Torob
1 “Sadu khākhoen ǃoagu nî torodīse du ga ǃgûǂoa tsî ǁîn sadu xa ǃnāsa torokunidi, hān tsî toroǃkhamaogu tsîna ūhâ ǃkhaisa mû, o tā ǃao. ǃKhūb sadu Elob sado Egipteba xu ge ǂgaeǂguiǂuib sadu ǀkha nî hâ xuige.Torokunidi, hān tsî toroǃkhamaogu 2 ǃKhams ǀkha du nî tsoatsoas aiǃâb ge pristera hā tsî sado nî gowaǀî. 3 ‘Israelǁîdo ǃgâ re! Nētsē du ge sadu khākhoen ǃoagu nî ǃkham, xawe ǁîna tā ǃao, tamas ka io ǂkhabuǂâi, tamas ka io ǃhuri. 4 ǃKhūb sadu Elob ge sadu ǀkha ǀguipa ǃgû tsî sadu khākhoen ǃoagu nî dan kai du.’
5 “ǂGaeǂgui-aogu ge khoena gowaǀî tsî nî mî: ‘Khoe-e nēpa hâ-e, omsa om tsî noxopa ǁanǃnâ tama-e? A-i ǁnāti ī khoe-e ǁaru tsî tā torob ǃnâ ǁō, î-i tā ǀnî khoe-e ǁî-i omsa ǁanǃnâ. 6 Tari-e draibeǃhanaba ǂgā tsî ǁîb ǂûna tsâ tama-e? A-i ǁnāti ī khoe-e ǁaru tsî tā torob ǃnâ ǁō, î-i tā ǀnî khoe-e ǁî-i draibeǃhanaba xu ǃgâiǃgâ. 7 Tariba khoesa ǃgameb ǃaroma ǂnûiǃom, xawe noxopa ǃgame tamaba? Ab ǁîba ǁaru, îb tā torob ǃnâ ǁō tsî ǁîsa ǀkhara khoeb xa ūhe.’
8 “ǁKhāti gu ge ǂgaeǂgui-aoga khoen ǃoa nî mî: ‘Nēpa ǃaoǃnâ tsî ǂkhabusa ǂgaoba ūhâ khoega hâ gu a? A gu ǁnâi ǁgâus ǁga ǁaru, î gu tā nau khoegu tsîna ǂkhabuǂâi kai.’ 9 ǂGaeǂgui-aogu ga khoega gowaǀîtoa, o i ge mâ ǃgubis hoas ǃaroma danakhoega nî ǁhûihe.
10 “ǃĀ-e go nî ǁnāǂams aiǃâ, aibe ǁîs di khoen nî ǂkhîb ǃnâ māǁnâsen ǃkhaisa dītsâ. 11 ǃĀs ga ǂkhîb ǃnâ māǁnâsen tsî daode ǁkhowa-amba go, on ge hoana sadu khobo kai tsî ǁgarisîsenna sado nî dība. 12 Xawen ga ǃās di khoena māǁnâsen ǂgao tama i tsî ǃkhams ǃaroma ǂhomisen, o sadu toroǂnubis ǀkha ǁîsa ǃnamiǂgā. 13 Ob ge ǃKhūb sadu Eloba ǃāsa sadu ǃomǁae nî māǁnâ, tsî du ge hoaraga aorekhoegu ǁîs ǃnâ hâga nî ǃgam. 14 Xawe tarekhoedi, ǀgôan, goman, ǀgoan tsî hoaraga xūn hîa a ūhe ǁkhān, ǃās ǃnâ hân hoana ūbasen î sîsenū, ǃKhūb sadu Elob go mā du xui-ao. 15 ǁNāti du ge hoaraga ǃādi sado xu ǃnūse ǁgoedi tsî nēpa sadu ǀgūse hâ ǁaedi di tama ǃādi hoade nî dī-ū.
16 “Xawe ǃKhūb sadu Elob ra ūbasen du nîse mā du ǃādi hoadi ǃnâ du ge ǀgui xū-i tsîna ûitsamase ǁnāxū tide. 17 ǃKhūb ge mîmā du khami hoaraga khoen: Hetǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîn hoana, ǀgui-i tsîn ǃgau tamase hîkākā. 18 ǁÎn hoana ǃgamǂui, în tā ǁîn di elogan ga ǀgoreǀî, on ra dī ui-uisa xūn ǀkha sado ǃKhūb ǃoagu ǁore kai.
19 “ǃĀ-e du ga ǁnāǂam tsîs ga ǃkhamsa gaxuǃnâ, xawe du ge ǂûhaidi, ǁîde xu du ǂûna nî ǃora tsî ǂûde hîkākā tsî ǁhāǁnâ tide. Tā ǁîde ǁhāǁnâ, ǁîdi khoe tama tsî du ǁîdi ǃoagu ǃkham tama xuige. 20 Haidi hîa ǂûtani tamadi ǀguide du ge hîkākā ǁkhā. ǁÎde ǁhāǁnâ, î sadu khākhoena du nî ǃkhamū tsî hîkākā-ū ǁâtanina kuru-ū, hoaraga ǃās nî hîkākāhese.
Torob
1 “Sadu khākhoen ǃoagu nî torodīse du ga ǃgûǂoa tsî ǁîn sadu xa ǃnāsa torokunidi, hān tsî toroǃkhamaogu tsîna ūhâ ǃkhaisa mû, o tā ǃao. ǃKhūb sadu Elob sado Egipteba xu ge ǂgaeǂguiǂuib sadu ǀkha nî hâ xuige.Torokunidi, hān tsî toroǃkhamaogu 2 ǃKhams ǀkha du nî tsoatsoas aiǃâb ge pristera hā tsî sado nî gowaǀî. 3 ‘Israelǁîdo ǃgâ re! Nētsē du ge sadu khākhoen ǃoagu nî ǃkham, xawe ǁîna tā ǃao, tamas ka io ǂkhabuǂâi, tamas ka io ǃhuri. 4 ǃKhūb sadu Elob ge sadu ǀkha ǀguipa ǃgû tsî sadu khākhoen ǃoagu nî dan kai du.’
5 “ǂGaeǂgui-aogu ge khoena gowaǀî tsî nî mî: ‘Khoe-e nēpa hâ-e, omsa om tsî noxopa ǁanǃnâ tama-e? A-i ǁnāti ī khoe-e ǁaru tsî tā torob ǃnâ ǁō, î-i tā ǀnî khoe-e ǁî-i omsa ǁanǃnâ. 6 Tari-e draibeǃhanaba ǂgā tsî ǁîb ǂûna tsâ tama-e? A-i ǁnāti ī khoe-e ǁaru tsî tā torob ǃnâ ǁō, î-i tā ǀnî khoe-e ǁî-i draibeǃhanaba xu ǃgâiǃgâ. 7 Tariba khoesa ǃgameb ǃaroma ǂnûiǃom, xawe noxopa ǃgame tamaba? Ab ǁîba ǁaru, îb tā torob ǃnâ ǁō tsî ǁîsa ǀkhara khoeb xa ūhe.’
8 “ǁKhāti gu ge ǂgaeǂgui-aoga khoen ǃoa nî mî: ‘Nēpa ǃaoǃnâ tsî ǂkhabusa ǂgaoba ūhâ khoega hâ gu a? A gu ǁnâi ǁgâus ǁga ǁaru, î gu tā nau khoegu tsîna ǂkhabuǂâi kai.’ 9 ǂGaeǂgui-aogu ga khoega gowaǀîtoa, o i ge mâ ǃgubis hoas ǃaroma danakhoega nî ǁhûihe.
10 “ǃĀ-e go nî ǁnāǂams aiǃâ, aibe ǁîs di khoen nî ǂkhîb ǃnâ māǁnâsen ǃkhaisa dītsâ. 11 ǃĀs ga ǂkhîb ǃnâ māǁnâsen tsî daode ǁkhowa-amba go, on ge hoana sadu khobo kai tsî ǁgarisîsenna sado nî dība. 12 Xawen ga ǃās di khoena māǁnâsen ǂgao tama i tsî ǃkhams ǃaroma ǂhomisen, o sadu toroǂnubis ǀkha ǁîsa ǃnamiǂgā. 13 Ob ge ǃKhūb sadu Eloba ǃāsa sadu ǃomǁae nî māǁnâ, tsî du ge hoaraga aorekhoegu ǁîs ǃnâ hâga nî ǃgam. 14 Xawe tarekhoedi, ǀgôan, goman, ǀgoan tsî hoaraga xūn hîa a ūhe ǁkhān, ǃās ǃnâ hân hoana ūbasen î sîsenū, ǃKhūb sadu Elob go mā du xui-ao. 15 ǁNāti du ge hoaraga ǃādi sado xu ǃnūse ǁgoedi tsî nēpa sadu ǀgūse hâ ǁaedi di tama ǃādi hoade nî dī-ū.
16 “Xawe ǃKhūb sadu Elob ra ūbasen du nîse mā du ǃādi hoadi ǃnâ du ge ǀgui xū-i tsîna ûitsamase ǁnāxū tide. 17 ǃKhūb ge mîmā du khami hoaraga khoen: Hetǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîn hoana, ǀgui-i tsîn ǃgau tamase hîkākā. 18 ǁÎn hoana ǃgamǂui, în tā ǁîn di elogan ga ǀgoreǀî, on ra dī ui-uisa xūn ǀkha sado ǃKhūb ǃoagu ǁore kai.
19 “ǃĀ-e du ga ǁnāǂam tsîs ga ǃkhamsa gaxuǃnâ, xawe du ge ǂûhaidi, ǁîde xu du ǂûna nî ǃora tsî ǂûde hîkākā tsî ǁhāǁnâ tide. Tā ǁîde ǁhāǁnâ, ǁîdi khoe tama tsî du ǁîdi ǃoagu ǃkham tama xuige. 20 Haidi hîa ǂûtani tamadi ǀguide du ge hîkākā ǁkhā. ǁÎde ǁhāǁnâ, î sadu khākhoena du nî ǃkhamū tsî hîkākā-ū ǁâtanina kuru-ū, hoaraga ǃās nî hîkākāhese.
