Boasi ge Ruts ǀkha ra ǃgame
1 Boasi ge ǃās di dao-ams ǃoa ǀhaoǃkhais ǁga ǃgû tsî ǁnāpa sī ge ǂnû. Tsî ǁnā ǀgū ǀaokhoeb, Boasi ge ǁîb xa ǃhoa hâ ib ge ǁnāpa hā a ǃkharu, ob ge Boasa ǂgai bi tsî “Nēpa hā ǂnû re, ti khoetse” ti ge mî. Ob ge sī ge ǂnû. 2 ǃNubuse ǁnās khaoǃgâb ge Boasa disi ǂgaeǂgui-aogu ǃās diga ǁkhāti ǂgai tsî ǁîgu ona ǁnāpa ge ǂnû kai, o gu ge ge ǂnû. 3 Ob ge Boasa ǀaokhoeb âb ǃoa ge mî: “Naomis, Moabǀkhariba xu go oaǀkhīs ge sakhom ǀgū ǀaokhoeb Elimelexi di ǃhūǃâsa ra ǁamaxū ǂgao, 4 ǁnā-amaga ta ge go ǂâi nēsa ta nî ǂanǂan tsi ǃkhaisa. ǂGaots kao nēsi ǁîba nē ǂnôagu hoagu di ais aiǃâ tsî ǁaes di ǂgaeǂgui-aogu aiǃâ ǁama. ǃEreamsats ga ǀgū ǀaokhoets ase ū ǂgao, o dī re, xawe ǂgao tamats ka io, ǁnâi mîba te re. Sats ge a ǂguro nē ǃereamsa nî ūse tsî tita ge ǀgamǁîse mâ xuige.”
Ob ge “Tita ge ǃereamsa nî ū” ti ge mî.
5 Ob ge Boasa ge mî: “ǁNā ǃhūǃâsats ga Naomisa xu a ǁama, os ge ǁkhāti Ruts Moabǁî ǃoataras ona nî sa kai, îs ǃhūǃâsa ǁō geb di surib dise hâ.”
6 Ob ge ǀaokhoeb âba ge mî: “ǁNāti nî īs kao ta ge tita ǁnā ǃhūǃâsa a ǁama ǁoa, ǁnās ra ǂâibasen xui-ao ti ǂhunuma ǀgôan ǁîba ǀumi ǁkhā tidesa. Satsa ǁnâi ǁîba ǁama, tita ge ǁnāsa dī ǁoa xuige.”
7 Israeli ǃnâs ge nēsa ǂnûiǂgāse ge ī i, xū-e ǁamagus tamas ka io māǃkhunigus tawab ge ǁamaxū-aoba ǁharos âba ǂgaeǂui tsî ǁama-aoba gere mā ǃkhaisa. ǁNātis ge ǁamaǂharugusa gere ǁapoǁapohe Israeli ǃnâ.
8 ǁNā-amagab ge nē ǀgū ǀaokhoeba, Boasi ǃoab ge “Satsa ǁîba ǁamabasen” ti mîo, ǁharos âba ǂgaeǂui tsî Boasa ge mā. 9 ǁNās khaoǃgâb ge Boasa ǂgaeǂgui-aogu tsî ǁnāpa hân hoan ǃoa ge mî: “Sadu ge nētsē a ǃkhō-amao, Elimelexi din tsî ǀgôakha Kiljonni tsî Maxlonni tsîkha din tsîn hoana ta go Naomisa xu ǁama ǃkhaisa. 10 Nēn xōǀkhā ta ge ǁkhāti Ruts, Moabǁîs, Maxlonni di ǃoatarasa tarase go hōbasen. ǁNātin ge xūn âba surib âb dise nî hâ tsîs ge ǀons âba ǀuruhe tide ǁîb di khoen ǃnâ. Sadu ge nētsē a ǃkhō-amao.”
11 On ge ǂgaeǂgui-aogu tsî ǃās di dao-ams tawa mân hoana ge mî: “Sida ge a ǃkhō-amao. ǀGore da ge ra, îb ǃKhūba nē taras, sa oms ǃnâ ra sīsa, Raxels tsî Leas tsîra khami dī, ǁîra xub ge Israels di suriba ǀkhīra. Ats ǃkhū Efratas ǃnâ, îts kaise ǂansa Betlehems ǃnâ. 12 An sa ǀgôan, ǃKhūb nē ǂkham tarasa xu nî mā tsina Peresi, Tamars tsî Judab tsîra di ôab di surib khami ī re.”
13 Nētib ge Boasa Rutsa tarase ge ūbasen tsîb ge ǁîs ǀkha ge ǁgoe. Tsî ǃKhūb ge ǁîsa ge ǀkhae, os ge ǀgamǀkhā tsî ǀgôaba ge ǁora. 14 O di ge ǃās di tarade Naomis ǃoa ge mî: “Ab ǃKhūba koahe re, sasa go nētsē ǃkhōǂhomi-aoba māba. Ab nē ǀgôaba ǂansa re Israeli ǃnâ. 15 ǁÎb ge kairasib âs ǃnâ ǀasa ǀgaiba nî mā si tsî nî ǃkhōǂhomi si. Sa ǀuiǀgôas, sasa a ǀnams, hû ǀgôaga ǃnāǂam hâse sasa harebeba hâs, ge ǁîba go ǁora.” 16 Tsî Naomis ge ǀgôaroba ū tsî tîǂams âs ai ge ǁgui tsîs ge ǁîba ge kaikai.
17 ǁÎs di ǁanǁare-aodi ge “Naomis ge ǀgôaba go ǁorabahe” ti mî tsî Obed ti ge ǀonǂgai bi.
Nēb ge Isaib di îba tsî Isaib ge Davidi di îba.
18 Nēb ge surib ǂgaekhâib Peresi diba: Peresi ge a Hesronni di î, 19 Hesronni ge a Rammi di î, Rammi ge a Aminadab di î, 20 Aminadab ge a Nasonni di î, Nasonni ge a Salmonni î, 21 Salmonni ge a Boasi î, Boasi ge a Obedi di î, 22 Obedi ge a Isaib di î tsî Isaib ge a Davidi di î.
Boasi ge Ruts ǀkha ra ǃgame
1 Boasi ge ǃās di dao-ams ǃoa ǀhaoǃkhais ǁga ǃgû tsî ǁnāpa sī ge ǂnû. Tsî ǁnā ǀgū ǀaokhoeb, Boasi ge ǁîb xa ǃhoa hâ ib ge ǁnāpa hā a ǃkharu, ob ge Boasa ǂgai bi tsî “Nēpa hā ǂnû re, ti khoetse” ti ge mî. Ob ge sī ge ǂnû. 2 ǃNubuse ǁnās khaoǃgâb ge Boasa disi ǂgaeǂgui-aogu ǃās diga ǁkhāti ǂgai tsî ǁîgu ona ǁnāpa ge ǂnû kai, o gu ge ge ǂnû. 3 Ob ge Boasa ǀaokhoeb âb ǃoa ge mî: “Naomis, Moabǀkhariba xu go oaǀkhīs ge sakhom ǀgū ǀaokhoeb Elimelexi di ǃhūǃâsa ra ǁamaxū ǂgao, 4 ǁnā-amaga ta ge go ǂâi nēsa ta nî ǂanǂan tsi ǃkhaisa. ǂGaots kao nēsi ǁîba nē ǂnôagu hoagu di ais aiǃâ tsî ǁaes di ǂgaeǂgui-aogu aiǃâ ǁama. ǃEreamsats ga ǀgū ǀaokhoets ase ū ǂgao, o dī re, xawe ǂgao tamats ka io, ǁnâi mîba te re. Sats ge a ǂguro nē ǃereamsa nî ūse tsî tita ge ǀgamǁîse mâ xuige.”
Ob ge “Tita ge ǃereamsa nî ū” ti ge mî.
5 Ob ge Boasa ge mî: “ǁNā ǃhūǃâsats ga Naomisa xu a ǁama, os ge ǁkhāti Ruts Moabǁî ǃoataras ona nî sa kai, îs ǃhūǃâsa ǁō geb di surib dise hâ.”
6 Ob ge ǀaokhoeb âba ge mî: “ǁNāti nî īs kao ta ge tita ǁnā ǃhūǃâsa a ǁama ǁoa, ǁnās ra ǂâibasen xui-ao ti ǂhunuma ǀgôan ǁîba ǀumi ǁkhā tidesa. Satsa ǁnâi ǁîba ǁama, tita ge ǁnāsa dī ǁoa xuige.”
7 Israeli ǃnâs ge nēsa ǂnûiǂgāse ge ī i, xū-e ǁamagus tamas ka io māǃkhunigus tawab ge ǁamaxū-aoba ǁharos âba ǂgaeǂui tsî ǁama-aoba gere mā ǃkhaisa. ǁNātis ge ǁamaǂharugusa gere ǁapoǁapohe Israeli ǃnâ.
8 ǁNā-amagab ge nē ǀgū ǀaokhoeba, Boasi ǃoab ge “Satsa ǁîba ǁamabasen” ti mîo, ǁharos âba ǂgaeǂui tsî Boasa ge mā. 9 ǁNās khaoǃgâb ge Boasa ǂgaeǂgui-aogu tsî ǁnāpa hân hoan ǃoa ge mî: “Sadu ge nētsē a ǃkhō-amao, Elimelexi din tsî ǀgôakha Kiljonni tsî Maxlonni tsîkha din tsîn hoana ta go Naomisa xu ǁama ǃkhaisa. 10 Nēn xōǀkhā ta ge ǁkhāti Ruts, Moabǁîs, Maxlonni di ǃoatarasa tarase go hōbasen. ǁNātin ge xūn âba surib âb dise nî hâ tsîs ge ǀons âba ǀuruhe tide ǁîb di khoen ǃnâ. Sadu ge nētsē a ǃkhō-amao.”
11 On ge ǂgaeǂgui-aogu tsî ǃās di dao-ams tawa mân hoana ge mî: “Sida ge a ǃkhō-amao. ǀGore da ge ra, îb ǃKhūba nē taras, sa oms ǃnâ ra sīsa, Raxels tsî Leas tsîra khami dī, ǁîra xub ge Israels di suriba ǀkhīra. Ats ǃkhū Efratas ǃnâ, îts kaise ǂansa Betlehems ǃnâ. 12 An sa ǀgôan, ǃKhūb nē ǂkham tarasa xu nî mā tsina Peresi, Tamars tsî Judab tsîra di ôab di surib khami ī re.”
13 Nētib ge Boasa Rutsa tarase ge ūbasen tsîb ge ǁîs ǀkha ge ǁgoe. Tsî ǃKhūb ge ǁîsa ge ǀkhae, os ge ǀgamǀkhā tsî ǀgôaba ge ǁora. 14 O di ge ǃās di tarade Naomis ǃoa ge mî: “Ab ǃKhūba koahe re, sasa go nētsē ǃkhōǂhomi-aoba māba. Ab nē ǀgôaba ǂansa re Israeli ǃnâ. 15 ǁÎb ge kairasib âs ǃnâ ǀasa ǀgaiba nî mā si tsî nî ǃkhōǂhomi si. Sa ǀuiǀgôas, sasa a ǀnams, hû ǀgôaga ǃnāǂam hâse sasa harebeba hâs, ge ǁîba go ǁora.” 16 Tsî Naomis ge ǀgôaroba ū tsî tîǂams âs ai ge ǁgui tsîs ge ǁîba ge kaikai.
17 ǁÎs di ǁanǁare-aodi ge “Naomis ge ǀgôaba go ǁorabahe” ti mî tsî Obed ti ge ǀonǂgai bi.
Nēb ge Isaib di îba tsî Isaib ge Davidi di îba.
18 Nēb ge surib ǂgaekhâib Peresi diba: Peresi ge a Hesronni di î, 19 Hesronni ge a Rammi di î, Rammi ge a Aminadab di î, 20 Aminadab ge a Nasonni di î, Nasonni ge a Salmonni î, 21 Salmonni ge a Boasi î, Boasi ge a Obedi di î, 22 Obedi ge a Isaib di î tsî Isaib ge a Davidi di î.
