1 ǃAruǀîb ge Moseba Israelǁîn ǃoa ge mî: “ǁNāpa xu da ge ǀApahurib ǀkhāb ai, ǃgaroǃhūb ǃnâ ge doeǂgâ ǃKhūb ge mîmā te khami, tsî gaxu ǁaeba ǃhomxa ǃhūb Seiri dib ǃnâ gere hâma.
2 “Ob ge ǃKhūba tita ge mîba, 3 kaise da ge gaxuse ǃhomxa ǃhūb ǃnâ hâma tsî ǁnā-amaga nēsi ǀapasǀkhāb ǁga nî danadanasa. 4 ǁÎb ge sao ra ǁguiǂamde ta nî mā dusa ge mîmā te: ‘Nēsi du ge sadu ǃgâsan, sadu aboxab Esaub, Seirs ǃnâ ǁan hâb di suriba xu hân di ǀkhariba-u ǃkharus ǃaroma a ǂhomisa; ǁîn ge sado ra ǃao, xawe ǂōrisase kōbasen, 5 î tā ǁîn ǃoagu torodī. ǁNāsa du ga dī, o ta ge sadu ǂaiǃnāba du nî mâ-ai ǃhūǃâ-i tsîna ǁîn di ǃhūba xu mā du tide. Esaub di suriba ta ge Seirs di ǃhomxa ǃhūba mā xui-ao. 6 ǁÎn di ǃhūba-u du ra ǃkharu khami du ge ǂûn tsî ǁgam-i tsîna ǁîna xu ǁama ǁkhā.’
7 “Mâtib ge ǃKhūb sadu Eloba dī du gere xū-i hoa-i ǃnâ ǀkhae du ǃkhaisa ǂâihō re. ǁÎb ge sado nē kai ǃgaroǃhūb ǃnâ-u du ge ǃkharu, os tsîna ge ǃûi. ǁÎb ge hoaraga hakadisi kuriga sadu ǀkha ge hâ i tsî du ge xū-i xare-e ge ǂhâ tama hâ i.
8 “ǁNā-amaga da ge aiǃgû tsî sida ǃgâsan, sida aboxab Esaub, Seirs ǃnâ ǁan hâb di suriba xu hân di ǀkhariba ǃkharuǀkhā tsî Arabas, Elats tsî Esiongebers tsîdi ǁga garu daoba tsâǀkhā tamase, Moab ǃgaroǃhūb ǃnâ-u ra ǃkharu daoba ge ū. 9 Ob ge ǃKhūba tita ǃoa ge mî: ‘Tā Moabǁîn, Loti di suriba xu hâna ǁgoaǂui tsî ǁîna torodī-ū, ǁîn di ǃhūba ta ūhâxūse mā du tide xuige. Arsa ta ge Loti di suriba ūhâxūse ge mā.’ ”
10 (Moabǁîn aiǃâs ge kaikara tsî kaise ǀgaisa ǁaes, Emi ti ge ǂansa isa Ars tawa ge ǁan hâ i. ǁÎn ge Anakǁîn khami ge kaikara i. 11 Anakǁîn khamin ge Moabǁîn tsîna Refaimǁîn ti ge ǂansa i; xawen ge Moabǁîna ǁîna Emiǁîn ti gere ǀonǂgai. 12 Horǁîn ge Seirs tawa ǀnai ge ǁan hâ i, xaweb ge Esaub suriba ǁîna ǁîn ǃhūba xu doeǁgaǂui, ǁîna hîkākā tsî ǁnāpa ǁîn ǃhūb ǃnâ ge ǁan; Israelǁîn ge ǃKhūb ge ǁîn nî ūbasense ǁîna mā ǃhūb ǃnâ dī khami ǀgui.)
13 “ǁNās khaoǃgâ da ge Seredǃāba ǃKhūb ge mîmā da khami ge ǃgâu. 14 Nēs ge Kades-Barneasa da ǃnonadisiǁkhaisaǀa kuriga ǃgûxū hâs khaoǃgâ ge isa. ǃKhūb ge mîmâi hâ i khami gu ge hoaraga toroǃkhamaogu ǁnā surib diga ge ǁōtoa. 15 ǃKhūb ge ǁîgu hoagu nî sī ǁōtoas kōse ǁîga ǁkharas ǀkha ge aiǃgû.
16 “Hoaraga toroǃkhamaogu ge ǁōtoao, 17 ob ge ǃKhūba sida ǃoa ge mî: 18 ‘Nētsē du ge Moabǁîn di ǀkharib ǃnâ-u Ars ǀgūse nî ǃkharuse mâ. 19 Sadu ge Amonǁîn, Loti suriba xu hân di ǃhūǀgoras ǀgūse nî sī, xawe du ge ǁîna ǁgoaǂui tsî torodī-ū tide, ǁîna ta ge mā ǃhūba ta sado ūhâxūse mā tide xui-ao.’ ”
20 (Nē ǀkharib ge Refaimǁîn di ǃhūb tis tsîna a ǂansa; ǁnāpa ge ǁan hâ i khoen ge Refaimǁîn ti gere ǀonǂgaihe. Amonǁîn ge ǁîna Samsumǁîn ti gere ǀonǂgai. 21 ǁÎn ge Anakǁîn khami ge kaikara i. ǁÎn ge ǂgui tsî kaise ge ǀgaisa i. Xaweb ge ǃKhūba ǁîna ge hîkākā, Amonǁîn ǁîn di ǃhūba ūbasen tsî ǁnāpa nî ǁanse. 22 ǃKhūb ge ǁkhās ǁkhāsa Edomǁîn, Esaub di suriba xu hân, Edoms di ǃhomxa ǃhūb ǃnâ ge hâ ina ge dība. ǁÎb ge Edomǁîn nî ǃhūba ūbasen tsî ǁnāpa ǁanse Horǁîna ge hîkākā. Edomǁîn ge noxopa ǁnāpa ǁan hâ. 23 Mediteraneahurib xōǀkhā ǁgoe ǃhūb ǃnân ge Kretaǃnāǃnuis di khoena ǁan hâ. ǁÎn ge ǂhunuma ǁanǂgāsaben, Avimǁîna hîkākā tsî ǁîn di hoaraga ǃhūb Gasas di ǃkhawagasǀkhāb kōse ra sība ge ūbasen.)
24 “Moaba da ge ǃkharus khaoǃgâb ge ǃKhūba sida ǃoa ge mî: ‘Nēsi khâimâ, î du Arnonǃāba ǃgâu. Sihonni Amorǁîn di gao-aob Hesbons dib tsî ǁîb ǃhūb tsîna ta ge sado ra ǁkhaeǁnâ. ǁÎba ǁnāǂam, î ǁîb ǃhūba ūbasen. 25 Nētsēsa xu ta ge mâpa ǀguis ka xawe, khoen nî sado ǃao ǃkhaisa nî dī. Sadu ǀonsa ga ǁnâu khoe-i hoa-i ge ǃhurib xa ǀkhū tsî nî ǃao.’
Gao-aob Sihonni ra danhe
(Numeri 21:21-30)26 “ǁNās khaoǃgâ ta ge sîsabega Kedemots ǃgaroǃhūba xu gao-aob Sihonni Hesbons dib ǁga ge sî, sao ra aoǁguib ǂkhîb dib ǀkha: 27 ‘Sa ǃhūb ǃnâ-u da nî ǃkharusa mā-am da re. Kai daob ai ǀgui da ge ǁîba xu ǁgôa tamase nî hâǀgara. 28 ǂÛ-i hîa da nî ǂû-i tsî ǁgam-i hîa da nî ā-i tsîn hoana da ge nî ǁama. Sa ǃhūb ǃnâ-u da nî ǃkharu ǃkhais ǀguisa da ge ra ǂhâba, 29 Jordanǃāba ǃgâu tsî da ǃKhūb sida Elob ge mā da ǃhūb ǃnâ nî sī ǂgâs kōse. Esaub di surib Edoms ǃnâ ǁan hâb tsî Moabǁîn Ars tawa ǁan hân tsîn hoan ge ǁîn di ǀkharib ǃnâ-u ǃkharusa ge mā-am da.’
30 “Xaweb ge gao-aob Sihonna ǁîb di ǃhūba-u ǃkharusa mā-am da tama ge i. ǃKhūb sadu Elob ge gao-aob Sihonni ǂgaoba karokaro tsî ge khâikhâisenxa kai, ǁîba da nî dan tsî ǁîb di ǀkhariba ǁkhâuǁnâ ǁkhāse, ǁnā ǀkharib noxopa da ǁanǃnâ hâba.
31 “Ob ge ǃKhūba ǃaruǀî tita ǃoa ge mî: ‘Mû, gao-aob Sihonni tsî ǁîb ǃhūb tsîna ta ge nēsisa xu sado ra ǁkhaeǁnâ. ǁÎba ǁnāǂam, î ǁîb ǃhūba ūbasen.’ 32 Sihonni ge Hesbonsa xu sidab nî ǃkhamse hoaraga toroǃkhamaogu âba ū tsî Jahas ǀgūse ge hā; 33 xaweb ge ǃKhūb sida Eloba ǁîb, ôasagu âb tsî hoaraga toroǃkhamaogu âb tsîga sida ǃomgu ǃnâ ge māǁnâ; sida ge ǁîgu hoaga ge hîkākā. 34 ǁKhā ǁaeb ai da ge ǁîb di ǃādi hoade ǁkhâuǁnâ, hîkākā tsî hoaraga khoen, aorekhoegu, tarekhoedi tsî ǀgôaron tsîn hoana, ǀkhomoǃnâse ǀgui-i tsîn ǃgau tamase ge ǃgamǂui. 35 ǀGoan tsî goman tsî hîǀhuru da ge ǃādi di ǁuib ǀguiba da ge ge ūbasen. 36 ǃKhūb sada Elob ge Aroersa xu ǁgoe ǃāde hoadi, Arnonǃgoaǃnāb di ǂaob ai, tsî ǃgoaǃnāb ǁaegub ai ǁgoe ǃāsa xu Gileadǀkharib kōse ǁgoe ǃādi hoade da nî ǁkhâuǁnâ ǃkhaisa ge īǁkhā kai. ǁÎ-i di ǀgapi ǂnubiǂgoagu ǀkha ge ǁkhae da ǃā-i tsîn ge ge ǀkhai i. 37 ǃKhūb sida Elob ge mîmā da khami da ge Amonǁîn ǀkharib, ǁnāb ge Jabokǃāb di ǀkharib tsî ǃhomxa ǃhūb tsîkha ǃkhōǂgā hâb ǀgūse sida ǂai-i xare-e dā tama ge i.
1 ǃAruǀîb ge Moseba Israelǁîn ǃoa ge mî: “ǁNāpa xu da ge ǀApahurib ǀkhāb ai, ǃgaroǃhūb ǃnâ ge doeǂgâ ǃKhūb ge mîmā te khami, tsî gaxu ǁaeba ǃhomxa ǃhūb Seiri dib ǃnâ gere hâma.
2 “Ob ge ǃKhūba tita ge mîba, 3 kaise da ge gaxuse ǃhomxa ǃhūb ǃnâ hâma tsî ǁnā-amaga nēsi ǀapasǀkhāb ǁga nî danadanasa. 4 ǁÎb ge sao ra ǁguiǂamde ta nî mā dusa ge mîmā te: ‘Nēsi du ge sadu ǃgâsan, sadu aboxab Esaub, Seirs ǃnâ ǁan hâb di suriba xu hân di ǀkhariba-u ǃkharus ǃaroma a ǂhomisa; ǁîn ge sado ra ǃao, xawe ǂōrisase kōbasen, 5 î tā ǁîn ǃoagu torodī. ǁNāsa du ga dī, o ta ge sadu ǂaiǃnāba du nî mâ-ai ǃhūǃâ-i tsîna ǁîn di ǃhūba xu mā du tide. Esaub di suriba ta ge Seirs di ǃhomxa ǃhūba mā xui-ao. 6 ǁÎn di ǃhūba-u du ra ǃkharu khami du ge ǂûn tsî ǁgam-i tsîna ǁîna xu ǁama ǁkhā.’
7 “Mâtib ge ǃKhūb sadu Eloba dī du gere xū-i hoa-i ǃnâ ǀkhae du ǃkhaisa ǂâihō re. ǁÎb ge sado nē kai ǃgaroǃhūb ǃnâ-u du ge ǃkharu, os tsîna ge ǃûi. ǁÎb ge hoaraga hakadisi kuriga sadu ǀkha ge hâ i tsî du ge xū-i xare-e ge ǂhâ tama hâ i.
8 “ǁNā-amaga da ge aiǃgû tsî sida ǃgâsan, sida aboxab Esaub, Seirs ǃnâ ǁan hâb di suriba xu hân di ǀkhariba ǃkharuǀkhā tsî Arabas, Elats tsî Esiongebers tsîdi ǁga garu daoba tsâǀkhā tamase, Moab ǃgaroǃhūb ǃnâ-u ra ǃkharu daoba ge ū. 9 Ob ge ǃKhūba tita ǃoa ge mî: ‘Tā Moabǁîn, Loti di suriba xu hâna ǁgoaǂui tsî ǁîna torodī-ū, ǁîn di ǃhūba ta ūhâxūse mā du tide xuige. Arsa ta ge Loti di suriba ūhâxūse ge mā.’ ”
10 (Moabǁîn aiǃâs ge kaikara tsî kaise ǀgaisa ǁaes, Emi ti ge ǂansa isa Ars tawa ge ǁan hâ i. ǁÎn ge Anakǁîn khami ge kaikara i. 11 Anakǁîn khamin ge Moabǁîn tsîna Refaimǁîn ti ge ǂansa i; xawen ge Moabǁîna ǁîna Emiǁîn ti gere ǀonǂgai. 12 Horǁîn ge Seirs tawa ǀnai ge ǁan hâ i, xaweb ge Esaub suriba ǁîna ǁîn ǃhūba xu doeǁgaǂui, ǁîna hîkākā tsî ǁnāpa ǁîn ǃhūb ǃnâ ge ǁan; Israelǁîn ge ǃKhūb ge ǁîn nî ūbasense ǁîna mā ǃhūb ǃnâ dī khami ǀgui.)
13 “ǁNās khaoǃgâ da ge Seredǃāba ǃKhūb ge mîmā da khami ge ǃgâu. 14 Nēs ge Kades-Barneasa da ǃnonadisiǁkhaisaǀa kuriga ǃgûxū hâs khaoǃgâ ge isa. ǃKhūb ge mîmâi hâ i khami gu ge hoaraga toroǃkhamaogu ǁnā surib diga ge ǁōtoa. 15 ǃKhūb ge ǁîgu hoagu nî sī ǁōtoas kōse ǁîga ǁkharas ǀkha ge aiǃgû.
16 “Hoaraga toroǃkhamaogu ge ǁōtoao, 17 ob ge ǃKhūba sida ǃoa ge mî: 18 ‘Nētsē du ge Moabǁîn di ǀkharib ǃnâ-u Ars ǀgūse nî ǃkharuse mâ. 19 Sadu ge Amonǁîn, Loti suriba xu hân di ǃhūǀgoras ǀgūse nî sī, xawe du ge ǁîna ǁgoaǂui tsî torodī-ū tide, ǁîna ta ge mā ǃhūba ta sado ūhâxūse mā tide xui-ao.’ ”
20 (Nē ǀkharib ge Refaimǁîn di ǃhūb tis tsîna a ǂansa; ǁnāpa ge ǁan hâ i khoen ge Refaimǁîn ti gere ǀonǂgaihe. Amonǁîn ge ǁîna Samsumǁîn ti gere ǀonǂgai. 21 ǁÎn ge Anakǁîn khami ge kaikara i. ǁÎn ge ǂgui tsî kaise ge ǀgaisa i. Xaweb ge ǃKhūba ǁîna ge hîkākā, Amonǁîn ǁîn di ǃhūba ūbasen tsî ǁnāpa nî ǁanse. 22 ǃKhūb ge ǁkhās ǁkhāsa Edomǁîn, Esaub di suriba xu hân, Edoms di ǃhomxa ǃhūb ǃnâ ge hâ ina ge dība. ǁÎb ge Edomǁîn nî ǃhūba ūbasen tsî ǁnāpa ǁanse Horǁîna ge hîkākā. Edomǁîn ge noxopa ǁnāpa ǁan hâ. 23 Mediteraneahurib xōǀkhā ǁgoe ǃhūb ǃnân ge Kretaǃnāǃnuis di khoena ǁan hâ. ǁÎn ge ǂhunuma ǁanǂgāsaben, Avimǁîna hîkākā tsî ǁîn di hoaraga ǃhūb Gasas di ǃkhawagasǀkhāb kōse ra sība ge ūbasen.)
24 “Moaba da ge ǃkharus khaoǃgâb ge ǃKhūba sida ǃoa ge mî: ‘Nēsi khâimâ, î du Arnonǃāba ǃgâu. Sihonni Amorǁîn di gao-aob Hesbons dib tsî ǁîb ǃhūb tsîna ta ge sado ra ǁkhaeǁnâ. ǁÎba ǁnāǂam, î ǁîb ǃhūba ūbasen. 25 Nētsēsa xu ta ge mâpa ǀguis ka xawe, khoen nî sado ǃao ǃkhaisa nî dī. Sadu ǀonsa ga ǁnâu khoe-i hoa-i ge ǃhurib xa ǀkhū tsî nî ǃao.’
Gao-aob Sihonni ra danhe
(Numeri 21:21-30)26 “ǁNās khaoǃgâ ta ge sîsabega Kedemots ǃgaroǃhūba xu gao-aob Sihonni Hesbons dib ǁga ge sî, sao ra aoǁguib ǂkhîb dib ǀkha: 27 ‘Sa ǃhūb ǃnâ-u da nî ǃkharusa mā-am da re. Kai daob ai ǀgui da ge ǁîba xu ǁgôa tamase nî hâǀgara. 28 ǂÛ-i hîa da nî ǂû-i tsî ǁgam-i hîa da nî ā-i tsîn hoana da ge nî ǁama. Sa ǃhūb ǃnâ-u da nî ǃkharu ǃkhais ǀguisa da ge ra ǂhâba, 29 Jordanǃāba ǃgâu tsî da ǃKhūb sida Elob ge mā da ǃhūb ǃnâ nî sī ǂgâs kōse. Esaub di surib Edoms ǃnâ ǁan hâb tsî Moabǁîn Ars tawa ǁan hân tsîn hoan ge ǁîn di ǀkharib ǃnâ-u ǃkharusa ge mā-am da.’
30 “Xaweb ge gao-aob Sihonna ǁîb di ǃhūba-u ǃkharusa mā-am da tama ge i. ǃKhūb sadu Elob ge gao-aob Sihonni ǂgaoba karokaro tsî ge khâikhâisenxa kai, ǁîba da nî dan tsî ǁîb di ǀkhariba ǁkhâuǁnâ ǁkhāse, ǁnā ǀkharib noxopa da ǁanǃnâ hâba.
31 “Ob ge ǃKhūba ǃaruǀî tita ǃoa ge mî: ‘Mû, gao-aob Sihonni tsî ǁîb ǃhūb tsîna ta ge nēsisa xu sado ra ǁkhaeǁnâ. ǁÎba ǁnāǂam, î ǁîb ǃhūba ūbasen.’ 32 Sihonni ge Hesbonsa xu sidab nî ǃkhamse hoaraga toroǃkhamaogu âba ū tsî Jahas ǀgūse ge hā; 33 xaweb ge ǃKhūb sida Eloba ǁîb, ôasagu âb tsî hoaraga toroǃkhamaogu âb tsîga sida ǃomgu ǃnâ ge māǁnâ; sida ge ǁîgu hoaga ge hîkākā. 34 ǁKhā ǁaeb ai da ge ǁîb di ǃādi hoade ǁkhâuǁnâ, hîkākā tsî hoaraga khoen, aorekhoegu, tarekhoedi tsî ǀgôaron tsîn hoana, ǀkhomoǃnâse ǀgui-i tsîn ǃgau tamase ge ǃgamǂui. 35 ǀGoan tsî goman tsî hîǀhuru da ge ǃādi di ǁuib ǀguiba da ge ge ūbasen. 36 ǃKhūb sada Elob ge Aroersa xu ǁgoe ǃāde hoadi, Arnonǃgoaǃnāb di ǂaob ai, tsî ǃgoaǃnāb ǁaegub ai ǁgoe ǃāsa xu Gileadǀkharib kōse ǁgoe ǃādi hoade da nî ǁkhâuǁnâ ǃkhaisa ge īǁkhā kai. ǁÎ-i di ǀgapi ǂnubiǂgoagu ǀkha ge ǁkhae da ǃā-i tsîn ge ge ǀkhai i. 37 ǃKhūb sida Elob ge mîmā da khami da ge Amonǁîn ǀkharib, ǁnāb ge Jabokǃāb di ǀkharib tsî ǃhomxa ǃhūb tsîkha ǃkhōǂgā hâb ǀgūse sida ǂai-i xare-e dā tama ge i.
