Kanaanǁîn di danhes
1 Kanaanǁîn di gao-aob Aradi, ǃkhawagasǀkhāb ǃâb Kanaanni dib ǃnâ ǁan hâb ge ǁnâu Israelǁîn Atarims ǀkhāba xu ǃgoaxa ǃkhaisa, ob ge ǁîna ǁnāǂam tsî ǀnîn ǁîn dina ǃkhōsis ǃnâ ge ū. 2 On ge Israelǁîna ǃKhūba ge nūba: “Nē khoenats ga dan kai da, o da ge ǁîn tsî ǁîn di ǃādi tsîna sa ǃgôasib ǃaroma khai tsî ǁîna nî hîkākā.” 3 ǃKhūb ge ǁîna ǁnâu-am tsî Kanaanǁînan nî danse ge hui. ǁNā-amagan ge Israelǁîna hoaragase ǁîna ǁîn di ǃādi hoadi ǀkha hîkākā tsî ǁnā ǃkhaisa Horma ti ge ǀonǂgai.
Brons-i ǀkha kurusa ǀaob
4 Israelǁîn ge Horǃhomma xu ǀApahurib ǁga ra ī daob ai ge ǃgû, Edomǃhūban nî ǃgûǂnamise. Xawen ge khoena daob ai tanioǃnâ 5 tsî Elob tsî Moseb hâkha ge ǃhoaǃoa. ǁÎn ge ǂkhîoǃnâ tsî ge mî: “Tare-i ǃaroma kho sida Egipteba xu nē ǃgaroǃhūb, ǂû-i tamas ka io ǁgam-i tsîna ūhâ tamab ǃoa ǁō da nîga ge hā-ū? Sida ge ǃaruǀî nē ǁgai ǂû-e ǂû tide!” 6 ǁNās khaoǃgâb ge ǃKhūba ǃgāxa ǀaona Israelǁîn ǁaegu ge sîǂgā, tsîn ge ǂguin âna nâhe tsî ge ǁō. 7 ǁÎn ge Moseb ǁga hā tsî ge mî: “ǃKhūb tsî sats tsîkho ǃoagu da ge ǃhoa, o da ge ge ǁore. O toxopa ǃKhūb ǃoa ǀgore, îb ǁîba nē ǀaona ūbē re.” Ob ge Moseba ǁaesa ge ǀgoreba. 8 Ob ge ǃKhūba Moseba ge mîba, îb bronsǀaoba kuru tsî haib ai mâi, în nâhe ge khoen hîa ga ǁîba kōn hoana ǂuru. 9 ǁNā-amagab ge Moseba bronsǀaoba kuru tsî ǁîba haib ai ge mâi. Nâhe ge khoe-i hoa-i ge bronsǀaoba i ga kō, o gere ǂuru.
Horǃhomma xu Moabǁîn ǃgoaǃnāb ǁga
10 Israelǁîn ge ǁîn di ǃgûs ǀkha aiǃgû tsî Obots tawa sī ge ǂnaumâi. 11 ǁNāpa xun ge ǃgû, on ge Lim-Abarims di ǃgaroǃhūb Moabǁîn ǀkharib di aiǂoasǀkhāb ai ǁgoeb tawa sī hâǃkhaiba ge ǂnaumâi. 12 ǁNāpa xun ge Seredǃgoaǃnāb ǃnâ sī hâǃkhaiba ge ǂnaumâi. 13 ǁNāpa xun ge ǁkhawa ǃgû tsî ǀapasǀkhāb Arnonǃāb di ǃgaroǃhūb, Amorǁîn ǀkharib ǀkha ra ǀhaob tawa sī hâǃkhaiba ge ǂnaumâi. (Arnonǃāb ge Moabǁîn ǀkharib tsî Amorǁîn ǀkharib tsîkha gere ǀgora.) 14 ǁNā-amagas ge ǃKhūb Toroǃkhamdi ǂKhanisa ra mî: “Waheb ǃās, Supaǀkharib ǃnâ ǁgoes, tsî ǃgoaǃnāgu; Arnonǃāb, 15 tsî ǃgoaǃnāgu Ari ǃās kōse ra ǂapaǂoagu, tsî Moabǀkharib di ǃhūǀgoras ǀkhābǀî ǁgoegu xa.”
16 ǃAruǀîn ge Beer ti ǀon hâ ǃkhais ǁga ge ǃgû. ǁNāpab ge ǃKhūba Moseb ǃoa ge mî: “Khoena ǀhaoǀhao, î ta tita ǁîna ǁgam-e mā.” 17 ǁNā ǁaeb ain ge Israelǁîna nē amsa gere ǁnae:
“ǀAuso, saso ǁgam-e dâu kai;
O da ǁî-e ǁnaetsanas ǀkha nî ǃkhōǃoa.
18 Tsaus, gaoǀgôagu tsî khoen
ǂgaeǂgui-aogu ge khaose.
Gaohaib tsî
ǁîgu ǀkharugu tsîgu ǀkha gu ge khaose.”
ǁÎn ge ǃgaroǃhūba xū Matanas tawa sī, 19 tsî ǁnāpa xu Nahaliels ǁga ge ǃgû tsî Nahalielsa xu Bamots ǁga, 20 Bamotsa xu ǃgoaǃnāgu Moabǀkharib ǃnâ ǁgoegu ǁga, Pisgaǃhommi hîa ǃgaroǃhūb ǂamai ra ǃkhāǂoab di ǂaob ǃnaka.
Gao-aokha Sihonni tsî Ogi tsîkha ra danhe
(Deuteronomium 2:26—3:11)21 On ge Israelǁîna sîsabega Amorǁîn di gao-aob, Sihonni ǁga ge sî tsî gu ge ge mî: 22 “Sa ǃhūb ǃnâ-u da nî ǃkharusa mā-am da re. Sida ǀgoan tsî goman ǀkha da ge kai daoba xu ǁgôa tamase tsî ǃhanagu tamas ka io draibena tsâǀkhā tamase nî ǃkharu, tsî ǁkhāti sa tsaugu ǁgam-i tsîna ā tide; kai daob ai ǀgui da ge nî hâǀgara sa ǀkhariba xu da nî ǂoas kōse.” 23 Xaweb ge Sihonna Israelǁîna ǁîb ǀkhariba-u ǃkharusa mā-am tama ge i. ǁÎb ge toroǃkhamaogu âba ǀhaoǀhao tsî Jahasǃgaroǃhūb ǁga dāǁnâ tsî Israelǁîna ge ǁnāǂam. 24 Xawen ge Israelǁîna ǃkhams ǃnâ ǂgui khākhoena ǃgam tsî ǁîn di ǃhūb ǀapasǀkhāb Arnonǃāba xu Jaboki kōse ra sīb, ǁnās ge Ammonǁîn kōsesa ge ǁkhâuǁnâ, Amonǁîn ge ǁîn ǃhūba ǀgaisase ǁkhauba hâ i xui-ao. 25 Israelǁîn ge hoaraga ǃādi Amorǁîn ǃādi tsî Hesbons tsîna ǃkhōǂgā hâse tsî hoaraga ǃao-am ǁgoe ǃādi tsîna ǁkhâuǁnâ tsî ǁîdi ǃnâ ge ǁan. 26 Hesbons ge Amorǁîn di gao-aob, Sihonni, hîa aiǃâ ge hâ i gao-aob Moab dib ǀkha ǃkham tsî ǁîb di hoaraga ǃhūb Arnonǃāb kōse hâba ge ǁkhâuǁnâb di danaǃā ge i. 27 ǁNā-amagas ge ǀgaipetsanaxoa-aob ra mîsa:
“Hesbons, gao-aob Sihonni ǃās ǁga hā!
ǁÎs nî ǁkhawa omkhâihe tsî kuru-unuhesa da ra mû ǂgao.
28 Hesbonsa xus ge
Sihonni toroǂnubisa ǀaeǁhabub khami ge ǂoa;
Tsî Ars, Moabǁîn ǀkharib ǃnâ ǁgoe ǃāsa hîkākā
tsî ǃnâugu Arnonni ǀgapib ai ǁgoega ge haraǂgā.
29 Moabǁîn ǃaroma i ge kaise nî ǁkhōǁkhōsa!
Kemosi ǀgoreǀî-aon ge ge hîkākāhe!
Sadu elob ge khoena ra ǃhūsabe kai,
tsî di ra tarade Amorǁîn gao-aob di ǃkhōsabe kai.
30 Xaweb ge nēsi ǁîn suriba hîkākāhe hâ,
Hesbonsa xu Dibons ǁga garu daob hoab ai,
Nasimsa xu Nofas, Medebas ǀgūse ǁgoes kōse.”
31 ǁNātin ge Israelǁîna Amorǁîn di ǀkharib ǃnâ sī ge ǁan, 32 tsîb ge Moseba aoga ge sîǂui, î gu ǂoaǂamsa ǀgaub ǃās Jasers nî ǁnāǂamheba sī ǂanǂui. Israelǁîn ge ǁîs tsî ǃao-am ǁgoe ǃārodi hoade ǁkhâuǁnâ tsî ǁnāpa ge ǁan hâ i Amorǁîn tsîna ge sauruǂui.
33 ǃAruǀîn ge Israelǁîna dabasen tsî Basans ǁga garu daoba ge ū, xaweb ge Basans di gao-aob, Oga ǁîb toroǂnubis ǀkha ǁînab Edreis tawa nî ǁnāǂamse ge ǃgûǃoa. 34 ǃKhūb ge Moseb ǃoa ge mî: “Tā ǁîb xa ǃao. Tita ge ǁîb, ǁîb hoaraga khoen tsî ǃhūb ǂama dansa nî mā du xuige. Amorǁîn gao-aob Sihonni hîa ge Hesbons tawa ǂgaeǂguis ǃnâ hâ ib ǀkha du ge dī khami ǀgui Ogi ǀkha dī re.” 35 ǁNā ǀgaub ain ge Israelǁîna Ogi, ǁîb ôagu tsî ǁîb hoaraga khoen tsîna, ǀgui-i tsîn ǃgau tamase ǃgam tsî ǁîn di ǃhūba ge ūbasen.
Kanaanǁîn di danhes
1 Kanaanǁîn di gao-aob Aradi, ǃkhawagasǀkhāb ǃâb Kanaanni dib ǃnâ ǁan hâb ge ǁnâu Israelǁîn Atarims ǀkhāba xu ǃgoaxa ǃkhaisa, ob ge ǁîna ǁnāǂam tsî ǀnîn ǁîn dina ǃkhōsis ǃnâ ge ū. 2 On ge Israelǁîna ǃKhūba ge nūba: “Nē khoenats ga dan kai da, o da ge ǁîn tsî ǁîn di ǃādi tsîna sa ǃgôasib ǃaroma khai tsî ǁîna nî hîkākā.” 3 ǃKhūb ge ǁîna ǁnâu-am tsî Kanaanǁînan nî danse ge hui. ǁNā-amagan ge Israelǁîna hoaragase ǁîna ǁîn di ǃādi hoadi ǀkha hîkākā tsî ǁnā ǃkhaisa Horma ti ge ǀonǂgai.
Brons-i ǀkha kurusa ǀaob
4 Israelǁîn ge Horǃhomma xu ǀApahurib ǁga ra ī daob ai ge ǃgû, Edomǃhūban nî ǃgûǂnamise. Xawen ge khoena daob ai tanioǃnâ 5 tsî Elob tsî Moseb hâkha ge ǃhoaǃoa. ǁÎn ge ǂkhîoǃnâ tsî ge mî: “Tare-i ǃaroma kho sida Egipteba xu nē ǃgaroǃhūb, ǂû-i tamas ka io ǁgam-i tsîna ūhâ tamab ǃoa ǁō da nîga ge hā-ū? Sida ge ǃaruǀî nē ǁgai ǂû-e ǂû tide!” 6 ǁNās khaoǃgâb ge ǃKhūba ǃgāxa ǀaona Israelǁîn ǁaegu ge sîǂgā, tsîn ge ǂguin âna nâhe tsî ge ǁō. 7 ǁÎn ge Moseb ǁga hā tsî ge mî: “ǃKhūb tsî sats tsîkho ǃoagu da ge ǃhoa, o da ge ge ǁore. O toxopa ǃKhūb ǃoa ǀgore, îb ǁîba nē ǀaona ūbē re.” Ob ge Moseba ǁaesa ge ǀgoreba. 8 Ob ge ǃKhūba Moseba ge mîba, îb bronsǀaoba kuru tsî haib ai mâi, în nâhe ge khoen hîa ga ǁîba kōn hoana ǂuru. 9 ǁNā-amagab ge Moseba bronsǀaoba kuru tsî ǁîba haib ai ge mâi. Nâhe ge khoe-i hoa-i ge bronsǀaoba i ga kō, o gere ǂuru.
Horǃhomma xu Moabǁîn ǃgoaǃnāb ǁga
10 Israelǁîn ge ǁîn di ǃgûs ǀkha aiǃgû tsî Obots tawa sī ge ǂnaumâi. 11 ǁNāpa xun ge ǃgû, on ge Lim-Abarims di ǃgaroǃhūb Moabǁîn ǀkharib di aiǂoasǀkhāb ai ǁgoeb tawa sī hâǃkhaiba ge ǂnaumâi. 12 ǁNāpa xun ge Seredǃgoaǃnāb ǃnâ sī hâǃkhaiba ge ǂnaumâi. 13 ǁNāpa xun ge ǁkhawa ǃgû tsî ǀapasǀkhāb Arnonǃāb di ǃgaroǃhūb, Amorǁîn ǀkharib ǀkha ra ǀhaob tawa sī hâǃkhaiba ge ǂnaumâi. (Arnonǃāb ge Moabǁîn ǀkharib tsî Amorǁîn ǀkharib tsîkha gere ǀgora.) 14 ǁNā-amagas ge ǃKhūb Toroǃkhamdi ǂKhanisa ra mî: “Waheb ǃās, Supaǀkharib ǃnâ ǁgoes, tsî ǃgoaǃnāgu; Arnonǃāb, 15 tsî ǃgoaǃnāgu Ari ǃās kōse ra ǂapaǂoagu, tsî Moabǀkharib di ǃhūǀgoras ǀkhābǀî ǁgoegu xa.”
16 ǃAruǀîn ge Beer ti ǀon hâ ǃkhais ǁga ge ǃgû. ǁNāpab ge ǃKhūba Moseb ǃoa ge mî: “Khoena ǀhaoǀhao, î ta tita ǁîna ǁgam-e mā.” 17 ǁNā ǁaeb ain ge Israelǁîna nē amsa gere ǁnae:
“ǀAuso, saso ǁgam-e dâu kai;
O da ǁî-e ǁnaetsanas ǀkha nî ǃkhōǃoa.
18 Tsaus, gaoǀgôagu tsî khoen
ǂgaeǂgui-aogu ge khaose.
Gaohaib tsî
ǁîgu ǀkharugu tsîgu ǀkha gu ge khaose.”
ǁÎn ge ǃgaroǃhūba xū Matanas tawa sī, 19 tsî ǁnāpa xu Nahaliels ǁga ge ǃgû tsî Nahalielsa xu Bamots ǁga, 20 Bamotsa xu ǃgoaǃnāgu Moabǀkharib ǃnâ ǁgoegu ǁga, Pisgaǃhommi hîa ǃgaroǃhūb ǂamai ra ǃkhāǂoab di ǂaob ǃnaka.
Gao-aokha Sihonni tsî Ogi tsîkha ra danhe
(Deuteronomium 2:26—3:11)21 On ge Israelǁîna sîsabega Amorǁîn di gao-aob, Sihonni ǁga ge sî tsî gu ge ge mî: 22 “Sa ǃhūb ǃnâ-u da nî ǃkharusa mā-am da re. Sida ǀgoan tsî goman ǀkha da ge kai daoba xu ǁgôa tamase tsî ǃhanagu tamas ka io draibena tsâǀkhā tamase nî ǃkharu, tsî ǁkhāti sa tsaugu ǁgam-i tsîna ā tide; kai daob ai ǀgui da ge nî hâǀgara sa ǀkhariba xu da nî ǂoas kōse.” 23 Xaweb ge Sihonna Israelǁîna ǁîb ǀkhariba-u ǃkharusa mā-am tama ge i. ǁÎb ge toroǃkhamaogu âba ǀhaoǀhao tsî Jahasǃgaroǃhūb ǁga dāǁnâ tsî Israelǁîna ge ǁnāǂam. 24 Xawen ge Israelǁîna ǃkhams ǃnâ ǂgui khākhoena ǃgam tsî ǁîn di ǃhūb ǀapasǀkhāb Arnonǃāba xu Jaboki kōse ra sīb, ǁnās ge Ammonǁîn kōsesa ge ǁkhâuǁnâ, Amonǁîn ge ǁîn ǃhūba ǀgaisase ǁkhauba hâ i xui-ao. 25 Israelǁîn ge hoaraga ǃādi Amorǁîn ǃādi tsî Hesbons tsîna ǃkhōǂgā hâse tsî hoaraga ǃao-am ǁgoe ǃādi tsîna ǁkhâuǁnâ tsî ǁîdi ǃnâ ge ǁan. 26 Hesbons ge Amorǁîn di gao-aob, Sihonni, hîa aiǃâ ge hâ i gao-aob Moab dib ǀkha ǃkham tsî ǁîb di hoaraga ǃhūb Arnonǃāb kōse hâba ge ǁkhâuǁnâb di danaǃā ge i. 27 ǁNā-amagas ge ǀgaipetsanaxoa-aob ra mîsa:
“Hesbons, gao-aob Sihonni ǃās ǁga hā!
ǁÎs nî ǁkhawa omkhâihe tsî kuru-unuhesa da ra mû ǂgao.
28 Hesbonsa xus ge
Sihonni toroǂnubisa ǀaeǁhabub khami ge ǂoa;
Tsî Ars, Moabǁîn ǀkharib ǃnâ ǁgoe ǃāsa hîkākā
tsî ǃnâugu Arnonni ǀgapib ai ǁgoega ge haraǂgā.
29 Moabǁîn ǃaroma i ge kaise nî ǁkhōǁkhōsa!
Kemosi ǀgoreǀî-aon ge ge hîkākāhe!
Sadu elob ge khoena ra ǃhūsabe kai,
tsî di ra tarade Amorǁîn gao-aob di ǃkhōsabe kai.
30 Xaweb ge nēsi ǁîn suriba hîkākāhe hâ,
Hesbonsa xu Dibons ǁga garu daob hoab ai,
Nasimsa xu Nofas, Medebas ǀgūse ǁgoes kōse.”
31 ǁNātin ge Israelǁîna Amorǁîn di ǀkharib ǃnâ sī ge ǁan, 32 tsîb ge Moseba aoga ge sîǂui, î gu ǂoaǂamsa ǀgaub ǃās Jasers nî ǁnāǂamheba sī ǂanǂui. Israelǁîn ge ǁîs tsî ǃao-am ǁgoe ǃārodi hoade ǁkhâuǁnâ tsî ǁnāpa ge ǁan hâ i Amorǁîn tsîna ge sauruǂui.
33 ǃAruǀîn ge Israelǁîna dabasen tsî Basans ǁga garu daoba ge ū, xaweb ge Basans di gao-aob, Oga ǁîb toroǂnubis ǀkha ǁînab Edreis tawa nî ǁnāǂamse ge ǃgûǃoa. 34 ǃKhūb ge Moseb ǃoa ge mî: “Tā ǁîb xa ǃao. Tita ge ǁîb, ǁîb hoaraga khoen tsî ǃhūb ǂama dansa nî mā du xuige. Amorǁîn gao-aob Sihonni hîa ge Hesbons tawa ǂgaeǂguis ǃnâ hâ ib ǀkha du ge dī khami ǀgui Ogi ǀkha dī re.” 35 ǁNā ǀgaub ain ge Israelǁîna Ogi, ǁîb ôagu tsî ǁîb hoaraga khoen tsîna, ǀgui-i tsîn ǃgau tamase ǃgam tsî ǁîn di ǃhūba ge ūbasen.
