1 Tsî gu ge ǃGaeǀhaos ǂGaesa, Davidi ge ǁîsa ǂhomiba hâ i Tentommi tawa sī-ū tsî ǁîb ǃnâ ge mâi. ǁNās khaoǃgâ gu ge khauǁguibadi tsî ǂkhîbagusǁguibadi tsîna Eloba ge ǁguiba. 2 Davidi ge ǁguibadeb ge dītoas khaoǃgâ, ǁaesa ǃKhūb ǀons ǃnâ ge ǀkhae. 3 Tsîb ge mâ Israelǁî aob hoab tsî taras hoasa ǀgui pereb, ǁgan-i ǃâs tsî rosainjin tsîna ge mā.
4 Davidi ge ǁkhāti ǃKhūb, Israeli di Elob, ǃGaeǀhaos ǂGaes aiǃâ ra dībahe ǃoabasa gu nî ǂgaeǂguise ǀnî Leviǁîga ge ǁgaumâi, ǁîba gu koa, kare tsî nî ǃkhōǀkhāse. 5 Asafi ge ǂgaeǂgui-aose ge ǁgaumâihe tsî Saxariaba ǁîb di ǂkhâǃnâ-aose. Jeieli, Semiramoti, Jehieli, Matitiab, Eliab, Benajab, Obed-Edommi tsî Jeieli tsîgu ge harpde nî ǀkhōse ge ǁgaumâihe. Asafi ge ǀgana ra ǀōxūde gere ǀkhō 6 tsî pristerkha Benajab tsî Jahasiel hâkha ge xâiǁnâra, ǃGaeǀhaos ǂGaes aiǃâ gere xâi. 7 ǁNā ǁaeb ai ǀguib ge Davida, ǂguro ǃnāsa Asafi tsî ǁîb ǀkha hâ Leviǁîgu tsîga ǃKhūba koaǁnaebas ǃereamsa ge mā.
Koatsanas
(Psalmdi 105:1-15Psalmdi 96:1-13Psalmdi 106:1, Psalmdi 47-48)8 Koa re ǃKhūba, kaisib âba ǂanǂan re;
tarenab ge dīsa ǃhaode mîba re.
9 Koatsanade ǃKhūba ǁnaeba re.
ǁÎb di buruxa dīga ǂhôa re.
10 ǁÎb dida a ǃkhais xa ǃgâiaǂgao re;
an ǁîba ra ǀgoreǀîn hoana dâ re.
11 ǃKhūb ǃoa huiba ôa,
î ǁîba ǀûs ose ǁgoreǀî re.
12-13 Sadu Abrahammi, ǁîb ǃgāb di suridu
Jakob ôadu, ǁîb ǁhûiǂuibasen hâdo,
ǂâi re, Elob ge dī buruxa dīgu xa
tsî ǁîb di ǀgoraǃgâdi xa.
14 ǁÎb ge ǃKhūb, sada Elob,
ǀgoraǃgâdi âb hoaraga ǃhūbaib ai a sîsenxaba.
15 Tā ǀuru, Elob di ǃgaeǀhaos,
ǀamoses nî hâseb ge dīsa.
16 ǁNā ǃgaeǀhaos Abrahammi ǀkhab ge dīsa,
ǁnā mîmâis Isakab ge mîmâibasa.
17 ǃKhūb ge Jakob ǀkha ǃgaeǀhaosa ge dī,
ǃgaeǀhaos ǀamos kōse nî hâsa.
18 ǁÎb ge ge mî:
“Tita ge Kanaanǃhūba nî mā du,
ǁîba du sadu ǃhūse nî ūhâse.”
19 Elob ǁaes ge ǃgôab ǃnâ ge ǀoro i,
Kanaanǃhūb ǃnân ge ge ǃhaokhoe i.
20 ǁÎn ge nē ǃhūba xu naub ǁga gere doema,
nē gaosisa xu nau gaosis ǁga.
21 Xaweb ge Eloba khoe-i xare-e mā-am tama ge i,
ǁîna i nî ǁgâiǀā ǃkhaisa;
ǁîn ǃaromab ge gao-aoga gere ǃkhâikhom:
22 “Tā ti ǁhûiǂuisabena ǂkhôadī;
tā ti kēbo-aoga tsūdī.”
23 ǃHūbaits hoatse ǃKhūba ǁnaeba re!
Mâ tsēs hoasa, ǁîb xa da ge huiǂuihe ǃkhaisa ǂanǂan re.
24 ǂAnǂan re ǁîb di ǃgôasiba ǃhaodi hoade,
ǁîb di ǀgaisa dīga ǁaedi hoade.
25 ǃKhūb ge a kai tsî koahesa anu;
ǁîb ge elogu hoagu ǃgâ-ai ǃaoǃgâhesa anu.
26 Nau ǁaedi elogu hoagu ge a ǁgôa-elo,
xawe ǃKhūb ge ǀhomma ge kuru.
27 ǂKhaisib tsî ǃgôasib tsîkha ge ǁîb ǂnamipe hâ,
ǀgaib tsî dâb ge ǁîb di hâǃkhaiba ra ǀoaǀoa.
28 Koa re ǃKhūba ǁaeso hoaso,
koa re ǁîb ǂkhaisib tsî ǀgaib tsîkha.
29 Koa re ǃKhūb di ǂkhaisa ǀonsa;
ǁguibade hā-ūba bi, î ǁîb Tempeli ǃnâ ǂgâ re.
ǃHonǁgoa re ǃKhūb aiǃâ, ǂkhaisib ǃnâb ga ǂhaio;
30 ǀkhū re ǁîb aiǃâ ǃhūbaib didu hoado!
ǃHūbaib ge ǁaposase mâihe hâ tsîb ge ǁnobe tide.
31 ǃGâiaǂgao re ǃhūbaib tsî ǀhommi tsîkho!
Mîba re ǃhaodi hoade ǃKhūb a gao-ao ǃkhaisa.
32 ǃGarise ǀō re hurits tsî sats ǃnâ hâdu hoado;
ǃgâiaǂgao re ǃauts tsî sats ǃnâ hâdu hoado!
33 ǃAub di haidi ge ǃgâiaǂgaob xa nî ǂgaiǂui,
ǃKhūb ga ǃhūbaibab nî gaoǂamse hāo.
34 Koa re ǃKhūba, ǁîb a ǃgâi xuige;
ǁîb di ǀnammi ge ǀamos kōse ra hâ.
35 ǁÎb ǃoa mî re: “Sâu da re, Elo sida Sâu-aotse;
ǀhaoǀhao da re; ǃhaode xu huiǂui da re,
î da satsa gangan ǁkhā
tsî sa ǃanu ǀonsa koa ǁkhā.”
36 Koa re ǃKhūb, Israeli di Eloba!
Koa bi re nēsi tsî ǀamos kōse!
Os ge hoaraga ǁaesa “Amen!” ti mî tsî ǃKhūba ge koa.
Jerusalems tsî Gibeons tsîra tawa ǀgoreǀîs
37 Gao-aob Davidi ge Asafi tsî ǁîb ǀkha hâ Leviǁîgu tsîga, ǃGaeǀhaos ǂGaes, ǃKhūb dis tawa ra dīhe ǀgoreǀîǃoabasa gu tsēkorobe nî dīse ge mâi. 38 Jedutunni ôab, Obed-Edommi tsî ǁîb di ǃnanidisiǁkhaisaǀa ǂamkhoegu tsîn ge ǁîga gere hui. Obed-Edommi tsî Hosa hâkha ge dao-amde gere ǃûi.
39 Prister Sadoki tsî ǁîb horesa pristergu tsîgu ge ǃKhūba ǀgoreǀîs di ǃkhais, Gibeons ǃnâ hâs tawa gu nî ǃoabase ge mâihe, 40 mâ ǁgoas tsî ǃuis hoasa gu ǃKhūba khauǁguibasa altars ai nî ǁguibase, ǃKhūb ge Israelǁîna mā ǂhanub ǃnâ i xoamâisa khami. 41 ǁÎgu ǀkha gu ge Hemanni tsî Jedutunni tsî nau ǃkhōǂuisa aogu tsîga ǁnāpa hâ, tsî ǃKhūba hâhâ ra ǀnammi âb ǃaroma gere koaǁnaeba. 42 Hemanni tsî Jedutun hâkha ge xâiǁnâdi, simbaldi tsî nau ǀkhōxūn, koatsanadi gere ǁnaehe, ǁaeb ai gere sîsenūhen ǂama mûǂamsa ge ūhâ i. Jedutunni di saoǃgonaogu ge dao-amde gere ǃûi.
43 ǁNās khaoǃgân ge hoaraga khoena ge oa, tsîb ge Davidi tsîna oms ǁga ge ǁaru, ǁîb omaris dinab sī nî ǀkhaese.
1 Tsî gu ge ǃGaeǀhaos ǂGaesa, Davidi ge ǁîsa ǂhomiba hâ i Tentommi tawa sī-ū tsî ǁîb ǃnâ ge mâi. ǁNās khaoǃgâ gu ge khauǁguibadi tsî ǂkhîbagusǁguibadi tsîna Eloba ge ǁguiba. 2 Davidi ge ǁguibadeb ge dītoas khaoǃgâ, ǁaesa ǃKhūb ǀons ǃnâ ge ǀkhae. 3 Tsîb ge mâ Israelǁî aob hoab tsî taras hoasa ǀgui pereb, ǁgan-i ǃâs tsî rosainjin tsîna ge mā.
4 Davidi ge ǁkhāti ǃKhūb, Israeli di Elob, ǃGaeǀhaos ǂGaes aiǃâ ra dībahe ǃoabasa gu nî ǂgaeǂguise ǀnî Leviǁîga ge ǁgaumâi, ǁîba gu koa, kare tsî nî ǃkhōǀkhāse. 5 Asafi ge ǂgaeǂgui-aose ge ǁgaumâihe tsî Saxariaba ǁîb di ǂkhâǃnâ-aose. Jeieli, Semiramoti, Jehieli, Matitiab, Eliab, Benajab, Obed-Edommi tsî Jeieli tsîgu ge harpde nî ǀkhōse ge ǁgaumâihe. Asafi ge ǀgana ra ǀōxūde gere ǀkhō 6 tsî pristerkha Benajab tsî Jahasiel hâkha ge xâiǁnâra, ǃGaeǀhaos ǂGaes aiǃâ gere xâi. 7 ǁNā ǁaeb ai ǀguib ge Davida, ǂguro ǃnāsa Asafi tsî ǁîb ǀkha hâ Leviǁîgu tsîga ǃKhūba koaǁnaebas ǃereamsa ge mā.
Koatsanas
(Psalmdi 105:1-15Psalmdi 96:1-13Psalmdi 106:1, Psalmdi 47-48)8 Koa re ǃKhūba, kaisib âba ǂanǂan re;
tarenab ge dīsa ǃhaode mîba re.
9 Koatsanade ǃKhūba ǁnaeba re.
ǁÎb di buruxa dīga ǂhôa re.
10 ǁÎb dida a ǃkhais xa ǃgâiaǂgao re;
an ǁîba ra ǀgoreǀîn hoana dâ re.
11 ǃKhūb ǃoa huiba ôa,
î ǁîba ǀûs ose ǁgoreǀî re.
12-13 Sadu Abrahammi, ǁîb ǃgāb di suridu
Jakob ôadu, ǁîb ǁhûiǂuibasen hâdo,
ǂâi re, Elob ge dī buruxa dīgu xa
tsî ǁîb di ǀgoraǃgâdi xa.
14 ǁÎb ge ǃKhūb, sada Elob,
ǀgoraǃgâdi âb hoaraga ǃhūbaib ai a sîsenxaba.
15 Tā ǀuru, Elob di ǃgaeǀhaos,
ǀamoses nî hâseb ge dīsa.
16 ǁNā ǃgaeǀhaos Abrahammi ǀkhab ge dīsa,
ǁnā mîmâis Isakab ge mîmâibasa.
17 ǃKhūb ge Jakob ǀkha ǃgaeǀhaosa ge dī,
ǃgaeǀhaos ǀamos kōse nî hâsa.
18 ǁÎb ge ge mî:
“Tita ge Kanaanǃhūba nî mā du,
ǁîba du sadu ǃhūse nî ūhâse.”
19 Elob ǁaes ge ǃgôab ǃnâ ge ǀoro i,
Kanaanǃhūb ǃnân ge ge ǃhaokhoe i.
20 ǁÎn ge nē ǃhūba xu naub ǁga gere doema,
nē gaosisa xu nau gaosis ǁga.
21 Xaweb ge Eloba khoe-i xare-e mā-am tama ge i,
ǁîna i nî ǁgâiǀā ǃkhaisa;
ǁîn ǃaromab ge gao-aoga gere ǃkhâikhom:
22 “Tā ti ǁhûiǂuisabena ǂkhôadī;
tā ti kēbo-aoga tsūdī.”
23 ǃHūbaits hoatse ǃKhūba ǁnaeba re!
Mâ tsēs hoasa, ǁîb xa da ge huiǂuihe ǃkhaisa ǂanǂan re.
24 ǂAnǂan re ǁîb di ǃgôasiba ǃhaodi hoade,
ǁîb di ǀgaisa dīga ǁaedi hoade.
25 ǃKhūb ge a kai tsî koahesa anu;
ǁîb ge elogu hoagu ǃgâ-ai ǃaoǃgâhesa anu.
26 Nau ǁaedi elogu hoagu ge a ǁgôa-elo,
xawe ǃKhūb ge ǀhomma ge kuru.
27 ǂKhaisib tsî ǃgôasib tsîkha ge ǁîb ǂnamipe hâ,
ǀgaib tsî dâb ge ǁîb di hâǃkhaiba ra ǀoaǀoa.
28 Koa re ǃKhūba ǁaeso hoaso,
koa re ǁîb ǂkhaisib tsî ǀgaib tsîkha.
29 Koa re ǃKhūb di ǂkhaisa ǀonsa;
ǁguibade hā-ūba bi, î ǁîb Tempeli ǃnâ ǂgâ re.
ǃHonǁgoa re ǃKhūb aiǃâ, ǂkhaisib ǃnâb ga ǂhaio;
30 ǀkhū re ǁîb aiǃâ ǃhūbaib didu hoado!
ǃHūbaib ge ǁaposase mâihe hâ tsîb ge ǁnobe tide.
31 ǃGâiaǂgao re ǃhūbaib tsî ǀhommi tsîkho!
Mîba re ǃhaodi hoade ǃKhūb a gao-ao ǃkhaisa.
32 ǃGarise ǀō re hurits tsî sats ǃnâ hâdu hoado;
ǃgâiaǂgao re ǃauts tsî sats ǃnâ hâdu hoado!
33 ǃAub di haidi ge ǃgâiaǂgaob xa nî ǂgaiǂui,
ǃKhūb ga ǃhūbaibab nî gaoǂamse hāo.
34 Koa re ǃKhūba, ǁîb a ǃgâi xuige;
ǁîb di ǀnammi ge ǀamos kōse ra hâ.
35 ǁÎb ǃoa mî re: “Sâu da re, Elo sida Sâu-aotse;
ǀhaoǀhao da re; ǃhaode xu huiǂui da re,
î da satsa gangan ǁkhā
tsî sa ǃanu ǀonsa koa ǁkhā.”
36 Koa re ǃKhūb, Israeli di Eloba!
Koa bi re nēsi tsî ǀamos kōse!
Os ge hoaraga ǁaesa “Amen!” ti mî tsî ǃKhūba ge koa.
Jerusalems tsî Gibeons tsîra tawa ǀgoreǀîs
37 Gao-aob Davidi ge Asafi tsî ǁîb ǀkha hâ Leviǁîgu tsîga, ǃGaeǀhaos ǂGaes, ǃKhūb dis tawa ra dīhe ǀgoreǀîǃoabasa gu tsēkorobe nî dīse ge mâi. 38 Jedutunni ôab, Obed-Edommi tsî ǁîb di ǃnanidisiǁkhaisaǀa ǂamkhoegu tsîn ge ǁîga gere hui. Obed-Edommi tsî Hosa hâkha ge dao-amde gere ǃûi.
39 Prister Sadoki tsî ǁîb horesa pristergu tsîgu ge ǃKhūba ǀgoreǀîs di ǃkhais, Gibeons ǃnâ hâs tawa gu nî ǃoabase ge mâihe, 40 mâ ǁgoas tsî ǃuis hoasa gu ǃKhūba khauǁguibasa altars ai nî ǁguibase, ǃKhūb ge Israelǁîna mā ǂhanub ǃnâ i xoamâisa khami. 41 ǁÎgu ǀkha gu ge Hemanni tsî Jedutunni tsî nau ǃkhōǂuisa aogu tsîga ǁnāpa hâ, tsî ǃKhūba hâhâ ra ǀnammi âb ǃaroma gere koaǁnaeba. 42 Hemanni tsî Jedutun hâkha ge xâiǁnâdi, simbaldi tsî nau ǀkhōxūn, koatsanadi gere ǁnaehe, ǁaeb ai gere sîsenūhen ǂama mûǂamsa ge ūhâ i. Jedutunni di saoǃgonaogu ge dao-amde gere ǃûi.
43 ǁNās khaoǃgân ge hoaraga khoena ge oa, tsîb ge Davidi tsîna oms ǁga ge ǁaru, ǁîb omaris dinab sī nî ǀkhaese.
