 Naftalib, Aseri tsî Manaseb di ǀkharikha hoakha di Israelǁîgu ge ge ǂgaiǀhaohe tsî gu ge ǁîga Midianǁîga ge ǃgôaǃgon. 24 Gideonni ge sîsabega Efraimmi di ǃnâuxa ǃhūb hoaragab ǃnâ ge sîǂui, î gu sī mî: “Hā, î Midianǁîn ǃoagu hā ǃkham, î Jordanǃāb tsî ǃārogu tsîna Bet-Baras kōse ū, tsî Midianǁîn ǁîga nî ǃgâusa ǁkhae.” Efraimmi di khoegu ge ǂgaiǀhaohe tsî Jordanǃāba Bet-Baras kōse ge ǁkhae. 25 ǁÎgu ge Midianǁîn di ǂgaeǂgui-aokha, Oreb tsî Seeb tsîkha ge ǃkhō; tsî gu ge Oreba Oreb ǃhaob ai ge ǃgam tsî Seeba Seeb di ǀāǃnâǃkhaib tawa ge ǃgam. Midianǁîna gu ge ǃgôaǃgons khaoǃgâ gu ge Oreb tsî Seeb tsîkha di danara, Gideonni hîa Jordanni nauǃanib ai hâb tawa ge sī-ū.
Gideonni ge Midianǁîga ra dan
1 ǀGuitsē gu ge Jerubali (ǁnāb ge Gideonna) tsî ǁîb aogu tsîna ǃnauǁgoaga khâimâ tsî Harodǀaus ǀgūse hâǃkhaiba ge dībasen. Midianǁîgu di hâǃkhaib ge Gideon hâga xu ǀapasǀkhāb ai ǁgoe ǃgoaǃnāb ǃnâ Mores ǃnâus ǀgūse ge hâ i.
2 ǃKhūb ge Gideonna ǃoa ge mî: “Sats ǀkha hâ aogu ge Midianǁîgu ǃoagu ta nî dansa mā gosa ǃoa kaise a ǂgui. ǁÎgu ge aitsama gu go dan ti nî ǂâi tsî gu ge tita ǃoagu nî koasen. 3 ǁÎga mîba: ‘ǃAo rab hoaba ab oa, sige ge Gileadǃhommi tawa nî hâ.’ ” O gu ge ǀgamdisiǀgamǀaǀoadisi aoga ge oa, xawe disiǀoadisigu ge ge hâ.
4 Ob ge ǃKhūba Gideonna ǃoa ge mî: “Noxopats ge kaise ǂgui aoga ūhâ. ǁÎga ǁgam-e ǃoa ǁgôa-ū, o ta ge ǁîga ǁnāpa nî ǀgoraba tsi. Tita ga nēb ge sats ǀkha nî ǃgû ti a mîba tsib, ǁîb ge nî ǃgû. Tsî tita ga nēb ge sats ǀkha ǃgû tide ti a mîba tsib, ǁîb ge ǃgû tide.” 5 Gideonni ge aoga ǁgam-i ǁga a ǁgôa-ū, ob ge ǃKhūba ǁîb ǃoa ge mî: “Nammi âb ǀkha ga ari-i khami ǁgam-e āb hoaba, ǁgoara âb ai ga āb nîse ǃhonna xu ǀgora.” 6 O gu ge ǃnonakaidisi aoga ǁgam-e ǃomgu âgu ǀkha xuri tsî ge tsākhâi; naugu hoagu ge ā gu nîga ge ǃhon. 7 Ob ge ǃKhūba Gideonna ǃoa ge mî: “Tita ge ǁnā ǃnonakaidisi aogu ǁgam-e goro tsākhâi gu ǀkha huiǂui tsî dansa Midianǁîgu ǂama nî māgo. Naugu hoaga mîba î gu oa.” 8 Gideonni ge Israelǁîgu hoaga ge oa kai. ǁÎb ge ǃnonakaidisi aogu ǀguiga ge hâ-oa kai tsî gu ge ǁîga ǂûn tsî xâiǁnâdi tsîna ǁnāxūbahe. Midianǁîgu di hâǃkhaib ge ǁîga xu ǃnaka ǃgoaǃnāb ǃnâ ge hâ i.
9 ǁNā tsuxub ǃnâb ge ǃKhūba Gideonna ge mîmā: “Khâi, îts Midianǁîgu di hâǃkhaiba sī ǁnāǂam. Tita ge dansa ǁîgu ǂama ra mā tsi. 10 Xawe ǁîga ǁnāǂamsats nî ǃaos kao, ǁnâi sa ǃgāb Purab ǀkha hâǃkhaib ǃoa ǁgôa. 11 Sats ge tare-e gu ra mîsa ǁnâu tsî ǁîga ǁnāǂamsa ǃoa ǁkhoaǂgaoxasiba nî hō.” ǁNāti kha ge Gideonni tsî ǁîb di ǃgāb Purab tsîkha khākhoegu di hâǃkhaib amǃgâb kōse ge ǁgôa. 12 Midianǁîn, Amalekǁîn tsî aiǂoas ǃhaodi din tsîn ge hoaraga ǃgoaǃnāba ǂhomn khami ǂguise ge ǀoa hâ i. ǁÎn di ǃnain ge hurib amǃgâb di ǃhūb khami, ǃgôahe ǁoasase ge ǂgui i.
13 ǁNāpab ge sī, ob ge Gideonna khoeb ra horesab âba ǁhapo-e mîba ǃkhaisa ge ǁnâu. ǁÎb ge ge mî: “Tita ge go ǁhapo ǃgupu ǃhoroperes sage hâǃkhaib ǃnâ gabasen ǂgâxa tsî tentsa ra ǂgâu ǃkhaisa. Tents ge ǂhabase ǃhūb ai go ǁnāǁgoe.”
14 Ob ge horesab âba ge ǃeream: “Israelǁîb Gideonni, Joasi ôab di gôab ge ǁnāba. ǀNî xū tama i ge ǁnā-e. Elob ge ǁîba Midianni tsî sada toroǂnubis hoaragas ǂama dansa go mā.”
15 Gideonni ge nē khoeb di ǁhapos tsî tare-es ra ǂâibasensab ge ǁnâuo, ǃhonǁgoa tsî ǃKhūba ge ǀgoreǀî. Tsîb ge Israelǁîn di hâǃkhaib ǃoa oa tsî ge mî: “Khâima, ǃKhūb ge Midianǁîn di toroǂnubis ǂama dansa ra mā go.” 16 Gideonni ge ǁîb di ǃnonakaidisi khoega ǃnona ǃnandi ǃnâ ǀgoraǂgā tsî mâb hoaba xâiǁnâs tsî ǂgoaxapab, ǃamǀaes hâǃnâb tsîna ge mā. 17 Tsîb ge ǁîga ge mîba: “Hâǃkhaib amǃgâb kōse ta ga sī, o tita kō, î tita ra dī khami dī. 18 Tita tsî tita ǀkha hâ khoegu tsîge ga xâiǁnâde a xâi, o go ge sago hoago hâǃkhaib ǂnamipe ǁnāti dī tsî ‘ǃKhūb ǃaroma tsî Gideonni ǃaroma’ ti nî ǂgaiǂui.”
19 Gideonni tsî ǁîb di ǀguikaidisi khoegu tsîgu ge tsuxuǃgâb ai, ǃûi-aogu ǀase ǃkhunigutoa hâ hîa hâǃkhaib amǃgâb ai ge sī. Tsî gu ge xâiǁnâde xâi tsî ǂgoaxapagu, ū gu ge hâ iga ge khôa, 20 o gu ge nau ǀgam ǃnanra digu tsîna ǁkhās ǁkhāsa ge dī. ǁÎgu hoagu ge ǃamǀaede ǁareǀkhāb ǃommi ǃnâ ū, xâiǁnâde amǀkhāb ǃommi ǃnâ ū tsî “Gôaba ǃKhūb ǃaroma tsî Gideonni ǃaroma” ti ge ǂgaiǂui. 21 Mâ khoeb hoab ge hâǃkhaib ǂnamipe ǁîb di ǃkhais ai ge mâ i, tsîs ge hoaraga toroǂnubis khākhoen disa ǃau rase ge ǃkhoeni. 22 Gideonni di khoegu xâiǁnâde ra xâi hîab ge ǃKhūba ge dī khākhoen toroǃkhamaogu ge ǁîǃnābe gôagu ǀkha ǃgamgu ǃkhaisa. ǁÎgu ge Saretans ǁga Bet-Sitas kōse ge ǁhâ tsî Abel-Meholas, Tabats ǀgūse ǁgoes kōse.
23 Naftalib, Aseri tsî Manaseb di ǀkharikha hoakha di Israelǁîgu ge ge ǂgaiǀhaohe tsî gu ge ǁîga Midianǁîga ge ǃgôaǃgon. 24 Gideonni ge sîsabega Efraimmi di ǃnâuxa ǃhūb hoaragab ǃnâ ge sîǂui, î gu sī mî: “Hā, î Midianǁîn ǃoagu hā ǃkham, î Jordanǃāb tsî ǃārogu tsîna Bet-Baras kōse ū, tsî Midianǁîn ǁîga nî ǃgâusa ǁkhae.” Efraimmi di khoegu ge ǂgaiǀhaohe tsî Jordanǃāba Bet-Baras kōse ge ǁkhae. 25 ǁÎgu ge Midianǁîn di ǂgaeǂgui-aokha, Oreb tsî Seeb tsîkha ge ǃkhō; tsî gu ge Oreba Oreb ǃhaob ai ge ǃgam tsî Seeba Seeb di ǀāǃnâǃkhaib tawa ge ǃgam. Midianǁîna gu ge ǃgôaǃgons khaoǃgâ gu ge Oreb tsî Seeb tsîkha di danara, Gideonni hîa Jordanni nauǃanib ai hâb tawa ge sī-ū.
