ǃGaeǀhaos ǂGaes ge Jerusalems tawa ra sī-ūhe
(1 Kroniks 13:1-1415:25—16:6, 43)1 ǀGuitsēb ge Davida ǃkhōǂuihe hâ toroǃkhamaogu ǀhûpe ge ǃnonadisiǀoadisi iga Israeli ǃnâ ge ǀhaoǀhao. 2 ǁÎb ge ǂhomisen tsî toroǂnubis hoas ǀkha Baalas Judab ǃnâ ǂnôas ǁga ge ǃgû ǃGaeǀhaos ǂGaes Elob disab sī nî ūse; ǁnā ǂgaes ǃKhūb Hoaǀgaixab, trons âb xerukha ǂamai hâb, di ǀons ǀkha ra ǂgaihesa. 3 Tsî gu ge ǃGaeǀhaos ǂGaes Elob disa ǀasa kunis ai ǃnao tsî Abinadab oms, ǃnâus ai mâsa xu ge ǃgû-ū, tsî kha ge Abinadab ôakha Usab tsî Ahiob tsîkha kunisa gere ai-aiba; 4 Ahiob ge kunis, ǃGaeǀhaos ǂGaes ǁîs ai hâs ais ai gere ǃgû. 5 Davidi tsî Israelǁîn hoan ge ǃKhūb aiǃâ ǂnā tsî gere ǁnae, harpdi, lirdi, ǃkhomǃkharurudi, ǃgaroǃgarodi tsî ǀgana ra ǀōxūdi ai garu ra ǀkhōse.
6 Tsî ǃhorodāǃnâǃkhais Nakonni dis tawan ra sī, hîa kha ge gomakha ge ǃnôa, ob ge Usaba ǃGaeǀhaos ǂGaesa, ǁnās tidega ge ǂhē. 7 Ob ge ǃKhūb Eloba kaise Usab ǂama ǁaixa tsî ǁîba dīsas âb ǃaroma ge ǃgam tsîb ge ǁnā ǃkhais ǂûs ai ge ǁō. 8 Ob ge Davida ǃKhūb ge Usaba ǁkhara ǃkhais xa kaise ge ǂkhîoǃnâ tsî ǁnā ǃkhaisa Peres-Usa ti ge ǀonǂgai, tsîs ge nētsēs kōse ti a ǂansa.
9 Tsîb ge Davida ǃKhūba ǃao tsî ge mî: “Mâti ta kha ǁnâi ǃGaeǀhaos ǂGaes ǃKhūb disa nēsi tita ǃoa nî hā-ū?” 10 Tsîb ge Davida ǂgao tama ge i ǃGaeǀhaos ǂGaes ǃKhūb disa ǁîb ǃās, Jerusalems tawa sī-ūsa tsîb ge ǁîsa unu tsî Obed-Edommi, Gats dib di oms tawa ge sī-ū kai. 11 ǃGaeǀhaos ǂGaes ge ǃnona ǁkhâga Obed-Edommi oms ǃnâ ge mâ tsîb ge ǃKhūba Obed-Edommi tsî ǁîb omaris din hoana ge ǀkhae.
12 Ob ge gao-aob Davida “ǃKhūb ge Obed-Edommi omaris tsî ǁîb di xūn hoana ge ǀkhae” ti ge mîbahe. Ob ge Davida ǃgû tsî ǃGaeǀhaos ǂGaes Elob disa kai dâb ǀkha Obed-Edommi omsa xu ǁîb ǃās ǃoa ge sī-ū. 13 ǃGaeǀhaos ǂGaes ǃKhūb disa ra tani khoegu ge ǃnani dāǃharode gere ǃgû, ǃnās hoasab ge Davida ǀgui gomab tsî kaukauhe hâ tsâub tsîna ǃKhūba gere ǁguiba. 14 Davidi ge ǁîb ǀgaib hoab ǀkha ǃKhūb aiǃâ gere ǂnā, tsaura lapib ǀguiba ǀūs âb ai anasen hâse. 15 Nētin ge Davidi tsî Israeli din hoana ǃGaeǀhaos ǂGaes ǃKhūb disa dâb tsî xâiǁnâdi ǀōb ǀkha Jerusalems ǃnâ ge sī-ū.
16 ǃGaeǀhaos ǂGaes Davidi ǃĀs ǃnâ ra ǂgâxa-ūhe, hîas ge Sauli ôas Mikalsa mûǂuidaosa-u ge ǂui tsî gao-aob Davida ǃKhūb aiǃâb ǂnā tsî ra urise mû, tsî ǁîba ge ǃharaxū. 17 Israelǁîgu ge ǃGaeǀhaos ǂGaes ǃKhūb disa ǂgâ-ū tsî ǁîsa ǃkhais âs ai, Tentommi Davidi ge ǁîsa ǂnaumâibab ǃnâ ge mâi. Tsîb ge khauǁguibadi tsî ǂkhîbagusǁguibadi tsîna ǃKhūba ge ǁguiba. 18 ǁGuibatoab ge ob ge ǁaesa ǃKhūb Hoaǀgaixab di ǀons ǃnâ ge ǀkhae. 19 Tsîb ge Israelǁaes hoaragasa, mâ aob tsî mâ taras hoasa ǀgui pereb, ǁgan-i ǃâs tsî rosainjin tsîna ge mā. O i ge mâ-i hoa-e oms â-i ǁga ge oa.
20 Davidi ge ommi âb ǁga omaris âbab sī nî tawedese oa, os ge Sauli ôas Mikalsa ǃgûǃoa bi tsî ge mî: “Mâtits kha Israels gao-aotsa nētsē gârese go tanisen. Sats ge nētsē ǂamkhoegu âts di ǃgādi aiǃâ go ǀōǀkhā kaisen, gâ khoe-i ra ǀōǀkhā kaisen khami.”
21 Ob ge ǁîba Mikalsa ge ǃeream: “ǃKhūb, sa îb tsî ǁîb di surib ǂamai ge ǁhûiǂui te tsî ǁîb ǁaes Israels ǂama ǂgaeǂgui-aose a mâi teb, aiǃâ ta ge nî ǂnā. 22 Tita ge nēs ǃgâ-ai noxopa nî ǂkhariǃgôasen. Sa mûǁae ta ge a ǃharaxūhesa ǁkhā, xawe ǁnā ǃgādi hîas ra mîdi tawa ta ge nî ǀgapiǃgôasa.”
23 Tsî Sauli ôas, Mikals ge ǁōs ge tsēs kōse ǀgôa-e ge ūhâ tama hâ i.
ǃGaeǀhaos ǂGaes ge Jerusalems tawa ra sī-ūhe
(1 Kroniks 13:1-1415:25—16:6, 43)1 ǀGuitsēb ge Davida ǃkhōǂuihe hâ toroǃkhamaogu ǀhûpe ge ǃnonadisiǀoadisi iga Israeli ǃnâ ge ǀhaoǀhao. 2 ǁÎb ge ǂhomisen tsî toroǂnubis hoas ǀkha Baalas Judab ǃnâ ǂnôas ǁga ge ǃgû ǃGaeǀhaos ǂGaes Elob disab sī nî ūse; ǁnā ǂgaes ǃKhūb Hoaǀgaixab, trons âb xerukha ǂamai hâb, di ǀons ǀkha ra ǂgaihesa. 3 Tsî gu ge ǃGaeǀhaos ǂGaes Elob disa ǀasa kunis ai ǃnao tsî Abinadab oms, ǃnâus ai mâsa xu ge ǃgû-ū, tsî kha ge Abinadab ôakha Usab tsî Ahiob tsîkha kunisa gere ai-aiba; 4 Ahiob ge kunis, ǃGaeǀhaos ǂGaes ǁîs ai hâs ais ai gere ǃgû. 5 Davidi tsî Israelǁîn hoan ge ǃKhūb aiǃâ ǂnā tsî gere ǁnae, harpdi, lirdi, ǃkhomǃkharurudi, ǃgaroǃgarodi tsî ǀgana ra ǀōxūdi ai garu ra ǀkhōse.
6 Tsî ǃhorodāǃnâǃkhais Nakonni dis tawan ra sī, hîa kha ge gomakha ge ǃnôa, ob ge Usaba ǃGaeǀhaos ǂGaesa, ǁnās tidega ge ǂhē. 7 Ob ge ǃKhūb Eloba kaise Usab ǂama ǁaixa tsî ǁîba dīsas âb ǃaroma ge ǃgam tsîb ge ǁnā ǃkhais ǂûs ai ge ǁō. 8 Ob ge Davida ǃKhūb ge Usaba ǁkhara ǃkhais xa kaise ge ǂkhîoǃnâ tsî ǁnā ǃkhaisa Peres-Usa ti ge ǀonǂgai, tsîs ge nētsēs kōse ti a ǂansa.
9 Tsîb ge Davida ǃKhūba ǃao tsî ge mî: “Mâti ta kha ǁnâi ǃGaeǀhaos ǂGaes ǃKhūb disa nēsi tita ǃoa nî hā-ū?” 10 Tsîb ge Davida ǂgao tama ge i ǃGaeǀhaos ǂGaes ǃKhūb disa ǁîb ǃās, Jerusalems tawa sī-ūsa tsîb ge ǁîsa unu tsî Obed-Edommi, Gats dib di oms tawa ge sī-ū kai. 11 ǃGaeǀhaos ǂGaes ge ǃnona ǁkhâga Obed-Edommi oms ǃnâ ge mâ tsîb ge ǃKhūba Obed-Edommi tsî ǁîb omaris din hoana ge ǀkhae.
12 Ob ge gao-aob Davida “ǃKhūb ge Obed-Edommi omaris tsî ǁîb di xūn hoana ge ǀkhae” ti ge mîbahe. Ob ge Davida ǃgû tsî ǃGaeǀhaos ǂGaes Elob disa kai dâb ǀkha Obed-Edommi omsa xu ǁîb ǃās ǃoa ge sī-ū. 13 ǃGaeǀhaos ǂGaes ǃKhūb disa ra tani khoegu ge ǃnani dāǃharode gere ǃgû, ǃnās hoasab ge Davida ǀgui gomab tsî kaukauhe hâ tsâub tsîna ǃKhūba gere ǁguiba. 14 Davidi ge ǁîb ǀgaib hoab ǀkha ǃKhūb aiǃâ gere ǂnā, tsaura lapib ǀguiba ǀūs âb ai anasen hâse. 15 Nētin ge Davidi tsî Israeli din hoana ǃGaeǀhaos ǂGaes ǃKhūb disa dâb tsî xâiǁnâdi ǀōb ǀkha Jerusalems ǃnâ ge sī-ū.
16 ǃGaeǀhaos ǂGaes Davidi ǃĀs ǃnâ ra ǂgâxa-ūhe, hîas ge Sauli ôas Mikalsa mûǂuidaosa-u ge ǂui tsî gao-aob Davida ǃKhūb aiǃâb ǂnā tsî ra urise mû, tsî ǁîba ge ǃharaxū. 17 Israelǁîgu ge ǃGaeǀhaos ǂGaes ǃKhūb disa ǂgâ-ū tsî ǁîsa ǃkhais âs ai, Tentommi Davidi ge ǁîsa ǂnaumâibab ǃnâ ge mâi. Tsîb ge khauǁguibadi tsî ǂkhîbagusǁguibadi tsîna ǃKhūba ge ǁguiba. 18 ǁGuibatoab ge ob ge ǁaesa ǃKhūb Hoaǀgaixab di ǀons ǃnâ ge ǀkhae. 19 Tsîb ge Israelǁaes hoaragasa, mâ aob tsî mâ taras hoasa ǀgui pereb, ǁgan-i ǃâs tsî rosainjin tsîna ge mā. O i ge mâ-i hoa-e oms â-i ǁga ge oa.
20 Davidi ge ommi âb ǁga omaris âbab sī nî tawedese oa, os ge Sauli ôas Mikalsa ǃgûǃoa bi tsî ge mî: “Mâtits kha Israels gao-aotsa nētsē gârese go tanisen. Sats ge nētsē ǂamkhoegu âts di ǃgādi aiǃâ go ǀōǀkhā kaisen, gâ khoe-i ra ǀōǀkhā kaisen khami.”
21 Ob ge ǁîba Mikalsa ge ǃeream: “ǃKhūb, sa îb tsî ǁîb di surib ǂamai ge ǁhûiǂui te tsî ǁîb ǁaes Israels ǂama ǂgaeǂgui-aose a mâi teb, aiǃâ ta ge nî ǂnā. 22 Tita ge nēs ǃgâ-ai noxopa nî ǂkhariǃgôasen. Sa mûǁae ta ge a ǃharaxūhesa ǁkhā, xawe ǁnā ǃgādi hîas ra mîdi tawa ta ge nî ǀgapiǃgôasa.”
23 Tsî Sauli ôas, Mikals ge ǁōs ge tsēs kōse ǀgôa-e ge ūhâ tama hâ i.
