ǃKhūb ge mîmâis âba nî dīǀoaǀoa
1 Mîs ǃKhūb dis ge ǀgamǁî ǃnāsa, ǃûi-ommi di ai-ommi ǃnâb noxopa ǂganamǂgāhe hâ hîa Jeremiaba ge hāba: 2 “Nētib ge ǃKhūb ǃhūbaiba kuru tsî ge ǁāǁāba ra mî, ǃKhūb ti ǀon hâba. 3 ‘ǂGaiǀî te re, o ta ge nî ǃeream tsi, tsî ta ge kai tsî ǂganǃgâsa xūn, ǀūts ge ina nî ǂanǂan tsi.’ 4 Nētib ge ǃKhūb Israeli di Eloba ra mî, Jerusalems omdi tsî Judab gao-aogu di gao-omgu, ǁkhaubasens ǂnubiǂgoaga gôab ǃoagu dīs ǃaroma khôaǁnâhe hân ǂama. 5 Xaldeaǁîn ge ǃkham nîse ra hā tsî ǁîde ǁō hâ sorodi, ti ǁaib ǃnâ ta nî ǃgam khoen didi ǀkha nî ǀoaǀoa. Tita ge ti aisa nē ǃāsa xu ge gaugau, ǁîn di ǂkhawadīb ǃaroma. 6 Tita ge ǁîsa ǂgausib tsî ǂurusib tsîkha nî hā-ūba, tsî ta ge ǁîna ǂgau tsî hâhâ ra ǂkhîb tsî ǃgâiǃgâb tsîkha nî ǂhaiǂhaiba. 7 Tita ge Judab tsî Israeli tsîkha khoena nî ǃgâiǃgâxa kai tsî ǁîna ǂguron ge ī is ǁkhās khami nî ǂnubikhâi. 8 Tita ge ǁîna tita ǃoagun ge dī ǁoren hoana xu nî ǃanuǃanu, tsî ta ge ǁîna ǁkhāti tita ǃoagun ge dī ǁoreb hoab tsî mâǃoaxasib tsîna nî ǀûba. 9 Tsîs ge nē ǃāsa tita dâb tsî koas tsî ǂkhaisib di ǀonse nî ība, hoaraga ǁaedi ǃhūbaib didi, ǁîna ta nî dība ǃgâi xūn xa nî ǁnâudi ǃnâ. ǁÎn ge ǃao tsî nî ǀkhū, hoaraga ǃgâib tsî ǃgâiǃgâb tita ǁîna ra māb ǂama.
10 “Nētib ge ǃKhūba ra mî: Nē ǃās ǁîs xa du, ‘ǃŪ-aisa ǃās, khoe-i xare-i tsî ûitsama xū-i xare-i xa ǁanǃnâhe tamas’ ti ra mîs ǃnâ tsî Judab di ǃādi tsî Jerusalems di ǀkhaiǃnâ ǃgangu, khoe-i tsî ûitsama xū-i xare-i ǁîn ǃnâ ǀkhain ǃnâ gu ge ǁkhawa nî ǁnâuhe, 11 dâb tsî ǃgâiaǂgaob di domgu tsî ǃgameǁâus di domgu tsîga. ǁKhāti gu ge nî ǁnâuhe domgu ǁnān, ganganǁguibaden ǃKhūb di omma ǃoa ra ǀkhī-ūse ra ǁnaen diga.
“Gangan re, ǃKhūb Hoaǀgaixaba,
ǁîb a ǃgâi xuige
tsî ǀnammi âb ge ǀamos kōse hâ.”
12 Nētib ge ǃKhūb Hoaǀgaixaba ra mî: Nē ǃās, khôaǂkhūsase ǁgoes, khoe-i xare-i tsî ûitsama xū-i xare-i a ǀkhaiǃnâs tsî ǁîs di ǃādi hoadi ǃnâ di ge ǁkhawa ǁanǃkhaide gūǃûi-aogu ǃaroma nî hâ. 13 ǃĀdi ǃhomxa ǃhūb tsî ǂgāxa ǃkhaib tsî ǃkhawagas didi tsî ǃādi Benjaminni ǃhūb didi tsî Jerusalems ǂnamipeb didi tsî Judab didi ǃnâ gu ge ǃûi-aoga ǁkhawa gūna nî ǃgôa,
tib ge ǃKhūba ra mî.14 ǁAeb ge nî hā, tib ge ǃKhūba ra mî, ǁîb ai ta Judab tsî Israeli tsîkha di khoena ta ge mîmâiba mîsa nî dīǀoaǀoaba. 15 ǁNā ǁaeb ǃnâ ta ge tita Davida ǂhanu-ai suriba nî hā-ūba tsîb ge ǁîba ǂhanub tsî ǂhanu-aisiba ǃhūb ǃnâ nî dī. 16 ǁNā tsēdi ǃnâb ge Judaba nî huiǂuihe tsî Jerusalems ǃnâ ǃnorasase nî ǁan. Tsî ǁnā ǁaeb ǃnâs ge ǁîsa, “ǃKhūb ge a sida ǂhanu-aisi” ti nî ǀonǂgaihe. 17 Nētib ge ǃKhūba ra mî: Davidi suriba xub ge hoaǁae, Israeli ǂama nî gao-ao kai khoeba nî hâ. 18 Tsî hoaǁae gu ge Leviǁî pristerga nî hâ, khauǁguibas tsî ǃhoroǁguibas tsî nau ǁguibade tita nî dībaga.
19 ǃKhūb di mîs ge Jeremiab ǃoa ge hā: 20 “Nētib ge ǃKhūba ra mî. Sadu ga ti ǃgaeǀhaos tsēs dis tsî ti ǃgaeǀhaos tsuxub dis tsîra ge khôa ǁkhao, tsēs tsî tsuxub tsîra mîǁguisa ǁaeb ai hā tidega, 21 os ge ti ǃgāb Davidi ǀkha ta ge dī ǃgaeǀhaos tsîna a khôahe ǁkhā; Davidi suriba xub hoaǁae, Israeli ǂama nî gao-ao kai khoeba nî hâsa, tsî ti ǃgaeǀhaos Leviǁî pristergu ti ǃoabas ǃnâ hâgu ǀkha ta ge dīsa. 22 Tita ge surib ti ǃgāb Davidi dib tsî ti ǃoaba-aogu Leviǁîgu diba ǀhommi di ǀgamiron hîa ǃgôatoahe ǁoan kōse tsî hurib amǃgâb di ǃhūb hîa ǃgôakhâihe ǁoab kōse nî ǂguiǂgui.”
23 ǃKhūb di mîs ge Jeremiab ǃoa ge hā: 24 ǃGaoǃgâ tamats hâ tare-es nē ǁaesa ra ǃhoasa. ǁÎn ge ra mî: “ǃKhūb ge ǁnā ǀgam ǃhaoǃnāra, ǁîb ge ǁhûiǂuibasen ra ge ǂhara.” ǁÎn ge ti ǁaesa ra ǃharaxū tsîs ge ǁîsa ǁîn mûǁae ǃaruǀî ǁaes ase mûhe tama hâ. 25 Xaweb ge ǃKhūba nēti ra mî: Ti ǃgaeǀhaosa tsēs dis tsî tsuxub disa ta ga dīǀoaǀoa tama io tsî ǀhommi tsî ǃhūbaib tsîkha di ǂnûiǂgāde mîǁgui tama io, 26 o ta ge ti ǃgāb Jakob tsî ti ǃgāb Davidi tsîkha suriba nî ǁnāxū. Tsî ta ge ǁîb surib di ǀguib xaweba ǁhûiǂui tide, Abrahammi, Isaki tsî Jakob tsîgu di ôananôagub ǂama nî gaose. Tita ge ǁîna nî ǀkhomxa tsî ǁkhawa nî ǃgâiǃgâxa kai.
ǃKhūb ge mîmâis âba nî dīǀoaǀoa
1 Mîs ǃKhūb dis ge ǀgamǁî ǃnāsa, ǃûi-ommi di ai-ommi ǃnâb noxopa ǂganamǂgāhe hâ hîa Jeremiaba ge hāba: 2 “Nētib ge ǃKhūb ǃhūbaiba kuru tsî ge ǁāǁāba ra mî, ǃKhūb ti ǀon hâba. 3 ‘ǂGaiǀî te re, o ta ge nî ǃeream tsi, tsî ta ge kai tsî ǂganǃgâsa xūn, ǀūts ge ina nî ǂanǂan tsi.’ 4 Nētib ge ǃKhūb Israeli di Eloba ra mî, Jerusalems omdi tsî Judab gao-aogu di gao-omgu, ǁkhaubasens ǂnubiǂgoaga gôab ǃoagu dīs ǃaroma khôaǁnâhe hân ǂama. 5 Xaldeaǁîn ge ǃkham nîse ra hā tsî ǁîde ǁō hâ sorodi, ti ǁaib ǃnâ ta nî ǃgam khoen didi ǀkha nî ǀoaǀoa. Tita ge ti aisa nē ǃāsa xu ge gaugau, ǁîn di ǂkhawadīb ǃaroma. 6 Tita ge ǁîsa ǂgausib tsî ǂurusib tsîkha nî hā-ūba, tsî ta ge ǁîna ǂgau tsî hâhâ ra ǂkhîb tsî ǃgâiǃgâb tsîkha nî ǂhaiǂhaiba. 7 Tita ge Judab tsî Israeli tsîkha khoena nî ǃgâiǃgâxa kai tsî ǁîna ǂguron ge ī is ǁkhās khami nî ǂnubikhâi. 8 Tita ge ǁîna tita ǃoagun ge dī ǁoren hoana xu nî ǃanuǃanu, tsî ta ge ǁîna ǁkhāti tita ǃoagun ge dī ǁoreb hoab tsî mâǃoaxasib tsîna nî ǀûba. 9 Tsîs ge nē ǃāsa tita dâb tsî koas tsî ǂkhaisib di ǀonse nî ība, hoaraga ǁaedi ǃhūbaib didi, ǁîna ta nî dība ǃgâi xūn xa nî ǁnâudi ǃnâ. ǁÎn ge ǃao tsî nî ǀkhū, hoaraga ǃgâib tsî ǃgâiǃgâb tita ǁîna ra māb ǂama.
10 “Nētib ge ǃKhūba ra mî: Nē ǃās ǁîs xa du, ‘ǃŪ-aisa ǃās, khoe-i xare-i tsî ûitsama xū-i xare-i xa ǁanǃnâhe tamas’ ti ra mîs ǃnâ tsî Judab di ǃādi tsî Jerusalems di ǀkhaiǃnâ ǃgangu, khoe-i tsî ûitsama xū-i xare-i ǁîn ǃnâ ǀkhain ǃnâ gu ge ǁkhawa nî ǁnâuhe, 11 dâb tsî ǃgâiaǂgaob di domgu tsî ǃgameǁâus di domgu tsîga. ǁKhāti gu ge nî ǁnâuhe domgu ǁnān, ganganǁguibaden ǃKhūb di omma ǃoa ra ǀkhī-ūse ra ǁnaen diga.
“Gangan re, ǃKhūb Hoaǀgaixaba,
ǁîb a ǃgâi xuige
tsî ǀnammi âb ge ǀamos kōse hâ.”
12 Nētib ge ǃKhūb Hoaǀgaixaba ra mî: Nē ǃās, khôaǂkhūsase ǁgoes, khoe-i xare-i tsî ûitsama xū-i xare-i a ǀkhaiǃnâs tsî ǁîs di ǃādi hoadi ǃnâ di ge ǁkhawa ǁanǃkhaide gūǃûi-aogu ǃaroma nî hâ. 13 ǃĀdi ǃhomxa ǃhūb tsî ǂgāxa ǃkhaib tsî ǃkhawagas didi tsî ǃādi Benjaminni ǃhūb didi tsî Jerusalems ǂnamipeb didi tsî Judab didi ǃnâ gu ge ǃûi-aoga ǁkhawa gūna nî ǃgôa,
tib ge ǃKhūba ra mî.14 ǁAeb ge nî hā, tib ge ǃKhūba ra mî, ǁîb ai ta Judab tsî Israeli tsîkha di khoena ta ge mîmâiba mîsa nî dīǀoaǀoaba. 15 ǁNā ǁaeb ǃnâ ta ge tita Davida ǂhanu-ai suriba nî hā-ūba tsîb ge ǁîba ǂhanub tsî ǂhanu-aisiba ǃhūb ǃnâ nî dī. 16 ǁNā tsēdi ǃnâb ge Judaba nî huiǂuihe tsî Jerusalems ǃnâ ǃnorasase nî ǁan. Tsî ǁnā ǁaeb ǃnâs ge ǁîsa, “ǃKhūb ge a sida ǂhanu-aisi” ti nî ǀonǂgaihe. 17 Nētib ge ǃKhūba ra mî: Davidi suriba xub ge hoaǁae, Israeli ǂama nî gao-ao kai khoeba nî hâ. 18 Tsî hoaǁae gu ge Leviǁî pristerga nî hâ, khauǁguibas tsî ǃhoroǁguibas tsî nau ǁguibade tita nî dībaga.
19 ǃKhūb di mîs ge Jeremiab ǃoa ge hā: 20 “Nētib ge ǃKhūba ra mî. Sadu ga ti ǃgaeǀhaos tsēs dis tsî ti ǃgaeǀhaos tsuxub dis tsîra ge khôa ǁkhao, tsēs tsî tsuxub tsîra mîǁguisa ǁaeb ai hā tidega, 21 os ge ti ǃgāb Davidi ǀkha ta ge dī ǃgaeǀhaos tsîna a khôahe ǁkhā; Davidi suriba xub hoaǁae, Israeli ǂama nî gao-ao kai khoeba nî hâsa, tsî ti ǃgaeǀhaos Leviǁî pristergu ti ǃoabas ǃnâ hâgu ǀkha ta ge dīsa. 22 Tita ge surib ti ǃgāb Davidi dib tsî ti ǃoaba-aogu Leviǁîgu diba ǀhommi di ǀgamiron hîa ǃgôatoahe ǁoan kōse tsî hurib amǃgâb di ǃhūb hîa ǃgôakhâihe ǁoab kōse nî ǂguiǂgui.”
23 ǃKhūb di mîs ge Jeremiab ǃoa ge hā: 24 ǃGaoǃgâ tamats hâ tare-es nē ǁaesa ra ǃhoasa. ǁÎn ge ra mî: “ǃKhūb ge ǁnā ǀgam ǃhaoǃnāra, ǁîb ge ǁhûiǂuibasen ra ge ǂhara.” ǁÎn ge ti ǁaesa ra ǃharaxū tsîs ge ǁîsa ǁîn mûǁae ǃaruǀî ǁaes ase mûhe tama hâ. 25 Xaweb ge ǃKhūba nēti ra mî: Ti ǃgaeǀhaosa tsēs dis tsî tsuxub disa ta ga dīǀoaǀoa tama io tsî ǀhommi tsî ǃhūbaib tsîkha di ǂnûiǂgāde mîǁgui tama io, 26 o ta ge ti ǃgāb Jakob tsî ti ǃgāb Davidi tsîkha suriba nî ǁnāxū. Tsî ta ge ǁîb surib di ǀguib xaweba ǁhûiǂui tide, Abrahammi, Isaki tsî Jakob tsîgu di ôananôagub ǂama nî gaose. Tita ge ǁîna nî ǀkhomxa tsî ǁkhawa nî ǃgâiǃgâxa kai.
