1 Tsî koroǁî ǀhomǃgāb ge ǁîb di xâiǁnâsa ge xâi, o ta ge ǀgamiro-i ǀhomma xu ǃhūbaib ai ra ǁnā-i hîa ǃgam āb di ǁkhowa-amma ra māhe-e ge mû. 2 Nē ǀgamiros ge ǃgam āba ǁkhowa-am, ob ge kai ǁganoms di ǀanni khami ī ǀanna ǁnāpa xu ǂoaxa tsî sores tsî ǃāǂuisab tsîna ge ǃkhaeǃkhae. 3 ǂHomn ge ǀanna xu ǃhūbaib ai ge ǁgôaxa tsî ǁkhā ǁkhāsib ǃhūbaib ain ǀhūna ūhâba ge māhe. 4 Tsîn ge ǀgân, hain, tamas ka io ǁhao-i xare-i ǃhūbaib di-en ǂkhôa tide ǃkhaisa ge mîbahe, xawen nî ǁnā khoen hîa Elob di saosa ǃūdi ân ai ūhâ tamana ǂkhôasa. 5 Tsî gu ge khoena gu nî koro ǁkhâgu ǁaeba tsâtsâ xawe gu ǁîna ǃgam tide ǃkhaisa ge mā-amhe. Tsûb ǁîn gere hōb ge ǀhūb di ǃkhās xase ge ī i. 6 ǁÎn ge ǁnā koro ǁkhâgu di ǁaeb ǃnâ ǁōba nî ôa, xawe hō bi tide. ǁŌb ge ǁîna xu nî ǁhâ.
7 Nē ǂhomn ge torob ǃaroma ǂhomihe hâ hān khami ge ī i. Danadi ain ge ǃhuniǀuri krondi khami ī xūna ge ūhâ i tsî aidi ân ge khoe-i didi khami ge ī i. 8 ǀÛn ân ge tarekhoes din khami ge ī i tsî ǁgûgu âna xamgu din khami. 9 Tsîn ge ǁkhaiǁkhausaraga* ge ūhâ i tsî ǁgapogu ân di ǀōb ge torokunidi, ǂgui hān torob ǃoa ra ǃkhoen ǀkha hâdi di ǀōb axase ge ī i. 10 ǂAregu ân ge ǀhūb dib xase ge ī i tsî ǃnomga ge ūhâ i, koro ǁkhâgu ǁaeba khoena tsûtsûs di ǁkhāsiba ge ūhâ iga. 11 Tsîn ge ǁîn ǂama ǃgam āb di ǀhomǃgāba gao-aose ge ūhâ i. ǁÎb ge Hebregowab ǃnâ Abadon tsî Grikegowab ǃnâ Apollion ti gere ǀonǂgaihe.
12 ǂGuro ǁkhōǁkhōsa tsūb ge go ǃgû-ī; nēn khaoǃgâ kha ge noxopa ǀgam tsūkha nî hā.
13 Tsî ǃnaniǁî ǀhomǃgāb ge ǁîb di xâiǁnâsa xâi, o ta ge dom-i Elob aiǃâ hâ ǃhuniǀuri altars di haka ǁhôade xu ra ǀkhī-e ge ǁnâu. 14 Nē dom-i ge “ǁNā haka ǀhomǃgāgu, kai ǃāb Eufrati tawa ǃgaemâihe hâga sī xore” ti ǃnaniǁî ǀhomǃgāb, xâiǁnâsa ǃomǁae ūhâb ǃoa ge mî. 15 Nē haka ǀhomǃgāgu ge ge xorehe, ǃnonaǁîǃâb ǃhūbaib ai hâ khoen diba gu nî ǃgamse. Elob ge ǁîga nē ǂhunuma ǁaeb, tsēs, ǁkhâb tsî kurib ǃaroma ǂhomisase ge ūhâ i. 16 Tsî ta ge mâtikō hātoroǃkhamaogu hâ ǃkhais di ǂanǂansa ge ǁnâu. ǁÎgu ge ge ǀgamkaidisi ǀoadisiǀoadisi i. 17 Tsî ta ge nē ǁhapos ǃnâ hāga ge mû tsî ǃgapi-aogu hîa hāgu ai ǂnôagu ge ǁkhaiǁkhausaragu ǀaes khami ǀapa, safir-i khami ǂhoa tsî sulfur-i khami ǃhuniga ge ǂgaeǂgā hâ i. Tsî hāgu di danadi ge xamgu di danadi khami ge ī i tsî amǃnâgu âga xun ge ǀaes tsî ǀanni tsî sulfur-i tsîna gere ǂoaxa. 18 Nē ǃnonan ǀkhas ge ǃnonaǁîǃâs khoen disa ge ǃgamhe, ǀaes tsî ǀanni tsî sulfuri hîa ǁîgu di amǃnâga xu gere ǂoaxan ǀkha. 19 ǀGaib hāgu dib ǁîgu di ǂaregu ǃnâ tsî ǁkhāti amǃnâgu âgu ǃnâ hâ xui-ao. ǂAregu âgu ge danade ūhâ ǀaon, tsûsase ra nân khami ge ī i.
20 Nē tsûtsû-aidi xa ǃgamhe tama khoen hoan ge ǁîn ge aitsama a kurubasen ǁgôa-eloga xu ǃhobasen tama ge i. ǁÎn ge ǁgâuagu* tsî ǁîn di elogu hîa ǃhuniǀurib, ǀhaiǀurib, brons-i, ǀuib tamas ka io hai-i ǀkha kurusagu, mû, ǁnâu tamas ka io ǃgû ǁoaga gere ǀgoreǀî. 21 ǁKhātin ge ǃgams, ǃgaidīb, ǀaib tamas ka io ǃnariba xu ge ǃhobasen tama hâ i.
1 Tsî koroǁî ǀhomǃgāb ge ǁîb di xâiǁnâsa ge xâi, o ta ge ǀgamiro-i ǀhomma xu ǃhūbaib ai ra ǁnā-i hîa ǃgam āb di ǁkhowa-amma ra māhe-e ge mû. 2 Nē ǀgamiros ge ǃgam āba ǁkhowa-am, ob ge kai ǁganoms di ǀanni khami ī ǀanna ǁnāpa xu ǂoaxa tsî sores tsî ǃāǂuisab tsîna ge ǃkhaeǃkhae. 3 ǂHomn ge ǀanna xu ǃhūbaib ai ge ǁgôaxa tsî ǁkhā ǁkhāsib ǃhūbaib ain ǀhūna ūhâba ge māhe. 4 Tsîn ge ǀgân, hain, tamas ka io ǁhao-i xare-i ǃhūbaib di-en ǂkhôa tide ǃkhaisa ge mîbahe, xawen nî ǁnā khoen hîa Elob di saosa ǃūdi ân ai ūhâ tamana ǂkhôasa. 5 Tsî gu ge khoena gu nî koro ǁkhâgu ǁaeba tsâtsâ xawe gu ǁîna ǃgam tide ǃkhaisa ge mā-amhe. Tsûb ǁîn gere hōb ge ǀhūb di ǃkhās xase ge ī i. 6 ǁÎn ge ǁnā koro ǁkhâgu di ǁaeb ǃnâ ǁōba nî ôa, xawe hō bi tide. ǁŌb ge ǁîna xu nî ǁhâ.
7 Nē ǂhomn ge torob ǃaroma ǂhomihe hâ hān khami ge ī i. Danadi ain ge ǃhuniǀuri krondi khami ī xūna ge ūhâ i tsî aidi ân ge khoe-i didi khami ge ī i. 8 ǀÛn ân ge tarekhoes din khami ge ī i tsî ǁgûgu âna xamgu din khami. 9 Tsîn ge ǁkhaiǁkhausaraga* ge ūhâ i tsî ǁgapogu ân di ǀōb ge torokunidi, ǂgui hān torob ǃoa ra ǃkhoen ǀkha hâdi di ǀōb axase ge ī i. 10 ǂAregu ân ge ǀhūb dib xase ge ī i tsî ǃnomga ge ūhâ i, koro ǁkhâgu ǁaeba khoena tsûtsûs di ǁkhāsiba ge ūhâ iga. 11 Tsîn ge ǁîn ǂama ǃgam āb di ǀhomǃgāba gao-aose ge ūhâ i. ǁÎb ge Hebregowab ǃnâ Abadon tsî Grikegowab ǃnâ Apollion ti gere ǀonǂgaihe.
12 ǂGuro ǁkhōǁkhōsa tsūb ge go ǃgû-ī; nēn khaoǃgâ kha ge noxopa ǀgam tsūkha nî hā.
13 Tsî ǃnaniǁî ǀhomǃgāb ge ǁîb di xâiǁnâsa xâi, o ta ge dom-i Elob aiǃâ hâ ǃhuniǀuri altars di haka ǁhôade xu ra ǀkhī-e ge ǁnâu. 14 Nē dom-i ge “ǁNā haka ǀhomǃgāgu, kai ǃāb Eufrati tawa ǃgaemâihe hâga sī xore” ti ǃnaniǁî ǀhomǃgāb, xâiǁnâsa ǃomǁae ūhâb ǃoa ge mî. 15 Nē haka ǀhomǃgāgu ge ge xorehe, ǃnonaǁîǃâb ǃhūbaib ai hâ khoen diba gu nî ǃgamse. Elob ge ǁîga nē ǂhunuma ǁaeb, tsēs, ǁkhâb tsî kurib ǃaroma ǂhomisase ge ūhâ i. 16 Tsî ta ge mâtikō hātoroǃkhamaogu hâ ǃkhais di ǂanǂansa ge ǁnâu. ǁÎgu ge ge ǀgamkaidisi ǀoadisiǀoadisi i. 17 Tsî ta ge nē ǁhapos ǃnâ hāga ge mû tsî ǃgapi-aogu hîa hāgu ai ǂnôagu ge ǁkhaiǁkhausaragu ǀaes khami ǀapa, safir-i khami ǂhoa tsî sulfur-i khami ǃhuniga ge ǂgaeǂgā hâ i. Tsî hāgu di danadi ge xamgu di danadi khami ge ī i tsî amǃnâgu âga xun ge ǀaes tsî ǀanni tsî sulfur-i tsîna gere ǂoaxa. 18 Nē ǃnonan ǀkhas ge ǃnonaǁîǃâs khoen disa ge ǃgamhe, ǀaes tsî ǀanni tsî sulfuri hîa ǁîgu di amǃnâga xu gere ǂoaxan ǀkha. 19 ǀGaib hāgu dib ǁîgu di ǂaregu ǃnâ tsî ǁkhāti amǃnâgu âgu ǃnâ hâ xui-ao. ǂAregu âgu ge danade ūhâ ǀaon, tsûsase ra nân khami ge ī i.
20 Nē tsûtsû-aidi xa ǃgamhe tama khoen hoan ge ǁîn ge aitsama a kurubasen ǁgôa-eloga xu ǃhobasen tama ge i. ǁÎn ge ǁgâuagu* tsî ǁîn di elogu hîa ǃhuniǀurib, ǀhaiǀurib, brons-i, ǀuib tamas ka io hai-i ǀkha kurusagu, mû, ǁnâu tamas ka io ǃgû ǁoaga gere ǀgoreǀî. 21 ǁKhātin ge ǃgams, ǃgaidīb, ǀaib tamas ka io ǃnariba xu ge ǃhobasen tama hâ i.
